Poorest senator, P18.8M lang daw ang yaman, Heart... ISANG RELO PA LANG NI CHIZ, P10.5 M NA!

ni Janiz Navida @Showbiz Special | October 30, 2025

Photo: IG _escuderochiz

Paborito talagang i-bash at ayaw tantanan ng mga netizens ang mag-asawang Heart Evangelista at Sen. Chiz Escudero.

Kung si Heart ay kinukuwestiyon ang source ng mga ipine-flex na luxury bags, shoes, damit at alahas, si Sen. Chiz naman ay pinagtataasan ng kilay ngayon dahil sa idineklara nito sa kanyang Statement of Assets, Liabilities and Net Worth (SALN) na P18.8M lang ang kanyang net worth, making him as the “poorest senator”.

In fact, ‘yung mga hindi ma-take ang idineklara ni Chiz sa kanyang SALN, naghanap talaga ng maibubutas sa mister ni Heart.

May nag-post nga at nagkalat sa social media ng suot na wristwatch ni Sen. Chiz sa isang ribbon cutting event at pinresyuhan ang naturang relo na Richard Mille ang brand. 

Ayon sa naturang post, aabot sa P10.5 M ang presyo ng relo, eh, isang watch pa lang daw ‘yun, so paano sasabihin ng senador na P18.8M lang ang net worth niya?

Well, abangan natin ang sagot dito ni Sen. Chiz. 

‘Yung Paraiba Tourmaline ring kasi na birthday gift niya kay Heart na sinasabing worth P57M ay nilinaw na ng isang jeweller na nasa P1M mahigit lang daw.

---

SPEAKING of Heart Evangelista, kahit pa ang daming isyung ibinabato rito, pangarap pa rin daw ng baguhang negosyante sa skin care line na si Ms. Yanna Ong, ang CEO at founder ng Why Not Yans Beauty Trading Incorporation, na makuha ang aktres-fashion icon para maging endorser ng kanyang beauty products.

Idol pala ni Ms. Yanna ang aktres dahil sa pagiging influencer ni Heart na malakas daw ang karisma at marketing strategy kaya halos lahat ng i-endorse nito ay naso-sold-out.

Pero dahil aware naman si Ms. Yanna na super-mahal na ng talent fee ni Heart at dahil nag-i-start pa lang ang kanyang Why Not Yans beauty products, inuna muna niyang kinuhang endorser si Ms. Gerlaine Silva at ang Sultry and Fiery Diva na si Ms. Malu Barry (para sa older market) na parehong present sa ginanap na soft launch last Tuesday night.

Dahil nagpapakilala pa nga lang si Ms. Yanna bilang entrepreneur ng skin care brand, natanong ang background niya at proud na kuwento niya, pang-MMK daw ang buhay niya dahil nag-start siya sa puhunang P60K. 

At bago siya napunta sa skin care products, naging marketing manager muna siya sa construction firm, nagbenta ng bigas at pet supplies at sumubok ding mag-audition sa Star Magic pero hindi natuloy dahil hindi ito suportado ng kanyang parents.

Pero dahil pangarap talaga ni Yanna na yumaman, kahit pinigilan siya ng mga magulang na magtayo ng skin care brand company, itinuloy pa rin niya ito kahit mag-isa lang siya at wala ang mga kapamilya sa soft launch ng Why Not Yans.

Well, ilan sa mga products na ibinida ni Ms. Yanna sa launching ay ang kanyang Kinu Instant Whitening Perfume Lotion, Kinu (no whitecast) Instant Whitening Lotion, Fuko Tinted Sunscreen, Kuchi Velvet Matte Lip Tint, Magic Lip Oil and Lip Gloss at Shizuku Derma Glass Skin set.

---

After masampulan si Vina… 

GLADYS, GUSTONG SAMPALIN SI MARICEL

KILALA si Gladys Reyes bilang primera kontrabida. At kung sampalan lang din ang usapan sa mga eksena sa serye at pelikula, nangunguna ang pangalan ng aktres na bata pa ay nagsimula na sa showbiz bilang kontrabidang si Clara sa TV series na Mara Clara with Judy Ann Santos.

