Michael Jordan, nag-donate ng $10M sa UNC bilang parangal sa ina

by BRT @News | October 7, 2026

Photo: Courtesy UNC & Kevork Djansezian - Getty Images

Naglaan ng $10 milyon ang six-time NBA champion na si Michael Jordan para sa University of North Carolina (UNC) School of Social Work bilang parangal sa kanyang ina na si Deloris P. Jordan.

Ito ang pinakamalaking single donation sa kasaysayan ng School of Social Work at gagamitin para palawakin ang mga programa ng paaralan.

Dahil sa donasyon, papalitan ang pangalan ng Global Social Development Innovations Center bilang Deloris P. Jordan Global Social Development Innovations Center at Jordan Institute for Families.

Magtatatag din ng Jordan Family Scholars program na magbibigay ng scholarship sa mga estudyante ng Master of Social Work na nangangailangan ng dagdag na tulong pinansyal.

Sampung estudyante ang unang mapipili bilang Jordan Family Scholars at bawat isa ay makatatanggap ng $12,500 scholarship.

Ayon kay Jordan, mahalaga sa kanyang ina ang pagtulong sa mga bata, pamilya at komunidad kaya makabuluhan para sa kanilang pamilya ang pag-aalay ng donasyon sa UNC.

Naglaro si Jordan para sa North Carolina Tar Heels mula 1981 hanggang 1984 at naging bahagi ng NCAA championship team noong 1982. Nakuha rin niya ang kanyang bachelor’s degree mula sa UNC noong 1986.

Meet and greet nina NBA Legends Kidd at Parker sa NBA House Showcase dinumog

by Elyssa Nichole @Sports News | August 31, 2026

Photo: NBA Philippines

Nakihalubilo sa court sina NBA legends Jason Kidd at Tony Parker kasama ang Filipino celebrities at personalities bilang parte ng inaugural NBA House Celebrity Showcase na ginanap sa SPACE, One Ayala sa Makati City noong Sabado ng hapon.

Isinagawa ang 5-on-5 exhibition game sa two-day NBA House Philippines na nagsimula noong Agosto 29 at nagtapos kahapon, nagkaroon ito ng mga basketball at fan activities.

Nagwagi ang team Parker laban sa koponan ni Kidd, 97-76 matapos ang apat na quarters na aksyon. “The love of basketball, as much as we love it, you could see the Filipinos love the game of basketball and can play the game at a very high level so we’re very excited to be here,” saad ni Kidd.

Nakasama ng dalawang NBA champions at Naismith Basketball Hall of Famers ay sina Trina Guytingco, Khalil Ramos, Margaux Nonato, RK Bagatsing at Ralph de Leon.

Kasama sa aktibidades ang basketball challenges, fan engagement zones, NBA memorabilia at merchandise displays at pati ang pagdalo rin ng NBA at WNBA legends.

Sumali rin si WNBA great at Naismith Basketball Hall of Famer Lauren Jackson sa meet-and-greet sessions sa mga fans, kasama sina Kidd at piling local artists.

Samantala, kahit maulan dumating pa rin ang mga Filipinos fans sa opening ng NBA House ng alas-10 ng umaga at at nanatili hanaggang magsimula ang celebrity exhibition game na minanduhan nina Kidd at Parker.

Lebron James, out sa 2028 Summer Olympics

by Info @Sports News | November 19, 2025

Photo File: Lebron James

Sinabi ni Los Angeles Lakers star Lebron James na manonood na lamang siya ng laro ng United States (US) sa paparating na 2028 Summer Olympics na gaganapin mismo sa Los Angeles.

“You already know my answer, I will be watching it,” ayon kay Lebron.

Nagsabi rin si Golden State Warriors star Stephen Curry na may posibilidad na samahan na lamang niya si Lebron sa panonood dahil 40-anyos na umano siya sa mga panahon na iyon at hindi na siya nag-e-expect na makasama sa kanyang ikalawang Olympics appearance.