PBBM, inokray ng mga pork barrel senator at congressmen sa SONA

ni Pablo Hernandez @Prangkahan | July 31, 2025

INOKRAY NG MGA PORK BARREL SENATOR AND CONGRESSMEN SI PBBM SA KANYANG SONA -- Binatikos ni Baguio City Mayor Benjamin Magalong ang mga pork barrel politician na mga senador at kongresista na nagsipagpalakpakan at nag-standing ovation pa matapos sabihin ni Pres. Bongbong Marcos (PBBM) sa kanyang State of the Nation Address (SONA) na, “Mahiya naman kayo sa mga kapwa n’yo Pilipino”, patungkol sa isyu ng corruption sa flood control projects, dahil ayon sa alkalde ay ‘yung mga pumalakpak with standing ovation ay sila ‘yung mga nagsingit daw ng mga pork barrel at kumurakot umano sa flood control project funds.

Dahil sa sinabing iyan ni Mayor Magalong, lumalabas na inokray lang pala ng mga nagpalakpakang sen. at cong si PBBM sa kanyang SONA, boom!

XXX

MISTULANG IBINUKING NI USEC. CASTRO NA GUSTO NI PBBM NA MA-IMPEACH SI VP SARA DAHIL ‘DI RAW SANG-AYON ANG MALACANANG SA PAGPANIG NG SC SA BISE PRESIDENTE -- Mistulang ibinuking ni Presidential Communications Office (PCO) spokesperson Usec. Claire Castro na gusto ni PBBM na ma-impeach si Vice Pres. Sara Duterte-Carpio, taliwas sa mga statement noon ng Presidente na ayaw niyang matuloy ang impeachment sa bise presidente.

Sabi kasi ni Usec. Castro na bagama’t nirerespeto raw ng Malacanang ang mga nagiging desisyon ng Supreme Court (SC), ay hindi sang-ayon ang Palasyo sa ginawang ‘pagharang’ ng Korte Suprema sa mandato ng Kamara at Senado na dinggin ang mga kasong impeachment ni VP Sara, nang ipa-stop nito ang naturang impeachment proceedings dahil sa mga isyung paglabag sa 1-year bar rule at hindi pagbibigay ng due process sa bise presidente, period!

XXX

HINDI NA NGA MAGIGISA SI VP SARA SA IMPEACHMENT DAHIL SA UTOS NG SC, PERO TILA ‘DI MAKAKALUSOT SA PANGGIGISA ULI NG QUADCOM NG KAMARA AT MINORITY SENATORS -- Nakalusot man si Vice Pres. Sara Duterte-Carpio ngayong taon sa gagawin sanang paggisa sa kanya ng House prosecutors panel matapos katigan ng Supreme Court (SC) ang petisyon niya na lumabag sa 1-year bar rule sa pagsasampa ng mga kasong impeachment sa kanya ang Kamara at hindi pagbibigay sa kanya ng due process, ay tila hindi naman siya makakalusot sa gagawing paggisa sa kanya ng mga kongresista at minority senators.

Pinagpaplanuhan na kasi ng mga cong. na buhayin uli nila ang QuadCom ngayong 20th Congress, at balak din ni Sen. Ping Lacson, isa sa miyembro ng minority sa Senado na imbestigahan ang sinasabing anomalyang naganap sa P650 million confidential funds ni VP Sara sa Office of the Vice President (OVP) at Dept. of Education (DepEd), boom!

XXX

KAPAG NAGPATULOY ANG SMUGGLING SA CUSTOMS, IBIG SABIHIN MAY MGA TUMATANGGAP PA RIN NG 'TARA' -- Nagpalabas si Customs Commissioner Ariel Nepomuceno ng kautusang "no-take policy" na ibig sabihin ay walang sinuman sa taga-Customs ang tatanggap ng "tara" o payola sa mga smuggler sa Adwana.

Kaya kapag nagpatuloy pa rin ang raket na smuggling nina "Gerry T." "Leah C.," "Tina U.," "Big Mama" at "Kimberly Gang" sa Customs, ibig sabihin n’yan ay tuloy pa rin ang pagtanggap ng "tara" ng mga ‘buwaya’ sa Adwana, period!

