Pasaway na sidecar driver, ipinahuli, iniharap ni Yorme Isko sa publiko, mga ‘Lotteng Syndicate’ member, kelan kaya?

ni Pablo Hernandez @Prangkahan | August 9, 2025

PINUTAKTI NG BATIKOS NG NETIZENS AT MGA TAGA-SIMBAHAN SI PBBM DAHIL PATI BISHOPS MISTULANG GUSTONG GAWING ADVISERS SA RAKET NA ONLINE GAMBLING – Kaliwa’t kanang batikos ang inaabot ngayon ni Pres. Bongbong Marcos (PBBM) sa mga netizens sa social media at sa mga taga-simbahan sa mungkahi niyang isama ang Catholic Bishops Conference of the Philippines (CBCP) sa mga gagawing polisiya ng pamahalaan sa operasyon ng online gambling sa ‘Pinas.

Eh talagang puputaktihin ng batikos si PBBM dahil sablay talaga ang statement niya na iyan dahil lahat ng uri ng sugal ay kontra ang mga taga-simbahan, tapos ang nais niyang mangyari isali ang CBCP sa paggawa ng polisiya, mistulang gagawin pang advisers ang mga bishop sa mga raket na online gambling sa social media, boom!

XXX

SURE WIN NA SANA SI VP SARA KUNG NATULOY IMPEACHMENT TRIAL AT NAPATUNAYANG WALANG KASALANAN, PERO DAHIL ARCHIVED NA, MAY EPEKTO ITO SA LABAN SA 2028 PRESIDENTIAL ELECTION -- Kung natuloy ang impeachment trial at napatunayan ni Vice Pres. Sara Duterte-Carpio na wala siyang kasalanan at napatunayang mga totoong tao ang tumanggap ng ipinamahagi niyang confidential funds, sure win siya sa 2028 presidential election dahil base sa magkasunod na isinapublikong survey ng Social Weather Station (SWS) noong July 15, 2025 at OCTA Research Firm noong July 27, 2025, majority Pinoy ay nais na matuloy ang impeachment proceedings sa bise presidente.

Ang nais nating ipunto rito, impeachment trial ang magpapanalo kay VP Sara sa 2028 presidential election lalo kung sa paglilitis ay lumabas na mga paninira lang ng mga kongresista ang mga alegasyon sa kanya, dahil siguradong majority Pinoy ang boboto at magluluklok sa kanya sa halalang pampanguluhan. Pero dahil hindi na matutuloy ang impeachment proceedings matapos na ipa-stop ito ng Supreme Court (SC) at i-archive o isantabi ng Senado ang mga kasong impeachment ng bise presidente ay siguradong nadismaya rito ang mayoryang mamamayan at may posibilidad na malaki ang magiging epekto niyan sa kandidatura niya (VP Sara) sa 2028 presidential election, period!

XXX

SUPALPAL INABOT NI TRILLANES SA FAKE NEWS NIYA LABAN KAY EX-VP LENI -- Supalpal ang inabot ni former Sen. Antonio Trillanes sa statement niya na kung si former VP Leni Robredo raw ang nanalo sa pagka-presidente noong 2022 election ay hindi raw nito papayagan ang mga otoridad na hulihin at ikulong sa International Criminal Court (ICC) jail si former Pres. Rodrigo Roa Duterte (FPRRD) dahil matalik daw na magkaibigan sina ex-VP Leni at VP Sara.

Fake news pala ang statement niyang ‘yan dahil matapos niyang sabihin iyan ay kumalat sa social media ang interbyu noon kay ex-VP Leni na kung siya ang mananalong presidente ay papayagan niyang hulihin para makulong sa ICC si FPRRD, boom!

XXX

PASAWAY NA SIDECAR DRIVER, IPINAHULI AT INIHARAP NI MAYOR ISKO SA PUBLIKO, KAILAN NAMAN KAYA GAGAWIN DIN ‘YAN NI YORME SA MGA MIYEMBRO NG ‘LOTTENG SYNDICATE’ SA MANILA? -- Nitong nakalipas na Aug. 5, 2025 ay nagpabida na naman si Mayor Isko Moreno nang ipahuli niya sa mga pulis at iharap sa publiko ang isang pasaway na sidecar driver na nag-trip nang ihambalang sa kalye ng Quezon-Herbosa, Tondo, Manila ang pinapasada niyang pedicab na nagdulot ng trapik sa lugar.

Okey ‘yan para magtino ang mga pasaway na pedicab driver, eh ang tanong: Kailan naman kaya ipapahuli, pakakasuhan at ihaharap ni Yorme Isko sa publiko ang mga miyembro ng "Lotteng Syndicate" sa Maynila na sina "Boy Abang," "Lorna," "Paknoy," "Dani Bukol," " Anna," " Prades," "Tonton," "Lando," "Tata Ber" at "Simbulan," abangan!

