Mula ABS-CBN at GMA-7, kaya lumipat sa TV5… MR. M, AYAW NG MASUNGIT NA KATRABAHO

ni Janiz Navida @Showbiz Special | November 8, 2025

Photo: Mr. M / interview

Mula sa pagiging star builder sa ABS-CBN, nag-ober da bakod sa GMA-7, ngayon ay nasa TV5 na ang nag-iisang si Mr. Johnny Manahan!

Sa ginanap na contract signing niya sa Kapatid Network last Thursday na dinaluhan ng mismong chairman ng TV5 na si Mr. Manny V. Pangilinan (MVP) at ng iba pang opisyal ng network tulad nina Ms. Jane Basas, Ms. Sienna Olaso, Mr. Jeff Remigio at iba pa, ikinuwento nina Mr. M at MVP na pandemic days pa unang inalok na maging bahagi ng Kapatid Network ang star builder na nagpasikat kina Piolo Pascual, Jericho Rosales, Claudine Barretto, Bea Alonzo at sa marami pang Star Magic stars.

Pero hindi nag-materialize ang pag-uusap nila noon at ngayon nga lang finally na-welcome si Mr. M para maging bahagi ng MQuest Ventures & MQuest Artists Agency ng TV5.

Sa kanyang speech, nasabi ni Mr. M na napapayag siyang maging bahagi ng TV5 dahil mahirap daw ‘yung may katrabahong ‘masungit’, kaya naintriga ang mga press at vloggers kung sino ang pinatutungkulan niya nito sa dalawang networks na pinanggalingan niya.

Pero nang diretso naming itanong ito kay Mr. M sa Q&A, natatawang sabi nito, “Ibubulong ko na lang sa ‘yo.”

Hindi na rin niya sinagot ito kahit nu’ng pinipiga namin sa one-on-one interview. Ang tiniyak ni Mr. M, kung ano’ng strategy ang ginawa niya para mapasikat ang mga kinikilala na nating biggest celebrities ngayon ay siya rin niyang gagawin sa Kapatid stars nang “mapalipad” ang career ng mga ito.

At dahil nasa TV5 na nga si Mr. M, we can expect na “madala” rin niya ang mga anak-anakang pinasikat sa ABS-CBN para makagawa ng proyekto sa TV5. Una na nga rito sina Piolo Pascual at Andrea Brillantes na may collaboration na sa Kapatid Network para sa Manila’s Finest ng aktor at endorsement naman ang sa aktres.

Samantala, dahil first time naming nakapanayam si Mr. M, diretso na rin naming itinanong sa kanya kung totoo ba ang mga chika-chika noon pa na naglalagay daw siya ng “wall” sa pagitan ng mga talents na hawak niya at sa press people, even sa mga fans?

Shookt na sagot ni Mr. M, “Wall between the (stars) and the press? Wala, walang ganu’n. Tsismis ‘yun, parang mali. Fake news.”

Dagdag nito, “That’s one of the lessons we learned. We cannot keep them quiet. Sasabihin nila kung ano ‘yung gusto nilang sabihin. Of course, they come to us to say ‘What should I say?’ and then she (referring to Ms. Pat P Daza na katabi niya) helps us, she guides them. And whenever there is an occasion for that, they speak out. And we encourage them. Walang wall dito.”

So, kung sakaling may talent na ma-involve sa controversy, depende pa rin naman daw kung kailangang mag-issue ng statement o hindi na dapat pang patulan.

Basta ang maiga-guarantee lang daw ni Mr. M, gagawin niya ang best niya para hindi mapahiya kay MVP at sa iba pang bossing ng TV5.

Samantala, proud ding in-announce ni Mr. M na binigyan siya ng ‘go signal’ ni MVP na palitan ang dating pangalan ng talent agency ng TV5. Kaya mula sa dating MQuest Ventures & MQuest Artists Agency, tatawagin na ito ngayong Starworx.

