Marco, kaya ‘di na ikinampanya… CRISTINE, MAY BAGONG BF NA RAW NA KONEKTADO SA MGA PULITIKO

ni Ambet Nabus @Let's See | July 1, 2025

Photo: Cristine Reyes - IG

Totoo nga kayang may bago nang karelasyon o boyfriend si Cristine Reyes?

Bukod sa kuwento ni Mama Ogie Diaz tungkol dito, may mga kapwa-Uragon tayong Marites from Bicol na uma-agree at na-observe na raw ito since campaign period.

Matatandaang may mga kababayan tayong nagtataka at nagtatanong kung bakit mas naging active umano si Cristine sa kampanya ng ibang kandidato last elections kumpara sa naging laban ni Marco Gumabao?

Naisulat na rin natin dito sa BULGAR ang katanungang iyan lalo’t may mga naka-observe nga na hindi raw yata nagbigay ng full support si Cristine kay Marco bilang GF nito. 

At dahil na-Lotlot (read: talo) nga si Marco sa pulitika, lumabas na rin ang balitang nag-break na umano sila.

Pero ang nakakaintrigang part nga now ay ‘yung tsikang may bago nang BF si Cristine sa katauhan ng isang non-showbiz guy, pero malaki raw ang role sa political career ng ilang government and elected people.

Kaya ang kantiyaw ng netizen, “Hindi kaya napulitika ang love life ni Marco?”

---

David, ano ‘to?

BARBIE, KA-HOLDING HANDS SI JAMESON BLAKE

WELCOME to the club nga ang komento ng mga netizens sa tila namumuo umanong something between Barbie Forteza at Jameson Blake. May mga netizens pa ngang tinatawag na ‘Sera’ (for echosera) si Barbie.

Nakakagulat man pero mukha nga raw natutunan na ng aktres ang kalakaran sa showbiz na kapag may show na o project na ipapalabas ang isang artist, sumasakay ito sa mga gimik na anik-anik?

Sa isang event na naman kasing nakitang magkasama sina Barbie at Jameson, may pa-holding hands daw ang dalawa habang nakikipag-photo opp sa mga fans.

“May ipino-promote lang ang mga ‘yan, lalo na si Barbie na may series na parating. Pressured ‘yan dahil baka hindi nito malampasan ang mga nauna n’yang series,” komento ng netizen.

Mapapanood nga ngayong July si Barbie bilang bida sa Beauty Empire (BE) sa GMA-7.

---

Idinaan sa text votes…

PBB BIG 4, PERA-PERA ANG LABANAN

IBANG klase raw talaga ang ABS-CBN pagdating sa mga reality shows na pinagkakaperahan.

Sa nalalapit ngang pagtatapos ng Pinoy Big Brother (PBB) Celebrity Collab Edition ngayong July 5, nag-umpisa na nga ang ‘pera-pera’ botohan ng mga supporters ng ‘Big 4’ na nasa grand finals.

Nagsimula na nga ang vote to evict at vote to save para sa 4 na tandem na naglalaban-laban — ang CharEs (Charlie at Esnyr), RaWi (Ralph at Will), AzVer (AZ at River) at BreKa (Brent at Mika).

Tila gagastos nga nang malaki ang mga parents ng AzVer dahil nu’ng makita ng mga netizens ang kasosyalan at pagiging mayaman ng mga awra ng mga mommies na pumasok, mukhang hindi raw sila ang klase na susuko na lang sa laban ng mga anak nila. 

‘Yun nga lang, very obvious daw na nagtitipid ang ABS-CBN dahil umaasa raw ito sa sponsor nila. 

Sey pa nga ng mga observers, “Para sa malaking event at collab pang matatawag, sa isang maliit na lugar lang na New Frontier theater gaganapin ang big night? 

“Anyare, ABS-CBN, sa mga pakulo ninyong pinaka-kayo? Nasaan ang ambag ng GMA-7 bukod sa sila ang nagpapahiram sa inyo ng ‘bahay’ para maipalabas sa mainstream TV?”

Aguy!

---

GANYAN nga rin ang naging observation ng mga nakapanood ng BINI verse world tour kuno abroad, partikular sa Canada.

Halata raw kasing pinagkaperahan lang ang sinasabing hindi naman nag-success na world tour.

Sa Dubai leg pa nga lang ay puro puna na at pintas ang inabot ng girl group na mistulang isang production number lang daw na pang-high school ang ganapan sa walang kuwentang production value. Then, sa Canada nga na marami ang nagpapatunay na aalug-alog ang mga tao sa napakalaking venue. 

