Habang pinapadede… RACHELLE ANN, NATARANTA NANG MAG-COLOR BLUE ANG BAGONG SILANG NA ANAK

Julie Bonifacio - @Winner | April 14, 2021

Pinusuan ng Magandang Buhay host na si Momshie Jolina Magdangal ang inilabas na saloobin ni Rachelle Ann Go pagkatapos isilang ang firstborn niyang si Lukas sa London.

Tila dumadaan sa tinatawag na post-partum syndrome si Rachelle (o baka sadyang nanganganay lang dahil first time niyang naranasan ang magsilang ng sanggol?) based sa mahabang caption na inilagay niya sa kanyang Instagram post kahapon.

Ipinost ni Rachelle ang black and white photo ng foreigner hubby niya na si Martin Spies habang nakatalikod na naglalakad karga si Lukas at iba pa nilang gamit ni Rachelle noong lumabas ng ospital two weeks ago.

"Love this photo so much," bungad ng caption ni Rachelle.

"We got discharged after spending 3 nights there. They had to monitor Lukas and give him antibiotics... Martin can only visit us during the day because of COVID restrictions.

"I didn’t sleep at all! I didn’t know how to carry Lukas out of his cot. I contemplated for probably half an hour, tried to maneuver him out, I failed. I called Martin & my mom to ask how, lol, then eventually asked for the midwife’s help. I changed his nappies and clothes while sweating profusely because I was too nervous. I stared at the window blankly (in short tulaley haha!) because of zero sleep."

Isinisi niya ang kanyang pag-iyak sa kanyang "hormones."

"I cried because of my hormones (I guess—ang daming emotions), especially when Lukas was choking! I started breastfeeding him (no idea what I was doing) but because his glucose level that time was really low, they had to give him a formula milk. He choked while I was feeding him and turned blue."

Nataranta raw siya at nagsimulang umiyak.

"Whew! I was like 'Lord, how?! I need help!!!' Then I realized that nurses and midwives are there to guide us, for some reason I didn’t ask for any help. I guess I was too shy to ask.

"The next day I washed my face, put some lip balm on, brushed my hair and maybe a bit of brows too and told myself, there has to be a purpose why we are still here!

"2nd day, I felt great and it kept getting better until we got discharged!

"I had a tough time but I learned so much in the span of 3 days. I’m so grateful I went through it and figured things out myself. It just shows that even if it’s our first time, we have those motherly instincts that kick in. We are made to do this. So do not doubt nor fear. Now I feel like everything else is easy (huwow!) Grabe ang grace ni Lord," paglalahad pa ni Rachelle.

At sa huli, nanawagan si Rachelle sa iba pang first-time moms na gaya niya, "To all the first time mamas, if you need help, be honest with yourself! Do not be scared or embarrassed to ask for it!"

True!

Kung mga prinsipe lang sila, 'di ganyan… SUPER RICH NA AKTOR, DEDMA SA UTOL NA PURDOY AT NAWALAN NG

CAREER

Erlinida Rapadas - @Teka Nga! | April 14, 2021

BLIND ITEM:

Marami ang labis na nagtataka kung bakit sa kabila ng kanyang malaking kayamanan na naipundar ay hindi magawang tulungan nang lubos ng guwapong aktor ang kapatid niyang dating sikat na aktor.

Alam naman ng rich na aktor na dumalang ang raket ng kapatid bago pa nagkaroon ng COVID pandemic sa 'Pinas. Matagal na natengga ang career ng dating sikat na aktor kaya kinakapos sa aspetong pinansiyal.

Although, may mga nagsasabing ang super rich na aktor naman daw ang nagbabayad sa upa ng bahay na tinitirhan ngayon ng kapatid niyang aktor nang nawalan ito ng trabaho. Pero, kung tutuusin ay kulang pa rin ang nasabing tulong at barya-barya lang ito sa kanyang yaman ngayon.

Nakabili na ang super rich na aktor ng malawak na farm at may iba pa siyang properties na nabili. Napakarami rin niyang collection ng mamahaling sasakyan, samantalang ang kapatid niyang aktor ay lumang kotse ang gamit.

