Softdrinks daw ang gamit… PANDARAYA SA MERALCO NG MADIR, IBINUKING NI VICE

ni Mercy Lejarde @Showbiz Talkies | July 30, 2025

Photo: Vice Ganda - IG

Malakas na tawanan ang naging reaksiyon sa usapan ng OPM icon na si Marco Sison at ng multi-talented comedian-TV host na si Vice Ganda sa naganap na concert na Seasons of OPM noong July 25 sa The Theatre at Solaire.

Natanong ni Vice si Marco ng "Single ka pa ba ngayon, Sir Marco?"

Sinagot naman ni Marco ng, "Minsan double, minsan single."

Nagtanong ulit si Vice, na may halong pakiusap na, "‘Pag single ka, sabihan mo ako. Not for me, para sa nanay ko."

Kuwento pa ni Vice, "Ay, Diyos ko. Bet na bet ka ng nanay ko. Oo. Ay, Diyos ko! Mula nu’ng nag-Tawag ng Tanghalan ka na hurado, araw-araw nanonood ang nanay ko, ang saya-saya niya, hindi niya raw maiwasan talagang unti-unti, parang pumapasok ka raw sa sistema niya. Ikaw ang iniisip talaga.”

Saad ni Marco, "‘Yung ikinukuwento mo, ‘di ba ‘pag kumakanta ako sa TV, nahuhulog ‘yung half slip, ano?"

At mabilis na sinagot naman ni Vice ng,

"Yes, nalalaglag ang half slip ng nanay ko, tapos natutuyot ‘yung bulaklak du’n sa Soen niyang panty."

Dagdag pa ni Vice, "Promise ‘pag nakilala mo ‘yung nanay ko."

Tinanong naman ni Marco, "May  maintenance na rin nanay mo?"

Sinagot naman ni Vice, "Ay, may maintenance, oo. At saka ‘yung nanay ko, maano, ah, madami siyang nararamdaman pero mabilis din namang nawawala. Hindi kailangan ng gamot. Abutan mo lang ng pera, gumiginhawa na. ‘Yung nanay ko, malabo ang mata nu’n, ha, pero ‘pag binigyan mo ng pera,  ang linaw, nakakapagbilang."

Dagdag pa ni Vice, "Iba ‘yung nanay ko ‘pag nakilala mo. There's no one like my mom, promise.

"Ay, Diyos ko, iba ang kakayanan nu'n. Iba, talented po. Kung feeling ninyo, talented ako, mas extra ultra super talented ang nanay ko. Siya lang ang kilala kong babae sa buong Pilipinas na may kakayahang magpababa ng bayad ng Meralco sa pamamagitan ng softdrinks. ‘Yung kuntador, bago basahin, ‘di ba, may reading ‘yan? Pupuntahan niya ‘yung mga 15 days bago magbasa ng kuntador. Pinupuntahan niya ‘yung kuntador, tapos binubuhusan niya ng Coke. Lalanggamin ‘yun. ‘Pag nilanggam ‘yun, hindi gumagalaw ‘yun, ano, hindi na tatakbo.”

Nakiusap ulit si Vice kay Marco para sa kanyang mother dearest ng "Kaya ‘pag single ka, ‘pag malungkot ka, sabihin mo lang, sasabihan mo lang ako, ‘yung nanay ko, available. Hindi ka gagastos, may discount card siya sa Sogo."

Nagbigay din ng paalala si Vice kay Marco na, "Huwag masyadong mabilis ang mga pangyayari kasi baka mag-palpitate."

Kuwento rin ni Marco, "Hindi ho ako nahihirapang mag-imbita sa taong ito. Sabi ko sa kanya again, sinabi ko po ‘yun sa kanya, ‘Ah, Vice, kailangan ko ng tulong mo.’ Sabi niya, ‘I'm sorry, Sir Marco, taken na ho ako.’"

Sagot naman ni Vice, "Pasensiya na po talaga pero kung libre lang ako talaga, iko-consider kita. Oo siyempre masarap din magkaroon ng karelasyon na senior, eh. Totoo po ‘yun, hindi ako nagbibiro. Totoo po ‘yun, bago po si Ion, nagkaroon po ako ng boyfriend na senior citizen, 73 years old."

Sagot naman ni Marco na parang nagulat sa sinabi ni Vice, "Hindi nga?"

