May 25 million fans, taob daw ang mga taga-Dos… MARIAN, MOST FOLLOWED FILIPINO CELEB SA FACEBOOK

ni Rohn Romulo - @Run Wild | July 17, 2021

Ayon sa ipinost ng dailypedia.net, si Marian Rivera-Dantes ang nasa No. 1 spot ng listahan ng Most Followed Filipino Celebrities sa Facebook as of July, 2021.

Kaya masayang ibinahagi ng Kapuso Primetime Queen sa kanyang Instagram Stories ang magandang balita, na labis-labis nga ang pasasalamat sa kanyang mga Facebook followers na umabot na sa more than 25 million.

“Awww salamat po,” sabi ng mommy nina Zia at Sixto.

“#MagLiveAkoSoon, Kita-kits," ayon pa sa magandang aktres.

Kababalik lang ni Marian sa kanyang social media account matapos mag-lie-low nang ilang linggo at last month nga ay naabot na niya ang 25 million mark sa FB followers.

Patuloy pa ring nagho-host si Marian ng Tadhana na napapanood tuwing Sabado nang hapon at gabi-gabi naman silang napapanood ni Kapuso Primetime King Dingdong Dantes sa rerun ng Endless Love sa GMA Telebabad.

At dahil fully vaccinated na silang mag-asawa, hinihintay ng kanilang milyun-milyong tagahanga na makagawa na sila ng bagong proyekto, kung hindi man teleserye, kahit na isang sitcom na mas magiging madali para sa kanila.

Kahit nasa bahay lang na nag-aalaga ng mga anak, abala pa rin si Marian sa kanyang itinatag na negosyo, ang Flora Vida by Marian na palaki nang palaki at base sa kanyang mga IG posts, maraming nakakasosyal na gamit-pambahay ang paparating, na mula naman sa Flora Vida Home.

Patuloy din siyang pinagkakatiwalaan ng mga products na ini-endorse na halos lahat ay nag-renew ng kontrata at may bago pang dumating.

Last week naman, muli silang nag-shoot ni Dingdong sa ini-endorse nilang bangko na nagse-celebrate ng kanilang anibersaryo, kaya muling makikita ang mag-asawa na magkasama kahit sa TVC at print ads lang.

Narito naman ang iba’t ibang reactions ng mga netizens sa entertainment blogsite sa pagiging number 1 ni Marian sa list:

“Sampal 'to sa mga tard ng ABS-CBN. Congrats GMA-7 and Ms. MARIAN RIVERA.”

“Asan na 'yung mga tards? Mga feeling sakalam sa socmed at mga pa-class kuno?!”

“Ayan si Marian, ke OOTD, floral negosyo, family life o pagluluto, sinusundan ng tao. Simple pero relatable. 'Yan ang influencer!”

“Talaga ba, baks? Sa FB na pugad ng trolls, lol, eh, dinosaur na ang FB. Tiktok, Omegle, pati Kumu ang in ngayon.”

“Mababa ang interactions ng page ni Marian kahit most followed.”

“May video siyang 17M views in 1 hour and 16M views in 2 hours. Record breaking according to FNET... may pics siyang in 1 day, 1M likes. Ano'ng mababa ang interactions? Buti nga, walang ads 'yung videos niya, eh.”

“'Day 'di basehan ang Twitter ng kasikatan ng isang celebrity. Look at their movies, shows, endorsements. 'Yung social media, nadadaya 'yan. Gobyerno nga, daming dummy accounts.”

“Hindi 'yan daya. Maraming international fans si Marian na nakadagdag sa Pinoy followers niya.”

“Marami siyang fans abroad dahil sa mga lumang serye niya.”

“Iiyak na naman ang mga kaF tards. Eh, world-class daw sila, eh, hahahaha!”

“I used to be Kaf. I agree. Settings and stage lang ang maganda sa Kaf at saka OA (theatrical) acting. Pero 'pag pagtiyagaan mo ang Kah, meron ding mga magagaling na artista bukod pa may Marian. Magaling lang ang Kaf noon sa pa-trending on Twitter. I like the underrated actors of GMA.”

“Si Marian ang pinakasikat na Pinoy artista rito sa Vietnam. Mga nanay ng mga students ko rito, naka-like sa page niya. Recently lang, nu'ng kumain kami sa Korean restaurant here and the staff found out we’re Pinoys, si Marian agad ang itinanong nila.”

