Nagka-second life dahil sa ex-pres… SEN. ROBIN: DIGONG, ‘DI KO SINASAMBA, MAY UTANG NA LOOB LANG AKO

ni Mercy Lejarde @Showbiz Talkies | May 26, 2025

Photo: Robin Padilla - FB

Nag-viral sa social media ang video ni Senador Robin Padilla habang naglalakad sa The Hague Netherlands at buhat-buhat ang cardboard standee ni dating Pangulong Rodrigo Duterte.

Nagpaliwanag si Senator Robin na hindi niya sinasamba ang standee, bagkus ay pinapahalagahan niya lang ang dating Pangulong Duterte.

Ito ang kanyang mga sinabi sa kanyang social media: “Bismillah. Ang lahat ng pagpupuri ay sa Allah lamang, ang Panginoon ng lahat ng mga daigdig.

“Ang tanging hukom at hari sa araw ng paghuhukom, ang Allah lamang ang aking sinasamba at sa kanya lamang ako humihingi ng tulong. Amen.

“Ang taong bitbit ko ay pangalawa sa Allah sa aking pinasasalamatan.

“Si Tatay Digong ang nagbigay sa akin ng absolute pardon, bagong panganak sa usapin ng pagkakasala sa batas ng Pilipinas, kaya pangalawang buhay para sa isang triple XXX ex-badboy, ex-rebelde at ex-convict, ang pangalawang pagkakataon para magpakabait at magpaka-goodboy ay liwanag sa dilim, sapagkat ang pangalawang pagkakataon ay pag-asa para sa adhikaing Katipunan.

“Ang madinig at mangyari sa 4 na sulok ng bulwagan ng Senado, isang panaginip at pangarap na naging katotohanan. Nailabas ko ang karamihan sa niloloob ng mapayapang rebolusyon sa mga pampublikong pagdinig at sa plenaryo ay napakalaki ng tagumpay kahit hindi nabigyan ng pagkakataon sa plenaryo ang committee report ng constitutional reform ay okey pa rin, katanggap-tanggap pa rin sapagkat nasa talaan na ito ng Senado at may ilan pa rin ang nakapakinig sa mga pampublikong pagdinig na aking isinagawa. “Napakalaking bagay na ‘yun sa pakikibaka. Alhamdulillah ang lahat ng ‘yun ay nagawa ko sa Senado, sa pinakamataas na kapulungan. Allahu Akbar!

“Sa pagpapala ng Allah! Ang taong ito ang nagbigay sa akin ng utos na mag-senador at ginawa niya akong senador sa pahintulot ng taongbayan.

Hindi pagsamba sa kanya bilang poon ang ginagawa kundi pasasalamat sa pagbuhat sa aking pagkatao nong ako ang nasa ilalim sa gulong ng buhay.

“Kaya’t ang pagbuhat ko sa larawan o ang pagpapakuha ko sa mga larawan ni Tatay Digong ay tanda ng hindi paglimot sa taong ginamit ng Allah para ako’y maging bagong tao.

“In shaa Allah ay ‘wag tayong makalimot sa ating katangian na may pagpapasalamat, paggalang at may pagtanaw ng utang na loob dahil ito ay pagiging Tunay na Pilipino. Allahu Akbar. Allahu Akbar. Allahu Akbar,” pagtatapos ni Senator Robin Padilla.

---

Uy, heard na may inaasinta na raw na girlalu ang dyunak ni Kris Aquino na si Bimby. Ang name daw ng girlalu ay Cassandra Ynares na teenage daughter ng mag-asawang Jun at Andrea Ynares at pamangkin ni Sen. Bong Revilla, Jr..

Ang tanong tuloy ng ilang Marites at tribu ni Mosang ay si Cassandra na ba ang isa sa tatlong girls who Kris Aquino would like her son Bimby to be his girlfriend?

Heto naman ang paglilinaw ni Cassandra, “Don’t believe what you see online. Bimby and I are just close friends.”

Ang friendship daw ng dalawa ay nagsimula noong panahon ng COVID-19 pandemic.

Mula noon hanggang ngayon ay na-maintain daw nila ang kanilang closeness.

“It’s always nice to have him around,” sey pa ni Cassandra.

Sa edad daw niya ay talagang no-no pa ang magkaroon ng boyfriend.

Pati nga raw ang pagpasok niya sa showbiz ay may kondisyon siya, as in… ‘studies first.’

Oh, sey mo, Bimby? Studies first daw muna, sey ni Cassandra, okidoki?

Pero kung gusto mong magka-girlfriend na, Bimby, go ahead, basta pasado ‘yung girlash sa Mommy Dearest Kris Aquino mo.

Pak, ‘yun na!

John, naki-happy-happy sa mga Noranians… LOTLOT AT MGA UTOL, NO SHOW SA B-DAY CELEBRATION PARA KAY NORA SA EASTWOOD

ni Mercy Lejarde @Showbiz Talkies | May 23, 2025

Photo: Lotlot de Leon - IG

Bonggang celebration ang ginawa ng mga Ka-Nora sa ika-72 kaarawan ni Superstar-cum National Artist Nora Aunor nito lang May 21, 2025 sa Eastwood Walk of Fame na inabot hanggang gabi.

