‘Di lang daw idinidispley… POPS, 58-ANYOS NA, MABENTA PA RIN SA MGA BAGETS

ni Erlinda Rapadas @Teka Nga | June 26, 20255

Photo: Pops Fernandez - IG

Marami ang nagsasabing hindi tumatanda ang tinaguriang Concert Queen na si Pops Fernandez. Maganda pa rin siya at malakas ang karisma, kaya naman hindi nakapagtataka na marami pa rin ang umaaligid at nagpaparamdam sa kanya kahit 58 years old na siya ngayon.

Nang mag-guest si Pipay (Pops) sa Fast Talk with Boy Abunda (FTWBA), inamin niya na may mga bagets siyang nakarelasyon. Hindi nga lang alam ng publiko dahil hindi niya idini-display at hindi ipino-post sa social media. 

Meron ding na-link sa kanya na isang pulitiko. Naging malapit noon si Pops sa billionaire businessman na si Chavit Singson, kaya marami ang nag-akala na may something special sila. 

Pero sey ni Manong Chavit nang matanong tungkol sa closeness nila ni Pops Fernandez, “She’s just a good friend.” 

Pati nga si Vina Morales ay natsismis din noon sa business tycoon.

---

Masaya na rin kay Sue… DOMINIC, WISH NA MAGING HAPPY SINA BEA AT VINCENT

HINDI pa rin maiwasan ni Dominic Roque na matanong sa kanya si Bea Alonzo ng ilang entertainment press kapag nakikita siya sa mga events. 

Kahit na may Sue Ramirez na sa kanyang buhay at si Bea naman ay may Vincent Co na rin, marami pa rin ang interesado sa nagdaan nilang relasyon ni Bea.

Pero sabi nga ni Dominic ay nag-quit na siya sa showbiz noon pang 2018 at hindi na siya nag-aartista. May mga negosyo siyang pinagkakaabalahan at may mga kaibigan na nag-o-organize ng mga events na tinutulungan niya. 

Isa na ring content creator ngayon si Dominic, kaya tahimik na ang kanyang buhay. Ayaw na rin niyang magpa-interview tungkol sa relasyon nila ni Sue. Ang aktres na raw ang bahalang magbigay ng update sa media tungkol sa real status nila ngayon.

At sa mga nagtatanong sa kanyang reaction ngayong may bago nang BF si Bea na isang rich businessman na si Vincent, isa lang ang kasagutan ni Dominic — wish niya ang kaligayahan ng dalawa. 

Well, hanggang ngayon, maraming fans nina Dominic at Bea Alonzo ang labis na nanghihinayang na nagkahiwalay sila at hindi nauwi sa kasal ang kanilang relasyon. Bagay na bagay pa naman sila. 

---

FAMILY decision para kay Ivana Alawi ang balak nilang ibenta ang kanilang mansion sa Bahrain. Five years ago na itong ipina-renovate ni Ivana pero wala namang nakatira at walang magme-maintain. 

Ang mansion na ito ay ipinamana kay Ivana ng yumao niyang ama. Pero sa ‘Pinas pa rin gustong manirahan ng kanyang ina at mga kapatid, kaya plano nilang ibenta na lamang ang mansion sa Bahrain.

Well, may ilang mga bashers ang nang-iintriga at nagsasabing hindi naman daw totoong bahay nina Ivana ang ipinakita niya noon sa kanyang vlog. Pero pinaninindigan ni Ivana na totoong bahay nila ‘yun sa Bahrain at ‘yun ang kanyang aasikasuhin na

ibebenta. Agree naman ang kanyang mom at mga kapatid.

Nang kumita nang malaki si Ivana sa kanyang vlog, ibinili niya ng bahay at sasakyan ang kanyang ina. Natulungan na rin niya ang kanyang mga kapatid. Tuluy-tuloy ang pagkita niya nang milyun-milyon at may mga product endorsements pa siya. 

Nagse-share naman siya ng blessings sa mga nangangailangan. 

Umaapaw ang suwerte ni Ivana Alawi, pero pagdating sa love life ay mailap sa kanya na matagpuan ang kanyang ‘the one’. Hirap siyang makakita ng true love.

Taob kay Darren… BILLY, MAS BONGGA ANG CAREER SA FRANCE KESA SA ‘PINAS

ni Erlinda Rapadas @Teka Nga | June 25, 20255

Photo: Billy Crawford - IG

Marami ang nagtataka at nagtatanong kung bakit hanggang ngayon ay hindi pa nakakapag-solo concert si Billy Crawford dito sa ‘Pinas. Naunahan pa siya ni Darren Espanto at ng iba pang baguhang singers. 