“Tama. I think si Marian ang pinakasikat na Pinay actress sa neighboring Asian countries natin. Talo niya ang mga ABS stars.”

“Si Marian, unang sumikat d'yan dahil may kasunduan ang GMA-7 at Vietnam to air shows, sa ABS-CBN naman, South Africa.”

“Ipinagpipilitan nga nilang si Anne Curtis daw ang most followed Filipina celebrity. NGE!”

“Iba talaga si 'Yan! Pero hanga ako sa kanya talaga, focused na sa family at business inactive pero sandamakmak endorsements.”

“I’m a social media manager. And it’s not just about having the most number of followers. What matters more is actually engagements. So 'yun 'yung mga reactions and comments. Marian’s FB, hindi masyadong madaming engagements compared sa followers niya. Compare mo 'yan sa IG ni Anne. Anne gets at least 100K likes per post and millions sa views sa mga videos niya. Sa social media ranking, mas angat pa rin si Anne.”

“NO. Mababa pa rin 'yang engagements ni Anne and just because hindi masyadong nagko-comment mga followers ni Marian, eh, hindi na valid. Maraming Asian fans si Marian. JUST ADMIT THAT ANNE CURTIS IS NOT THE MOST FOLLOWED FILIPINA IN SOCIAL MEDIA.”

“I’m not invalidating Marian’s popularity. She is popular. Pero sa social media game, mas mababa talaga ranking ni Marian. Kasi engagement talaga hinahanap ng mga sponsors. We use tools to count engagement sa page. On FB, you can only monetize 'pag video creator ka or if may sponsorship ka, puwede mo rin i-post. Sa IG, celebrities heavily monetized by sponsorship. And celebrities who are brand conscious, stay away from FB.”

“Iba rin naman kasi karisma ng isang Marian Rivera. Kaya kahit anong lait ng mga kaF sa kanya, they can't put her down!”

Sa mga todo-banat kay Bea sa paglipat…"ANG KIKITID NG UTAK" — JANUS

ni Rohn Romulo - @Run Wild | July 10, 2021

Ipinagtanggol na naman ni Janus del Prado si Bea Alonzo dahil patuloy na bina-bash ang kaibigan tungkol sa ‘loyalty’ at sa ginawang paglipat sa Kapuso Network.

Isang quote nga ang ipinost niya sa Instagram: “Loyalty is a two-way street. If you’re asking it from me, make sure I’m getting it from you.”

Nilagyan niya ito ng caption na: “Repost ko lang ulit para sa mga 'di makaintindi how loyalty works.

“Bago n'yo nga pala sabihan na hindi marunong tumanaw ng utang na loob 'yung tao, make sure na may utang na loob na kailangang tanawin.

“It's not like they gave her handouts, pinaghirapan niya naman kung nasa'n siya ngayon. At kumita rin naman sila nang malaki sa karera niya.

“Gratitude is given, not demanded. At ibinigay niya naman iyon.

“Stop this guilt trip bullsh*t sa mga umalis at lumipat. Kailangan naming magtrabaho para sa sarili at mga taong umaasa sa amin.

“Kikitid ng utak, amp*ta. Balakayojan.”

Dagdag pa ni Janus, “PS: Ano kinalaman nu'ng farm niya sa paglipat niya? Regalo mo ba sa kanya 'yun, Direk? Kailangan niya rin bang tanawin na utang na loob 'yun? Pinagpuyatan, pinaghirapan at pinag-ipunan niya 'yun. Kung manunumbat, make sure may karapatan manumbat. 'Kala mo naman, malaki naitulong mo sa career niya.

“Time! (mic drop) Chos.”

Ang tinutukoy na 'direk' ni Janus ay si Direk Erick Salud na kamakailan ay nagpatutsada sa socmed post nito tungkol sa paglipat ni Bea sa GMA-7.

Marami namang netizens ang nag-react, natuwa at humanga sa post na ito ni Janus at ilan sa kanila ay nag-comment ng…

“You only need one Janus kind of friend in your life.”

