After bumili ng P15 M car… EA, ROLEX WATCH ANG WEDDING GIFT KAY SHAIRA

ni Erlinda Rapadas @Teka Nga | August 17, 2025

Photo: EA Guzman at Shaira Diaz - IG

Bongga ang wedding gift ni Edgar Allan “EA” Guzman sa kanyang pretty bride na si Shaira Diaz, isang ladies Rolex watch.

Well, star-studded ang kasal nila dahil puro celebrities ang kanilang mga ninong at ninang sa pangunguna nina Sen. Jinggoy Estrada, Michael V., Arnold Clavio, Coco Martin, Vicky Morales, Susan Enriquez atbp.. 

Dumalo rin ang mga hosts ng Unang Hirit (UH) at mga kasamahan ni EA sa Bubble Gang (BG). 

Isa sa mga bridesmaids si Jennylyn Mercado. Dumalo rin sina Julia Montes, Gerald Anderson at Rayver Cruz.

Samantala, bago ginanap ang kasalang Shaira at EA, nag-post ang aktor sa social media ng larawan ng binili niyang luxury car, isang puting BMW M4 Coupe na nagkakahalaga ng P15 million. Ito ang dream car niya na matagal niyang pinag-ipunan upang mabili. 

Ngayon ay sobrang saya ni EA Guzman dahil natupad na ang dream wedding nila ni Shaira Diaz at nabili pa niya ang kanyang BMW.

---

MIXED ang reaction ng publiko nang lumabas ang McDo commercial ni Heart Evangelista. 

Maraming fans ang natutuwa at nagsasabing bongga ang bagong commercial ni Heart, tiyak na marami ang makaka-relate dahil hindi na lang mamahaling bags, perfumes at make-up ang ineendorso niya ngayon, masang-masa na siya.

Pero may ilan naman na nag-bash sa wifey ni Sen. Chiz Escudero, hindi raw kapani-paniwalang kumakain ng McDo si Heart dahil napakasosyal niya at isang sikat na fashion icon sa New York at Paris. 

Well, ilang beses nang pinatunayan ni Heart na kumakain din siya ng local food. In fact, maging ang mga street food tulad ng fishball, kwek-kwek at balut ay kaya niyang kainin.

Naging content pa nga iyon ng kanyang vlog.

---

MALAKING pasabog sa showbiz ang ginawang pagbubunyag ni Liza Soberano sa kanyang pinagdaanang traumatic life noong bata pa siya. 

Nagkahiwalay ang kanyang parents at silang magkapatid ay kung kani-kanino na lang nakikitira. Nakaranas siya ng pang-aabuso physically at mentally hanggang sa siya ay saklolohan ng mga social workers at pinauwi sila sa ‘Pinas upang makapiling ang kanilang ama.

Nang dumating si Enrique Gil sa kanyang buhay, nakahanap si Liza ng taong dadamay at magtatanggol sa kanya. Gumanda ang buhay ni Liza nang sumikat siya at nagkaroon ng mga endorsements. Nakagawa siya ng mga pelikula at na-establish ang love team nila ni Enrique. 

Nasa kasikatan ng kanyang career si Liza nang magdesisyon siyang bumitaw sa kanyang manager na si Ogie Diaz at talikuran ang showbiz. Gusto raw subukan ni Liza na abutin ang kanyang Hollywood dream.

Ngayon, inamin ni Liza na 3 years na silang break ni Enrique matapos ang 8 taon ng kanilang relasyon. Ayaw naman ni Enrique na kumpirmahin o magbigay ng statement tungkol sa ibinunyag ni Liza. Bakit pa nga ba hindi na lang aminin ng aktor ang totoo?

---

SA edad na 79, ayaw pang magretiro ng veteran actress na si Odette Khan. Buhay na buhay pa rin ang kanyang passion sa pag-arte at hindi pa rin siya nakakaramdam ng pagod. High na high pa rin ang interes niyang umarte at lumabas sa telebisyon at pelikula.

Nakapag-shoot na si Odette ng sequel ng pelikulang Bar Boys (BB) at may panawagan siya sa GMA Network na bigyan siya ng serye dahil nami-miss na niyang umarte. 

May special guest role rin si Odette sa comedy movie na Mudrasta: Ang Beking Ina (MABI) na pinagbibidahan nina Roderick Paulate, Carmi Martin at Tonton Gutierrez.

Nagpapalakas daw kay Odette ang patuloy niyang paglabas sa telebisyon at pelikula kaya wish niyang magkaroon ng bagong serye sa Kapuso Network. 

Samantala, nagdulot ng saya kay Odette ang pagkikita nila ni Perla Bautista na ngayon ay 82 years old na. Tulad ni Odette, malakas pa rin si Perla at puwede pang lumabas sa telebisyon at pelikula.

Dahilan ng away sa ate, pera raw… KIM, NAWALAN NG MILYON SA NEGOSYO

ni Erlinda Rapadas @Teka Nga | August 16, 2025

Photo: Kim Chiu - IG

Hula ng mga netizens ay pera ang ugat ng tampuhan ni Kim Chiu at ng kanyang Ate Lakam. 