Granting daw na sold-out project ito dahil may mga producers na bumili at nag-market ng nasabing world tour, ang pabayaan daw na pumalpak sa maraming production stuff na reflective sa BINI ay isang malaking pintas at flop.

“Nasaan ang laging sinasabi na world-class? Mahusay lang sila sa pag-exaggerate sa promo at pag-market na akala mo ay the best nga sila sa buong mundo? Puwede ba?” hirit pa ng naghahamon na maglabas man lang daw ng kahit isang video clip na nagpapatunay na sumakses nga ang world tour?

“Ilabas na ang video. ‘Wag nang patagalin pa dahil baka ma-edit pa at pagandahin at palabasing world-class,” kantiyaw uli ng netizen na hindi raw nagtataka kung bakit sa New Frontier lang inilagay ang PBB Celebrity Collab big night.

Luh!

Anak, kahit proud na LGBTQIA member… MELANIE KAY MICHELLE: MY REYNA

ni Mercy Lejarde @Showbiz Talkies | June 30, 2025

Photo: Michelle Dee - IG

Nakita ni yours truly kung paano mag-alaga at magmahal ng mga anak ang aking kaibigan, Miss International 1979 Melanie Marquez. She was only 15 years old at that time nang manalo ng Miss International.

Napaka-hands-on ni Melanie sa pag-aalaga sa mga anak niya, kaya naman super-proud siya nang ibinahagi sa kanyang social media post ang larawan ng kanyang aktres at beauty queen na anak na si Michelle Dee, at may caption na: “My Reyna!”

Ang picture na ibinahagi niya ay noong nag-perform si Michelle para sa first single nito na Reyna.

Samantala, na-impress ng aktres at Miss Universe Philippines 2023 na si Michelle Dee ang mga tao nang itanghal niya ang kanyang debut single na Reyna nang live sa Dolphy Theater kamakailan lang.

Ang nasabing event ay paglulunsad ng “Pride Version” ng music video para sa kanyang hit track, na unang nag-debut noong Marso nang opisyal na pumasok si Michelle sa music scene bilang recording artist.

---

Nagdiwang ng 36th wedding anniversary si Senator Jinggoy Estrada at ang maganda nitong asawa na si Precy Vitug Ejercito Estrada.

Noong June 27, napakaganda ng ibinahagi nitong video clips na nagpapakita ng mga sweet moments nilang mag-asawa.

Sey ni Sen. Jinggoy sa post niya, “Happy anniversary sa aking maybahay, Precy Vitug Ejercito Estrada. Maraming salamat sa tatlumpu’t-anim na taon ng pagmamahal, pang-unawa at pag-aaruga sa akin at sa ating mga anak.

“Marami na tayong pinagdaanan kaya nagpapasalamat ako sa gabay ng Panginoon, nandito pa din tayo at matatag ang pagsasama.

“Happy anniversary (heart emoji). Mahal na mahal kita!”

Napaka-sweet pala ni Sen. Jinggoy sa kanyang maybahay na si Precy. Kung titingnan kasi siya ay palaging seryoso at in fairness, ha, sa true lang, mukha silang mga bagets, lalo na si Precy. 

Teka nga, matanong nga ang mga sikreto nila bakit hindi sila tumatanda. 

By the way, belated happy anniversary, Sen. Jinggoy and Precy.

Kanta na nga lang tayo ng “Ikaw lang ang aking mahal, ang pag-ibig mo’y aking kailangan. Pag-ibig na walang hangganan, ang aking tunay na nararamdaman… ahhh ahhh.”

Pak, ganern!

Nang dahil sa PBB… SHUVEE, KAYA NANG MAGMAHAL

ni Lucille Galon @Special Article | June 30, 2025

Photo: Shuvee Etrata - IG

“Kaya ko po pala magmahal,” ito ang na-realize ng former Pinoy Big Brother (PBB) housemate na si Shuvee Etrata o kilala ring ‘Island Ate ng Cebu’ tungkol sa kanyang sarili at ito ay dahil sa kanyang naging journey sa loob ng Bahay ni Kuya. 

Sa recent guesting nila ng ka-duo na si Klarisse De Guzman sa Fast Talk with Boy Abunda (FTWBA), naging emosyonal si Shuvee habang ikinukuwento kung paano niya unti-unting nakilala ang sarili, lalo na pagdating sa usaping puso. Dito ay proud niyang inamin na kaya pala niyang magmahal.

