Oks daw na may choice ang manonood… COCO, KAMPANTE SA TAPATAN NILA NI DINGDONG

ni Ambet Nabus @Let's See | May 16, 2026

Photo: File Coco Martin

Balik-taping na ang Sigabo at balitang this June na ito eere sa Kapamilya channel. 

Tungkol naman sa intrigang naalarma raw ang CCM Production at si Coco Martin mismo sa very high and positive reception sa action-series ni Dingdong Dantes na The Master Cutter (TMC) sa GMA-7, sey ni Coco, “Everybody is welcome. Maganda nga ‘yan dahil may choice ang mga televiewers. 

“Happy ako, kami, sa pagbabalik-action ni Dingdong sa TV. Iba ‘yung sa kanila, iba ‘yung sa amin. Ang mga tao naman ang maghuhusga r’yan. Basta kami, gagawin namin ang lahat para muli silang pasayahin at bigyan ng de-kalidad na series.”

Sinegundahan ito ng “misis” niyang si Julia Montes sa pagsasabing very proud siya kay Coco hindi lang sa pagiging very hands-on producer-director-actor nito. 

“Sobra s’yang maalaga, madetalye at nakaka-amazed ang sipag. Mabilis gumana ang utak at talagang subsob sa trabaho. Kaya sure na maganda ang resulta ng ginagawa namin at magugustuhan talaga ng marami. 

“Besides, kilala na ‘yung brand n’ya at tested na kumbaga, ‘di ba?” dagdag pa ng aktres.

---

MARAMI ang nagtatanong kung bakit ayaw ipakilala sa madla ng aktres na si Sanya Lopez ang kanyang non-showbiz boyfriend.

Proud kasing inamin ni Sanya na hindi na siya NBSB (No Boyfriend Since Birth) kundi isang ‘happy girlfriend’ na.

Sa show ni Kuya Boy Abunda na Fast Talk with Boy Abunda (FTWBA) ay tila isang teen-ager si Sanya na nagkukuwento kung paano raw palang ‘masarap at masaya’ na may dyowa.

At dahil first time nga niyang maging open sa public hinggil sa kanyang boyfriend ngayon, nakiusap ang aktres na huwag nang i-reveal ang identity ng lalaki lalo’t non-showbiz naman daw ito.

“Meron po kasi kaming agreement na kahit man lang ‘yun ay ‘wag naming i-reveal o i-share sa public. Ang importante po ay honest ako sa pagsasabing ‘HAPPY GF’ po ako sa ngayon at let it stay that way po sana,” pakli ni Sanya.

Subali’t may mga kasamahan sa showbiz bukod daw sa mga kapamilya ni Sanya na nakilala na’t nakasalamuha na ang sinasabing boyfriend niya.

“Maybe in time, soon?” ang kinikilig pa nitong pahayag sa kung darating ba ang time na makikilala rin ng publiko ang kanyang mahal.

Kaya naman sa naturang interview din ay binigyan siya ng ‘tips’ ni Jane Oineza, na ninanamnam naman ang 6 years na nitong relationship sa magaling at guwapo ring aktor na si RK Bagatsing.

Paalala ni Jane sa Kapuso actress, “Everyday, kailangan n’yong piliin ‘yung isa’t isa. I think ano lang naman ‘yan, everyday, kailangan n’yong piliin ‘yung isa’t isa kasi may mga araw naman na ‘di tayo in our best behavior,” saad pa ni Jane.

Magkasama sa pelikulang Midnight Girls (MG) sina Jane Oineza at Sanya Lopez, kasama pa sina Jodi Sta. Maria at Loisa Andalio na palabas na sa maraming sinehan sa buong bansa.

10 yrs. nagsama, walang forever… AI AI, INAKALANG MAGIGING CAREGIVER SI GERALD, INIWAN DIN PALA

ni Mercy Lejarde @Talkies | May 15, 2026

Photo: FB Ai Ai delas Alas

Blooming ang Comedy Queen na si Ai Ai delas Alas nang mag-guest siya sa YouTube (YT) channel ni Toni Gonzaga na Toni Talks kamakailan lang.

Sa panayam ay napag-usapan ang tungkol sa mga natutunan ni Ai Ai tungkol sa mga dati nitong karelasyon.

Sey niya, “Usually, ang babaeng nahihiwalay sa asawa o syota, gumaganda, nagbu-bloom.”

Tanong ni Toni, “Kaya siguro gumaganda ang isang babaeng nahiwalay kasi ‘pag nasimulan na ng isang babae na mahalin ‘yung sarili n’ya?”

Sey ni Ai Ai, “‘Yan, totoo ‘yan. ‘Yung super-mahal mo ‘yung self mo. Tapos kunwari, darating ‘yung time na gusto mong humarot, tapos, alam mo na, ‘Ah, red flag ‘to, mahe-hurt ako.’ Wala na agad kasi mas pinipili mo, I love myself so much.”

