BFF, napatawad na… AI AI, NAG-MESSAGE KAY KRIS, DEDMA

ni Janiz Navida @Showbiz Special | January 31, 2026

Photo: IG _krisaquino

Walang “future relationship” na nakikita ang psychic na si Jovi Vargas kina Comedy Queen Ai Ai delas Alas at Empoy Marquez.

Magkakasama kasi ang tatlo sa upcoming comedy movie na Batang Paco na showing on Feb. 18 mula sa MiVida Productions, Inc., directed by Rechie del Carmen at mula sa panulat ni Gina Marissa Tagasa, kaya natanong namin ang psychic-turned movie star if puwede bang ma-in love sa isa't isa sina Empoy at Ai Ai lalo't single naman silang pareho.

Ang bilis at diretso ang sagot ni Jovi na walang-wala siyang nakikitang posibleng ma-develop ang dalawa sa isa't isa.

Ibinuking naman ni Ai Ai na may dyowa si Empoy at mag-ina lang ang turingan nila kaya ‘di sila talo.

Hindi pa rin naman daw ready si Ms. Ai na magkaroon ng bagong dyowa after ng failed marriage niya kay Gerald Sibayan.

Ayaw na rin daw niya sa mas bata at hindi rin niya bet ang mga AFAM dahil mahirap daw kapag nag-away sila, pa’no niya sasabihin ‘yung “Wala kang utang na loob!?” kaya ‘wag na lang daw.

Pero aminado siyang gusto pa rin niyang magkaroon ng lifetime partner na kahit companion na lang daw at wala nang sexual connection. Malungkot daw kasi ang mag-isa lalo na't may kani-kanya nang sariling buhay ang kanyang mga anak.

Sa ngayon, aminado si Ai Ai na hindi pa siya totally healed sa sakit ng ginawang panloloko sa kanya ni Gerald, pero kung wala namang masamang bibitawang masamang salita ang dating mister o ang kampo nito, tahimik naman siya at sinusubukan pa ring magpatawad.

Naalala tuloy namin ang dati ring itinuturing na BFF ni Ai Ai na si Kris Aquino na minsan ding nakasakit sa kanya. Kaya na rin ba niyang patawarin si Kris lalo't maysakit ngayon ang TV host?

Nagulat kami pero natuwa sa pag-amin ni Ai Ai na nag-reach out siya kay Kris at nag-message rito, pero marahil nga, nagpalit na ng number ang TV host kaya ‘di natanggap ang mensahe niya at walang feedback.

Du'n ka talaga bibilib kay Ai Ai at du'n mo makikita ang kabutihan ng kanyang puso. Gaanuman siya nasaktan, bukas pa rin siya sa pagpapatawad.

Well, sana nga soon, makita rin nating nagre-reunion ang dating mag-BFF.

For now, si Empoy muna ang bagong BFF ni Ai Ai at masusubukan ang kanilang chemistry sa Batang Paco.

Ang nasabing proyekto ang kauna-unahang handog ng MiVida Productions at maituturing na kanilang statement piece.

Kasama rin nila sa Batang Paco sina Mon Confiado, Ynez Veneracion, Chichi Rita at Cassy Lavarias, pati sina Richard Quan, Alma Concepcion, Lara Morena, Natasha Ledesma, Kookoo Gonzales, Gerard Acao, Josh Ivan Morales, Kim Rodriguez, Jovi Vargas, at Quentin Molo.

Mapapanood ang Batang Paco sa mga sinehan sa buong bansa simula Pebrero 18.

Kathryn, pabebe raw kasi… KAILA, ‘UPGRADED’ GF NI DANIEL

ni Janiz Navida @Showbiz Special | January 28, 2026

Photo: FB Kaila Estrada

“Upgraded GF” ang tawag ng ilang netizens kay Kaila Estrada na bagong girlfriend ni Daniel Padilla.

Puring-puri ng mga netizens ang anak nina Janice de Belen at John Estrada nang mag-post ito sa kanyang Instagram account ng photo na naka-two-piece bikini na kuha sa bakasyon nila ni Daniel sa El Nido, Palawan.