May mga posts pa ang dating sikat na aktor na nagpapasalamat sa mga taong nagpapadala sa kanya ng ayuda tulad ng gulay, prutas, lutong ulam, atbp..

Kaya may ilang nag-comment na puwede namang ang rich na aktor na mismo ang magbigay ng ayuda atbp. pangangailangan ng kanyang jobless na kapatid. Huwag na niyang hintayin na diretsahan pang manghingi sa kanya ang kapatid na nawalan ng career.

Sabi tuloy ng ilan nilang kaibigan, kung buhay pa ang kanilang nanay ngayon, tiyak na malulungkot sa sinapit ng kanyang anak na wala nang career, natitiis pa ng mayamang kapatid na sobra-sobra ang yaman.

May lahing boksingero ang super rich na actor at laging nakakuyom ang palad. Ayaw bawasan ang kanyang kayamanan at i-share sa mga kapatid at kamag-anak. Napakasuwerte nga ng rich actor dahil milyonaryo na, may career pa.

Kung ang nanay ng aktor, shocked sa bilis ng proposal… MADIR NI ELLEN KAY DEREK: NO RETURN, NO

EXCHANGE

ni Melba R. Llanera - @Insider | April 14, 2021

Sa eksklusibong panayam ng Cinema News kina Derek Ramsay at Ellen Adarna ay kinlaro ng hunk actor ang usap-usapan na inalok na rin daw niya sa ibang ex-GF ang engagement ring na ibinigay niya sa fiancée.

Ayon nga kay Derek, natawa at nagtaka siya kung bakit may ganitong balita gayung ngayon pa lang talaga siya nag-propose sa isang babae at nag-alok ng kasal.

Pagbibigay-linaw nga sa amin ng aktor, kung totoo na nag-propose siya sa ibang naging ex-girlfriends niya, malabo na 'di ito mabalita at pag-usapan lalo't bukas naman siya pagdating sa mga naging karelasyon niya.

Pagkukuwento rin sa amin ni Derek, na-stress nga siya nu'ng araw ng proposal dahil nu'ng araw lang din mismo na 'yun dumating ang inorder niyang engagement ring.

Dapat ay sa kaarawan mismo ni Ellen nu'ng April 2 balak gawin ni Derek ang proposal pero nagsalita pala sa kanya ang fiancée na ayaw nitong magselebra ng kaarawan at kadalasan ay nagmumukmok lang ito dahil ka-birthday ni Ellen ang namayapang ama na si Mr. Modesto Adarna.

Dito nataranta ang aktor, pati ang ilan nilang malalapit na kaibigan, kaya binago nila ang original date na April 2 ng engagement proposal at nauwi ng March 30.

Aminado ang aktor na kahit ang kanyang ina na si Mrs. Medy Ramsay ay kinausap sila at sinabihan na masyadong mabilis ang mga nangyari at tinanong nga sila kung napag-isipan ba nila itong mabuti?

Ang ina naman ni Ellen ay nagbiro sa kanya na "No return, no exchange," 'pag pinakasalan na nito ang anak.

Naguguluhan naman si Derek sa mga ipinaparatang sa kanya ng mga bashers at haters na wala siyang balak mag-settle down at gusto lang ay manloko ng mga babae at ngayon naman na sinabi niya na balak na niyang pakasalan si Ellen ay pinaparatangan naman siyang laging nai-in love at gustong laging magpakasal.

Idinepensa rin ng Kapuso hunk actor ang sarili sa sinasabi ng iba na lahat ng naging ex-girlfriends niya ay sinasabihan niya na, "Maybe she's the one," dahil sa bawat nakakarelasyon niya ay iniisip niya na baka ito na ang makatuluyan niya, pero nauuwi sa breakup na mas mabuti na rin kaysa makasal sila at mauwi rin sa hiwalayan.

Sa parte naman ni Ellen ay masaya ito sa nakikitang closeness ni Derek at ng anak na si Elias lalo't ang aktor ang kasa-kasama ng anak sa mga aktibidad gaya ng pagtakbo at ilang sports na 'di niya nakahiligan.