At tulad ng naumpisahan niya sa ABS-CBN na Star Magic Ball na dinala sa GMA-7 at naging GMA Gala Night, magkakaroon na rin daw ng ganito sa TV5 para mas makilala ang mga talents ng Kapatid Network.

Kaya abangan ang mga magiging pagbabago pa sa TV5 soon. 

---

Ober da bakod dahil kay Mr. M…

PIOLO, ANDREA AT IBA PANG KAPAMILYA, PASOK NA SA TV5

SA showbiz, hindi sapat ang talento lang para makilala at magtagumpay. Kailangan ng puso, determinasyon at malinaw na pagkakakilanlan bilang artist. Ito mismo ang mensaheng tumatak sa Ask Boy Abunda segment ng CIA with BA kung saan isang performer mula sa Hong Kong na si Athena Alba ang nagtanong kay King of Talk Boy Abunda tungkol sa kung ano nga ba ang sikreto para mahalin ng masa.

Sagot ng kilalang TV host-manager, “Kahit hindi sa masa, kahit ‘pag nasa entablado ka lang, importante na alam nilang gustung-gusto mo ‘yung ginagawa mo,” na binigyang-diin ang kahalagahan ng tunay na passion sa pagpe-perform.

Dagdag pa ni Tito Boy, “I like artists who are hungry. Gusto ko ‘pag kumakanta sila ng awitin, parang it’s the last song they’re going to sing in life. Bawat hinga, bawat tingin, bawat note ay ninanamnam.”

Para kay Tito Boy, bukod sa passion at hunger, mahalagang pinaghihirapan din ng isang artist ang kanyang tagumpay upang maramdaman ng audience ang katotohanan sa kanyang performance.

Nang tanungin naman ni Athena kung paano malalaman ng isang artist kung ano talaga ang para sa kanya, hinikayat ni Tito Boy ang mga aspiring performers na huwag matakot mag-experiment.

“You go to as many genres as possible… so don’t be afraid to experiment, to go on an adventure, looking for your musical identity,” aniya, habang ikinukuwento ang kanyang karanasan sa pagma-manage ng mga singers na unti-unting natagpuan ang kanilang tunay na tunog sa pamamagitan ng pag-e-explore.

Sa huling tanong ni Athena kung paano naman maging kakaiba sa gitna ng napakaraming artists ngayon, sagot ni Tito Boy, “You have to discover that. ‘What makes me different?’ It can be physical, it can be in the music, it can be in the style, so kailangang meron kang identifying mark.”

Paliwanag pa niya, bawat artist ay kailangang magkaroon ng sariling differentiator — isang katangiang natatangi sa kanila na magpapatingkad at magpapakilala sa kanilang pagkatao sa entablado.

Para kay Tito Boy, ang tunay na susi sa tagumpay ay hindi lang talento, kundi ang gutom, puso, at sipag na makikita sa bawat pag-awit at pagganap.

Oh, ‘di ba? Ang dami talagang natututunan sa CIA with BA na pinangungunahan nina Senators Alan Peter at Pia Cayetano kasama si Boy Abunda at napapanood tuwing Linggo, 11:00 PM sa GMA-7, at may replay tuwing Sabado, 10:30 PM sa GTV.

‘Di lang nag-pole dancing… KIM, NAG-TOPLESS SA HARAP NI PAULO

ni Janiz Navida @Showbiz Special | November 6, 2025

Photo: FB Paulo Avelino

May bago na namang pasabog ang Chinita Princess na si Kim Chiu sa 4th project na pinagsasamahan nila ng ka-love team niyang si Paulo Avelino, ang murder-mystery romance series na The Alibi na ipapalabas sa Prime Video simula bukas, November 7.

Kung sa huling serye nilang Linlang, daring na Kim na nakikipag-kissing and love scenes bilang ‘unfaithful wife’ ang nanggulat sa lahat, sa The Alibi, tinilian ang pole dancing scene ni Kim sa harap ni Paulo sa ginanap na blue-carpet screening-mediacon last Tuesday night sa Trinoma.

