Super defensive… IVANA, TODO-SIGAW NA NEVER PANG NAGDALA NG BOYLET SA ROOM, SOPLA SA UTOL

ni Mercy Lejarde @Showbiz Talkies | Mar. 5, 2025

Photo: Ivana Alawi - Instagram

Sa totoo lang, parehong beautiful, makinis ang balat and oozing with sex appeal sina Rhian Ramos at Ivana Alawi in person, ‘noh!

Kahit hindi pa artista itong si Ivana, kilala na siya ng madlang pipol through social media kung saan meron siyang vlog.

In her latest vlog, nagpa-tour siya sa kanyang silid-tulugan at sa kanyang walk-in closet.

Ang kanyang bunsong kapatid na dating artista ng GMA Network na si Mona ang siyang nagsilbing videographer niya.

“Welcome to my bedroom!” intro ni Ivana with matching reveal ng kanyang kuwarto.  

“This is where the magic all happens!” pagbibida niya.

Na-realize yata ng sexy actress that she might be misinterpreted dahil sa linya niyang ‘yun. Biglang kambiyo niya, “Yuck! Hindi pa ako nagdadala ng lalaki rito!”  

If she wasn’t defensive, ano’t bakit niya nasabi ‘yun?  

Sabad naman ni Mona, “Hindi pa?”  

Ganti ni Ivana sa kapatid, “Hindi mo sure?” sabay tawa.

Kasama sa pag-tour ni Ivana ay pagpapakita ng kanyang mga undies, bras, at mga damit pantulog.  

Kaso, props lang daw pala ‘yun. Dahil ang totoo, she goes to bed with nothing on! 

Pero bigla siyang bumawi, “Siyempre, ‘pag may kasama ako, hindi ako nakahubad!”  

Hindi nga lang malinaw kung kapwa rin niya babae o lalaki ang kasama niyang matulog, boom ganernn!

IVA ka talaga, Ivana!

---

SI Rhian Ramos naman na super-sexy din tulad ni Ivana Alawi ay okey lang sa kanyang labs na si Dear SV a.k.a. Sam Verzosa ang mga isinusuot nitong sexy dress na halos mabilad na ang kanyang katawan na super-kinis with matching legs, legs, legs na nakakasilaw.

Sa preskon ng bagong lifestyle show ni Rhian sa GMA-7, natanong siya kung ano ang reaction ni Dear SV sa pagpo-post niya nang super sexy sa social media.

Sagot niya, “Ilang years na rin ako sa showbiz. Feeling ko, kahit paano, nakilala na rin ako ng mga tao. Alam nila ang aking kakulitan, sense of humor, kung ano ‘yung mga trip ko na damit.

“You can see it all naman on my Instagram. Si SV naman ‘yung not the tipo na parang sobrang protective na, ‘Uy, ayaw kong nagsusuot ka nang sexy.’ He really just lets me do what I want and accepts me for the way I am.”

Lucky you, Rhian Ramos at nakatagpo ka ng dyowang tulad ni Dear SV a.k.a. Sam Verzosa na tipong hindi insecure sa pagpapa-sexy mo, sa true lang.

---

WINELKAM ng ABS-CBN Star Music si Ms. Universe 2023 Michelle Dee, who is set to release her single Reyna this coming Friday, March 7.

Ayon kay Michelle, her first single titled Reyna is a collaboration between Star Music and GMA Music. 

Now just asking, magkaroon din kaya sila ng collaboration ni Rhian Ramos na mag-duet sila to sing Reyna? 

Well, kapag nangyari ‘yan, for sure, hindi na naman sila titigilan ng mga Marites at tribu ni Mosang sa pang-iintriga sa friendship nilang dalawa. 

Wanna bet, ha, Log?

‘Yun lang and I thank you.

Neri, absuwelto sa syndicated estafa

ni Madel Moratillo @News | Mar. 5, 2025

Photo File: Neri Naig Miranda - IG

Ibinasura na ng Pasay City Regional Trial Court ang syndicated estafa na isinampa kay Neri Naig-Miranda, ayon sa abogado nitong si Atty. Aureli Sinsuat.

Samantala, ipinost naman ng Parokya ni Edgar vocalist at mister ni Neri na si Chito, sa kanyang Instagram (IG) ang larawan ng isang sulat na nagsasaad ng desisyon ng korte.

Nakasaad naman sa caption ng IG post ni Chito na, “Thank You, Lord. Mabuti na lang talaga na alam ni Lord ang buong katotohanan kaya never niya pinabayaan si Neri. Sobrang blessed din kami dahil the people who matter knew the truth as well, and did everything they could to help and support her.”

Matatandaang Nobyembre 2024 nang kumpirmahin ng Southern Police District na isang aktres-negosyante na alyas Erin ang inaresto nila dahil umano sa paglabag sa securities regulation code.

Meron daw ibang mas may “K” sa title… UGE, TINAWAG NA “COMEDIAN FOR ALL SEASONS”, PINALAGAN

ni Ambet Nabus @Let's See | Mar. 4, 2025

Photo: Eugene Domingo - IG

May mga kumukuwestiyon naman sa pagkakasama ni Kathryn Bernardo bilang hurado sa nagbabalik na Pilipinas Got Talent (PGT).

Kesyo hindi ito magaling na singer, kaya’t mayroon daw na mas higit pa rito gaya ni Sarah Geronimo, o ‘yung nanggaling din sa reality search na sumikat.