Mas nag-hit si Billy sa Paris, France at big hit ang kanyang concert na ginanap sa Olympia Stadium. Dinumog at tinangkilik ng mga French ang kanyang concert, ganu’n din ng ilang Pinoy na naninirahan doon. 

Ilang taon ding nanirahan noon sa Paris si Billy dahil nag-hit ang kanyang ini-record na single na Trakking. Mahusay ding magsalita ng French si Billy, kaya at home na at home siya ‘pag nasa nasabing bansa. 

Well, pursigido si Billy sa kanyang career ngayon dahil parating ang kanilang Baby No. 2 ni Coleen. Kapag nasa ‘Pinas si Billy ay ang pagho-host ng mga reality-talent shows ang kanyang pinagkakaabalahan. 

Well, bukod sa singing at dancing, forte ni Billy Crawford ang hosting kaya hindi siya nababakante sa trabaho.

---

‘Di apektado sa mga nangungulit… KARYLLE AT YAEL, HAPPY KAHIT WALA PA RING ANAK

TEN years nang mag-asawa sina Karylle at Yael Yuzon. Kaya kapag binabalikan nila ang kanilang nakaraan, madalas ay sinasabi nilang hindi nila expected na sila ay magkakatuluyan. 

Hindi raw kasi madaling ma-fall sa babae si Yael, at si Karylle naman ay may pagka-conservative type. 

Pero ang hindi malilimutan ni Karylle ay ang ginawang pagpu-push nina Luis Manzano at Billy Crawford kay Yael upang sila ay magkalapit sa isa’t isa. Bale sina Luis at Billy ang naging tulay at matchmaker nila, at hindi sila nabigo sa kanilang pagiging kupido. 

Dahil parehong mahilig sa musika, nagkasundo at tumagal ang pagsasama nina Karylle at Yael. Anak na lang ang kulang sa kanila upang ganap na makumpleto ang kanilang kaligayahan. 

Ganunpaman, hindi nagpapa-pressure sina Karylle at Yael sa pangungulit ng mga tao sa kanilang paligid. Naniniwala si Karylle na darating din sa tamang panahon ang kanilang “little angel”. 

Besides, masaya naman sila ngayon sa kanilang married life.

---

PUNO ng action at mabilis ang pacing ng bagong action serye nina Jennylyn Mercado at Dennis Trillo, ang Sanggang Dikit FR (SDFR). 

Napasabak si Jen sa kanyang role bilang pulis. Ang cute ng mga eksena nila ni Dennis bilang magka-tandem sa paglaban sa masasama. 

Pahinga muna si Dennis sa mga madadramang pagganap, ganoon din si Jennylyn. At dahil husband and wife sila in real life, kampante sila sa kanilang mga eksena sa SDFR.

At kahit magaling na dramatic actress si Jennylyn, humihingi siya ng advice kay Dennis kung paano gagawin ang ilang action scenes. Kailangan na astig ang porma ni Jen dahil mga gangsters ang kanilang kalaban. 

Well, physically demanding ang role nina Jen at Dennis bilang mga police officers sa SDFR pero magaan at hindi sila emotionally drained. 

In fact, excited si Jennylyn sa kanyang mga action scenes.

Samantala, marami naman ang humanga kay Dennis Trillo dahil hindi siya nagpapa-double sa mga delikadong stunts na kanyang ginagawa sa serye. Kinakarir niya ang kanyang pagiging police officer.

---

MATAGAL nang mag-BFF sina Mikee Quintos at Mikoy Morales. Malalim ang kanilang pinagsamahan bilang magkaibigan, nagdadamayan sila kapag may problema ang isa’t isa. Magkasama silang nagdiriwang sa panahon ng kanilang tagumpay.

Kaya naman, mistulang magkapatid na ang turingan nina Mikee at Mikoy. 

Masaya ang aktres dahil natagpuan na ni Mikoy ang kanyang “the one” at plano na nga nilang magpakasal. 

At dahil si Mikee ang BFF ni Mikoy, siya na rin ang kinuhang best woman ng aktor sa kanyang kasal. Sa halip na ‘best man’, ‘best woman’ ang gusto ni Mikoy na maging bahagi sa araw ng kasal nila ng nobyang si Iza Garcia.

Samantala, super-proud naman ang parents ni Mikee Quintos dahil nag-graduate na ito sa kursong Architecture. Nagawang pagsabayin ni Mikee ang kanyang career at pag-aaral. Malaking achievement ito para kay Mikee dahil may maipagmamalaki na siya.

Bagong BF, inilantad na… MAX, MAY-EDAD NA SPANISH GUY ANG IPINALIT KAY PANCHO

ni Erlinda Rapadas @Teka Nga | June 19, 20255

Photo: Max Collins - IG

Deserve ni Max Collins ang lumigaya at magkaroon ng love life matapos ang paghihiwalay nila ni Pancho Magno. Annulled na ang kanilang kasal kaya malaya na si Max na makita siyang may ka-date. 

