Nagparetoke? JINKEE, KAMUKHA NA NI KRISTINE, MAS MATAPANG LANG ANG HITSURA

ni Erlinda Rapadas @Teka Nga | July 29, 2025

Photo File: JInkee Pacquiao - IG

Maraming netizens ang nagtatanong kung may ipinaayos ba si Jinkee Pacquiao sa kanyang mukha? Kapansin-pansin kasi na may pagkakahawig na sila ni Kristine Hermosa ngayon. 

Si Kristine kaya ang peg ni Jinkee? Ilang beses na raw na nakikita si Jinkee sa ilang events at napagkakamalan nga siya na si Kristine Hermosa.

Ganunpaman, kailangan lang na medyo maging soft at sweet ang kanyang aura tulad ni Kristine Hermosa. Medyo matapang (fierce) at suplada kasi ang mukha ni Jinkee Pacquiao. Bihirang-bihira siyang ngumiti at laging pormal. At parang laging may pader na harang at hindi basta-basta nalalapitan.

Wala ring circle of friends si Jinkee na taga-showbiz. Hindi siya buddy-buddy sa mga artista. At mukhang ang mga taga-GenSan lang ang kanyang mga amigas.

---

Wala man lang daw pasabi…

ALDEN, NO SHOW SA PRE-GMA GALA DINNER

MARAMI ang nagtatanong at nagtataka kung bakit no show si Alden Richards sa ginanap na pre-GMA Gala Dinner nu’ng Huwebes?

Wala raw anumang pasabi o explanation mula sa kampo ng actor kung bakit hindi ito nakasipot sa important event ng GMA Network? 

Marami ang naghanap kay Alden pero walang makapagsabi kung bakit inisnab niya ang pre-GMA Gala dinner.

Nagkasakit ba siya o may mahalagang lakad? May tampo ba siya sa Kapuso Network? May demand ba siyang hindi napagbigyan?! 

Well, may ilang nagsasabi naman na baka sobrang napagod lang si Alden (physically and emotionally) dahil sa dami ng kanyang pinagkakaabalahang gawin. 

Maaaring na-burn-out na siya kaya minabuti  munang magpahinga at magkaroon ng privacy. Tao lang naman si Alden na napapagod din.

Hindi naman issue para sa GMA Network ang hindi pagsipot ni Alden sa pre-GMA Gala dinner. Inirerespeto nila ang karapatan ng aktor. 

Recently ay lumabas si Alden Richards upang mamahagi ng relief goods para sa mga binaha.

---

PINAMUNUAN ni Heart Evangelista ang pamamahagi ng relief goods sa mga binaha sa Calumpit, Bulacan. 

Kasama ni Heart ang iba pang maybahay ng mga senador na bumubuo sa Senator Spouses Foundation. Nag-charity work sila upang damayan ang mga residente ng Calumpit na inabot ng matinding pagbaha. Namigay sila ng bigas, groceries, damit, atbp. gamit. 

Sa ganitong charity work ay maaasahan si Heart Evangelista. Kinalilimutan muna niya ang pagiging fashion icon. Gustung-gusto niya ang makatulong sa mga nangangailangan.

Kaya naman proud na proud sa kanya si Senate President Chiz Escudero. Aktibung-aktibo si Heart sa mga projects ng Senate Spouses Foundation. 

So far, maganda ang feedback kay Heart sa kanyang pamumuno sa Senator Spouses Foundation, Inc..

---

Pagluluto at panonood ng sine ang bonding… 

DINA AT MISTER NI DANICA NA SI MARC, SUPER CLOSE

MAHILIG din palang magluto ang mister ni Danica Sotto na si Marc Pingris, kaya sila nagkakasundo ng kanyang mom-in-law na si Dina Bonnevie.

Naging cooking buddies sina Dina at Marc. ‘Pag may bagong recipe si Dina ay nagpapaturo si Marc. Kaya naman, hats-off si Bonnevie sa kanyang manugang. 

Mahilig ding manood ng sine si Dina Bonnevie kaya niyayaya siya ng movie date nina Danica at Marc. Panatag ang loob ni Dina na si Marc ang napangasawa ni Danica.

Mabait si Marc, masipag, marespeto at responsableng padre de familia. At kahit hindi milyonaryo si Marc Pingris, alam ni Dina Bonnevie na mabibigyan  nito ng magandang future si Danica at ang kanilang mga anak.

