Kaya maraming namatay sa baha sa Cebu… KAREN: MARAMING PULITIKO ANG NALILIGO SA NAKAW

ni Mercy Lejarde @Showbiz Talkies | November 10, 2025

Photo: IG @iamkarendavila

“Please stop stealing,” ito ang pakiusap ng mahusay na broadcast journalist na si Karen Davila sa kanyang latest post sa social media platform na X (dating Twitter) matapos manalasa ang Bagyong Tino sa Cebu na nagdulot ng matinding baha kamakailan lang.

Saad ni Karen, “HOW CORRUPTION MAY HAVE COST LIVES. 188 dead and rising.

“The worst flash flood in the history of the province. Cebu has 414 flood control projects worth P26.7 billion from 2022 to 2025 – meant to protect our people, homes, and livestock. What happened?!

“At hindi lang ito sa Cebu province, buong Pilipinas binabaha dahil ninanakaw lang naman ang flood control. Extreme weather conditions will only worsen.

“It is a part of the world we live in today. What breaks my heart is seeing how our people are suffering because of systemic corruption.

“Nakakaawa ang ordinaryong Pilipino. Habang nagdurusa sa hirap at kalamidad, maraming pulitiko ang naliligo sa nakaw. PLEASE. STOP. STEALING.”

Sad to say, Karen, lalong naghihirap ang mahirap dahil sa baha. Ingat na lang, madlang people.

---

May pagbuka rin ng mga lupa…

RUDY BALDWIN: BAGYO, BAHA, LINDOL, SUNOG, TULOY SA 2026

MAY bagong vision na naman diumano ang nakilala online na manghuhulang si Rudy Baldwin.

Bago simulan ni yours truly ang pagsusulat ng vision niya ay nakaugalian ko nang magdasal at sinasabi ko agad, “I rebuke you in the name of Jesus. Amen.”

Kuwento ni Rudy sa Facebook (FB) post niya, “November 7, 2025 #CALABARZON Vision. Bago ang lahat, nais ko ipaalam ulit na ako ay isang psychic visionary na kung ano man ang ipinakita ng Diyos sa akin ay hanggang doon lamang ang aking masasabi.

Kahit kailanman ay hindi ko ginusto na mangyari ang mga vision ko ngunit kailangan kong maiparating sa inyo dahil ganu’n tayo kamahal ng Diyos. ‘Wag ninyong tingnan sa negatibong pananaw lahat ng post ko.

“Maging handa dapat ang lahat, nasa inyo ito kung paniwalaan ninyo o hindi. Ang mahalaga, magdasal tayo dahil may Diyos at nakikinig Siya sa atin. Huwag ninyo gawing katwiran na kung may Diyos, dapat ‘di na nangyari lahat ng ito, dahil kadalasan, tao ang gumagawa ng ikapapahamak ng kapwa.

“Pasalamat pa rin tayo na tayo ay ginabayan ng Diyos Ama. Hindi man Siya bumaba sa lupa para balaan tayo ngunit ipinakita Niya sa mga taong tulad ko na maihambing kay Noah. Lagi tandaan, tao lamang ako, hindi ako Diyos o propeta.

“Kung ano man ang ipinakita sa akin ay hanggang doon lamang ang masasabi ko dahil Diyos pa rin ang may alam sa lahat.

“CALABARZON, maging handa dahil nakikita ko sa vision ko ang pangyayaring paulit-ulit na umiikot sa mga lugar na sakop ng CALABARZON, paulit-ulit na yanig kung saan may lindol na sinabayan ng bagyo.

“Mangyayari ito ng tatlong beses, kahit sa susunod na taong 2026. May pangyayari akong nakita na kung saan paikut-ikot ang mga hayop na animo’y nag-uusap at nagbibigay ng babala sa bawat lugar. Kahit dagat ay lumapit sa dalampasigan ngunit huwag magpakampante dahil ito ay babala.

“May tatlong bagyo na magla-landfall. May mga nakita akong bitak at butas na pabilog, isang butas sa kalupaan at tubig ang pangyayari kahit sa panahon na walang kalamidad. Isang mahabang biyak sa lupa na halos hinati ang bahagi ng lupa, animo’y ilang lugar na pinaghiwalay. Ito ay bahagi ng hamon ng kalikasan. May isang maliit na butas o hugis ng mahabang kidlat na kung saan ang singaw o buga nito ay nagbigay ng kapahamakan sa tao.

“Sa taong ito at sa taong 2026, may mangyayaring ilang araw na pag-ulan na walang tigil na siyang dahilan upang magmukhang dagat ang mga lugar. Lalo na sa taong 2026, maraming pinsala. Ang kasakiman ng ibang tao ang dahilan ng kapahamakan ng iba. Kailangan ninyo akong tulungang magdasal dahil sa Diyos, walang imposible.

“Mag-ingat ang lahat sa sunog dahil sa vision ko, may sunog na hindi mo maunawaan dahil sunog ito na kakatapos lang ng isa ay susundan agad ng panibago. Animo’y sunog na nagkasagutan, apoy na sagutan sa bawat lugar.

