top of page
BULGARY - PRIME MINISTER NG TIMOR-LESTE, NAPASAYAW SA KANTA NG SB19_IG _officialSB19.jpeg
Search

ni BRT @News | November 7, 2026



Sens. Ronald Bato Dela Rosa at Robin Padilla - FB

Photo: Ombudsman Jesus Crispin “Boying” Remulla sa pagpapahintulot sa isang personal assistant ni dating House Speaker Martin Romualdez na manatili at tumulong sa kanya sa loob ng New Quezon City Jail. Office of the Ombudsman / File


Hindi hihikayatin ni Sen. Robin Padilla si Sen. Ronald “Bato” dela Rosa na sumuko sa International Criminal Court (ICC) sa kabila ng arrest warrant laban dito kaugnay ng madugong drug war ng administrasyong Duterte.


“Sumuko kanino, sa dayuhan? Ay hindi… Kahit naman ako kung ICC 'to hindi ako susuko. Bakit ako susuko doon?” pahayag ni Padilla nitong Biyernes, Nobyembre 6.


Iginiit ng senador na wala siyang nakikitang arrest warrant mula sa lokal na korte laban kay Dela Rosa kaya hindi niya ito papayuhang sumuko.


Sinabi rin ni Padilla na naiinggit siya kay Dela Rosa dahil isang dayuhang institusyon ang naghahanap dito.


Samantala, patuloy ang paghahanap ng mga awtoridad kay Dela Rosa, na may nakalaang P50-milyong pabuya para sa impormasyong hahantong sa kanyang pagkakaaresto.


Dumalo naman si Padilla sa Department of Justice kaugnay ng reklamong obstruction of justice laban sa kanya matapos umano niyang tulungang makalabas ng Senado si Dela Rosa noong Mayo.

 
 

ni Mervin Reyes @News | November 4, 2026



Sen. Ronald Bato Dela Rosa - FB

Photo: File / Sen. Ronald Bato Dela Rosa - FB



Tinutulan ng Philippine National Police (PNP) ang panawagang gumamit ng “shoot-to-kill” approach sa pag-aresto kay Sen. Ronald “Bato” dela Rosa.


“The PNP does not subscribe to a shoot-to-kill approach. Our mandate is to enforce the law, not to take the law into our own hands,” ayon kay PNP chief Gen. Jose Melencio Nartatez Jr.

Kaugnay ito ng mga pekeng social media post na nag-uugnay kay Rep. Lordan Suan sa naturang panawagan, na mariin niyang itinanggi.


Binigyang-diin ng PNP na dapat pairalin ang due process at karapatang pantao sa mga operasyon.


Nahaharap si Dela Rosa sa arrest warrant kaugnay ng kasong crimes against humanity sa ICC, habang may nakalaang P50 milyong pabuya para sa kanyang pagkakadakip.

 
 

ni Mylene Alfonso @News | November 1, 2026



Ronald Bato Dela Rosa - FIle

Photo: File / Ronald Bato Dela Rosa



Mas pinaigting ng Philippine National Police (PNP) ang nationwide manhunt laban kay Senador Ronald “Bato” dela Rosa kasunod ng pagtatapos ng isang linggong palugit para sa kanyang boluntaryong pagsuko kaugnay ng arrest warrant mula sa International Criminal Court (ICC).


Ayon kay PNP Deputy Chief Lt. Gen. Wilson Joseph Lopez, bumuo na ng mga espesyal na task group sa lahat ng rehiyon upang mapabilis ang paghahanap sa senador, katuwang ang Armed Forces of the Philippines (AFP) at iba pang ahensya.


Nakatanggap na rin ang PNP ng maraming impormasyon mula sa publiko kasunod ng pag-aalok ng P50 milyong pabuya, ngunit patuloy pang bineberipika ang mga ito.


Batay naman sa impormasyon ng Bureau of Immigration, hindi pa nakalalabas ng bansa si Dela Rosa.


Binigyang-diin ni PNP Chief Gen. Jose Melencio Nartatez Jr. na magpapatuloy ang operasyon habang tinitiyak ang pagsunod sa batas at paggalang sa karapatang pantao. Bukas pa rin ang pagkakataon para sa mapayapang pagsuko ng senador.

 
 
RECOMMENDED
bottom of page