Libreng swab test para sa mga turista – DOT

ni Lolet Abania | October 31, 2021

Magbibigay ang Department of Tourism (DOT) ng libreng RT-PCR (reverse transcription polymerase chain reaction) test o swab test sa mga turista simula bukas, Nobyembre 1, 2021.

Sa ulat, ayon sa DOT ang libreng swab test ay para lamang sa mga domestic tourists.

Para ma-avail ang naturang offer, ang mga interesadong local tourists ay kinakailangang mag-log on sa tourism promotions board website tpb.gov.ph para sa nakasaad na application requirements.

Gayundin, ayon pa sa DOT aabot lamang sa 350 aplikante kada araw ang kanilang ia-accommodate.

LGU na ang bahala — DOT.. Fully vaccinated o swab test sa mga turista

ni Lolet Abania | July 14, 2021

Ipinauubaya na ng Department of Tourism sa mga local government units (LGUs) ang pag-oobliga sa mga travelers at turista kung kinakailangang fully vaccinated na o may RT-PCR COVID-19 test results bago makapasok sa kanilang bayan.

“That is what the [Inter-Agency Task Force for Emerging Infectious Diseases] gave. It is for the LGUs to decide either fully vaccinated or as an alternative to an RT-PCR swab,” ani DOT Secretary Bernadette Romulo-Puyat sa isang interview ngayong Miyerkules.

Ayon kay Puyat, nakasaad sa kasalukuyang polisiya ng gobyerno, “either/or” at hindi na inoobliga na parehong dapat mayroon nito. “LGU knows the cases, how to handle, and how many hospitals they have in their own destination,” paliwanag ni Puyat.

Binanggit ng kalihim na nais ng ilang LGUs na fully-vaccinated na ang mga turistang papasok sa kanilang lokalidad subalit mas gusto nilang maraming residente sa kanilang nasasakupan ang mabakunahan kontra-COVID-19.

“You don’t only protect the tourist but also the locals,” sabi ng kalihim. Gayunman, sinabi ni Puyat na kailangang i-verify ng isang traveler ang kanyang vaccination status.

“The LGUs want to have the way to authenticate [the vaccination]. Kung ang RT-PCR nga, napepeke, ito pa kaya,” saad ni Puyat.

Pagsu-swab test ng sarili, bawal — DOH

ni Ronalyn Seminiano Reonico | May 27, 2021

Binigyang-diin ng Department of Health (DOH) na hindi dapat magsagawa ng self-swabbing ang sinuman upang hindi maging kaduda-duda ang resulta nito.

Pahayag ni Secretary Francisco Duque, "Meron tayong mga panuntunan o pamantayan para gawin 'yan. Hindi puwedeng sarili ninyong gagawin 'yan dahil unang-una, 'yung resulta, magiging kuwestiyonable.

"Dahil kung hindi naman ito naaayon sa mga tamang pamantayan, eh, kaduda-duda ang mga resulta. So, hindi natin dapat ginagawa 'yun.”

Samantala, matatandaang kamakailan ay nag-post ang aktor na si Robin Padilla sa social media ng video kung saan makikitang nag-self-swabbing siya dahil wala pa umano ang nurse na nakatakdang magsagawa nito.

Aniya pa, “6 ng umaga mag-uumpisa na kami ng trabaho pero wala pa ang nurse. Hindi dahilan sa mga mandaragat ang walang nurse, kailangan isagawa ang COVID test.

“Basta isaksak mo ang swab stick hanggang sa dulo at makiliti mo ang utak mo, at kapag naluha ka na, tsaka mo iikot ng 5 hanggang 8 segundo, ‘yun na raw ‘yun.”