Aktres, para komportable sa kissing scenes… DINGDONG, GAGANAP NA KABIT NI MARIAN

ni Nitz Miralles @Bida | April 16, 2026

Photo: Dingdong Dantes at Marian Rivera - Instagram

Nag-suggest ang mga fans ni Marian Rivera kung sinong aktor ang puwedeng gumanap na presidente ng Pilipinas na magiging kabit ng karakter niya sa GMA at Prime Video series na Behind Closed Doors (BCD). 

Nabasa namin ang mga pangalan nina Richard Gomez, Raymond Bagatsing, Tonton Gutierrez, Ian Veneracion, Richard Yap, Gardo Versoza at John Arcilla na kabilang sa mga suggestions.

Kaya lang, may napili na pala ang GMA at ang napili nila ay ang asawa ni Marian na si Dingdong Dantes, which is a wise and right choice. 

May illicit relationship ang kanilang mga karakter, mistress si Marian at ibig sabihin, may mga kissing scenes ito. Baka may slight love scene pa para ipakita ang kanilang relasyon.

Magiging komportable nga naman si Marian na makipag-kissing scene kung si Dingdong ang makakaeksena. Special participation si Dingdong sa series at ipinaalam nang his character as the country’s president will be assassinated. 

Kasunod ng assassination, mabubuking ang relasyon ng presidente at ni Marian na gaganap na isang hard-hitting radio journalist.

Excited na ang mga fans ni Marian at ang DongYan fans na mapanood ang BCD na will be streamed first on Prime Video PH bago ang airing sa GMA-7. Si Dominic Zapata ang director nito na director din ni Dingdong sa The Master Cutter (TMC).

Kasama rin sa cast si Jillian Ward na gaganap na anak ni Dingdong at magkakabanggaan sila ni Marian. Inaabangan din ang mga eksena nina Marian at Jillian na magiging labanan din daw ng face card dahil pareho silang magaganda.

“Walang dahilan para mag-no for this project, kasi ang off-beat n’ya para sa akin,” sagot ito ni Marian nang tanungin why she accepted the project.

Wala pang nabanggit na schedule kung kailan magsisimula ang taping ni Marian. 

Habang naghihintay ang mga fans, panoorin muna nila si Marian Rivera sa Stars On The Floor (SOTF). Isa siya sa mga judges ng dance reality search at minsan, sumasayaw din.

---

HINDI na lang sa pagiging aktor mapapanood si Miguel Tanfelix dahil susubukan ng GMA ang pagiging versatile niya by giving him a hosting assignment. 

Ang aktor ang host ng travel TV show ng Kapuso Network na Planet XP (PXP) na sa May 2 na ang pilot episode at mapapanood every Saturday.

Bagay kay Miguel ang maging host ng travel show dahil mahilig siyang mag-travel at sa last travel nga niya sa Argentina, ang ganda ng kanyang pagkakalatag sa mga pinuntahang lugar.

Nakasulat ang intro kay Miguel na, “Kapuso Ultimate Heartthrob Miguel Tanfelix is now entering his solo hosting era, as he banners the magazine infotainment special Planet XP, beginning May 2.”

Napanood namin ang teaser ng show at maganda siya, maraming matututunan ang viewers sa mga lugar na kanyang pinuntahan. Mapapasabi ka ng “Ang ganda ng Pilipinas.”

And speaking of Miguel, isa siya sa mga bida sa bagong action series ng GMA na Firewall. Iba ang image niya rito, may bigote at nagpalaki ng katawan. ‘Buff Miguel’ ang tawag sa kanya ng mga fans dahil nagka-muscles daw at mas gumuwapo.

---

May libreng pakain daw sa 1st death anniv ng ina… IAN: LAHAT NG GUSTONG PUMUNTA KAY NORA, WELCOME

FIRST death anniversary ni Nora Aunor ngayong araw at bukod sa kanyang pamilya at mga kaibigan, siguradong dadalaw sa puntod ng Superstar sa Libingan ng mga Bayani ang mga Noranians. 

In fairness to them, hindi nila nakakalimutang bisitahin ang puntod ni Nora, lalo na ngayong araw.

Dahil nabalitang may konting isyu ang mga anak ni Nora, inaabangan kung magiging kumpleto ba sila sa death anniversary ng kanilang ina. Magkita-kita kaya sina Lotlot, Matet, Kiko, Kenneth at Ian de Leon sa puntod ng Superstar?

Wish ng mga Noranians, makita nilang kumpleto ang magkakapatid.

Sa isang interview kay Ian, nabanggit na welcome ang lahat na dumalaw sa puntod ng ina. May breakfast, lunch at merienda raw na nakahanda na pagsasaluhan ng mga pupunta. 

