Pagiging OFW, nakatakda sa binatang may pure five personality

ni Maestro Honorio Ong - @Kapalaran ayon sa Numero| June 05, 2021

Dear Maestro,

Hanggang ngayon, wala pa rin akong trabaho. Minsan ay nakapagtrabaho na ako, pero sandali lang dahil nagkaroon ng COVID-19 pandemic. Noong wala pang pandemya, nakapagtrabaho rin ako, pero hindi naman ako nare-regular at palaging mababa ang suweldo kaya napipilitan din akong umalis.

Nalulungkot na ako ngayon dahil ‘yung mga kaibigan ko ay may regular na trabaho, pero ako ay wala pa rin, kaya sana ay mapaganda mo ang kapalaran ko, Maestro.

Gusto kong malaman kung sa taon bang ito o sa susunod na taon, gaganda na ba ang kapalaran ko at makapagtatrabaho na ako? September 5, 1989 ang birthday ko.

Umaasa,

Jemuel ng San Benito, Victoria, Laguna

Dear Jemuel,

Ayon sa birth date mong 5 at destiny number mo na nagkataong 5 rin (9+5+1989=2003/ 20+03=23/ 2+3=) sa zodiac sign na Virgo, ikaw ay nagtataglay ng pure “five personality” dahil ang ruling planet ng Virgo na Mercury ay nagtataglay din ng numerong five (5).

Ibig sabihin, tatlong numerong singko (555) ang nagsama-sama sa iyong kapalaran nang ikaw ay isinilang, at ang numerong singko, tulad ng nasabi na ay pinangingibabawan ng Diyos na si Mercury.

Dahil ang Diyos na si Mercury ay may pakpak sa kanyang mga paa, at siya rin ang “Roman God of Financial Gain and Communication”, at siya rin ang mensahero ng iba pang mga Diyos, mas mabilis kang susuwertehin, hindi rito sa ating bansa kundi sa pakikipagsapalaran sa ibayong-dagat o pagpapabalik-balik sa abroad.

Kaya nga mapapaisip ka, kaya pala wala sa local companies ang iyong suwerte ay maaaring ito ay nasa abroad. Ito ang dahilan kaya kahit magkaroon ka pa ng trabaho sa ating bansa, hindi ka nagtatagal.

Ibig sabihin, hindi mo dapat sayangin ang iyong panahon at enerhiya sa pag-a-apply ng trabaho rito sa ating bansa, sa halip, mas makabubuti sa iyong career na sa ibang bansa ka na agad mag-apply at maghanap ng pagkakakitaan.

Sa ganyang paraan, ayon sa iyong Travel Calendar, hindi mo ba napansin na ang taong 2021, ay may sumatotal ding 5? Nangyari, dahil ang taong 2021 ay kinokompyut ng ganito, 20+21=41/ 4+1=5. Ibig sabihin, sa taong ito, sa edad mong 32 pataas, magsasama-sama sa iyong buhay ang limang (5) singko. Ito ay ang edad mong 32 (ang 32 ay 3+2=5) at nagkataong tulad ng nasabi na, singko (5) rin ang year 2021.

Kaya walang duda na ngayong 2021, sa buwan ng Oktubre, tiyak ang magaganap – may isang mabunga at mabiyayang pangingibang-bansang itatala sa iyong kapalaran, na siya ring magiging hudyat o simula ng tuloy-tuloy na pag-unlad ng iyong kabuhayan hanggang sa ikaw ay tuluyan na ring yumaman.

Wa’ pag-asa na yumaman dahil matanda na

ni Maestro Honorio Ong - @Kapalaran ayon sa Numero| June 03, 2021

Dear Maestro,

Sa edad ko bang 59, may pag-asa pa akong suwertehin sa buhay? Ano ba ang dapat kong gawin para gumanda ang aking kapalaran? Alam n’yo, bata pa lang ako sa aming probinsya ay mahirap lang kami at hanggang ngayong may apo at matanda na ako ay mahirap pa rin kami at nadamay pa ang mga anak at apo ko sa kahirapan.

Sana ay mapayuhan n’yo rin ako upang umunlad at suwertehin din ako kahit sa huling yugto nitong buhay ko. July 24, 1961 ang birthday ko.

Umaasa,

Ruben ng Sampaloc, Tanay, Rizal

Dear Ruben,

“Tempus fugit, momento mori” – salitang Latin na nagpapaalaala sa bawat isa na, “Mabilis na lumilipas ang panahon, alalahanin mo sa bawat saglit ang iyong pagtanda at ang iyong kamatayan.”

Tunay ngang sa panahon ngayong moderno na ang teknolohiya, mararamdaman mo na lang na talagang mabilis na lumipas ang panahon at mabilis ding napipigtas ang oras sa kanyang pag-ikot, ngunit mabagal ang nagagawa nating pag-unlad at kabutihan upang lalo pang gumanda ang ating buhay patungo sa mas asensado at maligayang karanasan.

Kaya masasabing ito ang malaking problema ng mga pangkaraniwang tao — umuusad nang mabilis ang panahon at nagkakaedad tayo, at ngayong tumatanda ka, ngunit hindi mo pa rin alam kung paano ka susuwertehin sa buhay, gayundin paano maaabot ang iyong mga pangarap, uunlad at magiging maligaya?

