Fishing ban sa apektado ng oil spill sa Bataan, pinag-aaralan pa ng BFAR

by Angela Fernando @News | July 28, 2024

Photo: Jhong Bersales

Nagpahayag ang Bureau of Fisheries and Aquatic Resources (BFAR) nitong Linggo na nakatakda itong kumuha ng mga sample ng isda sa mga lugar na apektado ng oil spill mula sa lumubog na MT Terra Nova sa Bataan upang matukoy kung kinakailangan magdeklara ng fishing ban.

Kinumpirma ni Nazario Briguera, tagapagsalita ng BFAR, na maaapektuhan ang kabuhayan ng libu-libong mangingisda kung kanilang pansamantalang ipagbabawal ang pangingisda dahil sa oil spill.

“Doon sa pangingisda, we are yet to coordinate with the local government units sa pagdedeklara ng fishing ban. Sa ngayon kasi, we still have to gather, consolidate all the relevant information. Kami, magsasagawa pa kami ng sampling sa mga isda. Ang DENR, nagsa-sampling na rin ng tubig," saad ni Briguera.

Samantala, maaaring maapektuhan ng oil spill ang Bulacan, Cavite, at Pampanga City.

Website ng Dept. of Energy, na-hack

by Angela Fernando @News | July 28, 2024

Photo: doe.gov.ph

Na-hack ang isang website ng Department of Energy na Government Energy Management Program (GEMP), ayon sa departamento nitong Linggo.

Tiniyak ng DOE sa publiko na nakatuon sila sa pagpapanatili ng seguridad ng kanilang system.

Naglabas ang DOE ng pahayag na na-hack ang website ng GEMP bandang alas-6 ng gabi nu'ng Sabado, dahilan upang pansamantalang mag-offline ang website.

"We immediately toook the system offline and began closely coordinating with the Philippine National Computer Emergency Response Team and the system's developer ti address the possible vulnerabilities of the website," saad ng DOE.

"While we are exerting all efforts to restore the website to full operation at the soonest possible time, we are also implementing our strategies to make our systems more resilient," dagdag pa nito.

Matatandaang ito ang pinakahuli sa data breaches at defacement sa mga website at systems ng pamahalaan, kabilang dito ang isang pag-atake sa web-based systems ng Maritime Industry Authority nu'ng Hunyo.

Rocket attack ng Hezbollah, nakapatay ng 12 — Israel

by Eli San Miguel @Overseas | July 28, 2024

Photo: Admma via Reuters

Namatay ang 12 katao dahil sa rocket attack sa isang football ground sa Israeli-occupied na Golan Heights, kasama na ang mga bata, noong Sabado. Inakusahan ng mga otoridad ng Israel ang Hezbollah at nanumpa ng paghihiganti.

Tumama ang rocket sa isang football pitch sa Majdal Shams, isang nayon ng Druze sa Israeli-occupied na Golan Heights, na nakuha ng Israel mula sa Syria noong 1967.

"Hezbollah will pay a heavy price, the kind it has thus far not paid," sabi ni Prime Minister Benjamin Netanyahu sa isang tawag sa telepono sa lider ng Druze community sa Israel, ayon sa pahayag mula sa kanyang opisina.

Itinanggi naman ng Hezbollah ang anumang responsibilidad sa pag-atake, na siyang pinakamatindi sa Israel o sa mga teritoryong sinakop ng Israel mula nang magsimula ang hidwaan sa Gaza.

Sa isang nakasulat na liham, inihayag ng Hezbollah, "The Islamic Resistance has absolutely nothing to do with the incident, and categorically denies all false allegations in this regard".