Pinoy performer, nakatago pa ang mukha, ha? BILLY, GRAND CHAMPION SA THE MASKED SINGER FRANCE

ni Alicia Abarnas (OST) @Showbiz Special | June 30, 2026

Photo: Billy Crawford sa The Masked Singer France - YT

Pinatunayan ng Pinoy total performer na si Billy Crawford na world-class ang kanyang talento matapos tanghaling grand champion sa sikat na reality singing competition na The Masked Singer France. 

Ang Filipino host at singer ay patuloy na inilihim ang kanyang totoong identity sa buong panahon ng paligsahan sa pagganap niya bilang L’Ane (The Donkey). 

Sa kanyang naging laban, pinasikat ni Billy ang mga awiting Pranses at Ingles tulad ng Le Portrait, I Feel Good, at Uptown Funk. 

Sa kapana-panabik na final round, tinalo niya ang katunggaling si Carla Lazzari na nagsuot naman ng costume bilang si "Le Poussin" (The Chick). 

Dahil sa kanyang makasaysayang pagkapanalo, tuluyan nang natanggal ang kanyang maskara sa finale at opisyal na nadagdag ang prestihiyosong titulong ito sa mahabang listahan ng kanyang mga naging tagumpay. 

Sa kanyang Instagram post, labis ang pasasalamat ng singer-host sa bagong karangalang kanyang nasungkit sa France . 

“This was an absolutely amazing experience! Thank you to my @masksinger_tf1 family for keeping me a secret for a whole month!” ani Billy sa kanyang IG post. 

“L’Ane was a very special character to me because I chose it with my son Amari in mind. I figured if he loved it, everyone else would too!” dagdag pa nito. 

---

Na-bash, nag-live, pero binura rin…

MAXIE ANDREISON, TODO-SIGAW NA OKAY NA SILA NG SINAMPAL AT SINIPANG TRANS FAN, BUKING NA SINUNGALING

SA isang Instagram Live, humingi ng kapatawaran ang Drag Race Philippines Season 3 winner na si Maxie Andreison kaugnay ng isang insidenteng naganap tatlong taon na ang nakalilipas sa Cabanatuan City. 

Ito ay matapos na muling kumalat ang video kung saan makikitang sinampal at sinipa niya sa mukha ang isang transgender fan matapos umanong hawakan at hatakin ang suot niyang wig. 

Humingi ng patawad si Maxie sa kanyang mga tagahanga at sinabing nagkaayos at nagkapatawaran na sila ng biktima. 

Nangako rin siyang huli na ito at hindi na mauulit.

Subalit mabilis na napabulaanan ang kanyang mga pahayag matapos lumabas ang mga screenshots na nagpapatunay na hindi totoong nagkaayos sila, dahilan para burahin niya ang naturang live video.

Ayon sa nakasaad sa screenshot ng biktima: "No one has contacted me. Big no." 

Nang sabihan itong nagkaayos na sila ni Maxie, ganito ang naging matapang na tugon nito, "Sira-sira ba siya? Hindi man lang siya nag-message sa akin. Paanong nagkaayos na kami?”

Bukod dito, nag-post din ang isa pa sa mga indibidwal na nasaktan sa gulo. Inilarawan niya ang pangyayari bilang isang malalim na trauma, habang inaalala ang kanyang paulit-ulit na pagmamakaawa noon na: "TAMA NA PO, HINDI PO AKO ‘YUN." 

Aniya, ang muling paglutang ng video ay nagbalik lamang ng mga masasakit na alaala.

GF ng aktor, nag-post na give up na raw… JOHN LLOYD AT ISABEL, KALAT NA BREAK NA

ni Evy (OJT) @Special Article | June 19, 2026

Photo: File / Isabel Santos at John Lloyd Cruz - IG

Naiintriga ang mga netizens tungkol sa estado ng relasyon ngayon nina John Lloyd Cruz at Isabel Santos matapos magbahagi ang visual artist ng sunud-sunod na cryptic posts bago biglang nag-deactivate ng Instagram account.

Sa isa niyang post, mababasa ang mensaheng: “I GIVE UP. Birthdays are just a day in a year you are forced to feel something.”

Dagdag pa niya, hindi umano naging maganda ang kanyang birthdays sa loob ng mahigit anim na taon.

Lalong naging usap-usapan ang kanyang posts nang magbahagi siya ng larawan na may linyang: “Men don’t protect you anymore,” na nilagyan niya pa ng caption na, “They follow the money.”

Nag-post din siya ng mensahe para sa sarili bago tuluyang mawala online.

“Happy birthday week, Isabel Santos. This year your task is to believe in the promise of your own life. Say no to sh*t you hate.”

Dahil dito, marami ang napaisip kung may koneksiyon ba ang mga cryptic posts sa personal na buhay ni Isabel, kabilang na ang relasyon niya kay John Lloyd? 

Meron namang ilan na nagsasabing baka birthday blues lang ang nararanasan ni Isabel.

Sa ngayon, wala pang pahayag ang kampo ng dalawa tungkol sa isyu.

Nagsalita na si Rhen Escaño kaugnay sa kumakalat na espekulasyon na umano’y may tampuhan sila ng ka-loveteam at My Husband Is A Mafia Boss co-star niyang si Joseph Marco.

