Bulkang Ubinas sa Peru, nag-aalburoto

ni Mabel Vieron | July 5, 2023

Nakatakdang magdeklara ng emergency status ang bansang Peru dahil sa patuloy na pag-alburoto ng Bulkang Ubinas.

Ayon sa National Institute of Civil Defense, itinaas na umano nila sa orange mula sa yellow alert dahil sa pagbuga nito ng mga abo na umabot na sa 1,700 metro ang taas.

Ang Southern region ng Moquegua ay lugar kung saan marami ang mga minahan at dito rin matatagpuan ang ilang mga bulkan.

Itinuturing na nasa Pacific-Ring of Fire ang Peru kaya madalas ang pagiging aktibo ng mga bulkan.

Sinopharm vaccine nakitaan ng masamang epekto, clinical trials sa Peru, itinigil

ni Twincle Esquierdo | December 12, 2020

Pansamantalang itinigil ng bansang Peru ang kanilang clinical trials ng COVID-19 vaccine na gawa ng Chinese drug giant company na Sinopharm matapos makitaan ng negatibong epekto ang isa sa kanilang mga volunteers.

Nahirapan umanong igalaw ng volunteer ang kanyang mga braso, ayon sa National Institute of Health nitong Biyernes.

Ayon sa researcher na si German Malaga, nagkaroon ng neurological symptoms o tinatawag na Guillain-Barre syndrome ang kanilang volunteer.

Aniya, "Several days ago we signaled, as we are required, to the regulatory authorities that one of our participants presented neurological symptoms which could correspond to a condition called Guillain-Barre syndrome."

Ang Guillain-Barre syndrome, ay bihirang sakit at hindi nakahahawa ngunit nakaaapekto ito sa paggalaw ng mga braso at binti kaya nagdeklara ang Peru ng temporary health emergency sa limang regions noong Hunyo ng nakaraang taon kasunod ng maraming kaso.

Umabot na rin sa 60,000 ang naturukan ng Sinopharm vaccine mula sa mga bansang Argentina, Russia at Saudi Arabia.

Ayon pa sa Peru, kung magiging matagumpay ang bakunang ito, asahan na bibili ang Peruvian government ng halos 20 milyong doses.

Samantala, ang Peru ang isa sa may pinakamaraming bilang ng mga namatay mula sa Covid-19 na umabot na sa 36,499 nitong Biyernes.