Balitang Spanish guy na medyo may-edad sa kanya ang bagong karelasyon ni Max. 

Wala namang problema sa pagpapalaki sa anak nila ni Pancho dahil co-parenting ang setup nila. In good terms sina Max at Pancho, kaya komportable silang magkita at magkasama sa mga events ng kanilang anak na si Skye.

Nahaharap na rin ni Max ang kanyang career dahil maayos na ang setup nila ng dating mister. Nakakatanggap na siya ng movie at TV projects. 

Kasama si Max Collins sa pelikulang Only We Know (OWK) na pinagbibidahan nina Dingdong Dantes at Charo Santos. 

Pang-leading lady pa rin ang porma ng katawan niya at puwede rin siyang gumanap bilang bida o kontrabida.

---

NATUTUWA ang mga fans at supporters ni Kyline Alcantara sa nakikita nilang pagbabago sa buhay ng Kapuso actress ngayon. Nakapag-move on na ito matapos ang breakup sa basketball player na si Kobe Paras. 

Bagama’t nasaktan dahil totoong minahal niya si Kobe, na-realize naman ni Kyline na mas dapat bigyan niya ng priority ang kanyang career, at marami ang nagmamahal at nagmamalasakit sa kanya. 

Sinunod ni Kyline ang payo ng malalapit na kaibigan na dapat ay mahalin niya ang kanyang sarili bago ibuhos ang pagmamahal sa ibang tao. Naging matatag si Kyline sa panahon na kailangan na niyang mag-move on.

Mabuti na lang at may bagong serye siyang ginagawa sa GMA Network, ang Beauty Empire (BE), kasama sina Ruffa Gutierrez at Barbie Forteza. 

May pagka-offbeat ang role niya bilang CEO ng isang kumpanya sa katauhan ni Shari De Jesus. Magiging mahigpit niyang kakumpitensiya si Barbie at matitindi ang kanilang mga eksenang bardagulan. 

Ang BE ay joint venture ng GMA Network, Viu at Creazion Studios.

---

Mister, ‘di raw inaasikaso… SIRANG SAPATOS NI DINGDONG, ISINISISI KAY MARIAN

PARA sa mga fans, hindi big deal kung sira ang naisuot na sapatos ni Dingdong Dantes nang dumalo sa block screening ng pelikulang Only We Know (OWK). 

Natatawa na lang ang Primetime King at ipinost pa niya sa social media ang sira niyang sapatos. 

Komento ng iba, baka matagal nang hindi naisusuot ang ginamit na sapatos ng aktor. Usually, kapag naka-stock nang matagal ang sapatos ay bumibigay ito at nasisira kahit gaano pa ito kamahal.

Ganunpaman, may ilang bashers na isinisisi kay Marian Rivera ang pagsusuot ni Dingdong ng sirang sapatos. Bilang asawa, tungkulin daw niya na ayusin at i-check ang mga gamit ng mister bago umalis upang hindi mapahiya. 

Pero todo-tanggol ang mga fans ni Marian at hindi raw kasalanan ng aktres kung sira ang naisuot na sapatos ng mister. Minsan, hindi talaga maiiwasan na may ganitong pangyayari.

---

Mga hirap nu’ng kapapanganak lang, ibinulgar…

SIGAW NG MADIR NG ANAK: SEF, NAGPAPANGGAP LANG NA MABUTING AMA

MARAMI ang nagtatanong kung hiwalay na rin ba si Sef Cadayona sa non-showbiz girlfriend niyang si Nelan Vivero. 

Two years silang magkarelasyon at nagli-live-in na. May anak na rin sila. 

Nang mag-guest si Sef sa All-Out Sundays (AOS) bilang bahagi ng Father’s Day celebration, may post sa kanyang Instagram (IG) si Nelan kung saan kinuwestiyon ang pagiging ama ni Sef. Nagpi-pretend lang daw ito na isa siyang mabuting ama.

Bahagi pa ng emote ng dating karelasyon ni Sef ay dumanas siya ng matinding pagdurusa lalo na noong kapapanganak pa lang niya. 

Well, marami ang nagtataka sa ibinunyag na ito ng dating girlfriend ni Sef. Sa pagkakaalam daw nila ay mabait ang aktor at mapagmahal sa pamilya. 

Lapitin ng mga babae ang aktor dahil sa pagiging comedian niya. Napaibig nga niya at naging nobya ang magandang aktres ng GMA-7 na si Andrea Torres.

Well, very talented si Sef Cadayona at matagal siyang naging bahagi noon ng Bubble Gang (BG).