“Maging maingat sa lahat ng bagay na maaaring maging sanhi ng sunog at aksidente sa himpapawid na mangyayari sa CALABARZON. Maging maingat ang lahat at ‘wag kalimutang manalangin palagi. ‘Wag po kayong magalit sa akin dahil ipinakita lang ng Diyos sa akin ito bilang babala.”

Well, mas makabubuti kung magdasal tayo, mga madlang people, para maging safe tayong lahat sa anumang kalamidad. 

Ganern!

Mister, blessing daw… PAULEEN, PROUD NA 14 YRS. NA SILANG KASAL NI VIC

ni Mercy Lejarde @Showbiz Talkies | November 9, 2025

Photo: FB Pauleen Luna Sotto

Sa pag-ibig, hindi mahalaga ang nakaraan kundi ang kasalukuyan. Ito ang nakita ni yours truly sa TV host-aktor na si Vic Sotto at sa asawa nitong aktres na si Pauleen Luna-Sotto.

Sa Instagram (IG) post ni Pauleen, nag-share siya ng larawan nilang mag-asawa na tipong parang bagong kasal pa lang at kita sa mukha nila na masaya sila sa isa’t isa.

Saad ni Pauleen sa post niya, “14 years together (star emoji). What a blessing.”

Wow, happy anniversary, Bossing Vic Sotto at Pauleen Luna!

---

HABANG personal na namimigay ng tulong sa mga nasalanta sa Cebu, nasaksihan mismo ni Sen. Robin Padilla ang kaguluhan sa pila ng mga nangangailangan, dahilan para ibahagi niya sa social media ang kanyang karanasan at paalala tungkol sa tunay na diwa ng serbisyo-publiko.

Kuwento ni Sen. Robin, “The best training is on-the-job training!

“Habang nagbibigay ng pambili ng pangtawid-gutom ang aking mga kasama, may mga palaban na nanggulo sa linya. Ang pulis at guardia ng city hall ng Talisay ay sinubukan na ibalik ang kaayusan ngunit tinalo sila ng dami ng mga palaban. Napilitang umatras ang aming volunteers dahil makukuyog na sila.

“Habang nangyayari lahat ito, may isang grupo ng mga trainee ng isang bureau ang napadaan sa nagaganap na kaguluhan. Ang buong akala namin ay hihinto ang mga ito at tutulong sa guardia at pulis, pero nagkamali kami. Dinaanan lang nila ang kaguluhan at nagpatuloy sa kanilang jogging.

“Pambihira! Na-miss ko tuloy ang mga kadete ng PMA (Philippine Military Academy) sa Baguio noong ako ay nakatira doon. Tuwing may sakuna at kailangan ng manpower, nand’yan ang mga kadete ng PMA, handang magserbisyo.

“Itong trainer ng mga kadete ng bureau na ito, palagay ko, kailangang mag-retraining para maipasok sa puso at isipan nila na ang una nilang trabaho bilang officer ay magserbisyo sa tao lalo na sa panahon ng kalamidad.

“Nasa harap nila ang mga taong punong-puno ng putik dahil nawasak ang kanilang mga tahanan at naghihikahos sa hirap at kalituhan. Napakainam sana na nandu’n ang mga trainee na ito sa ground zero at tumulong sa mga tao kaysa nagpapawis sa pag-jogging. Goodness gracious!”

Akala ni yours truly, sa pelikula lang nangyayari ang mga kaguluhan sa panahon ng pagtutulungan. 

Ingat lagi, Sen. Robin Padilla.

---

NAG-SHARE sa social media ang aktres na si Kiray Celis ng prenup photos nila ng fiancé niyang si Stephan Estopia, na tipong may kasamang palaro para sa kanyang mga tagahanga.

Sey ni Kiray, “Sa lahat ng tao sa mundo, ikaw ang pinakapaborito ko.”

Dagdag pa ni Kiray, “‘Yung inuna pa ‘yung prenup kaysa mag-isip ng hashtag namin sa kasal. Oh game, may P5,000 po sa akin ang pinakamagandang comment ng hashtag at gagamitin namin sa kasal namin. ‘Tepan & Ting’ ang name!”

Well, P5,000 is P5,000 kaya game ang mga tagahanga ni Kiray sa palarong pinamagatang “Hashtag Tepan at Ting”.

Ito naman ang mga suggestions ng mga lumahok sa palarong pangmalakasan ni Kiray:

Contestant No. 1: #TEPANindigansiTINGhanggangdulo

Contestant No. 2: #NaglisangKaTEPANniTING Contestant No. 3: #TEPANfoundHisEverlasTINGlife

Contestant No. 4: #TepanTINGHappilyEverAfter

Contestant No. 5: #TepanandTingForeverAfter

Oh, ‘di ba, ang bongga ng palaro ni Kiray! Ang daming sumali at in fairness, pinusuan ng maraming netizens at mga kapwa niya artista ang post niya, isa na nga rito ang aktres na si the beautiful Marian Rivera. Bongga!

