Ganern, Sharon? KC, NAKARAMDAM NG TUNAY NA PAGMAMAHAL NANG MAKASAMA SI GABBY

Erlinida Rapadas - @Teka Nga! | April 13, 2021

Kahit lumaki at nagkaisip si KC Concepcion na malayo sa piling ng kanyang amang si Gabby Concepcion, hindi ito kailanman nagtampo at nagtanim ng sama ng loob. Ang mga childhood memories na kasama niya ang kanyang Daddy Gabby ay nakatago sa kanyang puso na lagi niyang binabalik-balikan sa kanyang alaala.

Kaya naman ngayon na nag-mature na siya ay tine-treasure ni KC ang bawat sandali na nakaka- bonding ang kanyang Daddy Gabby. At nito ngang nag-celebrate ng kanyang kaarawan si KC last April 7, pinili niyang sa resort ng ama sa Batangas mamalagi. Muli ay nag-bonding silang mag-ama kasama ang mga anak ni Gabby sa bagong karelasyon.

Sa isang post ni KC sa kanyang Instagram, binanggit niya na sobra siyang masaya at nakaramdam ng tunay na pagmamahal nang makasama ang kanyang ama. Kahit daw maraming taon na nagkulang ang kanyang daddy sa kanya noong growing up years niya, bumabawi naman ito ngayon sa kanya. Kaya naging memorable at masaya ang kanyang kaarawan kahit simple at walang bonggang birthday party.

Certified daddy's girl si KC Concepcion. Hindi naman siguro mamasamain ni Megastar Sharon Cuneta kung mas pinili ni KC na mag-b-day sa Batangas kasama ang kanyang Daddy Gabby.

Ex, 'di rin makalimutan, paulit-ulit binabanggit… IVANA, NAMUMUDMOD NG DATUNG 'PAG NALALASING

ni Reggee Bonoan - @Sheet Matters | April 13, 2021

Dahil sa sobrang kalasingan na ni Ivana Alawi habang sinasagot ang Never Have I Ever Challenge nila ng kapatid niyang si Hash Alawi ay nabuking na kinain niya pala ang poop niya noong bata pa siya.

Ang isa sa mga tanong ay "Never have I ever eaten something exotic."

Kaagad sinagot ito ng sikat na vlogger, “Wala. Hindi naman ako kumakain ng exotic.”

Hirit ni Hash, “Hindi ba exotic ‘yung brown na when you’re a baby?”

Nanlaki ang mga mata ni Ivana, “Huwag kang ganyan, naka-video ‘yan!”

Sabay lagok ulit ng dalaga ng alak, “Gusto ko lang ipaliwanag na hindi ako kumakain ng exotic food. Mama ko kasi, pinakain ako ng t*e ko! Hahaha!”

Sagot naman ng ina, “Gulat ako, tinikman mo.”

Pagbabalik-tanaw ni Hash, “When you’re 2-3 years old, t*mae ka sa arinola, tapos pagkita namin, isinusubo mo na, kaya tumakbo kami, tinawag namin si Mama, tapos pagbalik namin (kumakain na).”

Pakiusap ni Ivana, “'Wag naman isinusubo, baka sabihin, inubos ko ‘yung t*e ko.”

Mabilis na sagot ng kapatid, “Inubos mo talaga!”

Gulat na tanong ng sexy star, “What?”

At ikinuwento ng mama nila na ipinahid pa ni Ivana sa mukha niya ang poop niya.

Biro ng kapatid, “Kaya nga tingnan mo, ang ganda ng skin mo!”

Dagdag pa ni Hash, “O, lasing ka na, baka ibigay mo na sa akin ang lahat ng pera mo.”

Sagot ni Ivana, "'Di ba, 'pag lasing ako, namimigay ako ng pera? Kaya 2 winners, mananalo ng 20 thousand pesos, mag-comment lang kayo below.”

Salo ng ina, “Tig-P5,000 na lang para at least, apat ang manalo.”

Umayon naman ang dalaga, “O, sige, 4 winners, comment below, lagay n’yo IG n'yo, ime-message kita (habang nakatingin sa camera).”