---

MAY mga fans na nakapansing nawala ang matching profile picture nina Rhen Escaño at Joseph Marco matapos magpalit ang aktres ng profile picture sa Instagram.  

Mas na-curious ang mga fans nang kumalat ang balitang may non-showbiz girlfriend na umano si Joseph at fan service lang ang pahayag nitong single siya.

Dahil dito, nadismaya ang kanilang mga fans ni Rhen, lalo na ang RhenSeph supporters, dahil ongoing pa ang kanilang TV series sa Viva app.

Sa gitna ng isyu, nilinaw ni Rhen ang kanyang panig.

“I’m doing my part. I’m trying my best. But I can’t control other things. I’m sorry,” ani ng aktres.

Dagdag pa niya, “Wala pa kasi kaming schedule na magkasama. Kalmahan n’yo lang.”

Samantala, wala pang inilalabas na pahayag si Joseph tungkol sa isyu.

Para maranasan daw ng ka-love team… KIM, TODO-PAKIUSAP SA FANS NA IBOTO SI PAULO BILANG OUTSTANDING ASIAN STAR

ni Evy Baldago (OJT) @Special Article | June 17, 2026

Photo: FB Katherine Luna

Todo-suporta ang actress at TV host na si Kim Chiu sa kanyang ka-love team at The Alibi co-star na si Paulo Avelino at ikinampanya pang iboto ito matapos silang kapwa mapabilang sa mga nominado sa Seoul International Drama Awards 2026 para sa kategoryang Outstanding Asian Star. 

Matatandaang noong 2024 ay si Kim ang nag-uwi ng naturang parangal at nagbigay pa ng acceptance speech sa South Korea.

Ngayong taon, umaasa ang mga tagahanga ng KimPau na si Paulo naman ang magkakaroon ng pagkakataong tumanggap ng award at magbigay ng sariling Korean speech.

Sa kanyang X post, pabirong hinikayat ni Kim ang kanilang mga fans na iboto si Paulo.

“Hello Fam! Let’s vote for Pau naman this time para siya naman maka-experience mag-‘안녕하세요, 정말 감사합니다.’ (Hello, thank you very much). Hihihi exciting mag-Korean si @mepauloavelino. Salamat po sa lahat ng bumoto na (heart emoji),” saad ni Kim.

Agad namang umarangkada ang suporta ng KimPau fans at hinikayat pa ang iba pang netizens na bumoto upang matulungan si Paulo na masungkit ang naturang pagkilala.

---

UMANI ng kilig at tawanan mula sa mga netizens ang viral video ng award-winning actor na si Pepe Herrera at ng Optimum Star na si Claudine Barretto matapos silang maghalikan sa premiere night ng kanilang pelikulang Home Along Da Riles: Da Reunion.

Marami ang natuwa sa kanilang nakakatuwang interaksiyon at ikinumpara pa nga ang dalawa sa isang bagong kasal dahil sa kanilang natural na chemistry.

Lalo pang pinag-usapan online ang naiwang lipstick mark sa labi ni Pepe matapos ang kanilang halikan, na nagdagdag pa sa aliw ng kanilang mga tagahanga.

Ang Home Along Da Riles: Da Reunion ay mapapanood na sa mga sinehan ngayong June 17. Muling bibigyang-buhay ni Claudine ang kanyang karakter na si Bing, habang unang sasabak si Pepe sa franchise sa karakter na si Baby Boy.

Dahil sa kanilang viral na eksena, marami ngayon ang mas na-excite na mapanood ang pagbabalik ng isa sa pinakasikat na comedy franchises sa bansa.

---

HINDI nagustuhan ng ilang fans ang naging galawan at sobrang closeness nina Pinoy Big Brother Celebrity Collab Edition 2.0 housemates Caprice Cayetano at Iñigo Jose sa ginanap na fan meet nila.

Sa mga kumalat na video clips, makikita sa mga palarong inihanda ng kanilang fans club ang challenge kung saan kailangan nilang magdikit ng pisngi habang binibitbit ang isang papel gamit ang kanilang mga mukha.

Binatikos ito ng ilang netizens. Issue sa kanila ang malaking agwat ng edad nina Caprice (17-yrs. old lang) at Iñigo (21-anyos naman).

May ilan ding nagsabing hindi umano angkop ang naging galawan ng dalawa na maaaring makaapekto sa imahe ni Caprice bilang PBB Celebrity Collab Edition 2.0 Big Winner.

Ilan sa mga komento ng netizens:

“Jusko, ano’ng klaseng laro ito? Sana sa CapFord FM, wala nang ganyang laro.”

“Really shocked sa ginawa ni Cap. I thought may iniingatang image pero ‘yung galaw niya with Iñigo, alarming na. And knowing nandoon ang family niya, I’m so shocked.”

Agad namang naglabas ng pahayag ang CapGo fans club na siyang nag-organisa ng naturang meet and greet.

Anila, “Please be mindful of your words and assumptions. Everything that took place last night was done with full consent and in the presence of their families, who were happily cheering and celebrating alongside everyone.”