Hontiveros, umapela sa US: Palayain ang anak ni Percy Lapid

by BRT @News | October 3, 2026

Photo: Courtesy Mark Mabasa & Senator Risa Hontiveros / FB

Umapela si Sen. Risa Hontiveros sa US immigration authorities na agad palayain si Mark Mabasa, anak ng yumaong broadcaster na si Percival “Percy Lapid” Mabasa, na nakakulong sa California mula Setyembre 21.

Nasa Adelanto Immigration and Customs Enforcement Processing Center si Mark. Ayon sa pamilya, hindi pa malinaw kung bakit siya dinetine. Nakatakda siyang humarap sa immigration court sa Oktubre 2.

Sinabi ni Hontiveros na dapat tulungan ng gobyerno si Mark at ang pamilya Mabasa, na nag-apply ng asylum sa US matapos makatanggap ng mga death threat kasunod ng pagpaslang kay Percy Lapid noong 2022.

Nakipag-ugnayan na rin ang senadora sa mga opisyal ng Pilipinas at US kaugnay ng kaso. Samantala, nagsagawa na ng welfare visit ang Philippine Consulate sa Los Angeles kay Mark.

Nagtarayan sa isyu ng Senate shooting... Pia vs. Risa

ni Mylene Alfonso @News | May 21, 2026

Photo: Senate PH

Isang linggo matapos ang barilan sa Senado, naging emosyonal si Senador Pia Cayetano sa plenaryo.

Ito ay bilang tugon sa bahagi ng privilege speech ni Sen. Risa Hontiveros na nagpahayag na tila walang nangyari kaugnay ng insidente ng putukan sa Senado.

“Mr. President, halos isang linggo na matapos ang habulan at barilan dito sa Senado. Sa loob-loob ko, hindi ako mapanatag na simula noong Lunes, ang ipinapakita natin ay… para bang walang nangyari… na para bang hindi nabastos ang ating institusyon, ang ating mga empleyado, at ang mga Pilipino. Hindi maliit na bagay ang nangyari dito, at lalong hindi dapat inaasa sa mga Facebook Live, press conferences at media interviews ang pagtatahi-tahi ng mga pangyayari,” pahayag ni Hontiveros.

Binigyang-diin naman ni Cayetano na masakit para sa kanilang mga naroon sa mismong lugar na kwestiyunin ang kanilang naramdaman at marinig ang nasabing pahayag.

“Takot na takot po ako na kailangan ko na magpaalam sa mga anak ko. At ‘yung staff ko, dalawang pintuan ang pagitan ko sa putukan. ‘Yung staff ko na si Claire na 20 years na sa akin, nandun siya sa labas. She has a 12-year-old son. Kinikwento niya sa akin lately na tumatakbo siya, hindi niya alam kung saan siya pumunta. Kaya para sabihin n’yo na walang nangyari, napakasakit para sa amin lahat na nandito,” ayon pa kay Cayetano.

Sa panig naman ni Hontiveros, nirerespeto niya ang personal na damdamin ng kanyang mga kasamahang senador.

“Mr. President, as I said earlier. I deeply respect the emotions of our distinguished colleague. It is evident that the violence that breached our halls has profoundly affected all of us, and I don't doubt the leadership's personal distress over what transpired,” paliwanag ni Hontiveros.

“​However, when I stated that it feels now as though 'walang nangyari,' I was not speaking about our personal feelings. I was speaking about our institutional posture. Our grief as Senators is valid, but our mandate requires action,” pagtatapos ni Hontiveros.

Oposisyon, lumakas sa paglaya ni De Lima

ni Angela Fernando - Trainee @News | November 19, 2023

Lubos na nagbibigay ng pag-asa at inspirasyon ang naging paglaya ni dating Sen. Leila de Lima sa oposisyon, ayon sa paniniwala ni Sen. Risa Hontiveros.

Sinabi ni Hontiveros sa isang episode ng The Mangahas Interviews nu'ng Nobyembre 18 na magreresulta ang paglaya ni De Lima matapos ang halos pitong taong pagkakapiit sa mas epektibo at makapangyarihang hakbang hindi lamang ng oposisyon kundi ng bansa.

Aniya, matapos ang ilang taong pagkakakulong ay hindi nawala sa dating senadora ang diwa nito na nagbibigay ng lakas at pagiging positibo sa kanilang lahat sa oposisyon.

Dagdag niya, ang nalalapit na tuluyang kalayaan ng kasama ang labis na magbibigay ng saya sa kanila.

Matatandaang sinabi ni De Lima kamakailan na siya ay mananatili sa kanyang dating partido at aayusin niya ang kanyang kumpletong kalayaan para malinis ang kanyang pangalan at mabigyan siya ng katarungan.