Sabi pa, “Apat ang mananalo for 40,000 pesos (tig-P10 K).”

Naloka ang nanay nila, “Sabi ko, gawin nating tig-P5 thousand para apat.”

“Eh, gawin na nating P80 thousand. Hindi ko na puwedeng bawiin, nasabi ko na,” sambit ni Ivana.

Nagulat ang nanay nila, “Ha? Okay, 8 winners tig-P10 thousand each, comment down below, subscribe to their channel including Hash Alawi. Papaalala ko na lang paggising niya."

Hindi na kinaya pa ni Ivana dahil nilapitan na nito ang ina para yakapin at napaupo na kaya inalalayan na siya ng mama niyang maglakad.

“Buhatin ko muna ito, wala na, matutulog na ito,” say ng ina.

Hirit pa ni Ivana habang gumegewang-gewang sa paglalakad, “Ma, tawagan mo nga ex ko! Uwi na ako, sabi ng mama ko.”

Sino kaya ‘yung ex na laging sinasabi ni Ivana sa vlog niya at hanggang ngayon ay hindi pa rin niya makalimutan?

May sakit sa puso… HEAVEN, ‘DI MAKAHINGA SA COVID, ISINUGOD SA OSPITAL

ni Vinia Vivar - @Frankly Speaking | April 12, 2021

Isa rin pala sa mga artistang tinamaan ng COVID-19 ang young actress na si Heaven Peralejo. Ini-reveal niya ito sa kanyang Instagram post last Saturday at sa latest vlog niya sa YouTube.

Sa kanyang vlog ay ibinahagi ni Heaven ang naging journey niya sa nasabing killer virus and the good news is COVID survivor na siya ngayon which means magaling na siya.

“One of the toughest challenges I have dealt with during this pandemic is personally getting tested positive for Coronavirus.

“I'd like to share with you all my experience hoping that it will help everyone who is going through the same situation to cope up and recover from this difficulty.

“And to everyone else, this video is to provide awareness that COVID is real and it should be taken seriously.

“I am now a COVID-19 survivor. Sending my love & prayers to everybody going through these difficult times,” pahayag ni Heaven.

Sa bahay lang nag-quarantine si Heaven at makikita sa kanyang vlog na hindi naging madali ang kanyang pinagdaanan dahil humina talaga ang oxygen level niya at dumating sa point na hindi na siya halos makapagsalita at nahihirapan siyang huminga.

Si Heaven na mismo ang nagkabit ng kanyang oxygen support but in the end, talagang kinailangan niyang magpa-confine sa ospital dahil may problema raw siya sa puso.

“So, after consulting with my doctors and talking to my family, we have decided to go to the hospital. Thankfully, we found a hospital and ABS-CBN provided us with an ambulance,” pahayag ni Heaven.

Sa kanyang vlog ay nabanggit din ng young actress na labis siyang naapektuhan ng bashings sa kanya recently.

Isa nga sa mga akusasyon lately sa kanya ay siya raw ang dahilan ng breakup nina Devon Seron at Kiko Estrada.

“To be honest, last night parang nasaan na ‘yung will to live? ‘Coz you know, sa totoo lang, I’ve been through a lot of bashings and I don’t know, may effect pala siya. And ngayon lang siya nagsi-sink-in sa akin lahat since I’m all alone,” sey ni Heaven.

Dagdag pa niya, “I’m just saying na you know, words, even if it’s not true, it still affects, naapektuhan pa rin ako to be honest. And ngayon ko lang io-open up ‘tong issue na ‘to.”

Bagama’t nakikita raw nating parang masaya siya sa social media, deep inside ay nasasaktan daw siya.

Sa sobrang dami raw ng mga nangyayari sa kanya ay parang nawawalan na siya ng ganang mabuhay. Pero pinayuhan daw siya ng kanyang mga friends at binigyan ng encouragement.

“Sa lahat ng nangyari sa akin within these past few weeks and days, issues, problems, and you know, everything, COVID, work, life basically, natutunan ko ru’n is how you rise up, I think that’s one lesson I got from everything that’s happening right now,” she said.