Hirit niyang itago ang CCTV sa Senado, nabulgar… SEN. JINGGOY, SINISI ANG MEDIA, TINAWAG NA IRESPONSABLE AT BINABALUKTOT ANG KATOTOHANAN

ni Mercy Lejarde @Talkies | May 17, 2026

Photo: Sen. Jinggoy Estrada - FB

“Itago n’yo ‘yung CCTV,” ang naging pahayag ni Sen. Jinggoy Estrada matapos ang pamamaril sa Senado noong Mayo 13, 2026, na agad nag-viral sa social media.

Kasunod nito ay nagpahayag si Sen. Jinggoy ng kanyang saloobin upang linawin ang tunay na konteksto ng kanyang sinabi.

Nilinaw ni Sen. Jinggoy na ang ibig niyang sabihin ay itago o i-secure ang CCTV (Closed-Circuit Television) footage upang magsilbing mahalagang ebidensiya sa insidente ng pamamaril, at hindi para itago ito nang walang dahilan.

Saad ni Sen. Jinggoy, “Kung pagbabasehan ang real-time footage na kuha matapos ang shooting incident, malinaw na ang aking sinabi ay pagsang-ayon sa naging usapan na i-secure at pangalagaan ang CCTV footage na maaaring magsilbing mahalagang ebidensiya sa insidente ng pamamaril.

“Sa gitna ng kaguluhan, agarang ipinag-utos ni Senate President (SP) Alan Peter Cayetano ang pag-secure ng CCTV footage, habang maririnig din sa video ang pagtatanong ni Sen. Loren Legarda kung nahagip ng CCTV ang pangyayari. Ang konteksto ng usapan ay malinaw, direkta, at walang anumang bahid ng ibang kahulugan.

“Nakakalungkot na may ilang media outlets at online platforms na sadyang binaluktot ang aking pahayag upang lagyan ‘to ng malisya at maghasik ng maling interpretasyon sa publiko. Mariin kong kinokondena ang ganitong uri ng iresponsableng pamamahayag at tahasang pagbaluktot sa katotohanan para lamang makalikha ng intriga, ‘clicks’, at pansamantalang ingay sa social media.”

Samantala, sa isang bahagi ng post ni Sen. Jinggoy ay nanawagan siya sa lahat ng miyembro ng media na maging patas sa pamamahayag.

Saad ni Sen. Jinggoy, “I call on all members of the media to uphold the highest standards of fairness, accuracy, and professionalism. Journalism carries with it the solemn responsibility of presenting facts truthfully and in proper context. Hindi dapat gawing negosyo ang paninira, at lalong hindi dapat gawing libangan ang pagpapakalat ng maling impormasyon.”

So, ‘yun na!

---

SUNUD-SUNOD na makapigil-hiningang performances ang mapapanood sa engrandeng pagbubukas ng ASAP XP sa pangunguna ng global pop group na BINI at rock legend na si Bamboo ngayong Linggo (Mayo 17) sa panibago nitong timeslot na 5:30 PM sa ABS-CBN sa ALLTV2, A2Z, Kapamilya Channel, at iWant.

Isang engrandeng homecoming ang handog ng ASAP sa BINI sa kanilang kauna-unahang performance matapos ang kanilang Coachella stint. Makakasama ng BINI sa pangmalakasang opening number sina Martin Nievera, Gary Valenciano, Regine Velasquez-Alcasid, Zsa Zsa Padilla, Erik Santos, Angeline Quinto, Robi Domingo, Darren Espanto, Maymay Entrata, Kyle Echarri, Alexa Ilacad, Kai Montinola, Carmelle Collado, AC Bonifacio, Sofronio Vasquez, Jona, Klarisse De Guzman, Jason Dy, JM Dela Cerna, Marielle Montellano, Jeremy Glinoga, Khimo Gumatay, pati na ang MNRVS Ignite, Legit Status, at G-Force. 

Abangan din sa pasabog na opening number ang bagong theme song ng ASAP XP.

Malupit na energy ang mararamdaman ng manonood sa libreng mini-concert ni Bamboo kasama ang SPI.

Tuluy-tuloy ang selebrasyon sa pasabog na biritan ng new gen divas na sina Alexa, Kai, Esang de Torres, Carmelle, at Elha Nympha kasama ang power diva na si Angeline.

Samahan ang ASAP OG (original) na si Zsa Zsa na ipagdiwang ang kanyang kaarawan sa isang pangmalakasang birthday number kasama sina Alexa, Kai, Esang, Elha, at Carmelle.

Damhin naman ang kilig at kasiyahan sa party na dala ng Kapamilya love teams na sina Kai at Kyle, JM Ibarra at Fyang Smith, Alexa at Gelo Rivera, at Francine Diaz at Seth Fedelin.

