Pensyon ng mahihirap, doble na

ni Mylene Alfonso @News | August 12, 2023

Dinoble ng Department of Budget and Management (DBM) ang pondo para sa social pension ng indigent senior citizens sa bansa kung saan mula sa P500 na buwanang pensyon ay magiging P1,000 na.

Sinabi ni Budget Secretary Amenah Pangandaman na nasa P49.81 bilyong pondo ang inilaan sa social pension para sa 2024 National Budget. Doble umano ito mula sa P25.30 bilyong pondo sa 2023 General Appropriations Act (GAA).

"The budget for social pension for indigent senior citizens will be doubled to P49.81 billion to cover the increased government monthly allowance of P1,000 for more than 4 million indigent senior citizens who are not part of the pension system," pahayag ni Pangandaman.

Ang programa ay nagbibigay ng karagdagang tulong ng gobyerno na P500 buwanang allowance upang madagdagan ang pang-araw-araw na gastusin at iba pang pangangailangang medikal ng mga mahihirap na senior citizen na mahihina, may sakit, o may kapansanan; na walang regular na kita o suporta mula sa pamilya at mga kamag-anak; at walang pensyon mula sa pribado o institusyon ng gobyerno.

Nabatid na nagsimula noong 2011 ang Social Pension for Indigent Senior Citizens (SPIC) Program sa pamamagitan ng Republic Act 9994 o ang Expanded Senior Citizens Act of 2010.

Sa Dis. 1 at 4... 13th month ng mga pensioners, ibibigay na — SSS

ni Lolet Abania | November 27, 2021

Nakatakdang ipamahagi ng Social Security System (SSS) ang pensyon ng Disyembre at 13th month pay ng mga pensioners sa unang linggo ng Disyembre.

Sinabi ni SSS president at chief executive officer Aurora Ignacio na magre-release ang kumpanya ng P27.5 bilyon para sa mga pension ng 3.14 milyong pensioners.

“We have coordinated with our partner banks to credit the pensions on given dates during the first week of December so that our pensioners can receive and use them in time for the holiday season,” pahayag ni Ignacio nitong Biyernes.

Ayon sa SSS, ang mga pensioners na ang kanilang disbursement account ay nakasama sa isang Philippine Electronic Fund Transfer System and Operations Network (PESONet) participating bank o e-wallet, o remittance transfer company/cash payout outlet ay makukuha ang kanilang pensions sa mga sumusunod na araw:

• Disyembre 1: iyong may petsa ng kanilang contingency mula una hanggang ika-15 araw ng buwan; at

• Disyembre 4: iyong may petsa ng kanilang contingency mula ika-16 hanggang sa huling araw ng buwan o nag-avail ng advance 18-buwan na pension.

“Meanwhile, for pensioners whose disbursement account is with a non-PESONet participating bank, their 2021 December and 13th month pensions will be credited to their accounts not later than December 4, 2021,” sabi ng SSS.

Para naman sa mga pensioners na natatanggap pa rin ang kanilang pensions ng check, ayon sa SSS, inabisuhan na nila ang Philippine Postal Corporation na madaliin ang pagdedeliber ng December at 13th month pensions.

“For those whose pensions were suspended due to previous non-compliance with the Annual Confirmation of Pensioners Program (ACOP) but whose accrued pensions are now for resumption, they will receive the said pensions on the 16th day of the month (if with PESONet participating bank disbursement account) or on their date of contingency (if with non-PESONet participating bank disbursement account),” paliwanag pa ng SSS.

Pensiyon para sa mga senior citizens kahit 'di naghulog, isinusulong

ni Lolet Abania | November 22, 2020

Iminungkahi ng International Labour Organization (ILO) ang pagpapaigting ng pension system sa mga bansa tulad ng Pilipinas upang makatulong sa mga mamamayan nito sa nararanasang pandemya.

Ayon kay Nuno Meira Cunha, senior specialist ng social protection sa ILO, kahit mayroon ang bansa tulad ng Social Security System (SSS), hindi ito sapat para suportahan ang lahat ng senior citizens.

"This creates a challenge not only for pension schemes but also for families. Today we see it's really hard for families to take care of their elderly, and if we don't have schemes in place to protect those workers when they get old we're probably going to face a big problem in the future," sabi ni Cunha.

Dagdag niya, dapat pag-aralan ng gobyerno ang gagawing universal pension na mabibigyan ng pensiyon ang mga senior citizens kahit walang inihulog sa SSS o ibang institusyon gaya ng Government Service Insurance System (GSIS).

Paliwanag ni Cunha, malaki ang maitutulong nito sa ekonomiya sa mga susunod na taon, kahit pa magiging magastos ito sa umpisa.

"That's probably a first step, if you want a low-hanging fruit, to ensure that everyone has some level of protection. Because even during a crisis, this also allows you, if you have already this level of protection, you want to inject money into the economy, that's also a solution," ayon kay Cunha.