ni Ambet Nabus @Let's See | Jan. 15, 2025
Photo: Mark Herras - Instagram
Usap-usapan ang naging pagsasayaw ni Mark Herras sa The Apollo gay bar sa may Roxas Blvd., sakop ng Parañaque.
Minsan na naming napasyalan ang naturang lugar na medyo may kamahalan ang mga ganapan — mula sa entrance, food and drinks, hanggang sa pag-table ng mga “hostos” (male models/dancers) doon.
Kaya nagtataka kami kung bakit halagang P500 lang ang sinasabing bayad sa naturang gabi kung kailan nagkaroon ng special performance si Mark.
Eh, halos presyo lang ‘yun ng softdrinks in can doon. Hahaha!
Anyway, pinagtatalunan kung sobra raw bang nagigipit si Mark, kaya nagawa niyang magsayaw roon o sadya lang wala itong alam na mas madaling paraan
upang kumita?
Balita kasing manganganak uli ang kanyang kinakasama at mayroon pa itong ipinagagawang bahay. At dahil hindi nga raw ito ganu’n kaaktibo sa showbiz, dapat itong mag-isip ng paraan para magkapera.
At bilang kilala naman siyang ‘King of the Dance Floor’, ‘yun ang nakita niyang paraan bukod pa sa nabalitaan naming naimbitahan siya roon ng ilang kaibigan na nakakaalam ng kanyang sitwasyon.
Hindi namin kinokondena si Mark sa paraan na naisip niya upang magkapera, pero bilang nagkaroon na siya ng “brand o imahe” sa showbiz na maayos naman, tila nasa maling lugar nga ang aktor para magpakita ng kanyang talento.
But then again, siya naman itong may pangangailangan at kakayahan.
Ang latest tsismis na nakarating sa amin ay magkakaroon uli umano ng mas bonggang “special night” si Mark sa parehong lugar.
Baka nga nag-iingay lang para mapag-usapan at mai-promote ang naturang event which will happen soon.
ALL is well na nga between Star Cinema and the KimPau dahil mismong si Kim Chiu na ang nag-anunsiyo sa It’s Showtime (IS) last Tuesday na sa March 26 na ang showing ng movie nila ni Paulo Avelino.
Nagkaroon kasi ng confusion ang marami, lalo na ang mga fans ng KimPau, dahil biglaan nga raw na iniurong from February 12 playdate to March ang movie, causing the reported “unfollowing” nina Kim at Paulo sa Star Cinema.
Pinabulaanan ito ng marami dahil in the first place diumano ay never naman daw naka-follow sina Paulo at Kim sa SC account.
Nakakaloka ang panganganak ng mga kuwentong ganito para lang may mapag-usapan, though talagang hindi nagpatinag ang mga fans ng KimPau sa pagpapahayag ng disgusto sa nangyari. Hahaha!
Marami pa nga ang nagsabing “mukhang pinaikot” lang ang dalawang lead stars, dahil mas nauna pa umanong nagkaroon ng anunsiyo ang mga SM theaters hinggil sa change of playdate.
Whatever, ang importante sa ngayon ay balik-shooting na sina Kim at Paulo para matapos na ang movie at eto na nga, mismong si Kim na ang nag-anunsiyo na magkakaroon ng “worldwide” release ang movie kaya na-move ito ng playdate.
NOON pa namin sinabing if given the right projects, sisikat itong si Michael Sager.
At mukhang doon na nga siya papunta dahil after ng ilang shows na nakitaan siya ng potensiyal, heto nga’t muli siyang magbibida bilang leading man ni Jillian Ward sa My Ilonggo Girl (MIG).
May hatak at chemistry ang tandem ng dalawa, though sa mga nasanay nang mapanood si Jillian sa mas seryosong projects kahit walang leading man, sinasabi nilang ‘hindi ito kailangan’ ng batang aktres.
But then again, proud si Jillian na for the first time nga ay sasabak siya sa rom-com at si Michael pa ang kanyang leading man.
Susme, magiging choosy pa ba tayo sa tikas, pagkapogi, macho at lakas maka-magnet ng mga chinky eyes ni Michael? Idagdag pa riyan ang maganda nitong boses na nakakakilig ‘pag nagde-deliver na ng mga linya niya. Hahahaha!
Ay, good singer and dancer din pala siya, ha?