Walang bibitaw dahil punumpuno rin ng kasiyahan ang kantahan nina Regine, Marko Rudio, JM Yosures, Khimo, at Reiven Umali. 

Magsisilbing hosts ngayong Linggo sina Martin, Robi, Darren, Kyle, at Alexa.

‘Yun lang, and I thank you.

BF, gustong private lang sila… SANYA, AYAW NA LAGING SUOT ANG 3-CARAT DIAMOND RING

ni Mercy Lejarde @Talkies | May 16, 2026

Photo: IG _sanyalopez.

“Sana all, may promise ring,” ang sey ng TV host-komedyanteng si Chariz Solomon sa GMA YouLOL podcast na Your Honor (YH) nang mag-guest ang aktres na si Sanya Lopez kamakailan.

Sa panayam ay napag-usapan ang tungkol sa three-carat diamond ring na ibinigay ng non-showbiz boyfriend ni Sanya bilang promise ring.

Tanong ng host na si Buboy Villar, “Suot n’ya kaya ang promise ring?”

Sey ni Sanya, “Hindi. Promise, hindi. ‘Di ko s’ya laging suot. Natatakot din ako.”

Hirit na tanong ni Chariz Solomon, “Baka mawala?”

Sey ni Sanya, “Oo, kasi minsan ako ‘yung parang kunwari, maghuhugas ng kamay, tapos mailagay ko lang d’yan, tapos nakakalimutan ko o baka makalimutan ko.”

Dagdag na tanong ni Buboy, “Mamahalin ba ‘yung promise ring? Totoo bang bato ‘to?”

Sey ni Sanya, “Bato naman.”

Tanong ni Buboy, “Bukod sa promise ring, ano ‘yung promise words n’ya?”

Sey ni Sanya, “Siguro, promise na nandito s’ya palagi for me.

“S’yempre, ‘di ba, masarap din naman sa pakiramdam na ‘pag binigyan ka, kahit ‘di s’ya ring talaga o kahit ano pang klaseng regalo ng isang tao sa ‘yo, masarap din sa pakiramdam na meron.

“Sapat na ‘yung sinabi n’ya na promise, iingatan ka at lagi s’yang nand’yan sa ‘yo.”

Hirit na tanong ni Chariz, “Ilang carats?”

Sey ni Sanya, “Three. Mga three daw.”

Tanong ni Chariz, “‘Di mo s’ya ipinapakilala sa public? ‘Di mo s’ya ipino-post?”

Sey ni Sanya, “Kasi siguro, number one is, ‘di naman kasi s’ya showbiz. So, ‘di s’ya sanay sa ganitong sistema ng kung ano’ng meron tayo now.

“So, ngayon, parang iniingatan ko na lang din. Sa buhay kasi natin, medyo magulo, eh. Public figure tayo, so ‘di natin sila puwedeng pagbawalan sa kung ano ang gusto nilang sabihin sa atin. Sa kanya, hangga’t kaya nating i-control, ‘di naman. May karapatan din naman tayo, it’s our choice kung ipapakilala ba natin or hindi. So, mas pinili ko na ‘wag na lang.

“It’s a mutual decision. Napag-usapan na naman one time, what if, makita na lalabas kami? Okey lang naman na makita kami ng iba. Pero ‘yung ipapakilala ko s’ya, hindi na. Mas gusto ko rin ‘yung tahimik. Iba rin ‘yung life ‘pag walang sobrang nakikialam.”

Dagdag na tanong ni Chariz, “Ano’ng pakiramdam na parang papunta ka na ru’n sa ‘di ka na NBSB? (No Boyfriend Since Birth)”

Sey ni Sanya, “S’yempre, happy ako na lagi akong may thinking na kung sino ‘yung first boyfriend, sana, I pray to God na s’ya na ‘yung maging husband ko, kasi I treasure, eh. Kung ano ‘yung nasimulan, ‘yun na sana.”

Wow, at least, hindi na member ng NBSB si Sanya Lopez. Isang malaking congratulations!

---

PATOK ang bagong dance craze ng Baby Dolls matapos umarangkada ang kanilang latest single na Ikembot Mo sa ika-16 puwesto sa Spotify Philippines Viral Songs Chart.

Trending din ang dance challenge ng Ikembot Mo sa TikTok (TT) na may mahigit 1 million entries sa platform. 

Tuluy-tuloy din ang paghataw nito sa Spotify na may 311,000 streams, habang nakapasok din ito sa ika-40 puwesto sa Instagram (IG) Music, kung saan mahigit 16,000 reels na ang gumamit ng awitin. 

Dahil sa viral success ng awitin, umakyat ang grupo sa 122,000 monthly listeners sa Spotify.