Tanong ni Toni, “Sa three heartbreaks mo sa pag-ibig, ano ‘yung isang bagay na ‘pag babalikan mo, natutunan mo ru’n sa tatlong marriages na ‘yun?”

Sey ni Ai Ai, “‘Yung first, ‘yung impulsive. ‘Yung second kasi… at saka ano ako, eh, ‘di ba, siraulo nga ko? ‘Pag pinipigilan ako, lalo kong ginagawa.

“‘Pag sinasabi ng mga friends ko, ‘pag sinasabi ng nanay ko, lalo na ang nanay ko kasi, parang ano kasi s’ya, eh, mahigpit s’ya.

“‘Yung auntie ko na nag-adopt sa akin na ‘pag ayaw n’ya, ‘yun ang gusto ko. Alam mo ‘yung ganu’n? Nagrerebelde ako. So, ‘yan ang napapala ko ngayon.”

Dagdag na tanong ni Toni, “‘Yun ‘yung sa first?”

Sey ni Ai Ai, “Oo. ‘Yun ‘yung first and second, ganu’n pareho.”

Sey pa ni Ai Ai, “Yes. At totoo ‘yun, mothers know best. Ang nanay mo, ‘pag sinabing kung ano ‘yung nararamdaman n’ya, totoo ‘yun. Dapat sundin natin ‘yun. Totoo ‘yun. Tama pala ang nanay ko kasi ‘di ako sumusunod.”

Dagdag na tanong ni Toni, “Pero du’n sa pangatlo (Gerald Sibayan) na nag-risk ka?”

Sagot ni Ai Ai, “Ah, gusto naman n’ya ‘yan. Gusto n’ya ‘yan. Kaya parang ako naman, ah, parang okay sa nanay ko kaya okay ako.”

Tanong ni Toni, “Pero ano ‘yung pinakamasakit du’n sa last para sa ‘yo?”

Sey ni Ai Ai, “‘Yung idea na may forever. S’yempre, and ‘yung promise n’ya na parang ‘di naman n’ya ako iiwanan, ganyan. ‘Yun ‘yung parang naniwala ako sa promises, ‘yun ‘yung masakit. Pero okay lang, ganu’n talaga ‘yung buhay. So, ina-accept ko na lang kasi wala naman akong choice.”

Hirit na tanong ni Toni, “Paano ‘yung moving on at saka ‘yung healing?”

Sey ni Ai Ai, “Ay, ‘yung healing. Mahirap ‘yung healing. Siguro, mga three months akong tulala and not questioning the Lord pero parang sinasabi ko lang sa Kanya, ‘Tulungan Mo ‘ko to move on. And ano’ng gagawin ko?’

“Kasi ‘yun ang mahirap ‘pag matagal kayong nagsama. ‘Yung ano ba ‘yung mga fears mo? Una, ‘yung fear of the unknown. Saan pupunta? Du’n ako unang nangarag, ano’ng gagawin ko after nito? And then ‘yun nga, ‘yung growing old.

“Sabi mo nga na idea na growing old together, ganyan. Alam ko naman na mas old ako sa kanya pero at least may makakasama ako, may kausap ako, ganyan.

“Meron akong caregiver, char! Caregiver na pogi. And ‘yun ‘yung mga nalungkot ako sa part na ‘yun at nahirapan na mag-move on kasi nga 10 years din na kasama mo physically. Mahirap ‘yun na may katabi ka for 10 years din, tapos isang araw, parang may hangin dito, wala ka nang katabi, ‘di ba?

“Pero ako, bumangon kasi ako agad after nu’ng mga natulala moments. Three months, ika-fourth month, nag-zumba na ako.

“Gagawa ka ng paraan. Wala kang choice, eh. Parang sinasabi ko sa sarili ko, ‘Martina, parang t*nga. Bumangon ka.’ Eh, ganyan talaga ang buhay. Pumili ka ng bata, eh, ganu’n talaga. So, bumangon talaga ako. Sabi ko, ‘Mag-zumba. Kung ayaw mong mag-zumba, mag-gym ka.’”

Well, good job, Ai Ai delas Alas. At least, mas seksi at maganda ka ngayon. ‘Di ba naman, madlang people?

---

“CALL me Lola or Grandma, it’s okay,” pahayag ng beauty queen-actress na si Lara Quigaman sa kanyang social media post nang ibinahagi ang kanyang larawan na may white hair na.

Saad ni Lara, “Ilang taon ko itinago, tiniis, tinakpan… and I’m done. Pagod na ako, ayoko na.

“The first time I saw a white hair on my head, I was 12 years old. Since my early thirties, I have been dyeing my hair almost every two weeks just to cover the whites we got from our papa.

“You see, my papa already had almost fully white hair in his 30s. My brothers, my sister, and I all have a head full of whites and greys.

