Ugnayan ng ‘Pinas at Saudi, palalawakin

ni Mylene Alfonso @News | July 14, 2026

Photo: File / NY TImes

Ang ugnayan ng Saudi Arabia at Pilipinas ay hindi lamang nakasentro sa paggawa at remittances kundi sa tiwala, pagtutulungan, at ambag ng mga Pilipino sa pag-unlad ng Kaharian.

Sa panayam sa Okaz, sinabi ni Dr. Jose Antonio Goitia, Chairman at President ng JACCG Holdings, Inc., na dapat palawakin ang relasyon tungo sa pamumuhunan, serbisyo, food security, enerhiya, at human capital development sa ilalim ng Saudi Vision 2030.

Aniya, pagkakataon ito para maging higit pa ang Pilipinas sa pinagmumulan ng mga manggagawa at maging katuwang sa lumalawak na sektor ng turismo, renewable energy, healthcare, logistics, digital services, at advanced technologies.

“Mayroon na tayong tiwala sa isa't isa. Ang susunod na hakbang ay gawing kongkretong mga proyekto ang tiwalang iyon, mga proyektong kapwa maipagmamalaki at mapakikinabangan ng Saudi Arabia at Pilipinas,” ani Goitia.

Saudi Arabia, itinigil ang kasunduan sa US dahil sa isyu sa Israel

ni Angela Fernando @World News | Nov. 30, 2024

• 

Photo: Prince Mohammed bin Salman at si Israel Prime Minister Benjamin Netanyahu - FB, circulated

Itinigil na ng Saudi Arabia ang pagnanais nito para sa isang malawakang kasunduan sa depensa kasama ang United States (U.S.) kapalit ng normalisasyon ng relasyon sa Israel.

Sa kasalukuyan, inihihirit na nito ang mas simpleng kasunduan sa kooperasyong militar, ayon sa dalawang opisyal ng Saudi at apat na opisyal mula sa West na nakausap ng Reuters.

Magugunitang nu'ng unang bahagi ng taon, bilang bahagi ng pagsisikap na makamit ang malawakang kasunduan sa seguridad, nagpakita ang Riyadh ng paghina sa posisyon nito ukol sa pagtatatag ng estado ng Palestine.

Binigyang-diin nito sa Washington na maaaring sapat na ang isang pampublikong pangako mula sa Israel para sa solusyon sa dalawang estado upang ma-normalisa ang relasyon para sa Gulf kingdom.

Ngunit dahil sa matinding galit ng publiko sa Saudi Arabia at sa mas malawak na rehiyon ng Middle East laban sa mga aksyong militar ng Israel sa Gaza, muling iginigiit ni Crown Prince Mohammed bin Salman na ang pagkilala sa Israel ay magiging kondisyonal lamang kung gagawa ito ng konkretong hakbang para sa pagbuo ng isang estado ng Palestine.

Samantala, patuloy na nagnanais ang Israel Prime Minister na si Benjamin Netanyahu na makamit ang normalisasyon ng relasyon sa Saudi Arabia bilang isang makasaysayang tagumpay at patunay ng mas malawak na pagtanggap ng kanilang nasasakupan sa mundo ng mga Arabo.

Saudi, nangalap ng pondo para sa Gaza

Filni Angela Fernando - Trainee @News | November 3, 2023

Kasalukuyang binuksan ng Saudi Arabia ang isang kampanya ng pangangalap ng pondo para sa Gaza.

Pinamunuan ni Crown Prince Mohammed bin Salman ang pagsasakatuparan ng repormang pang ekonomiya at bahagi ang kanilang pangangalap ng pagsisikap ng kaharian na mabalense ang isyu patungkol sa Palestine.

Mula ng unang sumalakay ang Hamas nu'ng Oktubre 7, patuloy na binomba na ng Israel ang Gaza na pumatay sa 8,700 katao, kung saan karamihan sa mga ito ay kababaihan at mga bata.

Kinondena man ng pamahalaan ng Saudi Arabia ang mga pag-atake ng Israel sa Gaza, ang publiko naman ng Saudi ay tahimik sa sitwasyon dahil na rin sa kakulangan sa seguridad sa usaping may kinalaman sa pulitika.

Ang kanilang pangangalap ng pondo ay naging pagkakataon para sa kanilang residente na ipakita ang kanilang pakikiisa sa mga Palestino.