Kaya maraming nagugutom dahil daming ‘kurakot’ sa Marcos admin

ni Pablo Hernandez @Prangkahan | Apr. 2, 2025

MARAMING ‘KURAKOT’ SA MARCOS ADMIN KAYA MARAMING PAMILYANG PINOY ANG NAGUGUTOM -- Ipinagtataka raw ng Malacanang kung bakit marami pa ring nakakaranas ng gutom gayong ang dami na raw programang pangmahirap ang Marcos administration.

Sus, hindi na dapat ipagtaka iyan dahil sa rami ng mga ‘kurakot’ sa Marcos admin ay marami talagang mga mahihirap na pamilyang Pinoy ang makakaranas ng gutom, period!

XXX

KARAMIHAN SA MGA PROGRAMANG PANGMAHIRAP HINDI NAIPAPATUPAD DAHIL INAASIKASO NI PAPA SEC. GADON PAG-ATAKE SA PAMILYA DUTERTE -- Sabi ng Malacanang, marami na raw programang pangmahirap ang Marcos admin.

Ipagpalagay na nating totoo, pero malamang hindi naipapatupad nang husto ang mga pro-poor program kasi nga ang appointee ni Pres. Bongbong Marcos (PBBM) na si Presidential Adviser for Poverty Alleviation (PAPA) Sec. Larry Gadon, ang inaatupag ay pag-atake sa pamilya Duterte at hindi ang iangat ang buhay ng mga maralitang Pinoy, boom!

XXX

BUMABA ANG PRESYO NG BIGAS SA WORLD MARKET, SANA MAN LANG GINAWANG P20 PER KILO AT HINDI P45 PRESYO NG BIGAS -- Sinabi ng Dept. of Agriculture (DA) na bumaba raw ang presyo ng bigas sa world market kaya ang ilang uri ng imported rice ay ibinaba nila sa presyong P45 per kilo.

Pambihira naman, DA na ang nagsabi na bumaba ang presyo ng bigas sa world market, tapos binawasan nga nila ang presyo ng bigas pero para sa mga mahihirap ay malaki pa rin ang halagang P45 per kilo.

Tutal DA naman ang nagbida na bumaba ang presyo ng bigas sa world market, sana man lang isinagad na nila sa P20 per kilo ang presyo ng bigas para naman maramdaman ng mamamayan ang campaign promise ni PBBM noon na gagawin niyang P20/kilo presyo ng bigas kapag naging presidente siya ng ‘Pinas, period!

XXX

TILA ANG AGANG INUBOS NG MGA ‘KURAKOT’ ANG KABAN NG BAYAN KAYA NASABI NI SEC. PANGANDAMAN NA MAGKAKARANAS NG KAKAPUSAN SA BUDGET SA MGA SUSUNOD NA BUWAN -- Inanunsyo ni Sec. Amenah Pangandaman ng Dept. of Budget and Management (DBM) na maaaring makaranas daw ng kakapusan sa budget ang pamahalaan sa mga susunod na buwan.

Ganu’n? Aba’y ang aga naman yatang inubos ng mga ‘kurakot’ ang kaban ng bayan kaya inanunsyo na ni Sec. Pangandaman na magkakaroon ng kakapusan sa budget ang pamahalaan sa mga susunod na buwan, buset!

Comelec, sobrang higpit pero sa mga partylist ng ‘Kamag-anak Inc.’ ubod nang luwag

ni Pablo Hernandez @Prangkahan | Apr. 1, 2025

ICC, MAG-ISANG HAHARAPIN NI EX-P-DUTERTE KAYA PANAWAGAN NIYA SA MGA DDS HUWAG MAKIALAM SA KANYANG KASO PARA SA KAPAYAPAAN AT HINDI SILA MAPAHAMAK -- Nanawagan si ex-P-Duterte sa kanyang mga tagasuporta na huwag nang makialam sa kinakaharap niyang kaso sa International Criminal Court (ICC) upang magkaroon ng kapayapaan sa bansa at hindi na sila mapahamak, lalo na ang mga overseas Filipino workers (OFWs) na mga Duterte Diehard Supporters (DDS).

Sa statement na iyan ni ex-P-Duterte ay lalong dumami ang mga humanga sa kanya dahil ang salitang ito ng dating presidente ay pagpapakita na pinaninindigan niya ang sinabi niya noon na mag-isa niyang handang harapin anuman ang kahihinatnan ng paglaban niya sa mga sangkot sa droga, period!

XXX

KUNG GUSTO NG MARCOS ADMIN NA HUWAG ITULOY ANG TAAS-PASAHE SA MRT MAY PARAAN PERO DAHIL AYAW KAYA MARAMING DAHILAN -- Dahil sa kaliwa’t kanang batikos na tinatanggap ng Marcos administration sa P5 dagdag-pasahe sa Metro Rail Transit Line 3 (MRT-3) na ipapatupad na bukas (April 2), ang naisip na palusot dito ni Presidential Communication Office (PCO) Usec. Claire Castro ay kesyo gustuhin man daw ni Pres. Bongbong Marcos (PBBM) na huwag muna itong ipatupad ay wala raw magagawa ang Presidente kundi iaprub ang taas-pasahe sa MRT-3 dahil ito raw kasi ang nakasaad sa kontrata sa pagitan ng pamahalaan at MRT management.

