ni Ambet Nabus @Let's See | Jan. 31, 2025
Photo: Marian Rivera
Uy, sporting a short hair si Marian Rivera ngayon.
Marami tuloy ang nag-aakalang baka buntis ito dahil parang ngayon lang uli nakita ng marami na maikli na ang buhok niya.
“Very much in love lang,” simpleng sagot nito sa muli niyang pagpirma ng kontrata sa Luxe Beauty and Wellness Group bilang ambassador ng Ecran Gel o sunscreen product.
Imposible diumanong buntis ito dahil as per her management, maraming mga projects na naka-line-up gawin ni Marian this 2025, mapa-TV man o movies.
Sa dinami-dami kasi ng blessings na natanggap nito last 2024 including her Best Actress wins for Balota, kailangan daw mabalanse ng Primetime Kapuso Queen ang lahat.
Pero ang nakakabilib kay Marian, sa bawat project pala na kanyang ginagawa, laging may special clause sa kontrata na kapag natataon o natatapat ang anumang promo niya sa mga school activities ng kanyang mga anak, dapat na naka-prioritize ang huli over these promo.
O, ‘di ba, mga tunay at totoong reyna lang ang puwedeng makagawa ng ganyan.
Wala pa ring ibinibigay na reaksiyon ang Pinoy Big Brother (PBB) management hinggil sa naging bashing kay Jarren Garcia matapos nga itong maokray ng netizens sa naging pagbabalita nito sa TV Patrol.
Naging guest star patroller ang PBB alumnus at nataon pang tungkol sa huling gabi ng lamay ng Queen of Phil. Cinema ang report nito.
Binash nang wagas si Jarren dahil sa bulul-bulol nitong reporting at mali-maling pag-pronounce ng mga names ng mga celebrities na nandu’n, kaya’t inakusahan itong naging “disrespectful”.
Ayon sa nakausap naming taga-TV Patrol, “We rehearsed naman his spiels before he went on air to report. Okey naman nu’ng una. Baka lang talaga inatake ng sobrang nerbiyos ‘yung bata na nangyayari naman sa kahit pa mga beterano na.”
Well, sa dinami-dami nga naman kasi ng mga ‘new talents’ ng ABS-CBN na gusto nilang i-field as guest star patroller, kung bakit natapat pa kay Jarren ang ganu’ng senaryo.
Utu-uto at sunod-sunuran daw talaga kay Chloe… CARLOS, NI HINDI BUMABA SA BAHAY NANG IHATID ANG UTOL NA SI ELDREW
“Uto-uto nga. Hindi pa man ay ipinapakita na niyang under talaga s’ya at sunod-sunuran lang sa jowa n’ya,” sigaw ng mga netizens na nakakita ng pangyayari kina Carlos Yulo, jowa nitong si Chloe San Jose, at kapatid ni Caloy (palayaw ni Carlos) na si Eldrew.
Sa nakaraang PSA Awards Night nga nagkita ang magkapatid dahil kapwa sila awardees, although si Caloy ang nakakuha ng pinakamataas na award.
Sa nag-viral na video kung saan iniinterbyu si Eldrew, maririnig na nagsabi ito na sasabay sa kapatid pag-uwi. Then, maririnig din na tinanong ni Caloy ang jowa kung
isasabay nga nila ito, na sinagot naman ng huli ng “Oo, ihahatid natin.”
Dito na nga nag-react ang marami kung bakit need pang ipaalam ni Caloy sa jowa ang paghatid sa kapatid gayung sa kanya naman ang sasakyan at hindi pa naman sila mag-asawa para humingi ng permiso?
“Lumalabas talagang utu-uto s’ya at takot,” sigaw pa ng netizen.
Ang sumunod na video na kumakalat ngayon sa socmed ay ang pag-bye-bye ng ama nina Caloy at Eldrew sa eksenang naihatid na sa bahay ang nakababatang Yulo.
Muli, umani ito ng sari-saring reaksiyon, lalo’t hindi nga raw nagawang bumaba man lang ni Caloy para batiin o silipin ang dati nilang bahay.
And yes, marami ang curious sa kung sino ang kumukuha ng video na base sa post ay galing sa loob ng sasakyan ni Caloy.
Hay, ewan. Hahaha! Hindi pa pala talaga tapos ang mga isyu sa kanila, ‘noh!