Hangga’t maaari ay ayaw na sana ng aktres-host na malaman ng publiko ang nangyaring tampuhan nila, pero maraming tao sa kanilang paligid ang nakakaalam ng istorya kaya hindi maiwasan na kumalat sa social media. 

Ayon sa ilang malalapit kay Kim, pera ang dahilan ng gap nilang magkapatid. Nag-unfollow na sa isa’t isa sa Instagram sina Kim at Ate Lakam niya. Diumano, natuklasan ni Kim na nawawala ang malaking halaga na ibinigay niya sa mga negosyo na ipinamahala niya sa kanyang Ate Lakam. 

Milyon ang perang involved at may mga utang pa na dapat bayaran si Kim kaya masama ang loob niya sa kanyang Ate Lakam na itinuring pa naman niyang pangalawang ina. 

Noong una, ang akala ng marami ay si Paulo Avelino ang dahilan ng gap nina Kim at Lakam. Balita kasing hindi boto ang ate niya sa aktor. Pero ngayon, ang kumakalat ay pera ang dahilan ng lahat. 

Well, papaano kaya ireresolba ang alitang ito ng magkapatid? Hindi ba puwedeng gumitna ang kanilang ama para maayos na ang kanilang hindi pagkakaunawaan?

---

NALALAPIT na ang pagtatapos ng dance show ng GMA-7 na Stars On The Floor (SOTF) hosted by Alden Richards. Ilang episodes na lang at malalaman na kung sinu-sino ang maglalaban sa finale round.

Ngayon pa lang ay nakakaramdam na ng sepanx si Alden. Nag-enjoy siya sa pagho-host ng SOTF at kakaibang experience ang kanyang naranasan. 

Kaya naman, humihirit na ang aktor kay Annette Gozon-Valdes na sana ay magkaroon ng Season 2 ang dance show. Mami-miss niya ang mga judges na nakatrabaho niya. Medyo nabitin nga siya kaya nakiusap na kunin uli bilang host ng SOTF.

---

KAPANSIN-PANSIN ang malaking pagbabago sa katawan ngayon ng singer-actress na si Manilyn Reynes. Sineryoso niya ang pagbabawas ng timbang, pero hindi naging ganoon kadali para sa kanya ang magpapayat. 

Isang taon siyang nag-diet, nag-gym, at binantayan ang kanyang food intake, pero 30 lbs. lang ang nabawas sa kanyang timbang. 

Ganunpaman, masaya na si Manilyn at ipagpapatuloy ang kanyang routine upang bumalik ang pangarap niyang figure. 

Ipinagpapasalamat niya na nananatili siyang malakas at malusog, at ang sitcom na Pepito Manaloto (PM) ang naging malaking inspirasyon sa kanya para ingatan ang kanyang kalusugan. 

Malaking factor na masaya ang buong cast kapag nasa taping ng PM. For 15 years ay magkakasama ang regular cast, kaya pamilya na ang turing nila sa isa’t isa.

---

Aleng Maliit, kakaiba ang ganda!

RYZZA MAE, 42 ANG MANLILIGAW

ANG haba-haba ng hair ni Ryzza Mae Dizon dahil marami palang manliligaw kahit petite siya at tinutuksong “Aleng Maliit”.  Natuwa ang lahat ng mga hosts ng Eat… Bulaga! nang malaman nilang 42 ang suitors niya. 

Siyempre, may nagustuhan si Ryzza Mae na isa sa mga suitors na ka-height din niya upang hindi sila maging alangan sa isa’t isa. 

Well, marami namang katangian si Ryzza Mae na magugustuhan ng mga kalalakihan. Napaka-down-to-earth at marunong makisama sa kapwa. Isa rin siyang mabait at masunuring anak. 

Naitaguyod niya ang kanyang pamilya dahil sa kanyang pag-aartista. 

Hindi malilimutan ng publiko nang manalo si Ryzza Mae sa Little Miss Philippines dahil binigyan siya ng sarili niyang show. At ang maganda pa, kahit noon na nasa awkward age si Ryzza Mae ay nanatili pa rin siyang bahagi ng EB! at inalagaan nina Tito, Vic, at Joey.

Pinagpahinga dahil sa galit ng DDS… VICE, SUSPENDED DAW SA IT'S SHOWTIME

ni Erlinda Rapadas @Teka Nga | August 15, 2025

Photo:Vice Ganda - IG

Wala pang official statement mula sa kampo ni Vice Ganda kung totoong suspended siya at pinagpahinga muna sa programang It’s Showtime (IS). 

Wala ring balita kung ilang araw ang ipinataw na suspension sa kanya (kung suspended nga siya) o sinadya na lang ba ni Vice Ganda na magpahinga muna at huwag sumipot sa IS, habang nasa kainitan pa ang issue ng kanyang panlalait sa dating Pangulong Rodrigo R. Duterte. 