Napakahalagang habang bata ka pa ay nagpapaanalisa na ng iyong kapalaran bilang gabay upang malaman ng isang tao ang kanyang mga kahinaan na dapat baguhin at mga positibong katangian na dapat namang paunlarin. Dagdag pa rito, mas mahalagang malaman mo hangga’t maaga kung paano ka mamalasin at susuwertehin sa buhay.

Halimbawa, isa kang Leo, dapat ang iyong career ay sikat ka, kumbaga, parang artista o politiko na palaging nasa limelight ang buhay mo. Sa ganu’ng paraan ka uunlad, magtatagumpay at magiging maligaya.

Isa pang tipikal na pampasuwerte ng Leo ay ang singsing na gold. Dahil siya ay under sa planetang Sun, bukod sa singsing na gold na pinalamutian ng batong sardonyx, at bagay din sa iyo ang batong ruby, dapat din namang magsuot ka ng kulay na dilaw, na siyang kulay ng planeta mong Araw.

Kung ang birth date mo namang 24 o 6 (2+4=6) ang titingnan, tugma sa kapalaran mo ang kulay na pula o red upang suwertehin. Isuot mo ang pula tuwing sasapit ang mga petsang 6, 15, 24, 3, 12, 21, 30, 9, 18 at 27, higit lalo kung ang nasabing mga petsa ay natapat sa araw ng Martes, Huwebes at Biyernes, habang isuot mo naman ang kulay na dilaw, tuwing sasapit ang petsang 1, 10, 19, 28, 4, 13, 22, 31, 7, 16, 25, 2, 11, 20 at 29.

Gayundin, ayusin mo ang iyong pirma kung halimbawang ito ay pangit. Halimbawa ng pangit na lagda ay ‘yung binaboy o binurara. Pangit din ang pirma na ibinabalikwas sa direksiyong kaliwa ang mga strokes o dulong buntot o ang paa ng mga letra ay ibinalik sa nasabing direksiyon.

Kaya ang pinakamagandang lagda ay klaro o malinaw ang pagkakasulat, madiin, nababasa ang salita, may katamtamang laki ang letra at mabilis na isinulat. Dapat ding ang lahat ng stroke ay patungo sa direksiyon kanan.

Kung halimbawang maganda na ang lagda mo, magsisimula nang ma-realize ng iyong isipan at unconscious self na ikaw ay kasalukuyang nasa tamang landas na ng tagumpay upang mas madaling makamit ng iyong pagkatao ang magagandang kapalarang inilaan sa iyo ng tadhana.

‘Yan muna ang unang ipatupad at gawin mo. At sa sandaling nasunod mo ang mga simpleng rekomendasyon sa itaas, kahit medyo may edad ka na, ayon sa Decadens ng Kapalaran, sa pagpasok ng taong 2022, sa edad mong 60 pataas, susuwertehin ka na at uunlad, magtatagumpay at habambuhay nang magiging maligaya.

Mag-asawang baon sa utang, may chance makaahon kung mag-a-abroad

ni Maestro Honorio Ong - @Kapalaran ayon sa Numero| June 02, 2021

Dear Maestro,

Apat na taon na kaming nagsasama ng misis ko, pero kamakailan lang ay nag-away kami dahil sa pera. Marami kaming mga utang na hindi namin nabayaran dahil palaging kapos ang suweldo ko sa aking pamilya, at nang mag-away kami ng misis ko, umuwi siya sa kanila.

Gusto kong malaman kung babalik pa ba ang misis ko rito sa apartment namin o dapat ko na siyang sunduin? Gayundin, compatible ba kami at makakabayad pa ba kami ng mga utang at makaaahon pa kami sa aming kabuhayan? Sobrang nahihirapan talaga kami ngayon. February 1, 1986 ang birthday ng misis ko at October 4, 1984 naman ako.

Umaasa,

Erwin ng Santa Cruz, Porac, Pampanga

Dear Erwin,

Kung Astro-Numerology na pag-aanalisa ang tatanungin, sadya at tunay ngang compatible kayo ng misis mong isinilang sa zodiac sign na Aquarius at Libra ka naman. Ito ay dahil ang Libra at Aquarius ay may iisang elementong tinataglay – ang elementong air o hangin.

Sa Numerology naman ay ganundin, ang birth date mong 4 ay tugma sa birth date niyang 1, dahil ang 4 at 1 ay may iisang planetang tinataglay – ang planetang Sun.

Ibig sabihin, wala kang dapat gawin kundi sunduin na ang iyong misis sa mga biyenan mo. Dahil siguradong sa taon ding ito ng 2021, sa buwang ito ay humingi ka ng tawad sa kanya at makikita mo na muling mabubuo at magiging maligaya ang inyong pamilya.

Samantala, upang makaahon sa mga pagkakautang at kahirapang bumabalot ngayon sa inyong pamilya, iminumungkahi ng birth date mong 4 at 1 naman si misis na mag-apply kayo sa ibayong-dagat.

Sapagkat, ayon sa inyong Travel Calendar, sa susunod na taong 2022 hanggang 2023, sa buwan ng Mayo hanggang Setyembre, isa sa inyo ni misis ang makapag-a-abroad, na siya na ring magiging simula o daan upang tuluy-tuloy na kayong makaahon sa mga pagkakautang at kahirapan hanggang sa tuluyan nang umunlad ang inyong kabuhayan at sa taong 2039 sa edad mong 55 pataas, unti-unti na rin kayong yayaman.