PBBM, tutulug-tulog sa pansitan, ‘di alam 5 yrs. nang zero bill sa public hospitals dahil sa Malasakit Center

ni Pablo Hernandez @Prangkahan | July 30, 2025

SI SEN. BONG GO ANG TOTOONG BIDA SA ZERO BILL SA MGA PUBLIC HOSPITAL AT ‘DI ANG NAGPABIDA SA SONA NA SI PBBM -- Sablay ang ibinida ni Pres. Bongbong Marcos (PBBM) sa kanyang ikaapat na State of the Nation Address (SONA) na kesyo libre na raw magpagamot sa lahat ng public hospital sa Pilipinas. Sa totoo lang ay matagal nang libreng magpagamot, matagal nang zero billing sa mga pampublikong ospital, at nag-umpisa iyan sa Malasakit Center Act ni Sen. Bong Go na nilagdaan at isinabatas ng noo’y Pres. Rodrigo Roa Duterte last Dec. 3, 2019.

Hay naku, tutulug-tulog yata sa pansitan si PBBM kaya hindi niya alam na halos 5 taon nang umiiral sa Pilipinas ang free hospitalization sa mga pampublikong pagamutan thru Malasakit Center na isinabatas ni Sen. Bong Go.

Ang nais nating ipunto rito, at alam naman ito ng sambayanang Pinoy, na ang totoong bida sa zero billing sa mga public hospital ay si Sen. Bong Go at hindi ang pabidang si PBBM, period!

XXX

AABANGAN NG PUBLIKO KUNG TOTOONG MAY ‘BALLS’ SI PBBM NA HUBARAN NG MASKARA ANG MGA NANGURAKOT SA PONDO NG FLOOD CONTROL PROJECTS -- Sa kanyang SONA ay sinabi ni PBBM na nakita raw niya kung paano sinalanta ng mga baha dulot ng mga bagyo at habagat ang ating mga kababayan, at ipinangako niya na mananagot daw sa batas at kanyang isasapubliko ang mga nagsabwatan para kurakutin ang pera ng bayan na inilaan sa mga flood control project.

Kung totoong huhubaran ng maskara ni PBBM ang mga nangurakot sa kaban ng bayan ay good iyang gagawin niya.

At dahil diyan ay aabangan talaga ng publiko kung may “balls” si PBBM na pangalanan ang mga nangurakot sa pondo ng flood control projects, boom!

XXX

WALANG BINANGGIT SI PBBM NA IPAPA-STOP NIYA ANG MGA ONLINE GAMBLING KAYA LUNDAGAN SA TUWA ANG ONLINE GAMBLING LORDS -- Tiyak na naglulundagan ngayon sa tuwa ang mga online gambling lord na nangraraket sa mga Pinoy netizens sa social media.

Ang dahilan kaya sila happy kasi walang binanggit si PBBM sa kanyang SONA na ipapa-stop niya ang online gambling, at dahil diyan ay asahan nang lalo pang lalaganap ang raket na online gambling para biktimahin ang mga Pinoy netizens, tsk!

XXX

KUNG WALANG GAGAWING AKSYON ANG MARCOS ADMIN SA ‘LOTTENG SYNDICATE,’ DAPAT MGA ALKALDE NA ANG UMAKSYON -- Hindi lang online gambling ang dinededma ni PBBM, kundi pati ang mas lumawak na operasyon ng "lotteng syndicate" na kumukumpitensya sa legal na operasyon ng lotto sa Metro Manila.

