Regine at nanay ng komedyante, idinamay na rin... DDS GALIT NA GALIT KAY VICE SA JOKES LABAN KAY DU30

ni Nitz Miralles @Bida | August 12, 2025

Image: VIce Ganda sa Jetski Holiday joke - Circulated / YT

Hindi maiwasang madamay o idamay ng mga Duterte supporters si Regine Velasquez sa galit nila kay Vice Ganda dahil sa Duterte jokes ni Vice sa Super Divas (SD) concert nila. 

Ang katwiran ng mga supporters ng former president, magkasama sila sa concert at sabay nag-rehearsal. Sigurado raw na narinig ni Songbird ang spiel ni Vice at sana raw ay sinaway.

Sagot ng mga fans ni Regine, inirespeto nito si Vice at hindi pinakialaman ang script nito. Saka, nang i-deliver ni Vice ang spiel tungkol sa former president, siya lang ang nasa stage, wala si Regine. 

Kaya lang, ayaw pa ring magpapigil ng mga Duterte supporters sa pagdawit kay Regine. Sa Instagram (IG) ni Regine, may nag-comment kung bakit niya hinayaan si Vice sa joke nito. Ipinaalala kay Regine na marami ang nagmamahal kay Duterte. 

So far, wala namang violent reaction ang mga fans kay Regine, walang nanawagang i-boycott ang ine-endorse niyang product at walang nag-comment na hindi na siya welcome sa Davao City.

Saka, ang husay pa ring mag-perform ni Regine, ito ang pinag-usapan during and after the concert. Marami rin kaming nakitang nag-inquire sa mWell kiosk sa loob ng Smart Araneta Coliseum kung saan naka-display ang self-care exclusives with Regine Velasquez.

Nakipag-partner ang mWell sa kanya in creating the Gift of Wellness Exclusives, kabilang ang special edition Regine watches which help track blood pressure and physical activity. Kasama rin ang mWell ring which monitors sleep quality.

Sabi ni Regine, “Taking care of yourself both in mind and body is the first step to caring for everything else. Let your gift to self be one that fills you up because you cannot pour from an empty cup.”

Nag-agree kay Regine si Chaye Cabal-Revilla, ang CEO ng mWell at Chief Finance, Risk, and Sustainability Officer of MPIC. May photo ni Regine Velasquez ang Prestige Watch, visit her IG for the prices at may discount pa.

---

MAY update si Kris Aquino sa kanyang medical condition at makikita sa photos na ipinost niya sa Instagram (IG) na very much involved si Bimb. Mula sa pag-aalalay sa pag-upo niya sa wheelchair, sa paglipat sa kanya sa hospital bed at pati sa parte na kinakausap si Kris ng doctor, nasa tabi niya ang kanyang bunso.

Nag-wave pa si Bimb sa mga netizens na makakapanood sa reels video ni Kris. 

May pakiusap si Kris na, “PLEASE CONTINUE PRAYING,” at ‘yun ang ginagawa ng mga nagmamahal sa kanya. Araw-araw siyang ipinagdarasal at pati nga mga taga-showbiz, nagkakaisa na ipagdasal ang paggaling ni Kris.

Nabasa namin ang mga pangalan nina Aga Muhlach, Arnold Clavio, Angeline Quinto, Candy Pangilinan, Melai Cantiveros, Pokwang, Anne Curtis, Bela Padilla, Cherry Pie Picache, Christine Babao at marami pang iba na nagdarasal sa paggaling niya.

---

NAG-REACT ang pro at anti-Duterte sa panawagan ni Pokwang na huwag isali sa galit ng mga na-offend sa joke ni Vice Ganda tungkol kay former President Rodrigo Duterte ang nanay ni Vice. Hindi nagustuhan ng pro-Duterte ang Jet Ski at The Hague joke ni Vice sa Super Divas (SD) concert nila ni Regine, pati nanay ni Vice, idinamay nila sa galit.

Kaya pakiusap ni Pokwang, “‘Wag naman po tayong ganyan! Kung may na-offend man sa joke ni Vice, eh, ‘wag naman po idamay ang nanay kasi hindi naman artista or pulitiko ang kanyang ina. Kaming mga artista at pulitiko ay tanggap naman na naba-bash kami kahit minsan masakit, ‘wag naman si Nanay Rosario, please.”

May supporter ng former president ang nagsabing maganda ang pakikitungo ni Duterte kay Vice at binati pa ito sa isa niyang birthday. 