Binubuo ang Baby Dolls nina Arianne Dela Cruz, Chole Florendo, Johaira Moris, Juby Sabino, Jelai Ahamil, Eriel Reyes, at Ina Ortega, na unang nakilala bilang contestants ng Sexy Babe at Girl on Fire sa It’s Showtime (IS).

Kamakailan, pinaindak nila ang libu-libong mga fans sa Aurora Music Festival kung saan umani sila ng papuri sa kanilang high-energy at feel-good performance. 

Patuloy din silang nakikisaya sa Zumba tours na bumisita sa Quezon City, Valenzuela, at Rizal.

Kabilang ang Ikembot Mo sa debut EP (extended play) na Zoom Baby Dolls, na mayroong 364,000 all-time streams sa Spotify.

---

NAGBABALIK-RECORDING ang singer-actor na si Iñigo Pascual sa pamamagitan ng Ikaw at Ikaw, na nagsisilbi ring comeback project niya sa Star Music.

“It feels like I’m coming back to my home. I can easily say that Star Music, they were the people that really saw the potential in me from the very beginning and they allowed me to create music, to even discover that I can be a composer. Sa kanila talaga nanggaling ang confidence ko when it comes to music,” sabi ni Iñigo.

Isinulat niya ang Ikaw at Ikaw na tungkol sa pagbabalik sa tahanan na hindi naman talaga naglaho sa loob ng mga nagdaang taon. Kumuha rin ito ng inspirasyon sa pagbabalik niya sa Pilipinas matapos magpabalik-balik sa bansa at sa Amerika para sa kanyang international career. Inareglo at ipinrodyus ito ni Gabriel Tagadtad.

Aniya, “I wanted to go back to my roots, I wanted to go back to how I started as a musician.”

Nagbahagi si Jonathan Manalo, ABS-CBN Music creatives, content, and operations head, ng kanilang excitement sa pagbabalik ni Iñigo.

Ani Jonathan, “Iñigo will always be family. ‘Di naman talaga s’ya umalis sa amin. His songs, his music stayed with us. S’yempre, ‘pag narinig n’yo ang Dahil Sa ‘Yo, it will always be the signature of Iñigo released under Star Music, and right now it’s like a full circle moment, at alam ko, he will keep releasing songs under his home label.”

Magiging bahagi ang Ikaw at Ikaw ng kanyang upcoming album na nakatakdang ilunsad ngayong taon at magtatampok ng ilang orihinal niyang komposisyon. Nakatakda ring ilabas ang music video nito na kinuhanan sa Batangas.

Si Iñigo rin ang nasa likod ng hit songs na Balang Araw, Catching Feelings, Mr. Nice Guy, atbp. at siya ang boses sa likod ng official Philippine version ng Coco movie soundtrack na Remember Me. 

Naglabas din siya ng international album na tinawag na Options sa ilalim ng Tarsier Records bago sumabak sa pag-arte abroad para sa Hollywood series na Monarch.

Napapakinggan na ang Ikaw at Ikaw ni Iñigo Pascual sa iba’t ibang mga music streaming platforms.

‘Yun lang, and I thank you.

10 yrs. nagsama, walang forever… AI AI, INAKALANG MAGIGING CAREGIVER SI GERALD, INIWAN DIN PALA

ni Mercy Lejarde @Talkies | May 15, 2026

Photo: FB Ai Ai delas Alas

Blooming ang Comedy Queen na si Ai Ai delas Alas nang mag-guest siya sa YouTube (YT) channel ni Toni Gonzaga na Toni Talks kamakailan lang.

Sa panayam ay napag-usapan ang tungkol sa mga natutunan ni Ai Ai tungkol sa mga dati nitong karelasyon.

Sey niya, “Usually, ang babaeng nahihiwalay sa asawa o syota, gumaganda, nagbu-bloom.”

Tanong ni Toni, “Kaya siguro gumaganda ang isang babaeng nahiwalay kasi ‘pag nasimulan na ng isang babae na mahalin ‘yung sarili n’ya?”

Sey ni Ai Ai, “‘Yan, totoo ‘yan. ‘Yung super-mahal mo ‘yung self mo. Tapos kunwari, darating ‘yung time na gusto mong humarot, tapos, alam mo na, ‘Ah, red flag ‘to, mahe-hurt ako.’ Wala na agad kasi mas pinipili mo, I love myself so much.”

Tanong ni Toni, “Sa three heartbreaks mo sa pag-ibig, ano ‘yung isang bagay na ‘pag babalikan mo, natutunan mo ru’n sa tatlong marriages na ‘yun?”

Sey ni Ai Ai, “‘Yung first, ‘yung impulsive. ‘Yung second kasi… at saka ano ako, eh, ‘di ba, siraulo nga ko? ‘Pag pinipigilan ako, lalo kong ginagawa.