Ang classy daw talaga ng dating ni Kaila, bukod sa bilib sila sa galing nitong umarte at matalinong sagot sa mga interviews nito.

Hindi rin maiwasang maikumpara ng ilang netizens si Kaila kay Kathryn Bernardo na ex-GF ni DJ (Daniel).

Pansin ng ilan, mas mature kumilos, magsalita at mag-isip si Kaila kumpara kay Kathryn na “pabebe” raw nu’ng sila pa ni Daniel.

Pagtatanggol naman ng mga fans kay Kathryn, kahit ano pang sabihin ng mga bashers ng aktres, may napatunayan na ito sa showbiz na matagal at malayo pa bago mapantayan ni Kaila.

Oh, well, obviously, ang mga fans ang hindi pa maka-move on sa hiwalayan ng KathNiel dahil patuloy pa rin nilang ikinukumpara si Kathryn sa bagong GF ng aktor.

---

Kaya nag-pilot at sundalo… 

RONNIE, PANGARAP MAGING PRESIDENTE

GRABE sa sipag mag-aral ang original singer ng Ngiti na si Ronnie Liang. 

Nakatsikahan namin ang mabait na singer sa nakaraang fiesta sa Lipa dahil ambassador siya ng Sylpauljoyce Furniture na pag-aari ng mabait na owner din ng Solano Hotel na si Mr. Charles Solano.

Teen-ager pa lang si Ronnie nang maging ambassador ng Sylpauljoyce at until now, siya pa rin ang face ng naturang brand, kaya naman siya ang may pinakamalaking photo sa mga celebrities na naka-display sa wall ng office ni Sir Charles.

Hindi naman kami nagtataka kung bakit hindi pinapalitan si Ronnie bilang ambassador dahil napakabait niya, na siguro, ‘yun din ang nagustuhan sa kanya nina Sir Charles at Ma’m Lorena Solano.

Anyway, naikuwento nga sa amin ni Ronnie na after niyang maka-graduate ng Education, nag-aral din siyang maging piloto at nag-Masters Degree in National Security Administration. Tapos, nag-PhD (Doctor of Philosophy) din siya para sa Security Development Administration na related sa kanyang pagiging member ng Armed Forces of the Phils. bilang reservist.

Well, hindi man sumasabak si Ronnie sa mga giyera, kung saan-saan naman siya nakakarating para sa kanyang advocacy na makatulong sa mga maysakit at nangangailangan lalo na sa mga panahon ng sakuna at trahedya.

Tinanong nga namin si Ronnie kung may balak ba siyang maging pulitiko kaya todo-todo ang charity works niya.

Inamin naman nito sa amin na pangarap niyang maging presidente ng Pilipinas at wala naman daw sigurong masama lalo’t ang hangarin niya ay para sa ikabubuti ng bansa at magandang gobyerno.

Kunsabagay. Pero for sure, marami pang dapat matutunan si Ronnie bago niya pasukin ang pulitika — at unang-una na riyan ‘yung paano siya hindi makakain ng bulok na sistema. 

Anyway, magbi-birthday si Ronnie Liang sa January 31 kaya advanced na ang aming pagbati sa kanya ng “Maligayang Kaarawan!” 

Nawa’y magdulot ka pa ng mas maraming ngiti lalo na sa mga batang may cleft palate na iyong tinutulungan.

---

Pareho raw ang hilig nila, Donny… 

ANAK NI GLADYS NA SI CHRISTOF, INAMIN SI BELLE

MAS guwapo pala sa personal at ang lakas ng dating ng singer na si Christof, ang isa sa Star Magic artists na anak nina Gladys Reyes-Sommereux at Christopher Roxas.

Isa si Christof sa mga Star Magic artists na humarap sa press sa unang Spotlight press conference, kung saan bago siya ipinresenta, ipinakilala rin ang magagaling na theater actors na alaga ng talent arm ng ABS-CBN na sina Jordan Andrews, Lance Reblando at Omar Uddin.