Hanggang ngayon ay hindi pa rin maawat ang mga DDS (diehard Duterte supporters) sa kanilang pamba-bash kay Vice. 

At maging si Sen. Rodante Marcoleta ay pumalag din dahil pati siya ay ginawang katatawanan ni Vice Ganda sa kanyang concert sa Araneta Coliseum. 

Well, balitang milyones ang nawawala sa talent fee (TF) ni Vice sa hindi niya pagsipot sa IS. 

Pinagtutulungan naman ng mga hosts na itayo ang noontime show kahit wala ang main host na si Vice Ganda. 

Todo-effort sina Anne Curtis, Kim Chiu, Karylle, Amy Perez, Ogie Alcasid, Vhong Navarro, Jhong Hilario at iba pa upang mabigyan ng magandang show ang mga viewers.

---

IKATUTUWA ng mga fans ni Donna Cruz ang kanyang muling pagbabalik-showbiz. Tatlong dekada rin na tumigil si Donna sa pag-arte dahil naging priority niya ang kanyang pamilya. She’s happily married to Yong Larrazabal at may 3 silang anak.

Well, through the years ay na-maintain ni Donna ang kanyang ganda at youthful look, kaya puwedeng-puwede pa rin niyang balikan ang kanyang acting career. Magiging bahagi siya ng GMA Sparkle Artist Family. 

Bukod sa pag-arte ay magaling ding singer si Donna, galing siya sa angkan ng mga Cruz na kilalang mga singers tulad nina Tirso Cruz III, Geneva Cruz, Sheryl Cruz, Sunshine Cruz, Rayver Cruz atbp..

Sa mga unang taon niya sa showbiz ay nakagawa si Donna ng ilang pelikula tulad ng Do Re Mi (DRM), Muling Umawit ang Puso (MUAP) at Villa Quintana (VQ). Nakapag-record din siya ng ilang awitin bago siya nag-lie-low sa kanyang showbiz career.

Sa edad niyang 48, marami pang puwedeng gawin si Donna upang muling bumalik ang kinang ng kanyang career. Hindi naman siya maninibago dahil nasa GMA Network pa rin ang kanyang mga pinsan na sina Sunshine Cruz, Sheryl Cruz at Rayver Cruz.

---

2 yrs. pa lang tumatakbo… RESORT NI GLAIZA SA BALER, AURORA, FOR SALE NA

MARAMI ang nagtatanong kung bakit ibinebenta na ni Glaiza de Castro ang naipundar niyang property sa Baler, Aurora. 

Taong 2023 lang niya binuksan ang negosyo niyang bed and breakfast resort, ang Casa Galura, na may swimming pool, work area at rooftop. Isa ito sa mga properties na kanyang nabili at naging investment mula sa kinita niya sa showbiz. Balitang P59 million ang selling price ng Casa Galura. 

May ilang nag-iisip na baka plano na ni Glaiza at ng kanyang mister na si David Rainey na sa abroad na manirahan, kaya ibinebenta na ang kanilang resort. Pero may kontrata pa naman ang aktres sa GMA Network at kasama siya sa action/fantasy seryeng

Sanggre: Encantadia Chronicles (SEC). Markado ang role rito ni Glaiza. 

Well, kahit anong role, bida o kontrabida man ay hindi inaayawan ni Glaiza kaya naman hindi siya nawawalan ng project sa GMA-7. Subok na ang kanyang pagiging de-kalibreng aktres at isa siya sa mga masasabing loyal Kapuso artists. 

Kailanman ay hindi niya naisip na lumipat ng ibang network.

---

Nasira ang friendship… KIM, UMAMING SI DINGDONG ANG DAHILAN NG AWAY NILA NI ANTOINETTE

SA guesting ni Kim delos Santos sa Fast Talk with Boy Abunda (FTWBA), natanong siya kung ano ang dahilan ng gap nila ni Antoinette Taus. 

Dating magkaibigan sina Antoinette at Kim at magkasabayan sila noon sa GMA Network. 

Inamin ni Kim kay Boy Abunda na si Dingdong Dantes ang dahilan kaya nasira ang friendship nila ni Antoinette. Crush ni Kim ang aktor at pinagselosan si Kim ni Antoinette. Sina Antoinette at Dingdong noon ang magka-love team. 

Lumipas ang pagka-crush ni Kim sa aktor at na-in love siya sa aktor/dancer na si Dino Guevarra na member noon ng Abztract Dancers. Nagpakasal sina Kim at

Dino noong 2002 pero nagkahiwalay sila noong 2004. 

Nang maghiwalay sila ni Dino ay nag-migrate sa USA si Kim at doon nagpatuloy sa pag-aaral, nakatapos siya ng Nursing course. Wala silang naging communication ni Dino simula nang maghiwalay. 

Well, nakatagpo si Kim ng bagong pag-ibig sa isang non-showbiz guy pero naghiwalay din.

Eight years nang single si Kim delos Santos at ngayon ay nagbabalak balikan ang kanyang showbiz career.