Paghahanda para sa giyera… “KUMUHA NG MGA DATING MILITAR PARA SA GABINETE” — ROBIN

ni Mercy Lejarde @Showbiz Talkies | June 23, 2025

Photo: Robin Padilla - FB

Hindi lang basta artista o senador si Sen. Robin Padilla, isa rin siyang mapagmahal na lingkod-bayan. 

Sa isa niyang recent social media post, ibinahagi niya ang kanyang saloobin tungkol sa kasalukuyang sitwasyon sa mundo at ang mungkahi niya para sa kahandaan ng Pilipinas.

Aniya, “Trabaho ko ang magbigay ng tamang impormasyon sa taong bayan dahil ako po ang Chairman ng Public Information sa Senado. Hindi ko ito pastime.

“Ang lahat ng bansa ngayon ay nakabantay at naghahanda sa magiging epekto sa ekonomiya at seguridad ng gera ng Israel at Iran.

“Pero ang Pinoy, pulitika pa rin ang almusal, tanghalian, merienda at hapunan.

“Mungkahi lang po, sa paparating na pagsubok na ating haharapin, kailangan natin ng mga bihasa sa implementasyon ng order. Mainam kumuha ng mga dating militar para sa Gabinete.”

Malaking bagay ang mensahe ni Senator Robin, lalo na sa ating mga kababayan sa ibang bansa. Tunay na mahal niya ang bayan.

We salute you, Sen. Robin Padilla!

---

Nagbalik-tanaw si Marian Rivera sa isang napakaespesyal na alaala 18 years ago nang siya’y mapili bilang bida sa iconic na teleseryeng Marimar. 

Sa kanyang social media post, nagbahagi ang Kapuso Primetime Queen ng video na nagpapakita ng aktuwal na pag-abot sa kanya ng sulat na nagpapatunay na siya ang napiling gumanap bilang Marimar.

May caption ang video na, “18 years ago, a dream came true when I was chosen to play the role of Marimar (sparkle emoji). So much has changed since then, and I have experienced countless blessings. Through every trial and experience in my journey, I’ve been strengthened by faith. I am forever grateful for everything, surrendering all to Him (praying hands emoji and sparkles).

“Psalm 32:8 (NIV): ‘I will instruct you and teach you in the way you should go; I will counsel you with my loving eye on you.’

“Maraming salamat sa inyong pagmamahal at pagdarasal para sa akin at higit sa aking pamilya. Mahal ko kayo! (red heart emoji).”

At totoo nga naman, para kay Marian talaga ang Marimar. May kasabihan tayong kung para sa ‘yo ang isang bagay (o tao), gagawa at gagawa ng paraan ang tadhana para magtagpo kayo. At nangyari nga iyon sa kanya at kay Sergio, na ginampanan ni Dingdong Dantes, na kalaunan ay naging tunay na kapareha rin niya sa totoong buhay.

Ngayon, may dalawa na silang anak na sina Zia at Sixto, parehong napakagaganda at guwapo. O, ‘di ba? Happy family talaga! 

Kaya kanta na lang tayo ng “Siempre, siempre manda el amor. Marimar, Marimar! Cuando manda el corazón Marimar... aw! 

Pak, ganern!

‘Di raw feel mag-live-in… RUFFA, UMAMING ‘DI NA SILA NAG-UUSAP NI HERBERT

ni Mercy Lejarde @Showbiz Talkies | June 14, 2025

Photo: Ruffa Gutierrez sa Fast Talk with Boy Abunda - YT

“I have a very, very special guest today. She’s very close to my heart. She’s one of the most beautiful people I’ve known in the world. She is lovely, she is smart, and she’s a queen,” ito ang napakagandang introduction ni Boy Abunda kay Ruffa Gutierrez sa Fast Talk with Boy Abunda (FTWBA) nu’ng Thursday, June 12, 2025.

Bago mag-umpisa ang interview ay may panawagan muna si Ruffa.

Aniya, “GMA nga pala, nananawagan po si Yilmaz Bektas and his family, ‘yung wedding CD po namin. Sinabi ko na kay Miss Annette Gozon, I need a copy please, so please give me a copy. They want to watch it. Wala silang kopya.”

At mabilis namang sinagot ni Boy, “Okay, we’ll find ways.”

Natanong din ni Boy kung may isang tao na aasahan mong dumating sa isang pagtitipon na merong 80 people na guy, potential boyfriend, sino ‘yun at bakit?