Kaya naman super excited si Gladys sa pagpo-promote ng musical film nilang Heart of Music dahil for the first time, hindi siya kontrabida kundi bida at kumanta pa siya sa movie kasama ang mag-asawang Isay Alvarez at Robert Seña, Rey “PJ” Abellana, Marissa Sanchez, Jopay Paguia at Joshua Zamora, Angel Guardian, Jon Lucas at marami pang iba.

Sa Spotlight mediacon ng Star Magic kahapon para sa kanyang Heart of Music musical film, tinanong namin si Gladys na sa dinami-dami ng nasampal na niya sa serye at pelikula, sino sa mga senior or veteran stars natin ang pangarap pa niyang sampalin?

Natawa muna si Gladys at napaisip saka inaming ang kanyang “Inay” Maricel Soriano ang pangarap niyang masampal. Nagkasama na raw sila noon sa isang project pero hindi pa niya nagawang masampal ito kaya kung magkakasama silang muli, gusto niya ay may sampalan scene sila, lalo’t pareho raw silang malakas manampal ng Diamond Star.

Natatawa ngang kuwento ni Gladys, sa seryeng Cruz vs. Cruz nila ni Vina Morales, naglambing na rin sa kanya si Vina na maghinay-hinay lang sa pananampal dahil mukhang nasaktan na ang singer-actress sa mga unang sampalan scenes nila.

Ang katwiran naman kasi ni Gladys, gusto niyang totoo ang sampal para totoong emosyon din ang makita mula sa taong sinampal niya at mas maganda nga namang

lalabas ‘yun sa screen, ‘di ba?

Pero ‘yun nga, sa Dec. 10, kakaibang Gladys Reyes muna as Madonna ang mapapanood sa Heart of Music at kahit hindi siya kontrabida rito, mamahalin pa rin ng tao ang kanyang character dahil mapapaiyak pa rin niya ang manonood.

Janella, knows mo ‘yan? KLEA, GUSTONG MAKATIKIMAN SI PIOLO

ni Janiz Navida @Showbiz Special | October 29, 2025

Photo: Klea Pineda

Openly LGBT member ang Kapuso actress na si Klea Pineda at kahit hindi pa sila diretsahang umaamin ng nali-link sa kanya ngayong si Janella Salvador, marami ang naniniwalang may special relationship na sila.

Hindi naman din idine-deny ni Klea na gusto niya si Janella, pero mas gusto lang daw niyang protektahan ang privacy ng love life niya ngayon dahil nadala na nga siya sa past relationships niya na masyadong open at maraming sinasabi ang halos lahat ng tao kahit hindi naman siya personal na kilala.

Pero kahit pa babae ang gusto ni Klea, open din naman daw siyang makipag-kissing scene sa lalaki kung sakaling kailangan sa role, dahil ang katwiran ni Klea, aktres siya at gusto niyang subukan ang lahat para maging tunay na aktres.

And when asked kung sino naman ang bet niyang maka-kissing scene sa mga aktor natin kung saka-sakali, nag-isip muna si Klea at saka sumagot ng “Hmmm, sa sobrang tibo ko, ‘di ko na alam… Ahhh, Piolo Pascual, Piolo Pascual.”

Oh, ha? Piolo Pascual lang talaga sakalam!!!

---

Vlogger, bida na rin sa movie…

SASSA GURL, AYAW MAGING NEXT VICE GANDA

ANG bongga ng vlogger-content creator-turned movie actor na si Sassa Gurl, bida na ito sa isa sa 7 full-length films na finalists sa Puregold CinePanalo Film Festival 2026 na ini-announce last Saturday na ginanap sa Gateway Mall Cineplex 12.

Present si Sassa sa event para sa kanilang movie na Multwoh at bilang suporta sa kanyang direktor na si Rodina Singh.

Ang iba pang lucky entries na napili para sa Puregold CinePanalo Filmfest 2026 na under ng pamamahala ng Festival Director nitong si Sir Chris Cahilig ay ang mga sumusunod: Wantawsan by Joseph Abello, Mono No Aware by BC Amparado, Apol of My AI by Thop Nazareno, Patay Gutom (Dead Hungry) by Carl Papa and Ian Pangilinan, Beast by Lawrence Fajardo, at Stuck on You by Mikko Baldoza.

Sobrang happy si Sassa Gurl na isa nga ang Multwoh sa mga napili dahil siyempre, ibig sabihin ay bagong blessing ito sa kanya.

