1.7 M doses ng Pfizer vaccine na donasyon ng US, dumating na

ni Lolet Abania | December 20, 2021

Mahigit sa 1.7 milyon doses ng Pfizer-BioNTech COVID-19 vaccine ang dumating sa bansa ngayong Lunes ng hapon.

Lumapag sa Ninoy Aquino International Airport Terminal 3 pasado alas-4:00 ng hapon ang 1,775,955 doses ng Pfizer vaccinena donasyon ng US government sa Pilipinas na ipinadala sa pamamagitan ng global vaccine-sharing facility na COVAX.

Ayon kay US Embassy Charge d’Affaires ad interim Heather Variava, ang shipment ngayong araw at isa pa na darating nitong Martes ay aabot sa kabuuang 3.4 milyon doses ng COVID-19 vaccine.

“This 3.4-million donation will bring the total donation from the United States, from the American people, to 22 million [doses],” sabi ni Variava.

Sa ngayon, nakapag-administer na ang bansa ng 100,907,667 COVID-19 vaccine doses. Nasa tinatayang 43 milyong Pilipino naman ang fully vaccinated na.

Pfizer magsasagawa ng trial sa third dose ng COVID-19 vaccine sa mga batang edad 4 pababa

ni Jasmin Joy Evangelista | December 18, 2021

Nakatakdang magsagawa ng clinical test ang Pfizer ng kanilang third dose COVID-19 vaccines sa mga batang below 5 years old.

Ito ay para makita kung ang low dosage na kanilang bakuna ay magiging epektibo sa mga maliliit na bata at kung magbibigay ito ng katulad na proteksiyon sa mga mas matandang kabataan.

Bilang parte ng clinical trials, 3 micrograms per injection lamang ang ituturok sa mga batang edad 6 months hanggang less than 5 years. Ito ay sampung beses na mas mababa sa 30 microgram doses na ibinibigay sa matatanda, at mas mababa naman ng 10 micrograms sa mga itinuturok sa mga batang edad 5-11.

Sa mga batang nasa edad dalawang taon hanggang limang taon ay mayroong 10 micrograms na bakuna na nagdulot ng lagnat sa mga ito kaya minabuti nila na bawasan ito.

Ngunit sa dalawang injections ng 3 micrograms, ang immune response ng mga ito ay mas mahina kumpara sa mga adolescents at young adults na nabigyan ng bakuna.

Dahil dito ay nagdesisyon ang Pfizer na magsagawa ng third dose para sa mga nabakunahan at least two months matapos ang ikalawang dose.

Ang unang dalawang shots ay mananatili nang 3 linggo ang pagitan.

"This adjustment is not anticipated to meaningfully change our expectations that we would file for emergency use authorization and conditional approvals in the second quarter of 2022," ani Kathrin Jansen, Pfizer's head of vaccine research.

Inanunsiyo rin ng Pfizer na sinimulan na nito ang trials sa 600 teenagers edad 12 to 17 upang i-test ang booster dose ng 10 o 30 micrograms.

Higit 500K doses ng Pfizer COVID-19 vaccines, dumating na sa bansa

ni Jasmin Joy Evangelista | December 17, 2021

Dumating na ang karagdagang 556, 500 doses ng Pfizer COVID-19 vaccine na binili ng gobyerno, nitong Huwebes ng gabi.

Ayon sa state media na PTV, lumapag ang mga bakuna sa Ninoy Aquino International Airport Terminal 3.

Ayon sa pag-aaral, ang Pfizer-BioNTech COVID-19 vaccine ay nagbibigay ng 70% protection laban sa Omicron infections sa South Africa.

Base sa National COVID-19 Vaccination Dashboard, nakapag-administer na ang Pilipinas ng 99,139,602 doses as of December 15.

Lumabas din sa tala na nasa 42,576,087 Filipinos na ang nakatanggap ng second dose or single-dose COVID-19 vaccines.

Samantala, nasa 932,197 naman ang nakatanggap ng additional dose ng COVID-19 vaccines.