Sagot ni Vice, "Opo. Ay, maganda siya sa kalusugan. Masarap makipag-sex sa senior citizen. May mga health benefits sa pakikipag-sex sa senior citizen."

Hindi makapaniwala si Marco kaya ang nasabi na lang ay "Ohhh."

Umariba ulit ng sagot si Vice, at ang sabi ay, "Oo, inaraw-araw kong makipag-sex sa senior citizen. Guminhawa ang katawan ko, ang kalusugan ko gumanda, kasi may maintenance na siya, eh. So, ‘yung lumalabas sa kanya, talagang purung-puro. Oo, after 3 years, bumaba ang cholesterol ko, umayos ang blood pressure ko, yes, oo. Tapos ayos naman ang sugar ko. Kaya masarap magkaroon ng…." 

Ito na lang ang nasabi ni Marco, "Oh, ‘yan, ha? Narinig ninyo, alam n’yo na."

Sumagot naman si Vice ng, "Yes."

Umani ng saya sa mga manonood ang mga biro ni Vice, lalo na ang pagbubulgar niya na bet na bet ng nanay niya na si Madam Rosario Viceral ang OPM icon na si Marco Sison.

Ayan, si Vice ang naging tulay ng mother dearest niya para kay Marco.

Well, tinanong naman namin ang reaksiyon ng anak ni Marco Sison na si Marco Salvador.

Asked ni yours truly, "Ano ang masasabi mo sa bagong love team na Rosario at Marco?"

Saad ni Marco Salvador, "Aba, eh, nasa kanila naman po ‘yun. Kung magiging masaya ba si Papa, eh, di go lang po.”

Dagdag pa ni Marco Salvador, "At least, madaragdagan ang kapatid ko, magiging ate ko na si Vice, hahaha!"

Asked ulit ni yours truly, "Ano ang masasabi mo at magiging ate mo na si Unkabogable Star Vice Ganda?"

Saad ni Marco Salvador, "Hahaha! Wala pong problema, basta aalagaan nila ako bilang kapatid."

Dagdag pa ni Marco Salvador, "Ang tanda ko na, aalagaan pa, eh, hahaha!"

Asked ulit ni yours truly, "Ano ang nararamdaman mo tungkol sa sinabi ni Vice na bet na bet ng nanay niya ang tatay mo?"

Saad ni Marco Salvador, "Wala naman po, ayos lang naman. Baka crush lang naman ‘yun. Ibig sabihin, humahanga lang siya kay Papa. Ok lang po, nasa edad na naman sila, alam na nila ‘yun. Hahaha!"

Another tanong ni yours truly, "Ano ang masasabi mo na hanggang ngayon ay marami pa ring nagkakagusto sa Daddy Marco mo?"

Saad ni Marco Salvador, "Eh, si Papa naman kasi, talagang habulin, eh. Hahaha! Eh, tingnan mo naman po hitsura, parang mas matanda pa ako."

Nakakatuwa ang mga anak na tulad nina Vice Ganda at Marco Salvador na masayang pinag-uusapan ang love life ng mga magulang at idinadaan lang sa tawa ang mga kuwentong biro ni Vice. 

Pak na pak ka d’yan, Vice! 

‘Yun lang and I thank you.

Para maka-relate raw sa mahihirap… DJ CHACHA: BAHAY NG MATATAKAW NA PULITIKO, BAHAIN SANA

ni Mercy Lejarde @Showbiz Talkies | July 29, 2025

Photo: DJ Chacha - IG

Sa social media post ng radio host na si DJ Chacha kamakailan lang ay nagbahagi siya ng kanyang saloobin tungkol sa pagkakaiba ng kalagayan ng ordinaryong Pilipino at ng mga pinalad na pulitiko.

Aniya, "BATO-BATO SA LANGIT, TAMAAN MATAKAW

"Minsan, iniisip ko, sana itong matatakaw na pulitiko... maranasan rin ‘yung nararanasan ng mga ordinaryong Pilipino.

"Pasukin din sana ng baha ang mga bahay nila. Imposibleng mangyari dahil sa mga mamahaling subdivision nakatira. 

"Ma-stuck din sana ng anim na oras sa gitna ng traffic habang nagugutom. 

"Imposibleng mangyari dahil puwede silang hindi pumasok sa trabaho dahil hindi sila tulad ng karamihan sa atin na ‘no work, no pay.’

