Mayor Sara nagpasalamat sa pagsuporta ng kanyang ama sa kanyang vice presidential bid

ni Jasmin Joy Evangelista | April 4, 2022

Pinasalamatan ni Davao City Mayor Sara Duterte-Caprio ang kanyang ama na si Pangulong Rodrigo Duterte nitong Linggo sa pagsuporta sa kanyang vice presidential bid.

“Nagpapasalamat po ako sa endorsement ni Pangulong Duterte sa aking kandidatura as vice president,” ani Duterte-Carpio sa isang ambush interview sa Pandi, Bulacan.

Ipinagmalaki naman ng pangulo ang mga kakayahan ng kanyang anak sa ginanap na rally ng Partido Demokratiko Pilipino – Lakas ng Bayan (PDP-Laban) noong Biyernes.

“I’m going to retire but my daughter is running for vice president. If you think that… Actually, this is the first time that I’m using my name as a father, for my daughter. It’s because we’ve had issues, but a child is a child. So… Inday is very good, to be totally honest with you. Inday is very hard working”, pahayag ni Duterte sa salitang Ingles at Bisaya.

“But Inday is really very strict. You can’t crowd around waiting for her, you will be called one by one instead. But she will talk to you. And that’s good, that’s actually good. She can serve people in an orderly manner,” dagdag pa ng pangulo.

Gayunman, nanatiling neutral ang pangulo sa presidential race sa kabila ng pag-endorso ng kanyang Partido na PDP-Laban kay dating senador Ferdinand “Bongbong” Marcos Jr., running mate ng kanyang anak.

Mensahe ni P-Duterte sa buwan ng Ramadan: ‘Mabuhay nang may integridad para sa bansa’

ni Jasmin Joy Evangelista | April 4, 2022

Nanawagan si Pangulong Rodrigo Duterte sa mga Pilipino na mamuhay nang may integridad para sa bansa sa pagpapahayag niya ng kanyang pakikiisa sa mga Pilipinong Muslim sa pagsisimula ng banal na buwan ng Ramadan.

Sa isang mensahe na inilabas nitong Linggo, sinabi ni Duterte na ang buwang ito ay panahon para maranasan at matamasa ng mga Muslim ang awa ng Allah.

"Similar to how the period of fasting ends with feasting, it is my hope that all your efforts for discipline and reflection will be rewarded with revelations as well as a deeper connection with Allah," ani Duterte.

"May this occasion likewise allow the teachings of the Qur'an to take precedence over all your decisions -- even the smallest ones. Let the enlightenment that comes with your contemplation lead you to live with integrity for yourselves and for the nation, especially now when it is needed most," dagdag niya.

Nagsimula ang holy Islamic month ng Ramadan nitong Linggo, April 3, at magtatapos sa Eid'l Fitr holiday. Ito ay panahon ng spiritual reflection sa pamamagitan ng pagdarasal, pag-aayuno, at pag-iwas sa "makasalanang pag-uugali."

17 senatorial bets para sa 2022 elections, inendorso ni P-Du30

ni Lolet Abania | April 2, 2022

Nasa 17 senatorial candidates ang inendorso ni Pangulong Rodrigo Duterte para sa May 9 elections na karamihan sa kanila ay mula sa PDP-Laban na bahagi ng kanyang partido at sa UniTeam tandem nina Ferdinand “Bongbong” Marcos Jr. at Sara Duterte-Carpio.

Sa kanyang speech sa PDP-Laban proclamation rally sa Cebu noong Huwebes, binanggit ni Pangulong Duterte na kanyang susuportahan ang mga sumusunod na senatorial aspirants:

• Dating PACC chief Greco Belgica

• Dating House Speaker Allan Peter Cayetano

• Sorsogon Gov. Chiz Escudero

• Dating Senador Jinggoy Estrada

• Dating Senador JV Ejercito

• Dating Senador Gringo Honasan

• Broadcaster Rey Langit

• Deputy House Speaker Loren Legarda

• House Deputy Speaker Rodante Marcoleta

• Actor Robin Padilla

• Dating chief Presidential Legal Counsel Salvador “Sal” Panelo

• Dating Energy Undersecretary Astra Pimentel

• Dating Palace Spokesperson Harry Roque

• Dating Defense Secretary Gilbert Teodoro

• Senador Joel Villanueva

• Dating DPWH Secretary Mark Villar

• Senador Miguel Zubiri

Sa mga nabanggit na pangalan ng Pangulo, sina Belgica, Langit, Marcoleta, Padilla, Panelo, at Pimentel lamang ang bahagi ng PDP-Laban Cusi wing’s slate.

Habang sina Jinggoy Estrada, Honasan, Legarda, Roque, Teodoro, Villar, at Zubiri ay bahagi naman ng UniTeam senatorial lineup.

Hindi naman pormal na inendorso ni Pangulong Duterte si dating Agrarian Reform Secretary John Castriciones sa nasabing event, kung saan nasa slate ito ng PDP-Laban.

Subalit, na-mention ng Pangulo si Castriciones, kung saan itinalaga niya ito para mangasiwa sa distribusyon ng mga land titles sa mga dating rebelde.

“He’s not here right now. I distributed about 100,000 plus. All the government-owned lands, I really gave it all. I’ve distributed about 300,000 land titles,” pahayag ng Pangulo kaugnay kay Castriciones.

Iginiit naman ng Punong Ehekutibo sa nasabi ring event na hindi siya mag-eendorso ng kandidato sa pagka-pangulo.