“Very well said.... 'yan ang totoong kaibigan..... hindi mapanghusga bagkus malawak ang pag-iisip at marunong intindihin ang kapwa..…”

“Sobrang bayad na si Ms. B. Kung sa utang na loob lang, ang dami niyang naipasok na kita sa inyo, 'noh and sobrang professional na artist pa, kaya well-deserved niyang sundin ang nasa puso niya. Mema lang.”

“Lakas makapanira nu'ng iba. Lol. Typical Filipino Crab Mentality. 'Kala mo naman si B ang nagpasara ng network nila kung makalait. Hayyyss.. Well said, Papi @janusdelprado.”

“Lodi @janusdelprado Ginagawan ba nila ng isyu pati si Basha? Lahat na lang yata ng artista na nagsilipat, tinawag nilang walang utang na loob. What do they think of them? Walang mga pamilyang need suportahan at pakainin? At mga walang pangarap para sa kinabukasan? Mga tao nga naman, lalo na sa panahon ngayon… mukhang hindi lang lalong kumitid na ang mga utak, nagkaubo pa sa utak nila. Epekto po ba ng pandemic 'yan?”

“It was a very sweeping statement, 'Kikitid ng utak n'yo' but it's true. Tarak sa dibdib sa mga bashers na tard ng ABS-CBN.”

“Ang sarap lang ng may tagapagtanggol! Tunay na kaibigan!”

Pero hindi naman nakaligtas si Janus sa panlalait ng ilang bashers. Bakit daw ang hilig nitong makisawsaw sa isyu ni Bea?

Comment ng mga bashers…

“Pambansang sawsaw 'to si koya.”

“Kung kay Bea manggaling, mas maingay. Mabuti nang may isang taong iimik para masampal naman ng other side of the story ang madla.”

“Sige, defend pa kay Bea dahil sila rin naman ang mawawalan ng opportunities in the future. Bea will always survive, eh, sila?”

“Close friends sila. They motivate and help each other. Don't you have one?”

“Dami rin naman kayong nakikisawsaw sa desisyon ni Bea, nagpaalam naman iyong tao nang maayos sa boss ng network niya dahil walang offer na work at contract sa kanya.”

“Noted po, Atty. Janus. Tagapagtanggol ni Bea si koya, feeling ko, may hidden feelings 'tong si Janus.”

“Parang mas gusto ko si Janus kesa kay Dom. Ayiieee!”

“Daig pa jowa kung maka-defend, know your place.”

“Sawsaw din 'to kay Angelica. Lahat na lang, sinawsawan.”

Sagot naman ng netizen, “Mabuting kaibigan lang siya. At least he always has the guts to defend Angge and Bea, hindi katulad ng iba na quiet lang kasi takot na maapektuhan ang image.”

Megastar, tumoma, nag-vape, etc… BAGONG MOVIE NI SHARON, 'DI PARA SA MGA FANS

ni Rohn Romulo - @Run Wild | July 06, 2021

Shocking naman talaga ang trailer ng comeback movie ni Megastar Sharon Cuneta sa Viva Films, ang Revirginized, na kahit siya ay nagulat din sa kanyang ginawa.

Kaya naman nagbabala si Sharon sa kanyang FB at IG post sa paglabas ng official trailer ng Revirginized noong Linggo nang gabi, July 4, na ‘wag itong panoorin ng mga bata dahil nga sa content nito.

Caption ni Mega, “(Important: BAWAL PO MANOOD ANG MGA BATA!) Hi, everyone! I just KNOW that my role of Carmela in this movie, and THIS TRAILER, and THE MOVIE as a whole, WILL SHOCK YOU.

“Please remember that it is just a movie, just another role that is VERY, VERY DIFFERENT from ALL THE OTHER ROLES you have seen me play. And this movie is the opposite of ALL the movies you have ever seen me in!”

Pakiusap pa niya lalo na sa kanyang mga fans, “Please broaden your mind, enjoy it, and I sincerely hope you watch it on Vivamax starting August 6! It’s gonna be a rollercoaster of a ride, because maninibago po kayong lahat sa akin dito.

"YOU HAVE NEVER SEEN OR HEARD DIALOGUE FROM ME LIKE YOU WILL IN THIS MOVIE.

"Please just have fun with it and do not forget that I have earned the right to try out new roles and take on new challenges after 43 years as a singer-actress. Thank you so much. I love you all and am proud of this movie.

