P151.8M pambayad sa Australia, ninakaw ng hacker

ni Jenny Rose Albason @World News | April 25, 2026

NagbukasS ng imbestigasyon ang Sri Lanka matapos makapasok ang mga hacker sa sistema ng finance ministry at makapagnakaw ng $2.5 milyon (P151.8M).

Ayon sa mga opisyal, bahagi sana ito ng bayad sa utang ng Sri Lanka sa Australia. Pinaniniwalaang nangyari ang cyber attack noong Enero, ngunit ngayon lamang lumabas ang detalye.

Natuklasan ang pagkawala ng pera matapos magreklamo ang Australia na hindi nila natanggap ang bayad. Lumalabas din na posibleng minanipula ng mga hacker ang email-based payment instructions upang mailipat ang pera sa maling bank account.

May isa pang kahina-hinalang insidente nang subukang baguhin ang detalye ng isa pang bayad para sa India, na nagpalakas sa hinala ng mas malawak na cyber attack.

Sinuspinde ang apat na opisyal ng Public Debt Management Office habang humihingi ng tulong ang Sri Lanka sa mga foreign authorities para sa imbestigasyon.

Ang insidente ay panibagong hamon para sa Sri Lanka na bumabangon pa rin mula sa dating malubhang economic crisis, kung saan hindi nito nabayaran ang bilyon-bilyong dolyar na utang at nakaranas ng kakulangan sa pangunahing pangangailangan.

Mga ospital, puno na… Sri Lanka, ini-lockdown dahil sa pagtaas ng kaso ng COVID-19

ni Ronalyn Seminiano Reonico | August 21, 2021

Isinailalim sa nationwide lockdown ang Sri Lanka noong Biyernes matapos lumobo ang kaso ng COVID-19 at napupuno na rin ang mga ospital, ayon sa awtoridad.

Pahayag ni Health Minister Keheliya Rambukwella, “Nationwide lockdown in effect from 10 PM today (20/08) to Monday (30/08).

“All essential services will function as normal. I sincerely request all citizens to adhere to the law and #StayHome.”

Ayon sa ulat, noong Miyerkules, umabot sa 3,793 ang naitatalang bagong kaso ng COVID-19 sa isang araw lang at sa kabuuang bilang ay pumalo na sa 372,079 ang Coronavirus cases sa naturang bansa. Nakapagtala rin ang Sri Lanka ng 6,604 bilang ng mga pumanaw.

Nilinaw naman ni Rambukwella na hindi maaapektuhan ng lockdown ang vaccination drive sa Sri Lanka at aniya pa, “It remains the only way we can stem the #COVID19SL spread & protect the population whilst giving the hospitals a chance to recover. The best vaccine is the first vaccine. Don't delay.”

Samantala, sa ilalim ng lockdown, ipinagbabawal ang mga religious at social gatherings at ang operasyon ng mga restaurants, hotels, cinemas, at spas. Bawal ding magsagawa ng mga village fairs at sports festivals.

Travel restrictions sa 10 bansa, extended sa Agosto 15

ni Ronalyn Seminiano Reonico | July 30, 2021

Pinalawig ng Pilipinas ang travel restrictions sa mga biyahero mula sa sampung bansa hanggang sa Agosto 15 upang maiwasan ang pagkalat ng COVID-19 Delta variant, ayon sa Malacañang.

Saad ni Presidential Spokesperson Harry Roque, "President Rodrigo Duterte approved the recommendation of the Inter-Agency Task Force (IATF) to extend the travel restrictions currently imposed to 10 countries until August 15. These countries include India, Pakistan, Nepal, Sri Lanka, Bangladesh, Oman, United Arab Emirates, Indonesia, Malaysia and Thailand."

Samantala, inilabas na rin ng Malacañang ang listahan ng mga bansang ikinokonsidera bilang “green countries” o ang mga low-risk sa COVID-19 na binubuo ng: Albania, Antigua and Barbuda, Benin, Brunei, Cayman Islands, Comoros, Djibouti, Gabon, American Samoa, Australia, Bermuda, Bulgaria, Chad, Ivory Coast, Equatorial Guinea, Gambia, Anguilla, Azerbaijan, Bosnia and Herzegovina, Burkina Faso, China, Dominica, Falkland Islands, Ghana, Grenada, Kosovo, Marshall Islands, Montserrat, Niger, Northern Mariana Islands, Romania, Saint Pierre and Miquelon, Slovakia, Hong Kong, Laos, Federated States of Micronesia, New Caledonia, Nigeria, Palau, Saba, Singapore, Taiwan, Hungary, Mali, Moldova, New Zealand, North Macedonia, Poland, Saint Barthelemy, Sint Eustatius, at Togo.