Easy Way, hindi hiningal sa 3-YO Maiden Race

ni Green Lantern @Renda at Latigo | March 20, 2023

Walang kahirap-hirap na tinalo ni Easy Way ang mga nakatunggali sa "3-Year-Old & Above Maiden Race na nilarga sa Metro Turf, Malvar sa Tanauan City, Batangas noong Sabado.

Umaarangkada agad paglabas ng aparato si Easy Way para hawakan ang unahan at manalo ng banderang tapos kontra 13 tigasing kabayo.

Pagsapit ng far turn ay nasa tatlong kabayo ang lamang ni Easy Way, hindi nagbago hanggang sa home turn kaya naman magaan na tinawid nito ang meta ng may pitong kabayo ang agwat sa pumangalawang Bantay Sarado.

Ginabayan ni jockey MP Canete, nirehistro ni Easy Way ang impresibong tiyempong 1:25.8 minuto sa 1,400 meter race sapat upang hamigin ng winning horse owner na si JC Dyhengco ang P20,000 added prize.

Pangatlong dumating si Cash On Hand habang pumang-apat si Winner Parade sa event na suportado ng Philippine Racing Commissin, (PHILRACOM) sa pamumuno ni chairmman Reli De Leon.

Hinangaan din ng mga karerista ang pagkakapanalo ni Effen Herstal sa Condition race (22) na pinakawalan sa pangalawang karera.

Sinakyan ni jockey RA Base, hinamig ni Effen Herstal ang karagdagang P10,000 premyo para sa may-ari ng kabayo.

Samantala, may pitong races ang pinakawalan ng Metro Manila Turf Club Inc. (MMTCI) noong Sabado kaya naging masaya ang pananaya ng mga karerista.

My Boy Lollipop at El Mundo sa Pista

ni Green Lantern @Renda at Latigo | March 19, 2023

Magkikita sa pista sina My Boy Lollipop at El Mundo sa magaganap na National Women's Month Race na ilalarga sa Metro Turf, Malvar sa Tanauan City, Batangas, ngayong araw.

May distansyang 1,400 meter race, ang nasabing selebrasyon para sa mga kababaihan ay lalahukan ng walong dekalidad na kabayo kung saan ay rerendahan nina John Alvin Guce at EG Guerra sina my Boy Lollipop at El Mundo ayon sa pagkakasunod.

Paglalabanan ang added prize na P25,000 na ikakalat sa unang apat na kabayong tatawid sa meta ang ibang kalahok ay sina Aly Yanna, Everyday Black, Illusion, Gugma, Shine at Mandatum.

Ayon sa komento ng mga karerista sa social media na pahirapan sa pagpili ng tatayaan na kabayo ang nasabing karera dahil mga mahuhusay ang mga kalahok. "Mahirap na karera ang tingin ko dyan, mas maganda multiple ang pili para malaki ang tsansang makapuntos sa winner take all (WTA)."

Nakalaan ang karagdagang premyo rin na P10,000 sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

Samantala, ikakasa rin ngayong Linggo ang 2023 PHILRACOM "Road To Triple Crown Stakes Race" na pakakawalan sa pangatlong karera.

Ikakasa ng Metro Manila Turf Club Inc. (MMTCI) ang siyam na races ngayong araw kaya paniguradong masaya ang mga karerista sa kanilang paglilibang.

Mga Pili ni Green Lantern:

Race 1 - My Boy Lollipop (4), El Mundo (2), Illusion/Gugma (5/5A)

Race 2 - May Ten (3), Magnolia Yana (4), Raxa Bago/Maaki Boy (6/6A)

Race 3 - Tell Bell (6)

Race 4 - Andromeda (4), Amelia (6), Columbus (10)

Race 5 - Central Bank (8), Lucky Hilda (9), Noh Sen Young Yana (5)

Race 6 - Easy Landing (6), Heavenly Star (1), Apollo (9)

Race 7 - Chase The Gold (7), Crown In My Head (12)

Race 8 - Early Bird (7), Sweet Spot (5)

Race 9 - Captain Det Det (12), Make Or Break (13), Jambo (3)

Prime Billing at Glamour Girle, magpapabida sa Turf

ni Green Lantern @Renda at Latigo | March 18, 2023

Pakay nina Prime Billing at Glamour Girle na saltuhin ang asam ni Tell Bell na sungkitin ang panalo sa Road to Triple Crown Stakes Race na aarangkada sa Metro Turf, Malvar - Tanauan City, Batangas bukas, (Linggo).

Kahit tinalo na ni Tell Bell sina Open Billing at Gloamour Girle ay inaasahang mapapalaban pa rin ng todo ang una ayon sa komento ng mga karerista sa social media.

Pakay ni Tell Bell na hablutin ang pangalawang sunod na panalo sa distansiyang 1,600 meter race kung saan ay makakatagisan niya ng bilis ang anim pang tigasing kabayo.

Nakalaan ang guaranteed prize na P1-M naa ikakalat sa unang apat na kabayong tatawid sa meta, maliban kina Tell Bell, Open Billing at Glamour Girle ang ibang kalahok ay sina Domsat Seven, Go Aydan Go, Going East at Player Andri.

Hahamigin ng mananalong kabayo sa event na suportado ng Philippine Racing Commission, (PHILRACOM) sa pamumuno ni chairman Reli De Leon ang P600,000, habang mapupunta ang P225,000, P125,000 at P50,000 sa second hanggang fourth placers ayon sa pagkakahilera. May kukubrahin din ang breeder ng winning horse na P50,000 habang tig-P30,000 at P20,000 ang second at third.

Rerendahan ni dating Philippine Sportswriters Association, (PSA) Jockey of the Year awardee Jonathan Basco Hernandez, Nagwagi nitong nakaraang buwan si Tell Bell sa 2023 PHILRACOM "3-Year-Old Stakes Race" na inilarga sa parehong lugar.

Samantala, walong races ang pinakawalan ng Metro Manila Turf Club Inc. (MMTCI) kahapon ng Biyernes kaya naging masaya ang mga karerista sa kanilang paglilibang.