Sa 4th wedding anniv nila... MATTEO KAY SARAH: THANK YOU FOR BEING YOU

ni Rensel Sabando @Entertainment | February 22, 2024

Nagdiwang ang aktres na si Sarah Geronimo at ang kanyang asawang aktor, host at entrepreneur na si Matteo Guidicelli ng kanilang ika-apat na anibersaryo ng kasal nu’ng Martes, Pebrero 20.

“Happy 4th year wedding anniversary my love,” isinulat ng aktor.

Patuloy niya, "4 years of “WOW!” Marriage is complete with all the emotions you’ll ever imagine. Learning and living life with you is magical and unexplainable. Wisdom and maturity is gained. Looking forward to many, many more years, forever. I love you. Thank you for being you,” na may red heart pa sa dulo.

May ilang celebrities ang nagpahatid din ng pagbati sa magkasintahan sa comment section.

“Happy anniversary Gs, Cheers to many more!,” ani ng The Voice Teens host na si Bianca Gonzalez.

Sabi naman ng Magandang Buhay host and actress na si Jolina Magdangal, “Happy, happy Anniversary!!!! Masaya akong makita ka sa Rivermaya concert!.”

Ilan sa mga nag-comment pa’y sina Susan Enriquez, Albert Nicolas, Maris Umali, Suzi Entrata-Abrera, Sam YG at MJ Marfori.

Bago ang kanilang anibersaryo, nakitang dumalo ang mag-asawa sa reunion concert ng Rivermaya noong February 17, kung saan nagtanghal ang kaibigan ni Sarah at kapwa coach sa The Voice at co-performer para sa Sarah x Bamboo concert na si Bamboo Mañalac kasama ang kanyang mga dating kabanda.

Sina Sarah at Matteo naman ay magkasama mula pa noong 2013 ngunit nahayag lamang ang kanilang relasyon makalipas ang isang taon, noong 2014.

Samantala, ang Popstar Royalty ay nag-open patungkol sa kanilang kasal ni Mateo at nai-share rin ang kanilang strong and long-lasting na pagsasama nu’ng nag-20th showbiz anniversary concert siya last May, 2023.

SARAH, KINAPOS ANG BOSES SA CONCERT NILA NI BAMBOO

ni Beth Gelena @Bulgary Files | October 15, 2023

Nahirapan umano sa pagkanta ng Himala si Sarah Geronimo sa collab concert nila ni Bamboo sa Cebu kamakailan.

Ang Himala ay ang sikat na awitin ni Bamboo.

Matatandaang na-postpone ang isa sa mga concert tour ng dalawa dahil din umano sa lagay ng kalusugan ni Sarah.

Naipaliwanag naman ito ng misis ni Matteo Guidicelli kasama na ang umano'y kakulangan sa preparasyon lalo na sa kanyang boses.

Sa video na ibinahagi ng Sunstar Cebu, makikitang tila kinakapos sa boses si Sarah sa umpisa ng kanta. Maging ang audience ay nakikanta kahit kapansin-pansing nahihirapan ang singer-actress.

Napansin ni Bamboo na tila kinakapos ang boses ni Sarah kaya umakyat na siya sa stage at sinabayan sa pagkanta ang Pop Princess.

Nang makabuwelo, ipinagpatuloy pa rin ni Sarah ang pag-awit pero nakaalalay pa rin sa kanya si Bamboo.

Spoiled daw at asikasung-asikaso… SARAH, KUMANTANG IPINAGLULUTO NI MATTEO

ni Vinia Vivar - @Frankly Speaking | September 1, 2020

Kitang-kita ang pagmamahal na meron sa isa’t isa ang mag-asawang Sarah Geronimo at Matteo Guidicelli sa katatapos lamang na first online concert nila para sa Share the Love charity project ng Lander’s Supermarket.

Sa isang parte ng concert ay nagpasalamat ang mag-asawa sa isa’t isa at sa totoo lang, ngayon lang namin nakita si Sarah na ganito ka-vocal sa kanyang nararamdaman.

Si Matteo muna ang unang nagpasalamat sa misis. Aniya, "Thank you very much for being you all the time, and not faking who you are, not just to me but to my family and to our friends.

“Sometimes, you always tell me, ‘Love, hindi ako ganyan, hindi ako ganyan,’ but I trust in you and I trust in God that you’re learning every single day to be a stronger woman every single day.

“And I love you for that because you’re learning about life every single day and you’re becoming a stronger, more independent, bulletproof woman every single day and I am seeing it from my own eyes.

“So, I’m very proud of you and I will love you for the rest of my life. I love you, Love,” pahayag ni Matteo at ginawaran ng masuyong halik sa pisngi ang asawa.

When it was Sarah’s turn to speak, naging emosyonal si Popstar Royalty. At nakakatuwang malaman kung paano namang mister si Matteo since mostly ay ang aktor ang naririnig nating nagsasalita about his wife.

“To you, Love, thank you for everything. 'Yung mga simpleng bagay lang na gina-guide mo ako, ina-assist mo ako whenever I work from home, nu'ng nag-lockdown, ikaw ang nag-aasikaso ng camera, ng ilaw, grabe 'yung efforts mo at saka walang hinihinging kapalit ‘yun every time you do it. You just do it out of love and not obligation.

“So, naa-appreciate ko ‘yun, sobra kong naa-appreciate lahat ‘yun kahit hindi ko nasasabi sa ‘yo,” pahayag ni Sarah.

“And what else?” tila nag-iisip pang sabi niya pero gumaralgal na ang boses, “Parang maiiyak naman ako!” she said.

At pagkatapos ay ibinahagi niya kung gaano siya ka-spoiled kay Matt.

“Alam n’yo po, spoiled ako dito kay Matt kasi ‘yung babae kasi, ang role is siya ‘yung nagluluto all the time, nag-aasikaso sa asawang lalaki, pero baligtad sa amin. Tingnan natin after 10 years,” natatawang naluluhang sabi ni Sarah.

Kontra naman ni Matteo, “Hindi naman, hindi naman baligtad.”

Patuloy ni Sarah, “Siya ‘yung maasikaso talaga, nagluluto. May efforts naman ako, Love, 'no?”

Sagot naman ni Matt, “Of course.”

Sa bandang huli ay hindi rin nakalimutang pasalamatan ng mag-asawa ang kanilang magulang.

“And of course, to our families, we love you. To my daddy, my mama, Ate Cheng, Ate Shine, Gab, at sa lahat ng aking my dogs, I love you all so, so, so, so much,” sey ni Sarah.