“Don’t worry - I am still the same “Sharon” who will still be doing the kind of movies you have loved seeing me in! It’s just that once in a while, please allow me to be different - at least on the screen. I am, after all, an actor. And doing all kinds of roles is part of my job! Thanks so much!” sabi pa niya.

Dagdag pa niya, “And PREPARE YOURSELVES, PLEASE! Upo lang po at kapit sa upuan! Kung ako nga na-shock - pero in-enjoy ko naman po - sa pinagsasabi at pinaggagawa ko sa movie na ito, kayo pa kaya?! Love you all! God bless us all, always! @vincentimentsofficial @direkdarrylyap @therealrosannaroces @gumabaomarco.”

In fairness, ang ganda ng trailer na unang ipinost ni Direk Darryl Yap, kakaiba talaga sa mga nagawa ni Sharon na agad umani ng 1 million views in 3 hours at nag-trending talaga sa Twitter.

Isang araw bago inilabas ang trailer, nag-post naman si Direk Darryl na naka-address sa mga Sharonians na unang nag-react noon na ang iba'y nag-nega pa, tungkol sa ginawa niyang pelikula kasama ang nag-iisang Megastar na kanyang ipinagmamalaki.

“HINDI PARA SA MGA SHARONIANS,” panimula ng direktor.

“Sa mga pelikulang halos umabot na sa isang daan; ngayon n'yo lang mararanasan si Sharon Cuneta sa ganitong sandali.

“Hinila ko mula sa pedestal ang #Megastar at inilapit sa realidad ng mga kabataan ngayon, inilublob namin siya sa mga bagay na ngayon lang din n'ya naranasan hanggang maging si Carmela na siya at hindi si Sharon.”

Sabi pa niya patungkol sa pinag-usapang still photos ng movie, “Hindi ko ipinagmamalaking ako ang unang direktor na nagpaBodyShot sa kanya, Beer pong, Vape atbp.

“Ang ipinagmamalaki ko, ay ang tiwalang ipinagkaloob niya sa akin, na bihira na lang niyang binibitawan sa panahon ngayon.

“At ang tiwalang iyon ay nasulit nang ipapanood ko sa kanya ang trailer na hindi siya makapaniwalang nagawa niya.

“Ang pelikulang #REVIRGINZED ay hindi lamang para makapagbigay ng lakas sa kababaihan at magmulat sa mga nakatatanda at kabataan kung bakit noon “nag-iinuman kapag may kasiyahan” at ngayon, madalas — “nag-iinuman dahil malungkot.”

Pahayag pa ni Direk Darryl na labis-labis ang paghanga sa kahusayan ni Sharon, “Sa mga #Sharonians, ikinalulungkot ko, pero hindi para sa inyo ang pelikulang ito — DAHIL ALAM KONG KAHIT ANONG GAWIN NI SHARON ay mahal na mahal n'yo na s'ya.

“ANG PELIKULANG ITO AY PARA SA MGA HINDI PA SHARONIAN na ngayon pa lamang bibilib at maniniwala sa galing, husay at kalidad na tanging sa isang SHARON CUNETA lamang magmumula.

“At doon, mabubuo ang mga tagahanga ni Sharon, mula noon hanggang sa mga susunod na henerasyon.

“Huwag mong palalagpasin ang #REVIRGINIZED TRAILER - JULY 4 • 7pm.”

May paliwanag si Direk Darryl sa mga detalye ng maganda at pinag-isipang movie poster na gawa ni Luiz Clet.

Ayon sa ‘mega mind’ ng direktor:

“Ang transformation ng isang paru-paro

"Ang mabagal na pagmu-move-on ng pagong

"Ang nakakagising at nakakatangay na alon

"Ang araw na laging nangangako ng bagong pagkakataon.

“Ang opisyal na pampelikulang paskil ng isa sa mga pinakamahalagang sandali ng aking karera.

“Sharon Cuneta is #REVIRGINIZED.”

For sure, maraming mag-aabang sa August 6 sa Vivamax and hopefully, maging blockbuster din ito tulad ng mga naunang movies ni Direk Darryl na talaga namang tinangkilik ng manonood sa online streaming at nasa Top 5 hanggang ngayon.