Piktyur, kalat na… XYRIEL, BINASTOS NG DRIVER NG SINAKYANG TNVS, NAGPRAMIS NA RERESBAK

ni Reggee Bonoan @Sheet Matters | April 9, 2026

Photo: Niño Muhlach at Janice de Belen - FB

Naloka ang aktres na si Xyriel Manabat dahil ang pagiging mabait niya sa TNVS (Transport Network Vehicle Service) driver na sinakyan niya nu’ng Martes papuntang taping ay binigyan ng masamang kahulugan nang magpa-picture siya.

Bata pa lang si Xyriel ay kilala na namin ito dahil madalas namin siyang nakakapanayam noon sa seryeng 100 Days to Heaven (100DTH) bilang si Anna Manalastas. Mabait talaga siya at sa mga gustong magpa-picture ay lagi siyang accommodating. Mabait din siya sa mga fans at laging namamansin. 

Dahil dumaan siya sa awkward stage, nag-lie-low siya sa showbiz at itinuon ang panahon sa pag-aaral.

Sa nangyari ngayon, siya pa mismo ang nag-offer na magpa-picture sa TNVS driver bilang pasasalamat dahil naihatid siya nang maayos at mas maaga sa kanyang call time.

Maayos naman silang nagkausap ng driver pero laking-gulat ng aktres nang mag-viral ang larawan nila matapos itong i-post ng driver na may malisyosong caption.

Photo: Circulated

Ayon sa post ng driver, “Nagulat ako, nagpapa-picture sa akin.

Xyriel Manabat: Kuya, picture tayo bago ako bumaba (naka-sleeveless).

Ako (driver): Sure Ma’am, ‘wag mo lang ibenta picture ko. Ang LAKI ng bata na ‘yan.”

Dahil dito, umani ito ng maraming negatibong komento at nag-viral. 

Sakto namang may mediacon ang bagong pelikula ni Xyriel kasama si Kyle Echarri na 18th Rose, na mapapanood sa Netflix ngayong April 9, kung saan tinanong siya ni MJ Marfori ng TV5 at ipinakita ang kumakalat na piktyur.

Nagulat si Xyriel. Aniya, “Suot ko ‘yan kahapon (Martes) papuntang taping.”

Hiningan siya ng komento nina MJ at Anna Cerezo ng TV Patrol, at sinabing ipinagtatanggol siya ng kanyang mga fans.

“Ah, okay. ‘Di kasi ako pala-phone pero now that I’m seeing this, I’m sure that I’ll do something about this. Kasi even before ako bumalik sa showbiz, isa sa rason kung bakit ako umingay, I’m really vocal about protecting women.

“Protecting me against sexual assault or sexualizing women. ‘Yun talaga ang advocacy ko. So now, that’s the first time na nakita ko ‘yan.

“Siguro, ‘yan ‘yung itinatawag sa akin ni Izzy kanina. Hindi kasi ako napo-phone low, kanina 1% lang, pero tumatawag si Izzy at nagte-text s’ya.

“Pero now that I’m seeing it, ‘di ko ‘yan papalagpasin. ‘Di dapat nagiging entertainment ‘yan in any form. I hope the platform or the app should do something about this because it’s not petty. It’s not something na any woman should experience on a daily basis.

“Sobrang nagulat ako kasi papunta lang ako ng trabaho. Imagine kung gaano kahirap ang trabaho ng babae. Nagtrabaho ka lang, nagpa-picture ka, you’re just being kind, you’re just being a decent human being and you get this in return. It’s not about the piece of clothing. Nakapang-trabaho ako, maayos ko siyang kinausap,” mahabang pahayag ng aktres.

Ayon pa kay Xyriel, naging mabait siya sa driver. 

Sey niya, “Nag-tip pa nga ako sa kanya kasi nahiya ako ‘pag may pinaghihintay akong tao. So, wow. I hope your family, your mom, your sister, or if you have a daughter, your wife, sana makita nila ito at makita kung ano’ng klaseng tao ka.”

Ipinagdiinan ni Xyriel na hindi niya ito palalampasin at gagawan niya ng aksiyon ang ginawa ng driver.