Nang tinanong ng aming kasamahang writer dito sa BULGAR na si Reggee Bonoan kung paano napapayag si Kim sa role na escort girl at sa pole dancing scene, natatawang sagot ng Chinita Princess, sa edad niyang 38 yrs. old, dapat na nga rin siyang mag-level-up bilang aktres.

Bagong challenge sa kanya ang karakter bilang si Stella sa The Alibi kaya bakit nga naman ‘di niya tatanggapin?

Puring-puri naman si Kim ng mga direktor niyang sina Jojo Saguin, Onat Diaz at FM Reyes dahil nagawa niya with flying colors ang naturang controversial scene kung saan nag-topless pa ang aktres, pero marami pa raw pasabog si Kim na dapat abangan dahil first episode pa lang ang napanood sa special screening.

Sabi nga ni Direk Onat, “matalinong artista” si Kim kaya hindi sila nahihirapan sa mga eksena kahit gaano pa ito kabigat.

At dahil The Alibi ang title ng series, natanong sina Kim at Paulo ng vlogger-writer na si Allan Sancon kung nag-alibi na ba sila sa isa't isa in real life.

Natatawang kuwento ni Kim, petty alibis lang naman ang ginagawa niya kay Paulo sa taping nila. Mahilig daw kasi siyang kumain ng chips kaya sinasabihan siya ni Paulo na “Ang laki ng tiyan mo!” 

Nag-a-alibi raw siya pero kita naman at buking sa kanyang mga kuko ang chips cracks kaya nangingiti na lang din si Paulo at idinagdag na nag-a-alibi rin si Kim ‘pag laging late sa taping ng serye.

Nu'ng si Paulo naman ang nag-share, never daw siyang nag-alibi kay Kim dahil lahat ng sinasabi niya ay totoo at ‘pag may kasalanan naman daw siya ay marunong siyang tumanggap ng kamalian.

Hmmm… base sa mga sagot nila, sa palagay n’yo ba, nag-a-alibi lang sila na wala pa rin silang relasyon? Char!

Kasama nga rin pala sa star-studded cast ng The Alibi sina John Arcilla, Zsa Zsa Padilla, Sofia Andres, Irma Adlawan, Rafael Rosell, Robbie Jaworski, Angelina Cruz, Alyanna Angeles, Alma Moreno, PJ Endrinal, Lotlot Bustamante, Ian de Leon, Romnick Sarmenta, Enzo Osorio, Ayesha Bajeta, Thou Reyes, Alora Sasam, Marvin Yap, Johaira Omar, Yesh Burce, at Kim Tubiano.

Mula sa direksiyon nina Onat Diaz, Jojo Saguin at FM Reyes, at under the production ng ABS-CBN’s Dreamscape Entertainment, mapapanood na ito sa Prime Video simula Nobyembre 7, Biyernes at weekly ay may mapapanood na bagong episode sa Pilipinas at sa mahigit 240 countries and territories.

---

MULI na namang natanong ang mabait at kilalang makataong hepe ng Public Attorney’s Office na si Atty. Persida Rueda-Acosta tungkol sa pagpu-push sa kanya ng marami nating kababayan na tumakbong senador sa ginanap na get-together merienda ng PAO para sa mga taga-media kahapon.

Aware naman si PAO Chief na marami talaga ang pabor at nagtutulak sa kanyang tumakbong senador dahil sa malinis na record niya sa ahensiya at sa napakaraming kababayan nating natutulungan ng kanilang opisina na walang kakayahang magbayad ng private lawyer para ipagtanggol ang kanilang sarili kapag naaakusahan sa isang krimen o kapag sila naman ang naaagrabyado.

Pero tulad ng dati pa niyang paulit-ulit na sinasabi, “Wala sa ambisyon ko ang maging senador. Kung ako’y papalaring mapasama sa Senado pagkatapos ng term ko, ang Panginoon lang ang nakakaalam.” 

At dahil marami nga ang bilib sa integridad ni Atty. Persida, may naririnig kaming hindi lang sa pagka-senador siya itinutulak kundi maging sa pagka-pangulo ng Pilipinas.