Ito ang sagot ni Ruffa, “Gusto ko si Yilmaz kasi ang tagal na naming hindi nagkita. On the phone, naging magkaibigan na kami, nagtetelebabad na kami.

“And I think, kapag in person, aabot kami ng 8 hours siguro kapag nagkuwento kami. Kasi 1 hour pa lang, nag-uusap kami how we met and we’re already playfully arguing about how we met na, ‘Uy, ikaw ang naghabol sa ‘kin!’ Sabi niya, ‘No, ikaw ang naghabol sa ‘kin!’”

At sinundan ulit ng tanong ni Kuya Boy na kung sino ba talaga ang naghabol?

Sey niya, “S’ya ang naghabol sa ‘kin, natural!”

Naitanong din ni Kuya Boy kung ano ang estado nila ni Herbert Bautista, kung nag-live-in ba sila?

Sagot niya, “Nooo, I’ve never lived with a person! Hindi ako naniniwala sa live-in, kaya ‘yung mga relasyon ko, nagtatagal kasi may space, excited kayo to see each other.

“Kung every day, gumigising ka s’ya ang katabi mo, parang, ‘Oh, my gosh!’ I don’t know, ha? Sorry, my longest relationship kasi was 7 years. Hindi pa ako lumalampas ng 7 years.

“But with Herbert, we’re going through a bump right now and we’re not speaking.

“So let’s see if that bump will last or we’ll speak again... I don’t know.”

Bukas ang BULGAR sa pahayag ng aktor-politician na si Herbert Bautista.

---

SA social media post ni Toni Gonzaga ay nagbahagi siya ng larawan nila ng kanyang asawang si Direk Paul Soriano at may caption na: “First time maging principal sponsor sa wedding. What an honor maging ninang and ninong sa wedding ni Zeinab and Ray.

“Her story is a testament na kahit gaano ka ka-broken, God can heal you, restore you, and give you the best you truly deserve! Congratulations to the newlyweds!” 

At hindi naman nalimutang magpasalamat kina Ninang Toni at Ninong Paul ni Zeinab Harake.

Mensahe niya, “Super blessed namin to have you guys. Thank you so much Ninang Toni and Ninong Paul, forever namin kayo ilu-look up.”

Samantala, nagdiwang ng 10th year wedding anniversary sina Toni Gonzaga at Direk Paul Soriano nu’ng June 12.

Sa social media post ni Alex Gonzaga ay binati niya sina Ate Toni at Kuya Paul niya ng “HAPPY 10th anniversary Ate and Kuya Paul!!! Marriage is really choosing each other everyday.

“We love you both! Praise God for your love and the family you built. Putukan na ulit d’yan, Sis (crying emoji).”

Cheers and happy anniversary, Toni and Direk Paul!

---

NAG-POST sa social media si Senator Bong Revilla ng kanyang pasasalamat sa lahat ng Pilipino.

“Ang huling araw ng sesyon ng Senado at pagtatapos ng ika-19 na Kongreso ay hindi wakas, kung hindi panibagong yugto, na saanman dalhin ng agos ng buhay, may posisyon man o wala, lagi tayong titindig para sa taumbayan at sa ating bansa.

“Ang puso ni Bong Revilla ay mananatiling laging para sa sambayanang Pilipino. Utang ko ang lahat ng narating at nakamit sa inyo. Kayo ang kaluluwa ng bawat titik at letra ng mga batas na iniukit sa kasaysayan sa ngalan ng inyong kapakanan.

“Sa inyo pong lahat, maraming-maraming salamat!

“At lagi po ninyong tatandaan, nandito lang si Bong Revilla—hindi magbabago, hindi kayo iiwan, at patuloy na magmamahal sa ating bayan,” pagtatapos ni Sen. Bong.

We love you, Sen. Bong Revilla.

Kaya todo-kayod… DIANNE AT RODJUN, MAY LUPA NANG PAMANA SA 2 ANAK

ni Mercy Lejarde @Showbiz Talkies | June 13, 2025

Photo: Dianne Medina at Rodjun Cruz - IG

Kung si Mylene Dizon ay walang balak pamanahan ng mga ari-arian ang mga anak dahil mas gusto niyang magkaroon ang mga ito ng properties sa sarili nilang pagsisikap, kabaligtaran naman niya sina Dianne Medina at Rodjun Cruz, na kahit bata pa lang ang mga anak ay unti-unti nang nagpupundar ng ipamamana ang mag-asawa.