Nauntog sa kasalanan… YEN, NAG-SORRY NA KAY LJ SA PANG-AAGAW KAY PAOLO

ni Erlinda Rapadas @Teka Nga | July 28, 2025

Photo File: Yen Santos - YT

Maraming netizens ang naghihintay sa sagot o reaction ni LJ Reyes sa ginawang pagso-sorry ni Yen Santos dahil nasaktan siya nito nang makipagrelasyon ang aktres kay Paolo Contis.

Inamin ni Yen ang kanyang pagkakamali at na-realize niya na may nagawa siyang kasalanan kay LJ.

Bagama’t hindi naman direktang tinukoy ni Yen si LJ, alam ng lahat na siya ang karelasyon ni Paolo bago siya pumasok at naging third party. May anak ang aktor kay LJ.

At ngayong nauntog na si Yen, saka siya nagsisisi na nakipagrelasyon siya kay Paolo. 

Nauwi rin naman sa paghihiwalay ang lahat. Hindi raw naging maganda ang kanyang dinanas sa piling ni Paolo at tinawag pa niya itong isang “bangungot”.

Samantala, dedma at hindi nag-comment ang aktor sa pasabog at rebelasyon ni Yen. No reaction o ‘NR’ siya para hindi na lumaki ang isyu.

Ang inaabangan ng lahat ay ang reaction o comment ni LJ Reyes sa pagso-sorry ni Yen Santos sa kanya.

---

UMABOT na sa 19.4 million ang mga subscribers ni Ivana Alawi. Kaya naman muli siyang nagse-share ng kanyang blessings sa mga nasalanta ng baha dulot ng bagyong Crising. Namigay si Ivana ng ayuda sa mga nangangailangan, lalo na ‘yung mga mahihirap na nagtitinda sa daan.

Bukod dito, namili rin si Ivana ng mga laptop at tablet para sa mahihirap na estudyante. Lagi itong ginagawa ng aktres-vlogger at nagse-share ng kanyang blessings kapag kumikita siya sa kanyang vlog.

Kaya naman patuloy siyang sinusuwerte sa buhay. Sana, ganito rin ang gawin ng mga top content creators na kumikita nang milyones, ganoon din ng ilang showbiz celebrities na milyun-milyon ang kinikita sa pelikula at mga endorsements.

Maaasahan kayang tumulong sa mga binaha sina Sharon Cuneta, Vice Ganda, Manny Pacquiao, Alex Gonzaga, Zeinab Harake, Anne Curtis at iba pa?

At least, si Coco Martin ay tumutulong ngayon at nagbibigay ng ayuda sa mga binaha.

---

Haba ng hair ng ex mo, Alwyn…

JENNICA, MAY 2 RICH NA NON-SHOWBIZ SUITORS

ANG haba ng hair ni Jennica Garcia dahil may dalawang rich non-showbiz guys na nanliligaw ngayon sa kanya. Isa raw sa kanyang mga suitors ay may dalawang restaurants. Negosyante rin ‘yung isa pa na nagpaparamdam.

Pareho raw seryoso sa panliligaw sa aktres ang dalawang guys.

Pero dahil Christian na si Jennica ay hindi siya pumatol sa dalawang rich suitors. Kahit minsan ay nakakaramdam na rin siya ng pagod sa pagte-taping, sinisikap niyang maitaguyod ang kanyang mga anak sa kabila ng kanyang pagiging single mom.

Masipag at matibay ang loob ng aktres. Hangga’t kaya niya ay hindi siya humihingi ng tulong sa kanyang mga partido, lalo na sa kanyang mom na si Jean Garcia. Kinakaya niya ang lahat ng problema at responsibilidad sa kanyang mga anak.

Nagpapasalamat si Jennica sa Diyos dahil patuloy na dumarating ang mga blessings sa kanyang buhay. Hindi siya nawawalan ng projects ngayon kaya maayos niyang naibibigay ang mga pangangailangan ng kanyang mga anak.

---

MUKHANG maganda ang pagsasama nina Carla Abellana at Ashley Ortega sa isang upcoming serye ng GMA Network, ang The Sisters (TS).

Mahusay na dramatic actress si Carla, powerful ang kanyang performance sa bawat project na ibinibigay sa kanya ng GMA-7. Napatunayan na rin ni Carla ang kanyang pagiging bankable actress dahil halos dalawang dekada na siyang Kapuso artist. Nakatrabaho na niya ang mga sikat na artista at ang magagaling na veteran stars.

Si Ashley Ortega naman ay subok na ang pagiging versatile actress, kaya niya ang bida o kontrabida role. Tiyak na makikipagsabayan siya kay Carla sa aktingan. Magkakatulungan sila at hindi magkakasapawan sa The Sisters.

