DOJ sa Ombudsman: Jinggoy, kasuhan ng plunder

ni Jeff Tumbado @News | May 19, 2026

Photo: Jinggoy Estrada - Senate of the Philippines

Pinakakasuhan na ng plunder si Senador Jinggoy Estrada at iba pang dating DPWH officials kaugnay sa flood control anomalies matapos mai-transmit ang resolusyon ng Department of Justice (DOJ) sa Office of the Ombudsman.

Bukod sa kasong plunder o pandarambong sa bilyun-bilyong pisong halagang pondo, kasama rin sa mga kasong inirekomenda ang graft, direct bribery, pagtanggap ng regalo ng mga pampublikong opisyal, at corruption of public officials laban kina dating Department of Public Works and Highways (DPWH) Secretary Manuel Bonoan, Bong Dinglasan, Engr. Denryl Caesar Cortuna, Assistant Engineer Manny Bulosan, at Engr. Arturo Gonzales Jr.

Samantala, inalis naman sa kaso si dating DPWH Undersecretary Catalina Cabral.

Hindi rin isinama sa pinal na criminal information na ihahain sa korte sina DPWH officials Roberto Bernardo, Henry Alcantara, at Gerard Opulencia kapalit ng kanilang mga testimonya.

Ayon kay Assistant Ombudsman Mico Clavano, magsasagawa ang Office of the Ombudsman ng sarili nitong independent review at pagresolba sa merito ng kaso.

P-Du30 at Go, inakusahan ng P6.6 B plunder ni Trillanes

ni Ronalyn Seminiano Reonico | July 5, 2021

Inakusahan ni dating Senador Antonio Trillanes IV sina Pangulong Rodrigo Duterte at Senator Bong Go ng plunder kaugnay ng P6.6 billion government contracts na ipinagkaloob sa construction firm na pagmamay-ari ng ama ng close ally ng pangulo.

Ayon kay Trillanes, may nakalap siyang mga dokumento mula sa Department of Trade and Industry (DTI) at Commission on Audit (COA) na nagsasaad na ibinigay ng pamahalaan sa CLTG Builders na pagmamay-ari ng ama ni Go na si Desiderio Lim ang 125 proyekto ng gobyerno sa Davao City at Davao Region na nagkakahalaga ng P4.89 bilyon mula Marso 25 hanggang Mayo 2018.

Ayon din kay Trillanes, binigyan din umano ng 27 government infrastructure projects ang CLTG builders noong 2017 na nagkakahalagang P3.2 billion kabilang na ang mga road widening projects na umaabot sa halagang P177 million hanggang P251 million sa Davao City.

Saad pa ni Trillanes, "Ito ay maliwanag na patung-patong na kaso ng plunder na umaabot sa P6.6 billion.”