Spiker's Turf: VNS tinalo ang Ateneo sa 5-set

ni MC / Anthony E. Servinio - @Sports | September 1, 2022

Sa bisa ng tikas ni VNS One Alicia Griffins,nanaig sila sa Fudgee Barr-Ateneo sa first game ng 2022 Spikers' Turf Open Conference Martes ng gabi sa Paco Arena.

Ang binalasang VNS ay tumapos ng 25-21, 22-25, 25-20, 23-25, 15-9 win upang makasalo ang Cignal HD sa tuktok ng table rank sa Day 1 ng torneo.

Nabuhayan sina Ben San Andres at Mark Montemayor sa fifth set upang palakasin ang VNS, habang si veteran setter Ish Polvorosa ay nagpakitang-gilas sa bakbakan na may natipong 29 excellent sets.

Nakagawa si San Andres ng 20 points habang may idinagdag si Montemayor na 14. Ang VNS ay may 57 attack points kumpara sa 51 ng Blue Eagles.

Halos patas ang error match ng grupo, sumablay ang VNS sa 38 miscues at napabayaan ng Ateneo ang 43 free points. Pinamunuan ni Amil Pacinio Jr. ang Blue Eagles sa 20 points at si Kennedy Batas ay may 17 markers.

Samantala, makasasagupa ng Filipinas ang World Cup co-host at world No. 22 New Zealand sa isang friendly game sa Cal State Fullerton’s Titan Stadium sa Setyembre 7 (Manila time).

Ang friendly game ay itinakda, isang linggo matapos ang training camp ng reigning AFF Women’s Champions sa Irvine, California bilang preparasyon sa 2023 FIFA World Cup. “We’ve been looking forward to this camp after a memorable and unforgettable AFF campaign,” ayon kay Alen Stajcic sa statement ng PFF

Nasungkit din ng Filipinas ang bronze sa Southeast Asian Games sa Vietnam noong Mayo, bago nasungkit ang AFF Women’s Championship title sa Manila noong Hulyo.

Japan, ginitla ang China para sa 1st AVC Cup Crown

ni MC - @Sports | August 31, 2022

Nasungkit ng Japan ang kauna-unahang gold medal sa AVC Cup for Women makaraan ang 25-23, 25-21, 19-25, 25-16 na pananaig kontra China noong Lunes ng gabi sa Philsports Arena sa Pasig City.

Tinapos ng Japan ang pagre-reyna ng China at ipinalasap ang unang talo mula noong 2018 edition sa Nakhon Ratchasima, Thailand. "It's so great for this first win. Especially that we won all together, that was really great," ayon kay Japan setter Mika Shibata, na itinanghal na tournament Most Valuable Player.

Namuno si Mizuki Tanaka sa bisa ng 19 points habang ang substitute na si Miwako Osanai ay may 15 points.

Ang winningest squad na may 5 titulo, kung saan ang pagkatalo ay mula nang maka-3 sunod na gold medals ang China. "We have a young team. We learned a lot from this experience in this tournament. After all, we will work hard and be better next time," ayon kay Chinese coach Kuang Qi sa pamamagitan ng interpreter.

Individual winners sa AVC Cup for Women Dream Team sina Best Outside Hitters Wu Mengjie (China) at Chatchu-on Moksri (Thailand), Best Middle Blockers Hiroyo Yamanaka (Japan) at Hu Mingyuan (China), Best Opposite Spiker Zhou Yetong (China), Best Setter Pornpun Guedpard (Thailand) at Best Libero Rena Mizusngi (Japan).

Nakuha ng Thailand ang bronze medal sa bisa ng 25-19, 26-24, 25-18 na panalo vs. Southeast Asian rival Vietnam, na nasa 4th.

Nalagay sa 5th ang Chinese-Taipei nang magwagi sa 28-26, 25-21, 25-21 kontra Philippines, kung saan ang 6th place run ang best finish sa continental competition mula nang mag-fifth sa 3rd Asian Championship sa Fukuoka, Japan noong 1983.

Umiskor ang Iran ng 25-19, 25-18, 25-22 win kontra Australia para sa seventh spot. Nasa 8th ang Volleyroos. Pang-9 ang South Korea.

Obiena, naka-ginto uli sa Germany, Tolentino, King of the Hardcourt

ni VA / MC - @Sports | August 30, 2022

Muling nagwagi ang Filipino pole vaulter na si EJ Obiena, sa pagkakataong ito sa True Athletes Classic na ginanap sa Manforter Stadio sa Leverkusen, Germany.

Nagawang matalon ni Obiena ang baras na may taas na 5.81 meters noong Linggo ng gabi sa kanyang ikalawang attempt para makamit ang gold.

Ang panalo ang ikatlong sunod na podium finish ni Obiena kasunod ng kanyang pagwawagi sa 26th Stabhochsprung-Meeting sa Jockgrim, Germany noong nakaraang linggo at third place finish sa Athletissima Lausanne Diamond League noong Biyernes.

Tumapos na pangalawa at pangatlo sa kanya sina Rutgar Koppelaar ng Netherlands at Kurtis Marschall ng Australia na kapwa rin naka-clear ng 5.81 meters ngunit tinalo ni Obiena sa count back.

Ang iba pang tinalo ni Obiena ay sina hometown bet Bo Kanda Lita Baehre (5.73m), Sondre Guttormsen ng Norway (countback)., Norweigian pole vaulter Simen Guttormsen at German pole vaulter Oleg Zernikel na nabigong makausad mula sa starting height na 5.43 meter.

Samantala, bagong King of the Hardcourt si Neil Tolentino ng Arellano sa Hanes 1-on-1.

Dinaig ng masipag na Chiefs forward si University of the Philippines' Mark Gil Belmonte, 6-3, sa finale at angkinin ang trono noong Sabado sa Filoil EcoOil Centre sa San Juan.

"Thankful ako kay God kasi pangarap ko makabalik sa college at nabigyan ako ulit ng chance mara makaakyat sa pro," saad ng transferee mula sa University of the East na nakapag-uwi ng P20,000 cash prize.

Agad na lumamang ang 24-anyos na si Tolentino sa 6-2 lead sa nalalabing 1:28 minuto sa oras at samantalahin ang mga errors ni Belmonte na umiskor ng freebies sa final minute pero sumablay sa desperadong tres sa buzzer. Magandang panimula ito para sipagin pa ang Kapampangan banger sa paglalaro niya sa first season sa Arellano.