Sagot ni Pokwang, “I’m sure, ‘di naman n’ya nalilimutan ‘yan, pero ‘yung idamay natin ang nanay na hindi naman artista or pulitiko, eh maling-mali po, hindi naman si Nanay Rosario ang nagsulat ng script ni Meme or nag-utos sa kanya na ganu’n ang i-joke n’ya!”

Hindi pa tapos ang isyung ito sa X (dating Twitter) ni Pokwang, nag-aaway-away pa rin ang pro at anti-Duterte dahil sa joke ni Vice Ganda.

Pinagkaguluhan sa resto… VINCENT, LUMALAYO ‘PAG MAY FANS NA NAGPAPA-PICTURE KAY BEA

ni Nitz Miralles @Bida | August 11, 2025

Image: Bea at Vic - Circulated - FB

Hindi lang sa Super Divas (SD) concert spotted si Bea Alonzo at ang boyfriend niyang si Vincent Co, spotted din sila sa Araneta City dahil naglakad ang dalawa at pumasok sa isang restaurant sa Gateway Mall 2. 

Ang daming nagpakuha ng picture kay Bea at lahat sila ay pinagbigyan ng aktres.

Kapansin-pansin na lumalayo si Vincent kapag may lumalapit na mga fans kay Bea. Hindi dahil sa takot siyang makunan sila ng larawan, gusto lang nito na bigyan ng freedom ang aktres to interact with the fans. 

Ikinatuwa ito ng mga fans ng aktres, hindi raw epal ang boyfriend nito.

Hindi pa yata kilala ni Vice Ganda si Vincent dahil si Bea lang ang in-acknowledge niya sa concert nila ni Regine. Katabi ni Bea si Vincent, pero hindi siya binanggit ni Vice. Kung kilala ni Vice ang boyfriend ni Bea, siguradong may comment siya o joke sa dalawa.

Anyway, sa video na napanood namin, sa backstage dumaan papasok sa Big Dome sina Bea at Vincent. Hindi pa puno that time kaya hindi sila masyadong napansin. Ang nakapansin lang sa kanila ay ang mga katabi nila in front, sa P15,000 worth ang ticket.

Sa likod ng Smart Araneta Coliseum din dumaan sina Bea at Vincent after the concert. Sa back parking naka-park ang sinakyan nilang SUV at may security pang umalalay sa kanila.

Present din pala si Vincent Co sa 2025 GMA Gala, pero sa Marriott Hotel lang yata siya nag-stay at hindi sumama sa event. Hinintay na lang nito si Bea hanggang matapos ang event.

---

Barbie, may Jameson… DAVID, SPOTTED NA KASAMA ANG GF SA SIARGAO 

MGA comments na, “Pakasal na kayo,” “Marry her already,” “Beautiful couple,” at “Put a ring on her finger,” ang ilang comments na mababasa sa post ni Rhian Ramos ng anniversary nila ni Sam Verzosa.

Lahat nag-aabang na sa kasal nina Rhian at Sam, mas magandang abangan na lang natin. 

Basta, itinanggi ng aktres na nag-propose na sa kanya si Sam noong nasa UK sila. Nag-attend lang daw sila ng graduation ng isang anak ni Sam at kasama nila ang

mom nito. 

Wala siyang kasamang family member, ibig sabihin, walang marriage proposal na naganap.

And speaking of Rhian, magre-renew siya ng kontrata sa GMA Network bukas. Ibig sabihin, tuluy-tuloy pa rin ang showbiz career niya. 

Sa ngayon, napapanood siya sa Sang’gre bilang ang kontrabidang si Mitena, pero mahal siya ng Encantadiks.

Maganda na raw… NETIZENS KAY SANYA: ‘WAG ABUSUHIN ANG MUKHA SA KAKAPARETOKE

ni Nitz Miralles @Bida | August 10, 2025

Image: Sanya Lopez - IG

Birthday ni Sanya Lopez kahapon at 29 years old na raw ang Kapuso actress, pero wala sa hitsura nito na malapit na siyang mag-30. 

May birthday photoshoot si Sanya na ang caption ay Bible verse.

Tanong ng mga fans, Christian na raw ba si Sanya? 

Kami na ang sasagot, parang matagal na siyang Christian kaya Bible verse ang napiling i-caption sa kanyang post.

Sinaway ng ilang fans ni Sanya ang ilang comments na pinapayuhan siyang huwag abusuhin ang enhancement sa parte ng kanyang katawan at mukha.

Maganda na raw siya at hindi na niya kailangan ng enhancement. Halata kasing nagparetoke siya ng ilong.