Si Ian pala ay kinilalang sole and legal heir ni Nora, pero may sinabi itong ikinatuwa ng mga Noranians at nagmamahal sa mga anak ng Superstar.

“My responsibility here does not exclude them or erase them from any family relationship,” sabi ni Ian sa interview ni Rico Hizon sa ANC program nitong Beyond The Exchange (BTE).

Idol, makakasama na sa serye… BARBIE, NAGING AKTRES DAHIL KAY SHARON

ni Nitz Miralles @Bida | April 15, 2026

Photo: Barbie Forteza at Sharon Cuneta - Instagram

Tama ang mga humula na si Barbie Forteza ang makakasama ni Sharon Cuneta sa gagawin nitong TV series dahil kinumpirma ito ni Megastar sa kanyang post sa Instagram (IG) at Facebook.

Sabi ni Sharon, “I promised you a couple of surprises this year—here’s the first! My new drama, HONOR THY MOTHER, the first-ever collab between TV giants ABS-CBN and GMA-7, creative production by the one and only @dreamscapeph, brought to you by @primevideo @primevideoph. 

“Honored and excited to be working soon with the lovely Ms. Barbie Forteza @barbaraforteza, my favorite movie hubby @johnestrada_, and young heartthrob @khalilramos! Praise God for this opportunity and beautiful project. Abangan n’yo po sana! Mag-uumpisa na po kami mag-shoot very soon! God bless you and I love you all!”

Post naman ni Barbie, “She was the reason why I wanted to become an actress. Dreams do come true. Beyond excited to work with you po, Ms. @reallysharoncuneta.”

Marami na ang excited sa project na ito na first time pagsasamahan nina Sharon at Barbie. 

Marami ang nag-congratulate sa kanila, at naghihintay kung kailan ang airing nito na for sure ay mauuna ang streaming sa Prime Video. 

Susunod na ang airing sa GMA-7 at inaabangan din ang announcement kung sino ang magdidirehe ng Honor Thy Mother.

---

NASA Prime Video event din si Marian Rivera na balik na rin sa paggawa ng TV series. Pagbibidahan niya ang Behind Closed Doors (BCD) sa direction ni Dominic Zapata. 

Ito ang binanggit ni Marian na offer sa kanya ng GMA-7 at sa Stars on the Floor (SOTF), sinabi nito na, “Sige na nga, tatanggapin ko na.”

Tinanggap nga ni Marian ang offer at naalala ng mga viewers ng SOTF na gusto niyang makasama si Sophia Laforteza, member ng P-pop group na Katseye. 

Nabanggit ni Sophia na gusto rin niyang subukang umarte, kaya sagot ni Marian, “Sige, isasama kita.”

Wala pang in-announce na cast ng series na gagawin ni Marian at kung tototohanin nito ang sinabi na isasama niya si Sophia sa gagawing project, sobra itong matutuwa.

Dahil sa bagong project na ito ni Marian Rivera sa GMA-7, matitigil na siguro ang balitang iiwan na niya ang GMA Network at lilipat sa ABS-CBN. 

Lumabas ang isyung lipatan dahil nabalitang muli siyang gagawa ng movie with her husband na si Dingdong Dantes sa Star Cinema.

---

Biktima ng pambu-bully…

YASMIEN, INILIPAT SA IBANG SCHOOL ANG ANAK

NAKA-RELATE si Yasmien Kurdi kay Quezon City (QC) Councilor Alfred Vargas at sa asawa nitong si Yasmine Vargas na nasaktan sa pambu-bully sa kanilang anak na si Cristiano. 

Nangyari rin ito sa anak ni Yasmien na si Ayesha na grabe rin ang pinagdaanang pambu-bully mula sa mga classmates sa dating pinapasukang eskuwelahan.

Sa post ni Yasmien, nagpahatid siya ng suporta kina Alfred at Yasmine Vargas. 

Aniya, “This is really heartbreaking, but also a wake-up call. I know how this feels, the pain and anxiety for the whole family. We’ve been through it, and it’s not easy seeing your child go through that.

“What’s hard is that bullying doesn’t just happen once, it builds up over time. From being singled out, to anxiety, to feeling unsafe, it really affects them deeply. Mas masakit pa when parents are already informed but choose to dismiss or even laugh it off instead of correcting their child. That kind of response only makes things worse.

“This is why taking a stand matters. Accountability is the only way it stops. Praying for your family. Stay strong Vargas Family. Every child deserves to feel safe and protected.”

Sumagot si Yasmien Vargas kay Yasmien Kurdi ng “Sakit, Yas,” at sabi rin ni Alfred, “Sobrang sakit nito ginawa sa anak ko. Sobra.”