Ito ang mga naging kaganapan sa kaarawan ng Superstar. Nag-umpisa sa Yanig Tribe Drumbeaters, opening prayer, flower offering and candle lighting, na sinundan ng pagkanta ng mga songs ni Ate Guy.

May photo op din with Ate Guy’s fave big photo by Romy Vitug for her film Atsay courtesy of brother Henry Galang.

May salu-salo na naganap na tinawag nilang picnic time, at may mga pa-giveaways pa tulad ng Pan De Nora, sorbetero ice cream, at siyempre, may pa-raffle games din.

At exactly 5:30 PM ay nagkaroon din ng rosary at St. John Parish Eastwood. At 6:00 to 7:00 PM naman ay nagdaos ng misa sa St. John Parish Eastwood. Around 7:15 to 8:30 PM, may fellowship, dinner at program.

Nagkaroon ng mga special guest performers at group presentation. Nag-dinner sila nang sama-sama, nag-cake blowing at nagkantahan ng Happy Birthday kay Ate Guy.

Ang birthday celebration ni Superstar Nora Aunor ay dinaluhan ng napakaraming nagmahal na Noranians sa kanya.

Dumating din sa Eastwood si John Rendez at nakipagkumustahan sa mga nagmamahal sa Superstar. Hindi rin nakalimutang pasalamatan ni John ang mga nag-asikaso sa birthday celebration ni Guy.

Ani John Rendez, “Thank you po kay Sir Gabs Garcia and Sis Marie Cusi for organizing the Nora Aunor birthday tribute at Eastwood City today.

“And thank you to all the Noranians that showed up to show their love to our National Artist and Superstar,” pagtatapos ni John Rendez.

Samantala, ang Eastwood Walk of Fame Star ay open for public.

Natanong naman ni yours truly kung sino ang dumating na anak ni Guy sa Eastwood. 

Ang sagot ni Jen Donna Pergis Moreno ay... “Wala pong mga anak.”

Hindi man nakarating si Lotlot De Leon sa Eastwood ay binati niya naman sa social media ang kanyang ina at ito ang kanyang sinabi: “Happy birthday in heaven, Mommy! I will always love you.”

Nag-post din sa social media si Lotlot tungkol sa dinaluhan niyang event para sa kanyang ina at ito ang kanyang sinabi: “Kailan lang ay ginanap ang Pamanang Pelikula: Celebrating The Life and Works of Nora Aunor sa Metropolitan Theatre.

Featuring the films of mom: Atsay, Tatlong Taong Walang Diyos and the newly restored film ‘Merika.

“Taos-puso pong pasasalamat sa lahat ng mga organization na nagtulung-tulong upang muling mapanood ang mga pelikula ni Mommy.

“To FDCP, NCCA, mga Hiyas ng Sineng Filipino, Metropolitan Theater, Sagip Pelikula, Philippine Film Archive, and Solar Pictures.

“No words can express how truly grateful we are, kami ng mga kapatid ko.

“Salamat sa lahat ng dumalo, sumuporta, at nanood ngayong araw na ito. Salamat sa lahat sa patuloy na pagmamahal kay Mommy at sa aming pamilya.

“Mabuhay ang Pelikulang Pilipino. Mabuhay ang Sining ni Nora Aunor.”

Nasabi rin ni Lotlot sa naturang event, “Ang sining ng aming ina, kahit kailan ay ‘di maglalaho.

“Maraming salamat sa tiwala at pagmamahal na hanggang ngayon ay ibinigay n’yo pa rin sa aming ina.”

---

PAINIT na nang painit ang labanan sa ika-pitong season ng Pilipinas Got Talent (PGT) ngayong pinangalanan na ang Top 24 semi-finalists na magtatagisan sa live semi-finals simula ngayong Sabado (Mayo 26) at Linggo (Mayo 27).

Mula sa 73 acts na nabigyan ng ‘yes’ ng judges, 24 acts ang nakalusot papuntang next round, kabilang ang limang Golden Buzzers at 19 na acts na pinili ng mga judges na sina Freddie “FMG” Garcia, Kathryn Bernardo, Eugene Domingo, at Donny Pangilinan sa naganap na Judges’ Cull noong Linggo (Mayo 18).

Noong Sabado (Mayo 17), nakilala na rin ng manonood ang Golden Buzzer ni Donny ngayong season na si Esay Belanio. Napabilib nga ng 19-anyos na rockstar si Donny sa kanyang magaling na pag-angkin ng stage at magandang performance.

Makakasama ni Esay sa live semis ang kapwa Golden Buzzers na sina Jasmine Flores, FM Lightrix, JB Bangcaya, at Femme MNL.

Ang 19 acts naman na matutunghayan ng mga viewers simula ngayong weekend ay sina Brayt Box Duo, Roxbrix, Cardong Trumpo, Chikletz Family, Olayapanit Band, Dwyne Lopena, Fuego Eterno, NDDU Gnrls, Godwin Gonzales, Carl Quion, Ody Sto. Domingo, Jaylo and Faris, The Amazing Duo, The Amazing Twisters, Jessie J, Kinnarda, Manza, Mahmood Sounds, at Owen Bofill.

