Boss Emong at Big Lagoon mainit sa Chairman's Cup

ni Green Lantern @Renda at Latigo | April 30, 2023

Magtutuos ngayong araw ang dalawa sa tigasing kabayo sa karerahan na sina Boss Emong at Big Lagoon sa 2023 PHILRACOM “Chairman’s Cup” na ilalarga sa Metro Turf, Malvar sa Tanauan City, Batangas.

Inaasahang maraming karerista ang nakatuktok kina Boss Emong at Big Lagoon dahil sila ang maiinit na kabayo ngayon lalo na’t mga stakes races ang kanilang napapanalunan. Paniguradong masisiyahan ang mga karerista dahil bakbakan na naman ang kanilang masisilayan sa karerang may distansiyang 2,000 meter race.

Maliban kina Philippine Sportswriters Association, (PSA), Horse of the Year awardee Boss Emong at reigning Presidential Gold Cup champion Big Lagoon, ang ibang tigasing kasali ay sina Ambisioso, Cam From Behind, Don Julio, Gomezian at Robin Hood.

Gagabayan ni star jockey Jeffril Tagulao Zarate si Boss Emong habang si John Alvin Guce ang rerenda kay Big Lagoon sa event na nakalaan ang P2.5M guaranteed prize na ikakalat sa unang anim na kabayong tatawid sa meta.

Hahamigin ng mananalong kabayo ang P1.5M premyo, mapupunta sa 2nd placer ang P500,000, ibubulsa ng tersero ang P250,000 habang tig-P125,000, P75,000 at P50,000 ang 4th hanggang sixth ayon sa pagkakasunod.

Sina Boss Emong at Big Lagoon ay mahigpit na magkaribal sa pista pero inaasahang magbibigay din ng magandang laban ang iba nilang makakatunggali.

May siyam na karera ang pakakawalan ng Metro Manila Turf Club Inc. (MMTCI) ngayong araw ng Linggo kaya masisiyahan ang mga karerista sa kanilang pananaya.

Lahat ng karera ang suportado ng Philippine Racing Commission, (PHILRACOM) sa pamumuno ni chairman Reli De Leon.

Mga Pili ni Green Lantern:

Race 1 – Earli Boating (4), Cluster (5), Family Affair (6)

Race 2 – Apo Ni Maria (4), Etnad (2), Mystic (8)

Race 3 – El Mundo (12), Buena Bell (1), Money For Shelltex (9)

Race 4 – Boss Emong (4), Big Lagoon (2)

Race 5 – Magnolia Yana (3), Since When (9), Arubaitosan (5)

Race 6 – Declare For Flare (7), Rocking Bell (11), Mano Po/Full Control (3/3A)

Race 7 – Palauig (2), Bada Ding (7), Atomic Bomb (4)

Race 8 – My Sweet Lord (5), Laktod/Vavavoom (6/6A), Papa Jong (10)

Race 9 – Namaskar (2), Captain Det Det (11), Trust Worthy (12)

La Trouppei sasabak sa pista ng Triple Crown

ni Green Lantern @Renda at Latigo | April 29, 2023

Mapapalaban na naman si La Trouppei sa pagsabak nito sa pista sa susunod na buwan.

Ito’y dahil kasama siya sa pitong mahuhusay na batang kabayo na nagsaad ng pagsali sa 1st Leg ng Triple Crown Stakes Race na ilalarga sa Mayo 14 sa Metro Turf, Malvar sa Tanauan City, Batangas.

Maliban kay La Trouppei, ang ibang makikipagtagisan ng bilis ay sina Easy Does It, Gintong Hari, Going East, Istulen Ola, Jaguar at Tell Bell sa distansiyang 1,600 meter race.

Paniguradong paghahandaan ng todo ang nasabing karera dahil nakalaan ang guaranteed prize na P3.5M na ikakalat sa unang apat na kabayong tatawid sa meta sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

Susungkitin ng mananalong kabayo ang P2.1M, mapupunta sa pangalawa ang P787,500 habang tig- P437,500 at P175,000 ang 3rd at 4th placers ayon sa pagkakasunod.

Kukubra rin ng P175,000 ang breeder ng mananalong kabayo habang tig-P105,000 at P70,000 ang second at third.

Nakaraan lang ay nagwagi ang La Trouppei sa PHILRACOM "Road to Triple Crown Stakes Race" na pinakawalan sa parehong lugar. Kabilang sa tinalo ng La Trouppei ang naliyamado noon na Jaguar kaya tiyak din na pakay ng huli na makabawi.

Samantala, nakatokang rumenda sa La Trouppei ay si class A rider kelvin Abobo habang si star jockey Jeffril Tagulao Zarate ang sasakay sa Jaguar.

Posibleng magbigay ng magandang laban ay si Tell Bell na rerendahan ni former Philippine Sportswriters Association, (PSA), Jockey of the Year awardee Jonathan Basco Hernandez.

Fast And Easy sa 3-YO nagpahanga sa Malvar

ni Green Lantern @Renda at Latigo | April 27, 2023

Pinahanga ni Fast And Easy ang mga karerista matapos siluin ang panalo sa 3-Year-Old & Above Maiden Race na nilarga noong Miyerkules ng gabi sa Metro Turf, Malvar sa Tanauan City, Batangas.

Nagwaging banderang tapos si Fast And Easy, umarangkada agad ito paglabas ng aparato upang magaan nitong nahawakan ang unahan.

Bahagyang lumapit ang mga nakatunggali ni Fast And Easy papasok ng huling kurbada pero nanatili ang tikas nito sa rektahan para tawirin ang meta ng may dalawang kabayo ang agwat sa pumangalawang si Gold Rush.

Ginabayan ni jockey Jegir Paano, inirehistro ni Fast And Easy ang tiyempong 1:14.4 sa 1,200 meter race sapat upang hamigin ng winning horse owner na si BV Tecson ang P20,000 added prize.

Terserong tumawid ng meta si Galactus habang pumang-apat si Strong As A Bull sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

Samantala, nasiyahan naman ang mga karerista sa walong races na pinakawalan ng Metro Manila Turf Club Inc. (MMTCI). Tiyak na masisiyahan ang mga karerista sa lineup ng karera bukas at sa Linggo dahil may mga stakes races ang pakakawalan.

Mga mahuhusay na kabayo ang mga nagsaad ng pagsali sa 2023 PHILRACOM “Chairman’s Cup Divisions I, II, III.

Mga Pili ni Green Lantern:

Race 1 – Real Fair (7), Badboy MJ (5)

Race 2 – Double Rock (7), Pendant (4), Nevada Scout (2)

Race 3 – Golden Sunrise (3), Goldsmith (2), My Jopay (5)

Race 4 – Distorted Julliane (14), May Ten (1), Panday Pira (4), Golden Eight (3)

Race 5 – Rhaegal (6), Apollo (5), Chase The Gold (8)

Race 6 – Early Bird (1), Happy Maggie (5), Jambo (10), This Time (7)

Race 7 – Jannanigans (4), Noh Sen Young Yana (3), Arogante (11), Che Che (14)