Diin niya, “I’m not scared to express my passion about protecting women, about protecting victims or the voiceless in any gender, in any age. I’ll use my platform.”

Habang naglalabas ng kanyang saloobin si Xyriel Manabat, kapansin-pansin din ang gigil ni Kyle Echarri sa ginawa ng TNVS driver sa aktres.

Aktres, naanakan lang ng pinsan… NIÑO, UMAMING NAUNA SIYA KAY JANICE KESA KAY AGA

ni Reggee Bonoan @Sheet Matters | April 8, 2026

Photo: Niño Muhlach at Janice de Belen - FB

Nagulat kami na si Niño Muhlach pala ang unang nagkagusto kay Janice de Belen at hindi ang pinsan niyang si Aga Muhlach.

Nangyari ang bukingan sa ginanap na housewarming sa bagong bahay ni Ogie Diaz sa Laguna kung saan maraming celebrities ang imbitado at kasama na sina Janice at Niño.

Pinag-usapan ito nina Ogie at Mama Loi kasama sina Tamerlane Mopia at Oliver Carnay sa Showbiz Update na in-upload kagabi at ang topic ay tungkol sa tantrums daw ni Niño noon sa shooting nila ni Janice.

Simula ni Janice base sa video na ipinakita, “12 (years old) ako, 9 years old s’ya. Alam mo ba, nagta-tantrums s’ya dahil sa akin sa shooting.”

Sagot ni Niño, “Pero ‘di pa s’ya kilala noon ni Aga. Ako ang unang may crush d’yan. Nagkasama kami sa pelikula.”

Walang nagawa si Janice kundi umamin at bata pa raw sila noon kaya walang seryosong usapan at ang pelikulang ginawa nila ay Tropang Bulilit (TB) noong 1981.

Sumunod ay nagkasama naman sina Janice at Aga sa pelikulang Super Wan-Tu-Tri (SWTT) with Tito Sotto, Vic Sotto, at Joey de Leon noong 1986. Hanggang sa nabalitang nabuntis ni Aga Muhlach si Janice de Belen at ang naging anak nga ay si Luigi Muhlach na kilalang chef na ngayon.

---

Viral ang post ng host na si DJ JhaiHo kahapon na nasa emergency room para magpa-check-up dahil hirap daw siyang huminga.

Kasama sa post niya ang video na nagbabalita siya sa DZMM Teleradyo at pansin naming may hingal factor pero hindi niya ipinahahalata.

Ang caption niya ay: “Kapansin-pansin na hirap na hirap at naghahabol ako sa aking hininga yesterday sa programa pero pilit kong inilalaban talaga na tapusin ang show. Right after nito, 12NN to 1:30 PM, ako na mismo nagsugod sa sarili ko sa ER (emergency room).”

Ayon pa sa post ni JhaiHo ay nagpa-laboratory test siya kung saan kinunan siya ng dugo, X-ray, ECG at iba pa at sabay sabing, “Stop na ako sa pagbe-vape.”

Kinumusta namin ang kalagayan ni JhaiHo at sinabi naming magpahinga muna at nabanggit niya na nasa bahay na raw siya ngayon.

“Naka-rest po. Super-pasalamat ako sa mga boss ko sa 92.3FM Radio Manila Arangkada Balita at DZMM. Lahat sila, pinag-rest ako, pinadalhan ng mga prutas, maraming messages, maraming pagkaing dumarating,” kuwento ni JhaiHo sa FB Messenger.

Dagdag pa niya, “Naka-7 days morning and evening antibiotic po at naka-release na po, sa bahay ako. ‘Di ko kaya sa hospital, feeling ko, nanghihina ako.”

Samantala, napansin naming slim ngayon si JhaiHo kaya tinanong namin kung nagda-diet siya at inamin naman niya.

“Super diet po ako, nagpapa-slim, malala, para maganda po,” sagot niya sa amin.

Sabi namin, kaya bumaba ang immune system niya ay dahil sa matinding diet at pinayuhan naming hinay-hinay lang muna at kailangang kumain ng masusustansiya para lumakas agad.