“I’m finally letting go of ‘perfection’ and embracing my God-given white hair that comes not just with age, but with genetics too.

“So, call me Lola or Grandma, it’s okay… I’m going to try and rock this white hair.

“I know it’s not going to be easy because sometimes I look in the mirror and just want to cover it all up again. That’s why I’m posting this now… to give myself courage…

“Will you help me? Maybe even join me on this journey?”

Well, in fairness, hindi maitatago ang magandang mukha ni Miss International 2005 Lara Quigaman kahit may white hair pa siya.

Mister, sinigawan daw ang ex-BF… SHARON, DAMAY SA AWAY NINA SEN. KIKO AT SEN. ROBIN

ni Ambet Nabus @Let's See | May 14, 2026

Photo: FB Robin Padilla & Kiko Pangilinan

May mga nang-iintriga na ano kaya ang posibleng ipahayag ni Megastar Sharon Cuneta matapos ngang masaksihan ng sambayanan ang tila girian ng kanyang asawang si Sen. Kiko Pangilinan at ng matalik niyang kaibigan at dating BF na si Sen. Robin Padilla?

Nag-ugat ito sa pagtataas ng boses ni Sen. Kiko na diumano ay hindi nagustuhan ni Sen. Robin dahil pagsigaw daw ang dating nito sa kanya.

“Just asking kung ano na naman kayang paeklay chururot ni Mega para kunwaring wala siyang masaktan eklavooh gaya ng noo’y ginawa na niya sa Sen. Tito Sotto niya at sa pamilya nu’ng lumaban din itong VP?” tanong ng mga halatang ‘bashers’ sa isang socmed (social media) thread.

“Ano ba kayo, obvious namang sa asawa ‘yan kakampi, ‘noh? Pero matalino si Mega, mahusay s’yang mag-compose at gumawa ng mga statement na papabor pa rin sa imahe n’ya,” hirit naman ng iba.

Sa naganap ngang ‘tila bangayan’ ng dalawang senador kaugnay ng mga stand nila sa iskandalosong isyu ng pag-serve ng warrant of arrest kay Sen. Bato, hayan tuloy at totoong teleserye na ang nagaganap sa mga dapat ay disente, well-behaved at matatalino nating mga senador sa plenaryo ng Senado.

Hmmm… matuloy pa kaya ang pinag-uusapan ding nakatakda raw nilang gagawin na movie together sa mga susunod na panahon under sa kapwa nila mahal na Viva Entertainment?

---

Fans, kaya todo-asang matutuloy ang kasal ni Bea… DIMPLES AT MISTER, TODO-POST NA NASA SPAIN NA

SA patuloy ding usapin sa mga urong-sulong na isyu sa kasalang Bea Alonzo at Vincent Co ay may mga posts naman itong si Dimples Romana kasama ang kanyang asawang si Boyet Ahmee na nasa Spain na.

Kilala sa showbiz na matalik na magkaibigan sina Dimples at Bea kaya’t may mga humo-hopia raw na mga fans ng aktres na baka matuloy ang kasal at baka nga raw eklay lang na pralala ang sinasabing na-cancel na ito.

Pero ang tila umiikot ding tsismis sa ngayon ay ang mga unconfirmed sources and reports na nagsasabing baka diumano mauwi pa sa legal action ang mga pangyayari sa pagitan ng mga handlers ni Bea at pamilya ni Vincent na na-drag sa isang pangit na kontrobersiya.

Anila ay nalagay sa negative side ang pamilya Co nang dahil sa mga usapin sa ‘prenup agreement’ at apektado nito ang patronage at moral standard ng mga negosyo ng mga Co sa bansa.

---

MAINIT din ang naging balitaktakan ng mga netizens sa pag-handle ng mga award-winning broadcast journalists na sina Tita Mel Tiangco at Karen Davila sa pag-i-interview nila separately kay Sen. Bato dela Rosa.

Sa magkaiba nilang news programs sa GMA-7 at ABS-CBN ay nagpaunlak ng panayam si Sen. Bato at napanood nga ng madla kung paano ito halos ‘nilitson’ ng dalawa sa pamamagitan ng kanilang mga tanong.

Mabilis na nag-trending ang parehong interviews at kapwa sila pinupuri ng madla sa taglay nilang tapang at husay lalo’t ganu’n na ganu’n daw ang saloobin ng maraming Pinoy sa bansa.

May mga netizens din namang bumatikos at pumunang tila hindi umano naging professional ang pag-handle ng dalawa sa paraan ng pagtatanong dahil halata raw na may mga ‘bias’ ito sa disgusto nila kay Bato.

May ilan pa ngang tila kinakantiyawan at kinukuwestiyon din si Tita Mel dahil ang anak daw nitong singer-artist na Wency Cornejo ay lantad na DDS (diehard Duterte supporter).

Grabe na ang mga kaganapan nang dahil sa pulitika, ‘noh?