"‘Yung hindi ka makatulog nang maayos dahil kabado ka kung aabutin ng baha ang bahay mo o puno na ‘yung timba na sumasalo sa tulo sa bubong. 

"Imposibleng mangyari dahil magagara ang tahanan nila, de-aircon ang mga malalaking kwarto kaya siguradong sleep well sa malambot nilang kama. 

"Magsundo sa anak sa eskuwela sa gitna ng class suspension tapos mahirapang makauwi dahil walang masakyan. Imposibleng mangyari dahil may sariling driver ang mga anak na naka-enroll sa mamahaling eskuwelahan.

"Lahat ito random thoughts lang. Lahat imposibleng mangyari. Pero du’n pa rin ako sa kahit gaano kahirap ‘yung buhay, may Diyos naman na hindi natutulog. 

"Mas masarap pa rin na ‘yung pinapakain mo sa pamilya mo at mahal mo sa buhay, pinaghirapan... hindi ninakaw sa pera ng bayan. 

"Patuloy pa ring lalaban nang patas. Mangangarap na sana isang araw, ipanalo naman ni Lord ‘yung mga totoong mabubuti. ‘Yung mga taong araw-araw lumalaban nang patas sa buhay.”

Maraming netizens ang napahanga ni DJ Chacha sa kanyang random thoughts.

Nagpapasalamat pa rin si yours truly dahil may mga pulitiko na hindi matakaw at hindi pansarili lang ang gusto tulad na lang ng mga sumugod sa matinding bagyo na sina Sen. Bong Revilla, Sen. Robin Padilla, Sen. Jinggoy Estrada, Congressman Arjo Atayde, Congresswoman Lani Mercado, Congressman Jolo Revilla, Mayor Vico Sotto, at Governor Vilma Santos.

---

Kaya raw todo-payo sa anak… DINGDONG, AYAW MATULAD SI JAYDA SA KANILA NI JESSA

Nagpakatotoo si Dingdong Avanzado tungkol sa insecurities niya bilang ama at mga pangamba niya sa pagpasok ng anak na si Jayda sa showbiz sa latest episode ng Jeepney TV hostless talk show na Stars on Stars.

Sa nakakaantig na episode, inamin ni Dingdong na minsan ay naiisip niya kung pinahahalagahan ba ni Jayda ang mga sakripisyo na ginawa niya para sa anak.

Nabanggit niya rin na kahit kritikal pakinggan ang mga payo niya para kay Jayda ay nanggagaling ito sa lugar na puno ng pagmamahal.

“Minsan, hindi ko alam kung na-appreciate mo what I do for you… I don’t say those things to put you down—I say them because I want you to be better,” emosyonal na pahayag ni Dingdong.

Ibinahagi rin niya ang pagnanais nila ng asawang si Jessa Zaragoza na protektahan si Jayda mula sa magulong mundo ng showbiz.

“Ang industriyang ito ay industriya ng walang katapusang pagpapatunay ng sarili mo. You always have to outdo your last performance. We wanted to spare you from that,” saad niya.

Subalit tinanggap din nila ang kagustuhan ng anak na ipamalas ang talento sa musika at pag-arte. Sabi ni Dingdong, “‘Yan ang ibinigay sa ‘yo ng Panginoon. And who are we to stop you from using your gifts?”

Naging emosyonal din si Jayda sa usapan nila at sinabing isinasapuso at isip niya ang bawat payo ng kanyang mga magulang.

“I do appreciate it—lalo na ‘yung wisdom ninyo. I know it comes from a deep place, from the struggles you and mom went through. Ayaw n’yong maulit ko ‘yung mga pagkakamali n’yo,” sagot niya.

Tinanong din ni Jayda si Dingdong kung paano ito nagko-cope kapag nakikita niyang heartbroken siya. 

Sabi ng singer-actress, “Was there ever a point during my heartbreak where your heart broke too?”

“Every time your heart breaks, my heart breaks,” sagot ni Dingdong. “Hindi mo man sinasabi lahat, pero alam ko—because I know how you love.”

Hulugan na nabili ang alaga… HERLENE, NAMATAY ANG UNANG ASO, TODO-HAGULGOL SA IG

ni Mercy Lejarde @Showbiz Talkies | July 28, 2025

Photo: Herlene Budol - IG

Humagulgol ang aktres na si Herlene Budol dahil namayapa ang kanyang pinakamamahal na alagang aso na si Toti. Mapapanood ito sa Instagram (IG) post niya.

