VP, pinahaharap sa trial... Hirit na BBM sa impeachment, wa' 'wenta — Sara

ni Mylene Alfonso @News | July 7, 2026

Photo: Sara Duterte - FB

Tila rumesbak si Vice President Sara Duterte sa naging opinyon ni Pangulong Ferdinand Marcos Jr., na mas maganda raw kung direktang sasagutin ng nauna ang mga alegasyong laban sa kanya sa Senate impeachment trial.

Matatandaang inihayag ng Pangulo noong Linggo, Hulyo 5, na mas magiging maliwanag at madali ang proseso ng impeachment trial kung personal na sasagot si VP Sara at hindi sa pamamagitan ng kanyang mga abogado.

Sa inilabas na pahayag ng Bise sa kanyang Facebook post nitong Lunes, Hulyo 6, sinabi niyang wala raw halaga ang opinyon ng Pangulo sa proseso ng impeachment trial.

“[T]he decision to personally testify is a matter of legal strategy and constitutional rights,” aniya pa.

“Choosing to appear through counsel rather than testify personally does not diminish accountability or imply a lack of transparency,” dagdag pa ng Bise.

Dapat din umanong sinasarili na lang ng isang public official ang kanilang personal na opinyon at sa halip ay sumunod sa batas.

Hirit ni BBM kay Sara... Kung ako sa 'yo, haharap ako sa trial

ni Mylene Alfonso @News | July 6, 2026

Photo Inday Sara Dugerte - FB

Naniniwala si Pangulong Ferdinand Marcos Jr. na mas magiging madali ang paglilinaw sa lahat ng isyu kung haharap si Vice President Sara Duterte sa Senate impeachment court.

Una nang inatasan ng impeachment court si Duterte na humarap sa pagsisimula ng paglilitis ngayong araw, Hulyo 6, nang personal o sa pamamagitan ng kanyang abogado.

Kung siya ang akusado, sinabi ni Marcos na personal siyang haharap at sasagutin ang mga paratang.

"I would almost insist over the advice of lawyers. If they advise me not to appear, I would insist on appearing," ani Marcos.

Bagama’t nasa pagpapasya aniya ng akusado kung haharap siya o hindi, sinabi ni Marcos na nagsilbing senator-judge sa impeachment trial ni Chief Justice Renato Corona na mas mabuti kung ang akusado mismo ang sasagot sa mga alegasyon sa halip na dumaan lamang sa kanyang mga abogado.

“Of course, it would be much easier to get to the bottom of everything if you can speak to the accused directly, if the accused can answer directly, not through secondary channels, not through the lawyers,” dagdag pa ng Pangulo.

Nabatid na nahaharap si Duterte sa apat na articles of impeachment kaugnay ng umano’y maling paggamit ng confidential funds, unexplained wealth, bribery sa mga opisyal ng Department of Education, at grave threats laban sa Pangulo at kay First Lady Liza Araneta-Marcos.

Utos ng impeachment court... VP Sara, humarap sa trial

ni Mylene Alfonso @News | July 4, 2026

Photo: Sara Duterte - Senate PH

Inatasan ng Senate impeachment court si Vice President Sara Duterte na humarap sa paglilitis na itinakda sa Lunes, Hulyo 6.

Nakapaloob ang kautusang ito sa notice na may petsang Hulyo 2, na nilagdaan ni Senate President Sherwin Gatchalian bilang presiding officer ng impeachment court.

Nakabatay ang direktiba sa Rule 7 ng Rules of Procedure on Impeachment Trial at sa Writ of Summons na inisyu noong Mayo 9, 2026.

Sa notice, inaasahang tatalima si Duterte sa mga kautusan, direktiba, at magiging hatol ng Senate Impeachment Court. Binigyan din ng kopya ng notice ang prosecution team.

Ayon kay Senate Secretary at Impeachment Clerk of Court Renato Bantug, maaaring dumalo si Duterte sa paglilitis nang personal o sa pamamagitan ng kanyang mga abogado.