Sagot ng mga fans ni Sanya, pati birthday nito, ayaw siyang tigilan ng nega comments ng mga walang magawa. Kung wala raw silang magandang sasabihin, manahimik na lang sila na siyang dapat.

Samantala, ang ganda ng comment ng isang fan ni Sanya sa mga haters ng aktres. 

Sey nito, “Her life, her rules. As long as wala s’yang inaapakang tao at hindi n’yo pera ang pinanggagastos. Constructive criticism is acceptable pero those below the belt and bashing, why? 

“Why don’t you focus on building your financial capacity para magamit mo to enjoy your life and afford things you needed rather than throwing hate to someone na wala namang ginagawang masama sa inyo.”

Very well said! Sana, tumahimik na ang maiingay na mga fans. In fairness kay Sanya Lopez, hindi niya idine-delete ang hate comments sa kanya. Nasa isip siguro nito na sige lang, i-bash n’yo ako, basta maganda ako at may pera.

---

Nag-fangirling si Ms. Charo Santos sa South Korean superstar na si Hyun Bin at maraming fans nito ang nainggit sa kanya. 

Present siya sa fan meet nito, nilapitan pa siya at nahawakan niya ang kamay ng aktor. 

Si Martin Nievera pa ang kumuha ng photos nila dahil aligaga at lutang na si Ms. Charo.

Ini-repost nito ang post ng ABS-CBN na kinukunan sila ni Martin ng photo at ang sabi, “Oh my heart! Thank you my oppa @hyunbinactor.”

Naka-post din sa Instagram (IG) ni Ms. Charo ang more photos nila ni Hyun Bin at may caption siyang: “Crash landed... right into my oppa’s smile,” at “Crash landed into this

moment! I’m so happy to finally meet you Hyun Bin.”

Sa isa pang post, hawak ni Charo ang pillow case na may mukha ni Hyun Bin at mug na may photos ng Korean actor at may kuwento siya.

Aniya, “CLOY (Crash Landing On You) saved me during the pandemic in more ways than one. I’ll admit it! I became a mega fangirl and dreamed of meeting Captain Ri one day.

“Five years later, I finally met my oppa. Big thanks to @martinnievera not just for the photo, but for making it happen.”

Sa ipinadalang press release ng CreaZion Studios Artists and Star Magic, ibig kayang sabihin, under ng CreaZion Studios Artists si Ms. Charo Santos-Concio?

---

Ginastusan ng fans… SHUVEE, MAY ELECTRONIC BILLBOARD SA TIMES SQUARE SA NEW YORK

NILAPITAN ni Vice Ganda si Shuvee Etrata at ang suitor nitong si Anthony Constantino sa first night ng Super Divas (SD) concert nina Vice at Regine Velasquez sa Smart Araneta Coliseum. Ipinakilala ni Shuvee si Anthony kay Vice at naging masaya ang eksenang ‘yun. Pinasayaw pa ni Vice sina Shuvee, Anthony, Ashley Ortega at Mavy Legaspi.

First time pala ni Shuvee na manood ng concert at kina Regine at Vice pa kaya memorable sa kanya. 

Hindi niya kasi afford noon na bumili ng tiket para manood kahit siguro gusto niya ang artist. Ngayong sikat na siya, malilibre na siya sa mga concert tickets.

Nakadagdag pa sa tuwa ni Shuvee na guest si Klarisse de Guzman na ka-duo niya sa Pinoy Big Brother (PBB) Celebrity Collab Edition at sabay silang na-evict.

Napatunayan pala ang lakas ni Shuvee sa mga fans dahil kahit Kapamilya ang majority ng audience sa Big Dome, malakas ang palakpak nang banggitin ni Vice ang kanyang pangalan. Kahit saan nga siya magpunta ngayon, pinagkakaguluhan na siya at kilala ng

Mahal din ng kanyang mga fans si Shuvee. Imagine, may electronic billboard siya sa Times Square sa New York. Isa lang siya sa mga PBB housemates na may electronic billboard sa NYC. 

Bongga ang mga fans, hindi na lang sa Araneta City nila afford maglagay ng banner para sa BigColove happening today, pati na rin sa NYC.

Naiyak sa tuwa si Shuvee sa suporta at pagmamahal ng mga fans. 

“Grabe kayo!” at “A pinch me moment. Thank you mga mahal ko!” na lang ang nasabi nito. 

Sagot ng mga fans, “Mahal ka namin, Shuvee!”