Diretsong sagot ni Atty. Persida, “Naku, ayoko du’n, papatayin ako du’n.”

Well, kilala naming walang inuurungan at talagang palaban si Atty. Persida, pero sa ngayon, nakikita naming ine-enjoy niya ang kanyang buhay at tungkulin bilang PAO Chief.

Ang hilig ni Atty. Persida sa pagkanta ang pambalanse niya sa stressful niyang trabaho. Nagko-compose rin siya ng songs na ang ilan nga ay ginagamit pa nila sa PAO.

Ibinalita rin ni Atty. Persida na may plano nang gawing movie ang buhay niya at sana raw ay matuloy dahil isang sikat at magaling na aktres ang gaganap dito. Napakagaling na direktor din ang magdidirek ng movie na ang plano ay ipalabas din internationally bukod dito sa atin.

Well, ayaw pang magbigay ng clue ni Atty. Persida kung sino ang aktres at direktor, pero sure kami, pag-uusapan ang movie kapag naipalabas na sa dami ng highlight sa buhay ng PAO Chief.

Inapi raw siya ng EB!, rumesbak… IBINULGAR NI ANJO: TITO SEN., MAY KABIT MULA 2013!

ni Janiz Navida @Showbiz Special | November 5, 2025

Photo: Anjo Yllana / EB

Marami ang nagulat sa nagba-viral ngayong pasabog ng dating Eat… Bulaga! host na si Anjo Yllana laban sa isa sa mga poste ng noontime show na si Sen. Tito Sotto.

Sa kanyang viral video, binanatan kasi ni Anjo ang kuya ni Bossing Vic Sotto at binantaang ibubulgar ang pangalan ng diumano’y ‘kabit’ nito mula nu’ng 2013 pa.

Eksaktong pahayag ni Anjo sa kanyang video message, “Tito Sen, ang dami mo na namang pinalabas na mga bayaran mo na vloggers. Ah, gusto mo talaga, Tito Sen, na laglagan? Ah, gusto mo, i-reveal ko na mula 2013 kung sino po ‘yung kabit n’yo, Tito Sen? Okay ba sa ‘yo ‘yun, Tito Sen? 

“Gusto mo, sabihin ko na kung sino ‘yung kabit mo mula 2013 na pinalakad mo sa akin? Sabihin mo lang, Tito Sen. at iaano ko na, iba-box reveal ko na. 

“Sasabihin ko na sa taumbayan kung sino ‘yung kabit mo mula 2013. Sige lang, banatan n’yo lang ako at marami pa akong ilalabas.”

Public knowledge naman na dating magkasama sa EB! at magkaibigan sina Anjo at Sen. Tito, kaya takang-taka ang marami kung saan nanggagaling ang mga sama ng loob ngayon ng kuya ni Jomari Yllana laban sa kuya naman ni Bossing Vic.

Sa isang panayam sa senador ng Senate press, hindi nakaligtas si Tito Sen. na matanong tungkol sa latest pasabog ni Anjo laban sa kanya.

Ayon kay Sen. Sotto, wala siyang balak makipagsagutan kay Anjo dahil nagpapapansin lang daw ito. 

“Hindi ko na papatulan. Huwag n’yong pansinin at nagpapapansin ‘yan. Pati ba naman showbiz at paninira, papatulan natin? Itaas natin ang level ng Senate press,” pahayag ng Senate President.

Samantala, sa isang follow-up interview kay Anjo, natanong ito sa kanyang motibo sa pagsasalita nang laban sa dating kasamahang host sa Eat… Bulaga!.

Ani Anjo, malamang ay galit na nga rin sa kanya si Bossing Vic dahil sa pagsasalita niya laban kay Sen. Tito.

Pahayag niya, “Malamang, galit na sa akin ngayon si Vic dahil sa kapatid niya. Wala akong magagawa, eh, inaapi ako ng Eat… Bulaga!.”

Hindi naman idinetalye ng komedyante kung ano’ng pang-aapi ang ginawa sa kanya ng EB!.

