Super Typhoon Mawar, hahataw

ni Mai Ancheta | May 24, 2023

Isa ng super typhoon ang namumuong sama ng panahon na binabantayan ng PAGASA.

Batay sa inilabas na weather bulletin ng PAGASA nitong Martes ng hapon, namataan ang

Bagyong Mawar sa silangang bahagi ng Visayas na may kalakasang dalang hangin na hanggang 185 kilometer per hour.

Bagama't wala pang nakikitang direktang epekto ang bagyo sa panahon ng bansa, sinabi ng PAGASA na inasahang papasok sa Philippine Area of Responsibility (PAR) ng Biyernes o Sabado.

Inaasahang magdudulot ng mga pag-ulan ang bagyo sa kanlurang bahagi ng Visayas at Mindanao subalit hindi ito tatama sa kalupaan.

Makakaranas naman ng maulap at manaka-nakang pag-ulan at pagkulog sa Metro Manila at ilang bahagi ng bansa.

Sa gitna ng El Niño.. 14 na bagyo, hahataw

ni Jeff Tumbado | May 4, 2023

Tinatayang nasa 10 hanggang 14 na bagyo ang tatama sa bansa sa pagitan ng mga buwan ng Mayo hanggang Oktubre sa panahon ng El Niño, ayon sa PAGASA kahapon.

Ang El Niño phenomenon ay namumuo sa pamamagitan ng abnormal na pag-init ng mga temperatura sa ibabaw ng dagat partikular sa gitna at silangang ekwador sa karagatang Pasipiko at ang pagbaba sa normal na pag-ulan.

Ayon kay Analisa Solis, hepe ng climate monitoring and prediction section ng PAGASA, bagamat mataas ang temperatura sa karagatan, maaari itong makabuo ng tropical cyclones o bagyo.

"Ito naman ay posibleng magpaigting o magpa-enhance ng ating habagat, hinahagod niya yung ating hangin kasama ang moisture na may pag-uulan," pahayag ni Solis.

Dagdag ni Solis, bagamat panahon ng El Niño, ay makakaranas pa rin ng mga pag-uulan sa kanlurang bahagi ng Luzon at iba pang bahagi ng bansa kabilang ang Metro Manila, Cordillera region, Cagayan Valley, Central Luzon, Calabarzon, Mimaropa at Bicol Region.

"Base sa forecast natin, from May to October, around 10 to 14 na bagyo ang maaaring pumasok sa ating bansa," wika ni Solis.

"Sabi nga natin, isang epekto ng El Niño is maraming ulan or above normal rainfall conditions. 'Yan ang forecast natin starting June, July, ay above normal rainfall conditions. Before and during El Nino, 'yun 'yung nangyayari," ani pa nito.

Bagyong Amang, hahataw sa tag-init

ni BRT | April 11, 2023

Inaasahang magiging maulan sa malaking bahagi ng bansa ngayong linggo.

Ito ay dahil sa LPA na maaaring maging unang bagyo ngayong 2023.

Tatawagin itong ‘Amang’ at inaasahang tatama sa Bicol region bukas, Abril 12.