Milyones, nasaid nang matalong senador? WILLIE, NAGSAWA NA SA PAGTULONG, DEDMA SA MGA BIKTIMA NG BAGYO AT BAHA

ni Erlinda Rapadas @Teka Nga | July 27, 2025

Photo File: Willie Revillame - Will To Win

Maraming lugar ang binaha nang humagupit ang Bagyong Crising na may kasama pang habagat. Marami sa mga nawalan ng tirahan ay nanawagan ng tulong. Kani-kanyang kilos ang mga ahensiya ng gobyerno at marami ring celebrities at pulitiko ang nagpadala ng tulong, lalo na sa mga evacuation centers.

Kapag may kalamidad na dumarating sa ‘Pinas, naaalala ng marami ang comedian-TV host na si Willie Revillame. Madalas ay siya ang nangunguna sa pagbibigay ng ayuda sa mga nasalanta ng bagyo at baha. Milyun-milyon ang kanyang donasyon upang makatulong.

Pero sa nagdaang bagyo na napakalawak ng napinsala, dedma at nananahimik si Willie Revillame. Hindi siya nagpapakita at hindi nagpaparamdam maging sa social media. Hinahanap na siya ng mga netizens na humihingi ng tulong dahil nasalanta ng bagyo. 

Tanong tuloy ng mga netizens, nasaid na ba ang milyones na yaman ni Revillame nang siya ay kumandidatong senador? O baka nagsawa na siya sa pagtulong sa mahihirap?

---

AMINADO si Dennis Trillo na may pressure ang pagkakapanalo niya ng Best Actor via his role sa pelikulang Green Bones (GB). Kinilala siya at pinarangalan sa nakaraang Metro Manila Film Festival (MMFF) 2024 at sa ginanap na 8th EDDYS Awards. 

Malaki ang expectation ng lahat na mapapantayan ng GB ang mga susunod na pelikulang gagawin ni Dennis.

Kaya naman, hindi kinonsidera ng aktor ang tumanggap ng movie na isasali sa MMFF 2025. Gusto ni Dennis na mabigyan niya ng sapat na panahon ang susunod niyang movie project. 

Ang GB ay hindi minadaling tapusin, kaya naibigay niya ang kanyang full concentration sa kanyang role.

At this point of his career, maingat na rin si Dennis sa mga projects na kanyang tatanggapin. Hindi lang ang talent fee (TF) ang kanyang prayoridad. 

At gusto rin niyang makatrabaho ang ilan sa magagaling na aktor tulad nina Piolo Pascual at John Lloyd Cruz. 

Bilang Best Actor awardee, deserve naman ni Dennis Trillo na makasama ang magagaling na aktor sa showbiz.

---

Oks lang daw kahit extra lang… 

MARIS, GUSTONG MAGING HOLLYWOOD STAR

NGAYONG sikat na siya at nagbida na sa pelikula, may isa pang pangarap si Maris Racal na gusto niyang matupad balang-araw. 

Gusto niyang pasukin ang Hollywood at makasama ang ilang mga Hollywood stars. Okey lang daw kahit na extra lang ang kanyang role.

Kasama sa kanyang bucketlist ang magkaroon ng break-exposure sa Hollywood, kaya nagpupursige si Maris Racal sa kanyang career. Ginagalingan niya ang pag-arte sa bawat role na kanyang ginagampanan. 

Maganda ang feedback sa kanyang pagganap sa Incognito, at marami siyang pinahanga sa kanyang role sa pelikulang Sunshine.

Kailangan lang niya ng isang matinding pelikula at exposure upang mapansin siya sa Hollywood. 

At dahil pursigido si Maris Racal sa kanyang pangarap, posibleng maabot niya ito.

---

Ibang-iba sa hitsura nu’ng co-host pa lang ni Willie… SUGAR, GUMANDA, KUMINIS AT YAYAMANIN NA

ANG laki ng ipinagbago ng personalidad ngayon ni Sugar Mercado. Marami ang nagulat sa kanyang transformation. 

Ibang-iba siya noong nagko-co-host lang sa programang Wil To Win (WTW) ni Willie Revillame. Simpleng-simple lang siya noon.

Ngayon, gumanda ito at kuminis ang kutis. Mukha na siyang yayamanin at sosyal na ang aura. 

Ibang Sugar Mercado na ang napapanood sa kanyang vlogs, punumpuno ng self-confidence at malakas ang karisma.

Marami tuloy ang nagtatanong kung tuloy pa ba ang relasyon nila ni Willie Revillame. Balita rin na may negosyo si Sugar Mercado na ang produktong ibinebenta ay mga pampaganda.