Edad 9 pataas... Titser sa Singapore, puwedeng mamalo ng estudyante

ni Jenny Rose Albason @Overseas News | May 9, 2026

Pinapayagan sa Singapore ang paggamit ng pisikal na parusa ng mga guro sa kanilang mga estudyante bilang bahagi ng disiplina sa paaralan.

Ayon kay Desmond Lee, ang Minister of Education ng Singapore, maaaring gamitin ang pamalo sa mga mag-aaral na may edad siyam pataas, alinsunod sa umiiral na patakaran.

Nilinaw niya na may mahigpit na mga alituntunin na sinusunod upang matiyak na hindi ito nagdudulot ng labis na pananakit o pang-aabuso sa mga mag-aaral.

Sinusuportahan din ito ng ilang punong-guro at mga administrador ng paaralan bilang bahagi ng kanilang sistema ng pagdidisiplina.

Kasalukuyang bumubuo ng mga panibagong patakaran ang mga mambabatas ng Singapore hinggil sa tamang paraan ng disiplina sa mga paaralan, na posibleng ipatupad sa mga susunod na taon.

Ilang Pinoy, nasa intensive care matapos ang insidente sa Singapore Airlines

ni Angela Fernando @News | May 23, 2024

Ilang Pinoy ang kasama sa 20 kataong nasa intensive care sa Bangkok, Thailand, matapos ang pagbagsak sa mataas na altitude ng isang flight ng Singapore Airlines na mula sa London, kung saan isang matandang pasahero ang nasawi at mahigit 100 katao ang sugatan.

Matatandaang nakaranas ang flight SQ321 ng matinding turbulence habang nasa himpapawid ng Myanmar na dapat ay pauwi na sa Singapore.

Tumilapon ang mga pasahero sa cabin na naging dahilan ng pagkakaroon ng dents sa kisame ng eroplano at mga head injuries sa maraming pasahero.

Ang eroplano, na may sakay na 211 pasahero at 18 crew, ay nag-emergency landing sa Suvarnabhumi Airport sa Bangkok.g mga kinatawan ng magkabilang panig ang desisyon ni Khan.

Fully vaccinated Pinoys wala nang quarantine

ni Jasmin Joy Evangelista | February 22, 2022

Sa pamamagitan ng vaccinated travel lane (VTL) program ng Singapore, papayagan nang bumiyahe ang mga Pinoy na fully vaccinated kontra COVID-19 patungo sa naturang bansa nang hindi na nagka-quarantine doon simula Marso 4.

Kailangan lang kumuha ng flight na pang-VTL at kumpletuhin ang requirements.

Maaari na ring bumiyahe sa Pilipinas ang mga bakunadong taga-Singapore nang hindi nagka-quarantine base sa nasabing programa, ayon kay Tourism Secretary Bernadette Romulo Puyat.

"This was arranged by the Department of Foreign Affairs. We are hoping na ibang countries, ganoon na rin, para mutually beneficial na rin for the airlines," ani Puyat.

"At least pagpunta dito, zero quarantine, pagbalik nila, zero quarantine na," aniya pa.

Sa tala ng Department of Tourism, nasa 21,974 ang tourist arrival sa iba-ibang airport sa bansa sa unang 10 araw na nagbukas ang Pilipinas sa mga fully vaccinated na dayuhang turista kung saan 11,900 dito ang mga dayuhang turista habang 10,074 ang balikbayan.