Ganu’n? Presidente, walang magagawa sa taas-pasahe?!

Iyan ang tinatawag na, “kung gusto (huwag ituloy dagdag-pasahe) ay may paraan, pero kung ayaw ay marami talagang idadahilan,” boom!

XXX

MGA SANGKOT SA VOTE BUYING, DAPAT HATULAN NG PARUSANG HABAMBUHAY NA PAGKABILANGGO -- Ayon sa Comelec ay mahigpit daw nilang babantayan ang mga namimili ng boto at mga nagbebenta ng boto ngayong 2025 midterm elections.

Sana gumawa ng batas ang Kongreso na magpapataw ng mabigat na parusang life imprisonment sa mga bumibili at nagbebenta ng boto sa tuwing may halalan sa bansa kasi sa totoo lang ay dapat itong ituring na kabilang sa mga kasong heinous crime kasi nga dahil sa vote buying naluluklok sa puwesto ang mga kurakot na pulitiko, period!

XXX

ANG HIGPIT NI COMELEC CHAIRMAN GARCIA, PERO UBOD NAMAN NANG LUWAG SA MGA PARTYLIST NG MGA ‘KAMAG-ANAK INC.’ -- Nanawagan ang Comelec sa mga artist na ireklamo sa kanilang tanggapan ang mga pulitikong ginamit na political jingle ang kanilang mga ginawang kanta nang walang pahintulot, para magkaroon ng basehan ang komisyon na sampahan ng kasong paglabag sa Comelec rules ang mga kandidatong gumagamit ng ilegal na political jingles.

Sobrang higpit ni Comelec Chairman Garcia, pero pagdating sa mga partylist ng mga political dynasty o “Kamag-anak Inc.” ubod nang luwag, pwe!

PBBM, weak leader talaga, mas marami pang nagugutom ngayon kesa panahon ng pandemya

ni Pablo Hernandez @Prangkahan | Mar. 31, 2025

MAS MARAMI PANG NAGUGUTOM SA PANAHON NG MARCOS ADMIN KESA PANAHON NG PANDEMYA -- Sa latest survey ng Social Weather Stations (SWS) ay pumalo sa 27.2 pamilyang Pinoy ang nakaranas ng gutom ngayong year 2025, mas marami ito kaysa 20.2 % sa mga pamilyang Pinoy na nakaranas ng gutom sa bansa sa panahon ng pandemya noong year 2020.

Diyan lang mapapatunayan na totoo ang sinabi noon ni dating Pangulong Rodrigo Duterte na weak leader si Pres. Bongbong Marcos (PBBM) kasi mantakin n’yo mas marami pa ang nakakaranas ng gutom ngayon sa panahon ng Marcos administration kaysa sa panahon ng pandemic, boom!

XXX

DAPAT MAY MANAGOT SA HIGIT P1B HALAGA NG MGA GAMOT AT MEDICAL SUPPLIES NA NAG-EXPIRED -- Pamumunuan ni Sen. Joel Villanueva ang imbestigasyon sa ulat ng Commission on Audit (COA) na higit P1 billion na halaga ng mga gamot at medical supplies ang nasayang dahil nag-expired ang mga ito dahil sa tagal ng pagkakaimbak sa mga bodega ng Dept. of Health (DOH).

Dapat lang talagang imbestigahan dahil napakalaking pera ng bayan ang nasayang dito, at sana mapanagot at makasuhan ang mga DOH official na nagpabaya kaya nag-expired ang napakaraming gamot at medical supplies, period!

XXX

IKAKATALO NI WILLIE REVILLAME ANG PAGSAPI SA ‘ALYANSA’ NI PBBM -- Bukod kay former Sen. Kiko Pangilinan ay umugong din ang pangalan ni TV host-comedian Willie Revillame na kukumpleto sa 12 senatorial candidates ng Marcos admin matapos na kumalas si Sen. Imee Marcos sa Alyansa Para sa Bagong Pilipinas.

Kapag pumayag si Revillame na sumapi sa “Alyansa” ay malamang talo ang abutin niya sa halalan kasi tiyak ibabasura ng milyun-milyong Duterte Diehard Supporters (DDS) ang kanyang kandidatura, boom!

XXX

KAPAG NAGING CONG. ULI ANG PASTOR NA SI BINGBONG CRISOLOGO, TAPOS NA ANG HAPPY DAYS NG MGA ILEGALISTA AT MANGRARAKET SA DISTRITO UNO NG QC -- Si former Quezon City 1st District Congressman Bingbong Crisologo ay isang pastor, at ayon sa kanya, kaya siya kumandidato uli ay para kapag siya raw ang nagwagi, pupukasin niya ang mga ilegalista at mga mangraraket sa 37 barangay na sakop ng Distrito Uno ng QC.

Naku, tiyak kakaba-kaba na ang mga ilegalista at mga nangraraket sa Distrito Uno ng QC dahil kapag si Bingbong Crisologo ay naging congressman uli, tapos na ang happy days nila, kasi kahit isa siyang pastor, matapang pa rin iyan, may “balls” na kapag sinabi, talagang gagawin, boom!