After kasi ng May 2025 election ay namayagpag na nang husto ang lotteng syndicate nina  "Boy Abang," "Lorna," "Paknoy,"  "Dani Bukol," "Anna," "Prades," "Tonton," "Lando," "Tata Ber" at "Simbulan" sa teritoryo ni Manila Mayor Isko Moreno; "Kits" at "Egay" sa teritoryo ni Pasig City Mayor Vico Sotto; "Carlo," "Oye" at “Edmond” sa teritoryo ni Caloocan City Mayor Along Malapitan; "Toto" sa teritoryo ni Makati City Mayor Nancy Binay; "Haruta, "One"" at "Joy" sa teritoryo ni Parañaque City Mayor Edwin Olivarez; "Mario Bokbok" at "Jody" sa teritoryo ni Malabon City Mayor Jeannie Sandoval.

Kung walang gagawing aksyon ang Marcos admin sa "lotteng syndicate," aba’y ang mga naturang alkalde na ang dapat umaksyon laban sa mga mangraraket na ito, period!

Mga sen. at cong. na ‘di pumapalakpak sa SONA ni PBBM, malamang walang pork barrel

ni Pablo Hernandez @Prangkahan | July 29, 2025

MGA SEN. AT CONG. NA HINDI PUMALAKPAK SA SONA NI PBBM, MALAMANG WALANG PORK BARREL -- Kahapon ang ikaapat na State of the Nation Address (SONA) ni Pres. Bongbong Marcos (PBBM), at siyempre sa kanyang mga talumpati ay talagang papalakpakan siya with standing ovation ng mga kaalyado niyang senador at kongresista.

Obligado talaga silang (senators and congressmen) pumalakpak kasi ang hindi papalakpak na makikita sa CCTV, walang pork barrel, boom!

XXX

13 MAHISTRADO NAGSABING ‘STOP’ IMPEACHMENT KAYA ‘SUNTOK SA BUWAN’ NA PABORAN NG SC ANG HIRIT NI ROMUALDEZ NA ITULOY ANG IMPEACHMENT KAY VP SARA – “Suntok sa buwan” na paboran ng Supreme Court (SC) ang ihihirit ni Speaker Martin Romualdez na motion for reconsideration (MR) para baligtarin ang desisyon ng Korte Suprema na ‘stop’ na ang impeachment proceedings laban kay Vice Pres. Sara Duterte-Carpio dahil sa isyung 1-year ban rule at kawalan ng due process na parehong unconstitutional na ginawa ng Kamara nang sampahan nila ng mga kasong impeachment ang bise presidente.

Kung hati ang boto ng mga mahistrado ng SC, may tsansa pang mabago o baligtarin ng SC ang kanilang desisyon, pero majority o 13 SC justices ang bumoto na unconstitutional ang ginawang pagsasampa ng Kamara ng mga kasong impeachment kay VP Sara, kaya “suntok sa buwan” talaga na baguhin pa ng Korte Suprema ang kanilang desisyong stop na ngayong taon ang impeachment proceedings sa vice president, period!

XXX

HAPPY NA NAMAN ANG MGA PORK BARREL SENATOR SI SEN. ESCUDERO ULI ANG SENATE PRESIDENT SA 20TH CONGRESS -- Si Sen. Chiz Escudero na naman ang tinanghal na Senate President ng 20th Congress matapos na makakuha siya ng 19 na boto mula sa mga kapwa niya senador.

At dahil Senate President uli siya, tiyak happy na naman ang mga pork barrel senator kasi magkakaroon na naman sila ng bilyun-bilyong pisong mga pork barrel projects, tsk!

XXX

NASAPAWAN NG PAGIGING MISSING BOKSINGERO NI MAYOR BASTE ANG MISSING SABUNGEROS NA KINASANGKUTAN NI ATONG ANG -- Patuloy ang pang-aalaska ng netizens kay Davao City acting Mayor Baste Duterte at binansagan na siyang "missing boksingero" matapos na hindi siputin ang nakatakdang laban nila sa boksing ni PNP Chief Gen. Nicolas Torre III kamakalawa sa Rizal Memorial Coliseum sa Maynila, kung saan ang alkalde naman ang unang naghamon ng suntukan, pero sa huli hindi nga niya sinipot.

Dahil diyan, nasapawan na ng pagiging "missing boksingero" ni Mayor Baste ang "missing sabungeros" na kinasangkutan naman ni tycoon Atong Ang, boom!