Isinusuka sa pagiging unprofessional… MARK, TUMANGGAP NA NG 50% DOWNPAYMENT NG TF, FIESTA SA NUEVA ECIJA, ‘DI SINIPOT

ni Reggee Bonoan @Sheet Matters | March 26, 2026

Photo: IG Mark Herras

Mukhang minarkahan na si Mark Herras ng mga taga-Barangay Nieves, San Leonardo, Nueva Ecija dahil hindi niya sinipot ang town fiesta nila kamakailan kahit nakuha na niya ang 50% downpayment ng talent fee (TF) niya.

Base sa report nina Ogie Diaz at Mama Loi sa online show nilang Showbiz Update kasama sina Ate Mrena, Tamerlane Mopia at Oliver Carnay ay may taong nag-reach out sa kanila para i-report ang aktor-mananayaw.

“Binook daw nila si Mark Herras para sa isang event sa Nieves, San Leonardo, Nueva Ecija. Apparently, no show s’ya, ‘di s’ya nagpunta!” sabi ni Mama Loi base sa binasang mensahe sa kanya.

Reaksiyon ni Ogie, “Oh, my God!”

Sabi pa ni Mama Loi, “May commitment pa raw si Mark sa grand parade.”

Ipinakita sa Showbiz Update ang post ng taga-Barangay Nieves, San Leonardo, Nueva Ecija na larawan ni Mark at excited silang makita ang aktor-dancer para sa Barangay Fiesta 2026.

Binanggit din ang iconic tagline na “Dream, Believe, Survive” para sa reality show na StarStruck ng GMA noon.

Aniya, “Super dami raw tao ang nag-abang sa kanya. Kaya nagalit na ‘yung buong barangay council nu’ng Nieves, San Leonardo kasi nga walang reply. Super-dami ng tawag pero ‘di nag-a-update si Mark. Limang oras daw silang naghintay pero walang dumating na Mark Herras. Nakapag-downpayment na raw kay Mark Herras.

“Tapos ‘yung promoter, sa kakakulit n’ya, binlock na raw ‘yung kanyang Facebook, Viber at saka ‘yung Messenger ni Mark Herras at nasira raw ‘yung production number nila dahil sa kanyang ‘di pagdating. S’yempre, nakaayos na ‘yung program.”

Sa galit ng Sanggunian, ang booker na kumontak kay Mark ang kakasuhan dahil siya ang responsable sa hindi pagsipot ng aktor at mananayaw.

Sabi ni Ogie, “Kasi s’ya (booker) ang nakapirma sa kontrata, ganu’n talaga ‘yun.”

Hirit naman ni Oliver, “Baka naman ‘di maliwanag ‘yung usapan nila?”

“‘Pag nakapag-down na, dapat itong siputin ni Mark. ‘Di maganda ‘yan na nang-iindiyan ka ng natanguan mong commitment at nabayaran ka ng kalahati,” diin ni Ogie.

“Totoo, ‘Nay, napakaimportante talaga ng downpayment kasi sealed na ‘yung kontrata. ‘Di ba nga, may mga talents na nagmamadaling kunin ang downpayment para ma-block-off na nila ‘yung date na ‘yun sa calendar activities nila,” paliwanag ni Mama Loi.

“Kaya Mark, ano bang masasabi mo rito? Kailangang masagot n’ya ito. Pipilitin natin s’yang makausap at itine-text ko rin si Mark, dedma pero try pa rin natin,” panawagan ni Ogie.

Pinayuhan din ni Ogie ang booker na kailangang maayos ito dahil malaking problema ito at baka hindi na siya makaulit. Hindi raw problema ng kapitan ng Barangay Nieves si Mark kundi ng booker dahil dapat ay siya ang nagpasipot sa aktor-dancer.

Sabi pa ng content creator, “Mark, dapat ‘di ganu’n kasi ilan na rin ‘yung nababalitaan nating unprofessional si Mark. ‘Pag natanguan mo at nakuha mo ang downpayment, dapat siputin mo.”

Bukas ang BULGAR sa panig ni Mark Herras.