Siyempre, to the rescue ang mga supporters ng bagong superstar at box office queen dahil hindi nga naman singing contest lang ang PGT.

Then bigla ring sinabi ng mga ito na kahit isa rin daw sa mga judges ngayon ng PGT ay walang legit singer na matatawag mula kay Sir Freddie Garcia, Eugene Domingo at Donny Pangilinan.

At kahit noon pa man daw time nina Kris Aquino, Ai Ai delas Alas, Angel Locsin o Robin Padilla, walang legit na singer sa kanila pero nakatuklas sila ng mahuhusay na singers at sumikat sa industriya.

Ang dapat daw pansinin o kuwestiyunin ng mga netizens ay ang pagtawag ng “Comedian for All Seasons” kay Uge dahil meron umanong mas deserving sa title na ito na never nawala bilang komedyante sa showbiz.

Aguy, sinetch naman kaya ito?

---

Dahil nag-viral nga at pinag-usapan bilang sa isang sikat na noontime show ito nangyari with no less than Meme Vice Ganda as the host, kunwa-kunwaring naalarma ang mga nasa posisyon.

Ang tinutukoy nga natin ay ang naging honest answer ng isang Sexy Babe candidate na umaming wala siyang awareness man lang sa Comelec.

Mahirap paniwalaan kung ang mga nagkalat na political propaganda sa multimedia and non-media ang pag-uusapan, pero hindi naman siguro gusto ng kalahok na nagmukha siyang boba sa national TV sa tinuran niya, ‘noh!

Dahil nga si Meme Vice Ganda ang na-shock at nagbigay ng kanyang one centavo opinion on the matter, heto at balitang may mga mambabatas umano na biglang kinakalampag ang Comelec, ang DepEd at iba pang ahensiya ng gobyerno dahil obvious na raw ang pag-deteriorate ng social consciousness and in general ay “talino” ng mga tao sa bansang ito.

Naku po, sa Pinoy Henyo segment nga ng Eat…Bulaga! (EB!) ay nagkalat din ang mga kalahok na tila hindi alam kung nasaan ang Luzon, Visayas at Mindanao.

Or hindi nila ma-decipher ang difference ng “hindi at oo” na sagot dahil kahit sinagot na ng “hindi o oo” ay ipinaglalaban pa rin nang paulit-ulit ang mga maling nasabi na.

Nakapagtataka pa ba ang mga ganyan kung sa mga mismong hearing in aid of legislation, mapa-Congress o Senado ay patok na patok ang mga kagayang eksena?

Teka lang, bigla ko tuloy naalala ‘yung viral answer ng isang beauty contestant sa isang pageant sa Tarlac (supposedly ay lugar ng mga Aquino, et. al.), na ipinae-explain ‘yung hashtag na vocational schools. Proud na proud pa si girl sa pagsagot at pagkonek ng naturang hashtag sa mga salitang “vocalization at voice”.

Naku po!

---

Nakakaantok kumanta…

MOIRA, IPINA-BANNED DAW SA MUSICAL TV SHOW

Moira Dela Torre - IG

Mukhang wala talagang gustong maniwala o kumampi man lang kay Moira dahil despite her effort to explain, pinagtawanan pa ito at lalong na-bash.

Tungkol nga ito sa naging paliwanag niyang ‘fake news’ umano ‘yung balita tungkol sa binato siya ng mineral water bottle sa isang event.

Hindi nga raw ‘yun ibinato sa kanya kundi nahulog lang mula sa mas mataas na floor ng isang mall kung saan nga siya nag-perform.

“Naku, magtigil s’ya, kahit ulit-ulitin mong panoorin ang viral video, iba ang porma ng nahulog sa ibinato, ‘noh?” sigaw ng netizen.

May mga nagsabi namang gigimik na lang din daw si Moira, hindi pa inayos.

Kawawa talaga ang singer dahil mas higit na nang-iinsulto ang hanash ng iba na nang dahil daw sa nakakaantok ngang kanta at boses nito, baka nga raw nakatulog ‘yung may hawak ng mineral water kaya nabitawan at nahulog.

Hay, grabe pero kapag laging may ganito sa performance ni Moira dela Torre, saan kaya aabot ang career niya lalo’t balita ring diumano’y “banned o ipina-ban” siya sa isang TV show na may kantahan at sayawan?

---

MEDYO na-sad kami bilang fan ni Demi Moore dahil sa katatapos na OSCARS nga ay na-lotlot (talo) ito as Best Actress.

Siya talaga ang pinag-uusapan at front runner sa kategoryang ito, lalo’t sa mga earlier minor award-giving bodies (Golden Globes, SAG etc.) ay rumampa ang husay niya para sa movie na The Substance (TS).

Pero ‘yun nga, sa Oscars ay tinalo siya ng isang higit na bata (in her early 20s) na si Mikey Madison for Anora.

Ang sey ng marami, naging kill joy na naman daw ang Oscars dahil sinira na naman nila ang trending na rahrahrah para kay Demi na in her 60s ay first time sanang mananalo ng Oscar.

Grabe pero nagmemelangkolya pa kami sa pakikinig ng mga favorite songs namin from Roberta Flack na gaya ni Gene Hackman ay yumao na rin last February at nagbigay ng sadness sa amin. Mga fave rin kaya namin sila at naging parte rin sila ng youth namin.

Ay, grabe, ang tanda na pala namin. Hahaha!