Hinamon, pero nang tanggapin ni Mayor Magalong, mga cong. nagsitiklop

ni Pablo Hernandez @Prangkahan | August 8, 2025

SABLAY ANG PAGKUMPARA NI SP ESCUDERO SA DAVIDE IMPEACHMENT AT VP SARA IMPEACHMENT -- Hindi dapat ikumpara ni Senate Pres. Chiz Escudero ang desisyon noong year 2003 ng Supreme Court (SC) sa Davide impeachment at sa Vice Pres. Sara Duterte impeachment ngayong year 2025, dahil sa Davide impeachment ay malinaw na may paglabag dito sa 1-year bar rule, kasi noong June 2, 2003 ay nag-file si former Pres. Joseph Estrada ng impeachment kay Chief Justice Hilario G. Davide Jr. kung saan nakipagkutsabahan daw ito sa noo’y Vice Pres. Gloria Macapagal-Arroyo para siya (Estrada) ay mapatalsik sa poder, at ito ay dininig sa House Committee on Justice na kalaunan, dinismis ng komite ang reklamong impeachment laban kay Davide, at noong October 23, 2003 ay nag-file uli ng impeachment ang noo’y Tarlac Rep. Gibo Teodoro laban kay Davide sa isyung maling pamamahagi ng Judiciary Development Fund, at dito umeksena ang SC, na labag sa 1-year bar rule ito kasi nadismis na ang impeachment kay Davide noong June 2003, tapos pinai-impeach na naman ng Oct. 2003.

Sa kaso ng kay VP Sara, ang naunang 3 impeachment cases na isinampa sa bise presidente noong December 2024 ay hindi dininig sa House Committee on Justice, at ang tanging impeachment na dinesisyunan ay ang Feb 5, 2023, at ito ay nakakuha rin ng mahigit 1/3 votes kaya diretso sa Senado.

Ang nais nating ipunto rito ay malinaw, sablay ang ginawang pagkukumpara ni Escudero sa Davide impeachment at VP Sara impeachment, period!

XXX

ANG GULO NG SENADO, WALANG PAGKAKAISA ANG NASA MAJORITY AT MINORITY -- Ang gulo ng Senado, walang pagkakaisa ang nasa majority at minority dahil karaniwan kung anong stand ng head ng majority ay iyon din ang stand ng mga member nito, at kung anong stand ng head ng minority ay ‘yun ding stand ng mga member nito.

Ang stand ni SP Escudero bilang head ng majority ng Senado ay stop na ang impeachment kay VP Sara, pero ang dalawang members ng majority na sina Sen. Bam Aquino at Sen. Kiko Pangilinan kumontra, gustong ituloy ang impeachment kay VP Sara, at sa panig naman ni minority leader Sen. Tito Sotto ay nais ituloy ang impeachment sa bise presidente, pero ang dalawang member ng minority na sina Sen. Migz Zubiri at Sen. Loren Legarda ay pumabor sa gusto ng Senate president na stop na ang impeachment sa vice president, boom!

XXX

SANA TOTOO ANG PAGMAMALASAKIT NI PBBM SA MGA MAGSASAKANG PINOY AT HINDI PA-POGI POINTS LANG SA PUBLIKO -- Simula sa Sept. 1, 2025 ay pinasususpinde na ni Pres. Bongbong Marcos (PBBM) ang importasyon ng mga imported rice para raw maproteksyunan ang mga magsasakang Pinoy sa panahon ng anihan ng palay.

Sana, totoo ang pagmamalasakit na iyan ni PBBM sa mga magsasakang Pinoy, at hindi pa-pogi points lang, period!

XXX

MGA CONG. NAGSITIKLOP NANG TANGGAPIN NI MAYOR MAGALONG ANG HAMON NA DUMALO SA HOUSE HEARING -- Nang ibulgar ni Baguio City Mayor Benjamin Magalong ang kickback ng mga kongresista sa pork barrel ay hinamon ng Kamara na dumalo ito sa House hearing at patunayan ang kanyang mga alegasyon.

Pero nang palagan ni Mayor Magalong ang hamon, nanahimik na ang mga kongresista, indikasyon ito na tiklop sila sa alkalde, na maaaring alam ng mga cong. na may hawak na "alas" ito (Magalong) laban sa mga politician na kumi-kickback umano sa mga pork barrel projects, boom!