Ang simpleng caption ni Herlene sa post niya ay “Toti,” kalakip ang paws emoji.

Kuwento ni Herlene, “Si Toti ‘yung unang aso ko sa buong buhay ko na naituring kong akin, kase dati nakiki-aso lang ako. 

“Si Toti, hinulugan ko pa para mabayaran ko, college ako nu’n, wala pa ‘ko sa TV.

Naabutan n’ya rin ‘yung lola ko. Ngayon, sana magkasama na sila. Sobrang sakit pala mawalan ng unang aso, unang best friend, una kong naging fans.  

“Paalam, Toti. Mahal kita at mahal ka ng sampung mga kapatid mo.”

Dagdag pa niya, “Mahal na mahal kita, Toti. Hindi ko alam kung paano ang araw ko nang wala ka. Salamat sa saya at pagmamahal na ibinigay mo sa akin. Run free, my baby.” 

Maraming netizens ang nakiramay sa pagdadalamhati ni Herlene. Nakiramay din si Wilbert Tolentino, dating manager niya.

Saad ni Wilbert, “Rest in peace, Toti. Thank you for being a best friend to Herlene & bringing her and the rest of us happiness, loyalty, companionship & unconditional love for 5 or 6 years even if you have a health condition. 

“It was heartbreaking to say farewell knowing that you are no longer in pain & suffering. Run free, Toti (paw prints, dog, pleading face, praying hands emoji).”

Hindi rin nakalimot makiramay ang Kapuso actor na si Jak Roberto.

Saad ni Jak, “My condolences, Herlene. Run free, Toti.”

The most difficult thing about having a dog is goodbye. God bless you, Toti, run free.

---

Napaka-sweet and loving daughter ng singer at composer na si Marion Aunor.

Kamakailan lang ay nagbahagi si Marion ng larawan ng kanyang mother dearest na si Maribel Aunor na nagdiwang ng kaarawan noong July 25, 2025. 

Aniya, “Happy birthday, Momo! (cake, party face, hugging face & balloon emojis).

“Incredibly proud and grateful to have you as our mom (white heart emoji). Thank you for your guidance, support, and love (smiling face with hearts emoji).

“Praying that you get everything your heart desires on your special day and this year to come. More blessings and adventures ahead (raising hands emoji).

“We’ll always just be here for you (smiling face with hearts emoji). Love you, Momo! — Marion Aunor.”

Napakasuwerte ni Maribel Aunor at nabiyayaan siya ng mga anak tulad nina Marion at Ashley na nagmamahal sa kanya. 

Happy birthday, Maribel!

---

WALA talagang makakapigil sa mag-inang multi-awarded actress na si Sylvia Sanchez at sa number one congressman ng District One ng Quezon City na si Cong. Arjo Atayde sa pagtulong sa mga nasalanta ng bagyo kamakailan lang.

Sumugod sa malakas na ulan at baha ang mag-ina para mamahagi ng biglaang pangangailangan ng mga tao.

Sa pamumuno ni Cong. Arjo, kasama ang kanyang ina na si Sylvia, naisakatuparan ang relief operation para sa mga pamilyang labis na naapektuhan ng malawakang pagbaha dulot ng habagat sa Brgy. Paraiso.

Naghatid si Cong. Arjo ng gamit sa pagtulog gaya ng unan, kumot, at banig, kasabay ng mainit na lugaw, sopas, tinapay, at biskuwit, mga simpleng bagay na nagsilbing kaagapay sa ginaw at gutom ng mga nasalanta.

Ang pagtugon sa pangangailangan ng distrito ay hindi natatapos sa isang operasyon lamang. Patuloy ang malasakit at serbisyo ni Cong. Arjo para sa bawat ka-distrito.

Totoo talaga ang ‘Aksyon agad, serbisyong may puso — District One Cares’ ni Congressman Arjo Atayde.

Kuwento pa ng kaibigan ni yours truly, na kahit daw binaha sila ay napapangiti pa rin sila dahil nakita nila ang idol nilang si Sylvia Sanchez. 

Dagdag pa sa kuwento na masarap daw ang lugaw, sopas at tinapay na ibinahagi ng mag-ina. Ramdam daw nila ang malasakit ni Cong. Arjo Atayde at ng mother dearest nito. At nagpahatid din sila ng pasasalamat sa ginawa ng mag-ina.

‘Yun lang and I thank you.