Sa kaso ni Yasmien, sa halip na patuloy na maranasan ni Ayesha ang pambu-bully, inilipat nila ng asawang si Rey Soldevilla, Jr. ang anak sa ibang school. 

Masaya na si Ayesha sa new school at nag-e-excel sa klase.

Nag-file rin ng reklamo sina Yasmien Kurdi sa DepEd (Department of Education) Philippines kasama ang kumpleto at factual na ebidensiya. 

All-out sa pagho-host ng show… MATTEO, MAS BUSY DAW SA CAREER, SARAH, TINALBUGAN

ni Nitz Miralles @Bida | April 14, 2026

Photo: Matteo Guidicelli - FB

Deleted na sa Instagram (IG) ni Matteo Guidicelli ang comment ng isang fan ni Sarah Geronimo na mas priority niya ang kanyang career kesa sa career ng asawa. 

Parang ang ipinupunto ng fan, mas active ang career ni Matteo kumpara sa career ni Sarah.

Ang ganda ng sagot ni Matteo. Kaya lang, nang itsek uli namin ang comment ng fan, hindi na namin nakita. Baka binura ni Matteo dahil nakakasira naman talaga sa happy and positive vibes ng mga comments na may kinalaman sa pilot episode ng talk show niyang Matteo G Primetime.

Nagpaliwanag si Matteo sa fan na hopefully, tinanggap ng huli. Saka, magkaiba ang talent management nina Matteo at Sarah and to my knowledge, very much active pa si Sarah sa kanyang career. Hindi pinababayaan ng Viva Artists Management si Sarah at desisyon na lang yata nito na mag-concentrate sa singing at magpahinga muna sa acting.

Anyway, maganda ang review kay Matteo bilang host at maging sa kanyang show. Pati nga ang guesting ng mag-asawang Judy Ann Santos at Ryan Agoncillo na guest sa pilot episode ng show ay aprub sa mga viewers.

Mga comments na, “Great pilot episode,” “Great job and congratulations,” “Loved the pilot episode, though it’s kind of bitin. Hope you can release the full interview please (director’s cut). Kudos to the whole team for a very well-executed show. More power,” at “This kind of platform suits your voice, clear, steady, and easy to connect with,” ang ilan sa mga mababasa.

Sa mga susunod na episodes ng kanyang show, na-interview ni Matteo sina Piolo Pascual, Joshua Garcia at Julia Barretto.

Ang maganda nito, lahat ay puwedeng mag-guest sa Matteo G Primetime. Ang daming requests ng mga fans sa kung sino ang gusto nilang i-guest ni Matteo sa show. But of course, ang hinihintay ng marami ay ang guesting ni Sarah. Ang ganda siguro kapag nangyari ito.

Every Saturday, 7 PM. ang airing ng talk show ni Matteo sa Bilyonaryo News Channel. Sana ay masagot ni Matteo ang tsika na hindi lang siya talent ng BNC, mataas daw ang posisyon niya dahil siya ang CEO (Chief Executive Officer) nito.

---

SPOTTED sa Hong Kong during the weekend si Alden Richards at dumayo ito sa Mongkok at doon pinagkaguluhan ng mga kababayan natin. 

Siguro naman, hindi lang nag-shopping sa HK ang aktor, pero ano kaya ang ginawa nito sa Crown Colony?

Tama ba ang sinabi ng mga fans na may kinalaman sa pagiging Global Ambassador niya ng Overseas Workers Welfare Administration (OWWA) ang pagpunta sa HK? 

Lumipad din siya sa HK sa launching niya bilang Global Ambassador ng ahensiya na nagpo-focus sa uplifting Filipino migrant workers.

Nakakabilib ang time management ni Alden. Magugulat ka na lang na nasa ibang lugar na siya dahil ang alam mo, nasa isang lugar pa siya. 

Makakadagdag sa schedule ni Alden ang pagsisimula ng taping nila ni Nadine Lustre ng Love Siargao (LS).

“We’re gonna be flying out na sa Siargao. Project namin ni Nadine (Lustre) for Viu Philippines. So, we’re gonna stay there for a month, and then, we’re gonna finish the whole series na rin doon,” sabi ni Alden.

Dahil sa series, kailangang magpa-fit ni Alden. 

“Kailangang ibalik ‘yung beach body ba ang tawag du’n. Pero yes, it’s part of the preparation as well, and it’s been a while na rin since my last project. Actually, Pulang Araw pa ‘yung huli kong series na nagawa, and excited din talaga ako makabalik to do acting,” pagse-share pa ni Alden sa interview sa kanya sa 24-Oras.