Aminado si Sassa na marami siyang pangarap para sa kanyang pamilya at sa sarili. Sobrang thankful nga siya na nabigyan ng pagkakataon sa showbiz dahil ito raw ang bumubuhay sa pamilya niya at nagbigay ng bahay sa kanila.

Nakikita namin kay Sassa Gurl si Vice Ganda nu'ng nangangarap pa lang ito sa showbiz at sa talent ng vlogger sa pag-arte na nakita naman sa Balota movie ni Marian Rivera, hindi malayong sumunod siya sa yapak ng Unkabogable Star.

Kaya naman natanong namin si Sassa kung nakikita ba niya ang sarili na magiging next Vice Ganda.

Sagot nito, “Ako, ayoko nang sabihin ‘yun kasi Meme is Meme. ‘Yung nagawa ni Meme, nag-extend hindi lang sa akin kundi sa maraming-maraming tao. ‘Yung nagawa ni Meme, incomparable ‘yun. At kung ma-surpass ko man ‘yun, it always goes back to Meme. I will never level to Vice Ganda, talagang kakaiba ang mga nagawa niya.

“Kung sinasabi man nila na ako ‘yung next Vice Ganda, hindi ko pa rin tatanggapin ‘yun kasi I want to be myself, Sassa Gurl.”

Anyway, sobrang suwerte ng 7 full-length films na napili this year dahil last year ay P3 million production grant lang ang ibinigay sa mga finalists pero ngayon ay P5 million na.

So, expect na nating mas magaganda ang production value ng mga entries this year at baka may mga sikat na celebrities na ring makuha as lead star.

Panalo talaga ang Puregold CinePanalo Filmfest, ‘di ba?

Madir ni Claudine, paano raw nasikmurang humarap sa publiko… RAYMART: MGA PASABOG NI MOMMY INDAY, KASINUNGALINGAN!

ni Janiz Navida @Showbiz Special | October 28, 2025

Photo: FB Justin D / Circulated

Sa kanyang Facebook account idinaan ni Raymart Santiago ang sagot sa mga maaanghang na akusasyon sa kanya ng dating biyenan na si Mommy Inday Barretto sa panayam dito ni Ogie Diaz sa kanyang YouTube vlog na Ogie Diaz Inspires kamakailan.

Matatandaang halos isang linggo pa lang ang nakararaan nang maging headline sa mga pahayagan at social media ang mga pasabog ng ina ni Claudine Barretto laban sa dating manugang na si Raymart.

Sa naturang panayam, inakusahan ni Mommy Inday si Raymart na sinaktan, ni-rape, kinaladkad na parang baboy at ninakawan si Claudine nu’ng panahong nagsasama pa ang mag-asawa.

Sa Facebook account na “Raymond Santiago” (Raymart’s real name is Raymond Alan Martin Legaspi Santiago), nag-post ang aktor ng kanyang official statement na ganito ang nakasaad:

“Ilang araw ko rin pinag-isipan kung kailangan ko pa bang personal na magsalita. Kahit mas matimbang sa akin na manahimik na lang, siguro ay kailangan ko rin ilabas kahit paano ang aking saloobin para sa aking kapayapaan.

“Sa loob ng halos labintatlong taon, pinli kong manahimik at idaan ang lahat sa tamang proseso. Naging mahirap ito dahil ang pangalan na iningatan at ipinamana ng aking mga magulang ay nadungisan dahil sa mga kasinungalingan at maling akusasyon. Masakit, dahil may mga anak kaming nakakaintindi na at naaapektuhan ng kanilang mga naririnig at nababasa sa media. Nakakadismaya, dahil kung makapagsalita ang iba ay akala mong naging bahagi sila ng aming buhay at ang lahat ay alam nila.”

Dagdag pa niya, “Kahit na ganon, alam ko na ang pananahimik ang mas makabubuti para sa aming kanya-kanyang pamilya at mga anak. At alam ko at ng mga tunay na nakakakilala sa amin ang katotohanan.”

At sa kabila ng mga banat sa kanya ng dating biyenan, kapansin-pansin na “Mommy Inday” pa rin ang tawag ni Raymart sa ina ni Claudine.

