ni Mercy Lejarde @Showbiz Talkies | May 19, 2025
Photo: Luis Manzano
Malungkot naman si yours truly kasi hindi nanalo as vice-governor ng Batangas ang magaling na TV host na si Luis Manzano.
May ilang mga netizens ang nag-comment na kasi raw, hindi Recto ang family name ni Luis, because ang mga Recto raw ay kilala na taga-Batangas sa pangunguna nga ni Sen. Ralph Recto kaya win ang dyunak nila ni Vilma Santos-Recto na si Ryan as congressman at bilang Recto na rin si Vilma, wowowin talaga siya ever since na um-enter siya sa pulitika.
‘Niwey, better luck next time, Luis Manzano. Kani-kanyang kapalaran ang bawat nilalang, ‘ika nga. Balik ka na lang sa pagho-host uli sa Kapamilya Network, oki doki?
Hindi teki si yours truly kaya hindi ko maintindihan kung bakit laging lumalabas ang picture ni Superstar Nora Aunor sa FB Messenger ko na kasama ang mga naka-online na FB friends.
Noong buhay pa siya ay madalas ang aming chat sa FB Messenger at alam niya, mahal ko si John Rendez at ang kanyang mga dyunakis.
Pero minsan ay tinanong niya ang inyong yours truly ng ganito… “Ate Mercy, mahal mo pa ba si Vilma (Santos)?”
“Lahat ng minahal ko ay hindi na mawawala ang pagmamahal na ‘yun, pero mas ikaw ang mahal ko ngayon kasi ikaw ang lagi kong nakakausap kahit bihira na tayong magkita sa ngayon,” ang naging kasagutan ni yours truly kay Guy.
But yours truly ay talagang lucky enough because I have the best of both world, as in pareho kong naging close-cum kapamilya na ang isang Star for All Seasons at ang Superstar-cum National Artist, boom!
Bongga, ‘di ba naman, mga Marites at tribu ni Mosang?
Ahhh, those were the days, my friends... as in may beginning, may ending, and the rest is now a memory. ‘Yun na!
‘NIWEY, heard na dismayado raw si Willie Revillame na hindi pinalad na manalo as senador nito lang nakaraang 2025 elections last May 12.
Ayon daw kay Kuya Wil, marami siyang kinailangang isakripisyo, isa na nga ang kanyang daily show na nakalutang daw sa hangin kung ibabalik ang kanyang Wil to Win (WTW) sa TV5.
What do you think, madlang pipol na mahilig sa jacket? Think and THINK BIG!
SI Sam Versoza a.k.a Dear SV naman na sweetheart in real life ni Kapuso actress Rhian Ramos ay hindi rin pinalad na manalong Manila mayor kahit super-laki ng nagastos nito sa 2025 elections.
Si Yorme Isko Moreno pa rin ang ibinoto ng mga Manileño.
Ilang oras matapos ang botohan ay nag-post sa kanyang Facebook (FB) account si Dear SV ni Rhian at here it goes...
“Mga mahal kong Manileño,” simula ni Sam who was man enough to concede to Isko. “Sa lahat ng ginawa ko sa buhay, ito ang pinakamakabuluhan, pinakamarangal, at pinakatapat kong nagawa. Ang ibigay ang lahat ng meron ako para sa mga taong higit na nangangailangan. Hindi ko ito ginawa ng may iniisip na kapalit, kundi dahil sa pagmamahal ko sa tao.
“Gusto kong ipaalam sa inyo kung gaano ako nagpapasalamat sa bawat ngiti, bawat yakap, at bawat pagkakataong nakasama ko kayo.
“Kung may isang bagay man akong babaunin habang buhay, ito ang alaala ng pagmamalasakit ko sa inyo, ng mga panahong kahit pagod at may lagnat, ay mas pinili kong lumaban para sa kabutihan ninyo.
“Ang kampanya kong ito ay hindi lang tungkol sa pulitika. Ito ay naging isang paglalakbay ng puso, isang panata na hindi kailanman mabubura ng panahon.
“Mami-miss ko kayo. At kahit anong mangyari, nandito pa rin ako… dalangin ko ay patuloy kayong pagpalain ng Diyos. Hindi ito paalam, ito ay isang panibagong simula para sa ating lahat.
“Maraming salamat, Maynila. Mahal ko kayo. – SV.”
Bigo mang makamit ang inasam na puwesto, nagpasalamat si SV sa “mga naniwala, sumuporta at nakipaglaban sa pagbabago.”
Batid din daw ng negosyante ang pagmamahal na iniukol sa kanya ng mga taga-Maynila sa kanilang kaway, yakap, halik at tapik sa kanyang balikat.
Hindi raw ngayon at natalo siya’y nagtapos na rin ang kanyang adbokasiya.
Sa bandang huli’y kinongratyuleyt niya si Isko, sabay umaasa sa tapat at mapagkawanggawang liderato nito.
Very well said, Dear SV a.k.a. Sam Versoza. Like Lucky Manzano, Willie Revillame atbp... better luck next time.