Pero sa mga binitiwang pahayag ni Anjo, malinaw nang may kinalaman ang magkaiba nilang pananaw at kampong kinabibilangan sa pulitika kaya siya nagsasalita laban sa Senate President.

Sabi kasi ng komedyante, “Saka ‘yung sinasabi nila na wala akong utang na loob, unang-una, sa pulitika, eh, ‘di ko gusto ‘yung side ni Tito Sen. Nandiyan siya sa side ng ano, eh, nakaalyado siya sa gobyerno, eh. Eh, du’n pa lang, hiwalay na kami.”

Idiniin din niyang hindi dahil galing siya sa Eat… Bulaga! ay dapat na rin siyang maging sunud-sunuran sa mga kagustuhan at paniniwala sa usaping-pulitika ni Tito Sen.

Ani Anjo, “Eh, ano bang ibig sabihin nito, dahil 6 yrs. ago, member ako ng Eat… Bulaga!, magpapaka-tuta na lang ako kay Tito Sen? Ganu’n ba ‘yun? Wala ba akong sariling buhay? Wala ba akong sariling desisyon?”

Kasnod nito, sinagot niya ang tanong at haka-haka ng marami na nasa oposisyon siya kaya binabanatan si Tito Sen.  

“Nagagalit sa uakin si Tito Sen. dahil kumakampi ako kay VP Sara? Ano ‘to, habambuhay, porke’t magkasama tayo dati, Tito Sen, porke’t magkaibigan tayo dati, hindi na puwedeng maniwala ako kay VP Sara at siya ang pinaniniwalaan ko na susunod na magiging presidente ng Pilipinas dahil wala akong bilib sa presidente mo? Eh, ano ako, tuta mo, Tito Sen. habambuhay?”

Ipinagsigawan din ni Anjo na kung ‘tuta’ man siyang maituturing, ang taumbayan lang daw ang boss niya.

“Eh, teka muna, kung ako’y tuta, tuta ako ng taumbayan, tuta ako ng mga taong mahihirap na ninakawan nitong gobyernong ito. ‘Yan, tuta ako ng taumbayan, tuta ako ng mga ninakawan. Aaminin ko, tuta ako. 

“Pero kung nagagalit ka dahil bakit hindi ako tuta mo dito sa… eh, talagang hindi ako sasama sa ‘yo d’yan sa gobyernong ‘yan dahil ang daming nakawan sa gobyernong ito. Talagang never ako sasama d’yan sa gobyernong… hindi ko susuportahan ‘tong gobyernong ‘to dahil ito na ang pinakakurakot na gobyerno sa tanang buhay ko na naranasan ko. Tapos, susuportahan ko kayo d’yan?”

Sa huli, lumabas din ang tunay na kulay-pulitika ni Anjo na nagsabing DDS siya.

“Dito ako kay VP Sara. Dito ako sa DDS, magdedeklara na akong DDS.”

At teka, hindi kaya napangakuan ng posisyon sa 2028 ang dating EB! host sa pag-amin niyang, “Mag-a-apply na akong senador, vice. Mag-a-apply na akong senador dito kay VP Sara. Titiket na ako para kung manalo ako, pagdating ko sa Senado, sige, du’n kami mag-ano (debate) ni Tito Sen.”

Luh! Totoo ba?!

Napaisip tuloy kami kung nasa katinuan ba ng pag-iisip si Anjo o nagdyo-joke lang siya sa mga hirit niya at sa bandang huli ay sisigaw ng “It’s a prank!”

Pero so far, mukhang ine-enjoy nito ang atensiyong nakukuha sa social media dahil sa pagba-viral ng mga pasabog niya. 

Kaya sige, kung talagang malakas ang loob niya at may resibo siya, ilabas niya ang sinasabi niyang “marami pang pasabog” at hayaan niyang ang madlang pipol ang humusga kung sino ang nagsasabi sa kanila nang totoo ni Sen. Tito Sotto base sa mga ebidensiyang lalabas.