“Hindi kaila sa akin ang paninira at nakasusuklam na akusasyon ni Mommy Inday, ang taong nirespeto, minahal at tinuring kong pangalawang ina.

“Pero nakagugulat, dahil yung tao na dapat na higit na nakakikilala sa kanyang anak, ang taong siya mismong walang humpay sa paghingi ng paumanhin sa akin nuong mga nagdaang panahon ay siya ngayong nagbibitaw ng mga kasinungalingan. Hindi ko lubos maisip kung paano nila nasisikmurang humarap sa publiko at ipahiya ang kanilang sariling pamilya at harap harapang manira ng ibang tao.”

Pinabulaanan din ni Raymart ang mga akusasyon sa kanya at aniya, “Hindi man naging perpekto ang aming pagsasama, malinaw sa aking konsensya na kailanman ay hindi ko nagawa o magagawa ang mga paratang nila. Tinupad ko ang pangako ko sa kanila ni Daddy Pikey. Kahit na sarili ko ay tinaya ko para maprotektahan lang ang anak nila. Higit sa lahat, mahal na mahal ko ang aking mga anak at binigay ko ang higit pa sa nararapat.”

May pakiusap din si Raymart sa mga nanghuhusga sa kanya. 

“Naiintindihan ko na kami ay “public figures” at inaasahang tatanggapin ang bawat komento at kritisismo. Ngunit sa pagkakataong ito, hindi naman siguro kalabisan na hilingin ko na ang bawat isa ay umiwas sa pagpapahayag ng mga bagay na maaaring makasakit at makasama sa kapakanan ng bawat isa, lalo na sa aming mga anak at sa kanilang kinabukasan. Sa bandang huli, mas pipiliin ko pa rin ang respeto at na ipaubaya sa panahon na siyang humusga at maghayag ng katotohanan.”

---

INI-LAUNCH na ang bagong Christmas song ng Inner Voices titled Pasko Sa Ating Puso na ginanap sa Hard Rock Cafe Manila last Thursday.

May pagka-rock ang dating ng song na festive ang tema, na ayon sa manager at founder ng grupo na si Atty. Rey Bergado, na siya ring composer ng Pasko Sa Ating Puso, ang tradisyong “Noche Buena” ng mga Pinoy ang naging inspirasyon niya para maisulat at mabuo ang kanta.

Original song ito ng Inner Voices na inaasahan nilang tatanggapin at papatok sa mga Pinoy at magiging paboritong awitin tulad ng Christmas in Our Hearts at Sana Ngayong Pasko, na unang Christmas song na kanilang ini-revive.

For the record, 34 yrs. na ang Inner Voices na may regular gig sa mga bar and resto tulad ng Hard Rock at Aromata, pero ngayon ay nakikilala na rin sila sa mainstream lalo’t marami na ring nagkakagusto sa kanilang original song na I Will Wait For You In The Rain.

Pag-amin ni Atty. Rey, sa 34 yrs. nila, marami na rin talaga silang pinagdaanang magkakagrupo. Dumating na rin sila sa point na nag-away-away, pero dahil magkakapatid ang turingan nila, madali naman daw nilang naaayos ang gusot at ‘di ito nagiging reason para mabuwag ang banda.

Tinanong naman namin ang vocalist ng Inner Voices na si Patrick Marcelino na ngayong sumisikat na nga sila, at bilang siya ang ‘face’ ng banda, what if may dumating na acting offer sa kanya, willing ba siya?

Pag-amin nito, bata pa talaga siya ay pangarap na niyang maging artista. In fact, nag-audition daw siya noon sa Ang TV, pero hindi siya pumasa kay Direk Johnny Manahan.

Biro nga naming tanong, what if ang offer ay maging leading man siya ng crush niyang si Anne Curtis, magiging dahilan ba ito para iwan niya ang Inner Voices?

Natawa si Patrick at idinaan din sa biro ang sagot na baka ‘yun nga ang maging dahilan para magkawatak-watak sila, pero binawi rin at sinabing kahit i-try niya ang acting, never niyang iiwan ang mga kagrupo dahil dito niya natagpuan ang totoong ‘pamilya’.

Anyway, sa ngayon ay available na sa Spotify ang Pasko Sa Ating Puso na under ABS-CBN Music/Star Records label.