Kamakailan lang ay nag-post sa social media si Dianne ng video na nagpapakita ng kanilang bahay, at sa harap ng kanilang bahay ay may bakanteng lote na nabili nila noong 2022 na para sa anak nilang si Joaquin. 

At ngayong 2025 naman ay bumili ulit sila ng lote para naman sa anak nilang si Isabella.

Ito naman ang sinabi ni Dianne sa kanyang Instagram (IG) post: “Dreams do come true! Anything is possible with my Lord Jesus! Year 2022 when we got the LOT across our house for Joaquin.

“May katabi siyang LOT so naisip namin for Isabella pero ayaw ibenta for the longest time. Everyday, Rodjun (RJ) and I will pray over the LOT and manifesting na makukuha namin ni Daddy RJ.

“Ngayon, nakuha na namin. Thank you Jesus ikaw po talaga lahat ito. We are nothing without you! Thank you Jesus for blessing us more than we deserve.

“@rodjuncruz Teamwork makes the dream work! Kayod again! More more work! In Jesus name! Looking forward to our next investment! Claiming it!

“Posted this not to brag but to inspire and remind everyone that WITH GOD ALL THINGS ARE POSSIBLE Matthew 19:26.”

Marami naman ang humanga sa mag-asawang Dianne at Rodjun sa pagsisikap na mabigyan ng magandang buhay ang mga anak.

Pak, ganern!

---

THE one and only Gerald Anderson is making a comeback. Ano nga kaya ang magiging ganap ng Action Royalty?

Abangan siya at mga ganap niya sa Pinoy Big Brother (PBB) Celebrity Collab Edition. 

Marami ang natuwa sa pagpasok ulit ni Gerald sa Bahay ni Kuya. May mga netizens na nagtatanong kung sino kaya ang isasama ni Gerald sa loob ng Bahay ni Kuya — si Kim Chiu, si Maja Salvador, si Sarah Geronimo, si Pia Wurtzbach, si Bea Alonzo, o si Julia Barretto?

Pakihulaan na nga lang po, Madam Damin.

---

Na-extend daw ang buhay dahil sa stemcell…  

“HANDA NA AKO KUNG HANGGANG SAAN ANG IBIBIGAY SA AKIN NG LANGIT” — LOLIT

Ito naman ang latest update sa kalagayan ng kalusugan ni Doña Lolit Solis na ibinahagi niya sa Instagram (IG) post.

“Siguro talagang doble-ingat na talaga ang dapat kong gawin sa katawan ko.

“Talagang feel ko na ang pagiging 78 years old ko, at ang tangi ko na nga lang consolation ‘pag naalala ko na ‘yong mga kasabay ko mas una nang umalis at actually, sa batch namin, ako na lang ang naiwan.

“Sure ako na baka hindi na ako kilala ng mga bagong stars na mas kilala na ang mga bagong showbiz writers.

“Eye-opener sa akin itong huli kong pagkakasakit dahil talagang nahirapan ako at parang nagkaroon pa ng mental lapse.

“Natakot nga ako dahil sobra ang pagiging forgetful ko. Saka talagang grabe ang weaknesses na na-feel ko. Halos hindi ako makatayo kung minsan. Talagang bibigay ka physically ‘pag nasa edad ka na, at tanggap ko na ito.

“Pasalamat nga ako actually dahil at my age, parang energetic pa rin ang kilos at salita ko. Pero pagkatapos ko magkasakit, nagkaroon ako ng realization na magdahan-dahan. Baka bigla sa daan ako abutin ng sumpong, bigla ako mahilo, at matumba. So lucky na inabot ko pa ang edad na 78, na ganito pa rin ang energy ko at enthusiasm ko sa trabaho.

“So lucky na nagpapaalam na ako sa mga alaga ko, pero ang sarap pakinggan ng sinabi ni Bong Revilla na habang buhay ako, hindi siya hahanap ng PR/manager.

“I love showbiz. Showbiz people are my family. I will always treasure my beautiful memories all my life. Sure ako aabutin ko pa maging Presidente si Vico Sotto na sure ako, iboboto ko. Pero handa na rin ako kung hanggang saan lang ang ibibigay sa akin ng Langit. Sana nga, totoo na kaming stem cells ladies, Dra. Vicki Belo, Rubby Coyuito, Wilma Galvante, Lorna Tolentino at talagang binigyan ng extension ng injection ni Dr. Muehler at Dr. Morato ng Germany.”

‘Yun lang and I thank you.