Ibinulgar ni Lolit… BONG, HINARANG KAYA ‘DI NANALONG SENADOR

ni Mercy Lejarde @Showbiz Talkies | May 21, 2025

Photo: Bong Revilla Jr. - IG

Hindi lang pala si yours truly ang nakaramdam ng lungkot pagkatapos ng election 2025 kundi marami rin pala, lalo na ang mga nagmamahal kay Sen. Bong Revilla, Jr. na may maraming batas na nagawa at may totoong malasakit sa kapwa. 

Isa na nga rito si Donya Lolit Solis na nag-post sa social media ng kanyang saloobin para kay Sen. Bong at ito ang kanyang mga sinabi...

“Meron akong feeling of sadness pagkatapos ng election.

“Siguro dahil hindi ko akalain ang naging results sa case ni Bong Revilla na parang may nagbayad para siraan siya nang mag-start pa lang.

“Talagang well-planned ang naging atake sa kanya. At dahil sa pagiging gentleman, walang galit, inis o anuman negative na ginawa dahil hindi nakapasok.

“Tahimik na tinanggap ni Bong ang naging kapalaran n’ya. Kung iyong iba, nagpakita ng bitterness at kung anu-ano ang mga sinasabi, wala kang narinig kay Bong kundi pagbati sa mga nakalusot.

“Iba na rin kasi ang mantra ngayon, mas gusto na ng tao ang confrontational, ‘yung sinasagot mo bawat issue, ‘yung haharapin mo ‘yung nagsasabi ng negative sa ‘yo.

“Ayaw na ng mga young voters ang mga quiet sa mga ibinibintang sa mga kandidato. A real gentleman will show his true color when he lost something important like election.

“Nakita mo ang pagiging tunay na lalaki ni Bong Revilla nang hindi lumabas ang pangalan niya sa mga pinalad.

“Tahimik at walang sinabing masamang salita. Binati n’ya ang mga nanalo, tahimik na hinintay ang final results.

“Binati ang mga pinili ng botante, walang inggit o galit. Kung iyong ilang talunan kung anu-ano sinasabi, wala kang narinig kay Bong. Binati n’ya iyon mga mapalad, at tahimik na tinanggap ang resulta sa kanya.

“It is probably just a sign dahil tagumpay naman sina Lani at Jolo. Baka naman may ibang gusto para kay Bong ang langit.

“Hindi lang ang Senado ang mundo para kay Bong na isang A-list action star, producer, TV star. Napakarami niyang haharapin na trabaho. At puwede na niyang pag-aralan what went wrong sa political career niya.

“Malaki ang magagawa ng anak niyang lawyer na si Inah para makita niya ang pros and cons kung bakit nangyari ang dunking sa candidacy niya.

“Maliwanag na pinag-aralan mabuti iyon pag-pull down sa kanya during the election.

“Whatever it is, at least alam ni Bong Revilla na merong nagba-block para hindi s’ya makaakyat.

“Mga takot na marating pa niya ang mas mataas. Kaya now, mag-iingat na siya at magiging matalas ang pakiramdam sa paligid niya. Bongga,” pagtatapos ni Donya Lolit.

---

SAMANTALA, inilalarawan ng OPM hitmaker na si Regine Velasquez-Alcasid ang natatanging pagmamahal ng isang ina sa kanyang anak sa bagong lunsad na Mother’s Day song na Lahat Ay Kayang Gawin na mula sa panulat ng isa pang OPM icon na si Jamie Rivera.

“As a mother, I would take this statement to heart as it is probably my mindset when it comes to taking my role seriously. It is perhaps the most significant endeavor I have next being a wife, of course,” sey ni Regine tungkol sa halaga ng kanta para sa kanya.

Ayon naman sa Inspirational Diva, isinulat niya ang awitin sa ilalim ng Inspire Music para kay Regine dahil sa kanyang admirasyon dito bilang ina.

“I would watch the postings of Regine and I saw how hands-on she is as a mom and how proud she is with Nate’s achievements,” ani Jamie. 

Aniya, “I am very happy with her interpretation, and my admiration for Regine grew stronger. The song became more meaningful when Regine sang it because her voice resonates the voice of a loving mom.”

Bukod sa inspirasyon mula sa Asia’s Songbird at sa sarili niyang karanasan bilang ina, humugot din ng inspirasyon si Jamie mula sa kanyang mga kasama sa bahay.

“I also saw the sacrifices that our household helpers are making for their children. They will do anything just to be able to send their children to school and to make sure that they can provide for their everyday needs,” kuwento niya.

Naging masaya naman si Regine sa pagsasama nila ni Jamie para sa espesyal na awitin.

Aniya, “Jamie is a dear friend, and we’ve come a long, long way. Recording with her brings back memories of when we were still starting together in the music industry. I applaud her writing and producing songs all these years.”

‘Yun lang and I thank you.