“‘Pag sinasabi ng mga friends ko, ‘pag sinasabi ng nanay ko, lalo na ang nanay ko kasi, parang ano kasi s’ya, eh, mahigpit s’ya.

“‘Yung auntie ko na nag-adopt sa akin na ‘pag ayaw n’ya, ‘yun ang gusto ko. Alam mo ‘yung ganu’n? Nagrerebelde ako. So, ‘yan ang napapala ko ngayon.”

Dagdag na tanong ni Toni, “‘Yun ‘yung sa first?”

Sey ni Ai Ai, “Oo. ‘Yun ‘yung first and second, ganu’n pareho.”

Sey pa ni Ai Ai, “Yes. At totoo ‘yun, mothers know best. Ang nanay mo, ‘pag sinabing kung ano ‘yung nararamdaman n’ya, totoo ‘yun. Dapat sundin natin ‘yun. Totoo ‘yun. Tama pala ang nanay ko kasi ‘di ako sumusunod.”

Dagdag na tanong ni Toni, “Pero du’n sa pangatlo (Gerald Sibayan) na nag-risk ka?”

Sagot ni Ai Ai, “Ah, gusto naman n’ya ‘yan. Gusto n’ya ‘yan. Kaya parang ako naman, ah, parang okay sa nanay ko kaya okay ako.”

Tanong ni Toni, “Pero ano ‘yung pinakamasakit du’n sa last para sa ‘yo?”

Sey ni Ai Ai, “‘Yung idea na may forever. S’yempre, and ‘yung promise n’ya na parang ‘di naman n’ya ako iiwanan, ganyan. ‘Yun ‘yung parang naniwala ako sa promises, ‘yun ‘yung masakit. Pero okay lang, ganu’n talaga ‘yung buhay. So, ina-accept ko na lang kasi wala naman akong choice.”

Hirit na tanong ni Toni, “Paano ‘yung moving on at saka ‘yung healing?”

Sey ni Ai Ai, “Ay, ‘yung healing. Mahirap ‘yung healing. Siguro, mga three months akong tulala and not questioning the Lord pero parang sinasabi ko lang sa Kanya, ‘Tulungan Mo ‘ko to move on. And ano’ng gagawin ko?’

“Kasi ‘yun ang mahirap ‘pag matagal kayong nagsama. ‘Yung ano ba ‘yung mga fears mo? Una, ‘yung fear of the unknown. Saan pupunta? Du’n ako unang nangarag, ano’ng gagawin ko after nito? And then ‘yun nga, ‘yung growing old.

“Sabi mo nga na idea na growing old together, ganyan. Alam ko naman na mas old ako sa kanya pero at least may makakasama ako, may kausap ako, ganyan.

“Meron akong caregiver, char! Caregiver na pogi. And ‘yun ‘yung mga nalungkot ako sa part na ‘yun at nahirapan na mag-move on kasi nga 10 years din na kasama mo physically. Mahirap ‘yun na may katabi ka for 10 years din, tapos isang araw, parang may hangin dito, wala ka nang katabi, ‘di ba?

“Pero ako, bumangon kasi ako agad after nu’ng mga natulala moments. Three months, ika-fourth month, nag-zumba na ako.

“Gagawa ka ng paraan. Wala kang choice, eh. Parang sinasabi ko sa sarili ko, ‘Martina, parang t*nga. Bumangon ka.’ Eh, ganyan talaga ang buhay. Pumili ka ng bata, eh, ganu’n talaga. So, bumangon talaga ako. Sabi ko, ‘Mag-zumba. Kung ayaw mong mag-zumba, mag-gym ka.’”

Well, good job, Ai Ai delas Alas. At least, mas seksi at maganda ka ngayon. ‘Di ba naman, madlang people?

---

“CALL me Lola or Grandma, it’s okay,” pahayag ng beauty queen-actress na si Lara Quigaman sa kanyang social media post nang ibinahagi ang kanyang larawan na may white hair na.

Saad ni Lara, “Ilang taon ko itinago, tiniis, tinakpan… and I’m done. Pagod na ako, ayoko na.

“The first time I saw a white hair on my head, I was 12 years old. Since my early thirties, I have been dyeing my hair almost every two weeks just to cover the whites we got from our papa.

“You see, my papa already had almost fully white hair in his 30s. My brothers, my sister, and I all have a head full of whites and greys.

“I’m finally letting go of ‘perfection’ and embracing my God-given white hair that comes not just with age, but with genetics too.

“So, call me Lola or Grandma, it’s okay… I’m going to try and rock this white hair.

“I know it’s not going to be easy because sometimes I look in the mirror and just want to cover it all up again. That’s why I’m posting this now… to give myself courage…

“Will you help me? Maybe even join me on this journey?”

Well, in fairness, hindi maitatago ang magandang mukha ni Miss International 2005 Lara Quigaman kahit may white hair pa siya.