Dahil sa suot… MAYOR VICO, NAPAGKAMALANG TAGA-BANGKO, HININGAN NG DEPOSIT SLIP

ni Mercy Lejarde @Showbiz Talkies | November 1, 2025

Photo: File / Vico Sotto

May pa-trick-or-treat sa Pasig City Hall ang astig pero cool na si Mayor Vico Sotto.

Sa social media post ng anak ni Bossing Vic Sotto, nagbahagi siya ng larawan niya kasama ang batang nakasuot ng costume ni Russell, ang batang boy scout sa pelikulang Up, habang si Mayor Vico naman ay nakasuot ng uniform ng Pamantasan ng Lungsod ng Pasig (PLP).

Sey ni Mayor Vico sa post niya, “Trick-or-treat sa City Hall kaya nagbihis akong PLP (Pamantasan Lungsod ng Pasig) student. Kaso may nanghingi ng deposit slip, akala pala, staff ako ng Landbank.”Maraming netizens ang pinusuan ang post ni Mayor Vico at nagpahayag pa ng kanilang saloobin.

Tanong ng netizen, “Wala kang pa-fonts today, Mayor?”

Sagot ni Mayor Vico, “Male-late na kasi ako (laughing emoji).”

Hirit naman ng isa pang netizen, “Anak nga s’ya ni Bossing Vic! Clean fun comedy.”

In fairness, Mayor Vico, hindi ka lang magaling na alkalde, magaling ka ring komedyante, sa true lang!

---

“I love you with all my heart, my son, my baby boy,” ito ang pahayag ng mahusay na aktres na si Megastar Sharon Cuneta sa kanyang Instagram (IG) account kamakailan nang magdiwang ng ika-16 na kaarawan ang pinakamamahal at nag-iisang anak na lalaki na si Miguel Samuel Pangilinan.

Sey ng Megastar, “My Dearest Gugie, It is still unbelievable to Mama and Dad that you are now 16 (!!!). Weren’t you just three years old yesterday?

“Thank you for all the joy and love you have given us since the day God gave us you. Thank you for giving us zero major headaches, for your kind, generous, and loving heart, for always putting our family first since you were very little—and you have become only more devoted and loyal and loving!

“You truly are God’s gift to us. Dada and I and your sisters adore you for all that you are, add to that the fact that you have made our family so much more complete.

“I love you with all my heart, my son, my baby boy, ‘Eee papap!’ ‘Is loading!’ ‘I already!’ ‘Mama please scratch my back…’ and our all-else-baby boy.

“May you continue to be pleasing to God our Father, to continue learning about Jesus, and continue being our pride and joy in all the years to come. Thank you for being my son. Yours forever, your loving Mama.”

Super sweet talaga ang Megastar kahit kanino, lalo na sa lahat ng mga anak niya.

Samantala, sa IG post naman ng kapatid ni Miguel na si Frankie Pangilinan, nagpahatid din ito ng pagbati para sa kaarawan ng little brother niyang si Miguel.

Sey ni Frankie, “Bok, I don’t remember precisely the last time I had to flick my eyes downwards instead of up to get a good look at you, but I swear it was only yesterday that your back fit snugly against my hand, the whole writhing-then-not thing, and you could be carried. Just a moment ago you were asking for one more round of ‘tuwing lili’ and I’d get up to do it, even half asleep and small myself. I was only afraid of holding you once and that was the first time, and thank God I was fearless thereafter your hands are now bigger than

mine.

“Happy birthday, Googmeister. I hope 16 does make you keener on being sweet, again, and if not, it’s fine lol I’ll still buy you potato corner (just forgive the eye-rolls and know that the reluctance is kinda fake anyway).

“I hope this year, at least, you can flip through this photo set to turn back time and get annoyed at me a little and finally understand how ditsé’s lullaby goes, ‘Taglayin mo ang dalanging taimtim sa aking dibdib, na tuwing lilisan ang araw, awit ang maghahatid.’”

Ohhh, ang sweet sister naman ni Kakie!

Happy birthday, Miguel! Enjoy your special day!

---

NAGKAMIT ng 14 parangal ang ABS-CBN para sa mga namumukod-tangi nitong programa at personalidad sa ika-9 na RAWR Awards ng LionhearTV.

Ang A Very Good Girl (AVGG) ng ABS-CBN Films ay kinilalang Movie of the Year, habang ang bida nitong si box-office queen Kathryn Bernardo ay tinanggap ang Favorite Bida na parangal.

Ang mystery-drama na Dirty Linen (DL) ay itinanghal na Bet na Bet na Teleserye, habang ang iWant original mystery-thriller series na Fractured ay pinangalanang Digital Series of the Year.

Wagi rin si Kim Chiu bilang Actress of the Year para sa kanyang kahanga-hangang pagganap bilang Juliana Lualhati sa Linlang. Samantala, pinangalanan si McCoy de Leon bilang Favorite Kontrabida para sa kanyang husay bilang David Dimaguiba sa primetime series na FPJ’s Batang Quiapo (BQ).

Naiuwi naman ni Unkabogable Vice Ganda ang Favorite TV Host para sa Everybody, Sing! (ES!) at ang LGBTQIA+ Influencer of the Year na mga parangal.

‘Yun lang, and I thank you.