Ayon pa sa kanya, dahil sa mga pinagdaanan niya sa buhay, mataas umano ang ‘walls’ o pader na itinayo niya para protektahan ang sarili.

Sey niya, “With all the trauma that I’ve experienced, parang naramdaman ko po na mataas ‘yung walls ko.”

Pero dahil sa PBB, unti-unting bumukas ang puso ni Shuvee. Natutunan niyang makisama, makiramdam, at higit sa lahat, tumanggap ng pagmamahal.

“Doon ko natutunan na hindi ako nag-iisa, na kahit galing ka sa pain, may space pa rin para sa growth at love,” emosyonal niyang pahayag.

Samantala, sa kanyang Instagram (IG) post, inamin din ng Sparkle artist na hanggang ngayon ay pinoproseso pa rin niya ang lahat ng nangyari sa loob ng PBB house.

“It’s been 2 weeks since I got evicted from the PBB house, and I’m still trying to process everything that’s happened. Grabe pala ‘yung pagmamahal n’yo sa akin (crying emoji),” caption ni Shuvee.

Hindi man naiuwi ang titulo, ramdam pa rin ni Shuvee na panalo siya sa puso ng kanyang mga supporters.

Mensahe niya, “I may not have taken home the title, but in my heart, I truly feel like a winner. Thank you, @pangkatshuveeofficial, sa pagmamahal n’yo sa akin. What did I do to deserve you guys?”

Wala man siyang chance para pumasok sa Big 4, sure na sure naman na matutupad na ang mga pangarap ni Shuvee Etrata sa labas ng Bahay ni Kuya. Patok na patok siya sa mga netizens dahil sa angking ganda at talino niya. 

Kaya congratulations pa rin, Shuvee!

---

Dustin at Bianca, natalo...

BRENT AT MIKA, PASOK NA SA PBB BIG NIGHT

USAPANG Pinoy Big Brother (PBB) pa rin, pasok na nga sa ‘Big 4’ ng PBB Celebrity Collab Edition ang tambalang Brent Manalo at Mika Salamanca, na mas kilala bilang BreKa, matapos nilang talunin ang DusBi na sina Dustin Yu at Bianca de Vera sa intense at nakakakabang Big Jump Challenge.

Sa final and deciding challenge na ‘yun, kailangang maglipat ng mga plastic cups ang dalawang duo sa loob ng maze habang sinusunod ang time limit ni Kuya. Ang twist, kailangan nilang i-stack ang mga naipasang cups sa dulo para makabuo ng pinakamataas na tower. Kung sino ang may mas matayog na tower sa dulo ng time limit, siya ang panalo. Todo-effort at strategy ang labanan. 

Sa simula, sinubukan nina DusBi na maglipat ng multiple cups in one go, pero hindi naging effective kaya bumalik sila sa isa-isang pag-transfer. 

Si Bianca, mas mabilis nahanap ang teknik kumpara kay Mika at tuluy-tuloy lang siya sa maze. 

Si Dustin naman, nag-isip ng paraan para makapag-transfer ng more than one cup nang mabilis. Hindi rin nagpahuli ang BreKa at eventually nahanap din nila ang kanilang winning formula.

Pero hindi pa roon natapos ang challenge. Midway, may dagdag-hamon si Kuya, kailangan nang magsuot ng blindfold ang isang housemate habang guided lang sila ng instructions ng partner nila. 

Dito na mas nasubok ang patience at focus ng bawat pair habang ramdam na ang pagod sa katawan.

Pagpatak ng huling minuto, nag-concentrate na ang dalawang teams sa pag-stack ng kanilang cups. Inabangan ng lahat kung sino ang aangat, at sa huli, inanunsiyo na nga ng mga hosts na sina Brent at Mika ang nanalo, meaning sila na ang kukumpleto sa Big 4.

Para sa mga fans at manonood, naka-schedule na rin ang Big Night sa July 5, 2025 sa New Frontier Theater. Bukas na rin ang BBS (Vote to Save) at BBE (Vote to Evict) system na puwedeng gawin sa Maya app.

Ang duo na makakakuha ng highest average score mula sa public votes ang magiging ‘Big Winner’ at mag-uuwi ng P1 million each. Ang 2nd Big Placers ay may P500,000 each, 3rd Big Placers P300,000 each, at 4th Big Placers naman ay P200,000 each.

Sino ang bet n’yo, mga Ka-BULGAR?