Napansin naming mas confident na ngayong humarap at makipagtsikahan sa press si Christof, na ini-reveal na nagkaroon na siya ng girlfriend during the pandemic at ang non-showbiz girl na ito ang dahilan kaya niya nasulat ang kanyang kantang Take Care.

Alam naman daw nina Gladys at Christopher ang tungkol du’n at ang payo lang sa kanya, laging iisipin at aalalahanin kung ano ba ang priority niya sa buhay. Hindi naman daw nakikialam ang kanyang parents, especially ang kanyang mom, sa love life niya at

wala pa naman daw itong kinokompronta sa mga babaeng napapalapit sa kanya.

Sa ngayon, single si Christof at malinaw sa kanya na ang priority niya ay ang kanyang singing career, kaya bagama’t inamin niyang ina-admire niya si Belle Mariano at gusto niya itong maka-collaborate o maka-love team kung sakaling papasukin din niya ang showbiz, wala raw sa isip niyang ligawan ito.

Todo-pasalamat si Christof na naging part ng Star Magic family dahil ramdam niya ang maayos na pag-aalaga nito sa kanyang music career, kung saan nasa ilalim siya ng ABS-CBN record label na Star Pop.

Inspirasyon ni Christof ang pop, rock, at alternative music. Nai-launch na ang kanyang self-titled debut album — isang koleksiyon ng anim na kanta.

“I’m currently a third-year college student, studying Hotel and Restaurant Management at the University of the Philippines Diliman. I couldn’t be any prouder of how far I’ve come because it’s not easy trying to balance all of these. But we’re pushing through it,” kuwento ni Christof tungkol sa kanyang personal na buhay.

Siguradong magugustuhan ng mga mahilig sa musika sa iba’t ibang streaming platforms ang kanyang self-titled album.

Raymart, irereklamo sa VAWC… CLAUDINE: HINDI KA TALAGA TITIGIL HANGGA’T ‘DI MO ‘KO MABALIW O MAPATAY

ni Janiz Navida @Showbiz Special | January 26, 2026

Photo: Raymart Santiago at Claudine Barretto - FB IG

Naalarma ang maraming fans at netizens sa mga binitiwang pahayag ni Claudine Barretto sa kanyang Facebook livestream nu’ng Sabado nang gabi.

Sa simula pa lang ng kanyang livestream, halata nang nagpipigil sa galit ang aktres, at naintindihan lang ito ng mga nanonood sa kanya nang sabihin niyang kinidnap ang kanyang mga anak ng isang pinangalanan niyang “Maria Solita Acap” a.k.a. Marisol.

Ang babaeng tinutukoy ni Claudine ay ang kanyang personal assistant (PA) na binigyan niya ng ultimatum na dapat sa loob ng 15 minutes ay naiuwi na sa bahay ang kanyang mga anak na sina Sabina, Quia at Noah.

Binanggit din ng aktres na nagpasaklolo na siya sa NBI na naghihintay sa kanyang bahay sa pag-uwi ni Marisol kasama ang tatlo niyang anak.

Bukod kay Marisol, may binanggit din si Claudine na grupo ng mga fans niya na akala niya ay loyal sa kanya pero sinisiraan daw siya at ginagamit pa ang kanyang pangalan para makapanghingi ng pera sa ibang fans.  

At kahit hindi tuwirang tinukoy ni Claudine ang pangalan ng dating mister na si Raymart Santiago, obyus naman sa mabibigat na pahayag na binitiwan niya ang pagkakakilanlan ng aktor.

Mariing sabi ni Clau, "And you, you know who you are! Hindi ka talaga titigil hangga't 'di mo 'ko mabaliw o mapatay. 

"NANAY AKO NG MGA ANAK MO! If anything happens to me especially sa fiesta ng GenSan, alam n'yo na po, dalawang tao lang ang gumagalaw.”

Hinala ni Claudine, nakipagsabwatan si Raymart sa kanyang PA na si Marisol, kaya ang hirit pa niya, "And this person is in connivance with someone who wants me dead. Hindi ho ito biro. Pls. pray for my safety and stay away from Marisol Acap.”