Puna ni Arch. David, nagsusugal ng cara y cruz, hinuhuli, pero gobyerno walang aksyon sa online sugal at gambling lords

ni Pablo Hernandez @Prangkahan | August 7, 2025

AYAW ISAPUBLIKO ANG MGA SABIT SA FLOOD CONTROL PROJECT SCAM KAYA LUMALABAS PABIDA LANG NI PBBM NA GALIT SA MGA CORRUPT -- Tinabla ng Malacanang ang panawagan ni ML Partylist Rep. Leila De Lima na isapubliko na ni Pres. Bongbong Marcos (PBBM) ang mga pangalan ng mga politician at gov’t. officials na sangkot sa pang-i-scam sa flood control projects, kasi ayon kay Presidential Communications Office (PCO) Usec. Claire Castro ay hindi raw gagawin ng Presidente na i-release sa publiko ang mga unverified lists ng mga taong sangkot sa flood control project scam.

May kasabihan na “kapag may usok, may apoy” na ibig sabihin, ‘yung listahan ng mga sangkot sa flood control projects scam na napasakamay na ni PBBM ay sure na sila talaga ang nang-scam sa kaban ng bayan na inilaan sa mga flood control projects kaya’t dapat isapubliko na iyan ng Malacanang.

Pero kung hindi ito isasapubliko ng Palasyo, ibig sabihin niyan ay pabida lang ni PBBM na galit siya sa mga corrupt, boom!

XXX

ERPAT NI MAYOR BASTE NA SI FPRRD ‘DI NAMIGAY NG LIBRENG BIGAS KAYA WALA SIYANG ‘K’ SABIHAN SI PBBM MAMIGAY NG FREE RICE -- Sablay ang atake ni Davao City acting Mayor Baste Duterte kay PBBM na dapat daw imbes na magbenta ng P20 per kilong bigas ay magbigay na lang daw ng libreng bigas ang Marcos administration sa mga mahihirap na Pinoy.

Kaya natin nasabing sablay kasi pinuputakti na naman siya ng pamba-bash sa social media sa kadahilang wala raw “K” magsalita ng ganito si Mayor Baste dahil naging presidente rin ang erpat niyang si former Pres. Rodrigo Roa Duterte (FPRRD), pero sa anim na taong panunungkulan nito ay hindi naman daw ito namigay ng libreng bigas sa mga maralitang Pinoy, period!

XXX

ANYARE SA MGA TAGA-SAN SIMON, PAMPANGA? MAYOR PUNSALAN LAGING SABIT SA MGA IREGULARIDAD, PERO LAGING IBINOBOTO, IPINAPANALO -- Sikat na naman ang San Simon sa Pampanga matapos dakpin ng National Bureau of Investigation (NBI) ang alkalde nilang si Mayor Abundio Punsalan na nangikil umano ng P80 million sa isang kumpanya.

Kaya sikat na naman dahil ang dalas mabalitang sinususpinde ng Pampanga Provincial Gov’t,. Dept. of the Interior and Local Gov’t. (DILG) at Office of the Ombudsman ang mayor na ito dahil sa paggawa ng mga iregularidad umano. Una siyang sinuspinde noong Nov. 2020, sinuspinde noong July 2021, pinatawan na naman ng suspension noong Sept. 2023, nasuspinde noong June 2024 at ang latest nga ay nang dakpin ito ng NBI sa kasong extortion nitong Aug. 5, 2025. 

Anyare sa mga majority voters ng San Simon, Pampanga? Alam naman nilang madalas masangkot sa iregularidad, pero lagi pa ring ibinoboto si Mayor Punsalan, tsk!

XXX

PUNA NI ARCH. DAVID, KAPULISAN NANGHUHULI NG NAGSUSUGAL-LUPA NA CARA

Y CRUZ, PERO GOBYERNO WALANG AKSYON SA ONLINE GAMBLING, HINDI RIN HINUHULI ANG GAMBLING LORDS -- Pinuna ni Caloocan Archbishop Pablo Virgilio Cardinal David ang pag-aresto ng kapulisan sa isang maralitang residente ng lungsod na nagsusugal ng sugal-lupa na cara y cruz, pero ang gobyerno ay walang aksyon sa online gambling, at wala rin daw nahuhuling gambling lords ang mga otoridad.

May punto si Archbishop David sa sinabi niyang iyan, dahil hanggang ngayon ay namamayagpag ang mga online gambling sa social media, at sa Caloocan City mismo kung saan inaresto ang pobreng nagka-cara y cruz, ay wala namang aksyon sina Northern Police District (NPD) Director, Brig. Gen. Jerry Protacio at Caloocan City chief of police, Col. Joey Goforth para dakpin ang gambling lords na sina alyas "Carlo,"  "Oye" at "Edmond" na may raket na jueteng at lotteng sa lungsod, boom!