Novino at Napoles, bida sa judo ng Martial Arts Fest

ni VA / MC - @Sports | November 16, 2022

Bumida sina Sophia Nicole Novino at Rhian Napoles sa kani-kanilang weight categories sa judo ng 8th Philippine Sports Commission Women’s Martial Arts Festival na idinaraos sa Philippine Judo Federation training gym sa loob ng Rizal Memorial Sports Complex sa Maynila.

Nanguna si Novino, ang sophomore ng National Academy of Sports sa women’s -44kg division matapos umiskor ng ippon win (1-0) kontra Mikeighla Louise de Vera ng Baguio Judo Club habang si Gabrielle Lorine Dizon at Princess Maurine Villafranca ang naka-bronze medals.

Ang 6-day event ay bahagi ng unang preparasyon ng bansa para sa 6th Asian Indoor Martial Arts Games sa Bangkok, Thailand sa 2023, eksaktong 365 na araw matapos ang closing ceremony ng WMA Festival sa Huwebes.

Ang iba pang gold medalists sa judo ay sina Analyn Dino (-52kg), Samara Nina Vidor (-57kg), Maegan Motilla (-63kg), Raphaela Estrada (-70kg) at Francesca Michaela Roces (+70kg).

Sa Rizal Memorial Coliseum, nagpakitang husay din sina national wrestlers Jiah Pingot at Grace Loberanes. Tinalo ni Pingot si Lady May Carabuena ng Mandaluyong City para sa gold medal sa freestyle -53kg senior habang ginapi ni Loberanes si Kimberly Jhoy Bondad sa traditional wrestling 57kg.

Nakaginto rin sina Cathlyn Vergara (classic 52kg), Mary Jhol Cacal (58kg), Jean Mae Lobo (63kg), junior grapplers Melissa Tumasis (52kg), Nicole Pinlac (58kg), Rhea Cervantes (63kg), Amber Arcilla (57kg at Nashica Tumasis (freestyle 53kg).

Habang isinusulat ito ay idinaraos ang kompetisyon sa arnis habang ang sambo, taekwondo at muay ay magsisimula sa Miyerkules.

Cardinals, tinambakan ang AU; Coach Tiu, pinuri ang Blazers

ni Gerard Arce / MC - @Sports | November 10, 2022

Nagsusumikap ang Mapua University Cardinals na buhayin ang pag-asa sa Final 4 nang sungkitin ang ika-apat na sunod na panalo at tambakan ang Arellano University Chiefs sa iskor na 67-47 sa unang laro ng 98th NCAA men’s basketball tournament kahapon sa FilOil EcoOil Centre sa San Juan City.

Nanguna sa opensiba ng Mapua si Juaqui Garcia sa game-high 13pts, 2 rebounds at tig-isang assist at steal kasama ang 3-of-6 sa tres, habang may ambag si Adrian Nocum na 10pts at Jomer Mercado sa 10pts upang umangat sa 6-9 kartada katabla ang Arellano.

Kontrolado ng last season runner-up ang kabuuan ng laro ng itala ang 36-21 sa halftime at palobohin sa 28 puntos ang kalamangan, kung saan mas lalong tumindi ang depensa sa third period ng limitahan lamang sa 7 puntos ang Arellano.

Samantala, isa si Terrafirma Dyip import Lester Prosper na nakapanood ng video sa insidente ng pananakit ni JRU player John Amores sa laban ng Bombers kontra CSB Blazers noong Martes ng gabi.

Sa kanyang socmed post, sinabi ni Prosper sa JRU player na nais niyang makausap ito ng personal sa isang dinner. "I got some advice for you king to help save your career and what you can do to be better moving forward," saad ni Prosper. "We don’t give up on each other."

Naging proud naman si Benilde head coach Charles Tiu sa kanyang players na naging kalmado lang matapos ang insidente na ipinahinto kaagad ng Management Committee.

"It's an unfortunate situation but I can say I'm in a way proud that for the most part, our guys held it together and didn't fight back because to us, we're just trying to play basketball and our goal is to win a championship," isang kampanteng saad ni Tiu. "We're not out there to start fights or hurt people."

Pananagutan ni Amores ang pananakit kina Benilde players Taine Davis, Jimboy Pasturan, at Migs Oczon.

Yulo, hindi naka-podium sa floor exercise sa WGC

ni MC - @Sports | November 7, 2022

Bigo si Olympian Carlos Yulo na makuha ang gold medal sa kanyang pet event kung saan nagtapos ito na pang-pito sa men’s floor finals sa 2022 World Gymnastics Championships noong Sabado (Manila time) sa Liverpool, United Kingdom.

Si Yulo, na nanguna sa qualifying round na may score na 15.266, ay natisod sa kanyang finals performance upang makatanggap ng 13.300 sa built, 6.200 sa difficulty at 7.100 sa execution.

Ang kanyang output, gayunpaman, ay hindi sapat upang umakyat sa podium habang siya ay napunta sa ikapitong puwesto sa walong kakumpitensya.

Dinomina ni Giarnni Regini-Moran ng Great Britain ang event sa kanyang 14.533 finish para angkinin ang ginto habang si Daiki Hashimoto ng Japan ay nagkasya sa pilak na may 14.500 habang ang kanyang kababayan na si Ryosuke Doi ay nakasungkit ng bronze na may 14.266.

Noong 2019, nanguna si Yulo sa parehong kaganapan ngunit nagawang magtapos lamang sa ikalimang puwesto sa 2021 edition, kung saan siya rin ang namuno sa vault event. May natitira pang dalawang event si Yulo kahapon habang isinusulat ito sa finals ng parallel bars at vault.