At bago tinapos ng aktres ang kanyang FB Live, nag-dialogue rin ito ng, "At ikaw, malalaki na ang mga anak ko, magkita tayo sa VAWC. You want me dead dahil 'di kita binabalikan, bring it on, bring it on! Multuhin ka sana ng nanay at tatay mo!"

As of yesterday, palaisipan pa sa mga fans at netizens kung naibalik na ba kay Claudine ang tatlo niyang anak.

Muli kasing nag-post ang aktres sa kanyang FB account ng printed copy ng promissory note na nagsasaad na P5 milyon ang kailangang bayaran sa kanya ni Marisol Acap na minsan na raw niyang pinatawad sa pagnanakaw nito.

Ganito ang caption ng post ni Claudine (as is): “Pinatawad kita sa pang nanakaw mo.pero etong ginawa nyo MAGBABAYAD KAYO!!!PAREHO KAYO!!!”

Maliban dito, ini-repost din ni Claudine ang Instagram post ng anak na si Sabina Santiago na ganito ang nakasaad: “Ate Sol, please surrender yourself to the authorities. You took Noah, Quia, and I. Now you are hiding. The authories (sic: authorities) are looking for you in the village. How could you do this to us.”

Ang caption naman dito ni Claudine ay: “You do anything bad to ANY OF MY CHILDREN MAGTAGO KA NA! Simula palang to. @marisol0125 masisira buhay mo promise! I AM A MOTHER!! yan ang pinakamali mong ginawa! WAG MGA ANAK KO! CLAUDINIANS AT RYCB KO AT HIGIT SA LAHAT WAG AKO SOL!!!!”

Well, we hope na as of the moment ay ligtas na naibalik na kay Claudine ang kanyang mga anak. 

Habang isinusulat namin ang kolum na ito, wala pa rin kasing update si Claudine, at burado na rin ang kanyang FB Live, kaya kahit marami pang gustong makapanood nito ay hindi na mahanap ng mga netizens.

Bukas ang aming kolum sa panig ni Raymart Santiago at ni Marisol Acap.

---

After 18 yrs., balik-tambalan sa pelikula sina Jericho Rosales at Anne Curtis.

Unang nagtambal sa MMFF movie na Baler nu’ng 2008 sina Echo at Anne. At ngayon, sa pre-Valentine movie na The Loved One na showing sa Feb. 11, 2026 mula sa co-venture ng Viva Entertainment at Cornerstone Productions, kakaibang love story naman ang hatid ng tambalan nila na mas mature na.

Aminado ang dalawa na pareho silang na-excite sa muli nilang pagsasama lalo’t naging maganda ang chemistry nila noon.

At kahit matagal silang hindi gumawa ng project together, hindi naman nawala ang closeness nina Echo at Anne kaya nga nabiro pa ng aktor ang aktres sa ginanap na mediacon ng The Loved One nu’ng Sabado sa Robinson’s Place Manila.

Hirit ni Echo na patungkol sa recent issue ng pagpatol ni Anne sa isang basher niya na nag-comment na ayaw niyang panoorin ang TLO dahil inglesan nang inglesan ang mga bida, “Maganda ‘tong movie na ‘to kasi nag-i-English kami rito, eh.”

Hindi naman napikon si Anne at sinakyan pa ang hirit ni Echo. Muli inulit ng aktres ang controversial line niyang, “Oo, medyo Taglish siya dito pero may English-English kaya kung ayaw n’yo, ‘di ‘wag kayong manood,” na umani ng tawanan sa audience.

Paliwanag din ng aktres, hindi naman siya nagtataray at parang inisip niya raw na si Vice Ganda lang ang kausap niya at sinasabihan niya ng naturang linya.

Pero siyempre, gusto nina Anne at Echo na panoorin ang The Loved One sa mga sinehan dahil maraming ex-lovers ang makaka-relate rito.

Kasama rin sa pelikula sina Luis Alandy, Max Eigenmann at marami pang iba mula sa direksiyon ni Irene Emma Villamayor.