Loman, impresibo, pinasuko si Fernandes sa ONE Prime 4

ni MC - @Sports | November 20, 2022

Naging malakas sa bantamweight title shot si Stephen Loman nang dominahin ang dating kampeon na Brazilian na si Bibiano Fernandes sa main card ng ONE on Prime Video 4: Abbasov vs. Lee noong Biyernes ng gabi.

Impresibo si "The Sniper" nang talunin ang highly-decorated grappler sa sarili niyang estilo, pinahina si Fernandes sa ilang sunod na pressure para sa unanimous decision win sa kanilang 153-pound catchweight bout. Sa panalo, pumosisyon si Loman sa posibleng laban kontra sa magwawagi sa title rematch sa pagitan nina Jon Lineker at Fabriacio Andrade. "The game plan went well," ayon sa Team Lakay stalwart matapos ang panalo. "I was confident with my striking and wrestling. He's a former champion is a legend in the sport and he's tough."

Sa opening bell pa lamang, pinulbos na agad ni Loman si Fernandes ng mga sipa, na hindi natitinag laban sa maaring takedown attempts ng BJJ specialist. Ginulat din niya ang Brazilian nang umiskor ng takedown at ground and pound assault.

Humina si Fernandes pagpasok sa third round na habol pa rin ang paghinga, kaya ito na ang tsansa ni Loman na tapusin siya. Muling pinabagsak ng Pinoy si Fernandes sa ground sa huling bahagi ng laban. "Our hard work paid off," ani Loman, na nakakolekta na ng panalo kontra Fernandes, Yusup Saadulaev at Shoko Sato. Ito ang kanyangika-11 straight win niya sa 17 MMA career victory.

Samantala, sumuko naman ang teammate niyang si Kevin Belingon at natalo ito sa kanyang pagbabalik sa cage laban kay Kim Jae Woong.

Nasukol ang dating ONE bantamweight champion sa malulupit na right straight-left hook combo habang ubos ang lakas nito hanggang bumagsak ang Pinoy sa mat.

Loman at Belingon, todo handa Vs. Bibiano at Jae

ni VA / MC - @Sports | November 17, 2022

Triple ang paghahanda nina fifth-ranked bantamweight contender Stephen Loman at dating bantam champion Kevin Belingon para sa kani-kanilang mga kalaban.

Sasagupain ni Loman si Bibiano “The Flash” Fernandes, habang sasalubungin ni Belingon si “The Fighting God” Kim Jae Woong sa bantamweight division sa dalawang kapana-panabik na salpukan sa ONE Fight Night 4: Abbasov vs. Lee sa Sabado ng umaga sa Singapore Indoor Stadium.

Dahil ilang beses na nakalaban ni Belingon si Fernandes, kaya ginagabayan nito ang kanyang nakababatang kasamahan sa pinakamalaking laban sa kanyang karera. “For sure I’ve shared a lot of things with Stephen, things that I’ve experienced with Bibiano. I’ve given him some tips entering this match,” ani Belingon, na apat na beses na lumaban kay Fernandes.

“I think he has really prepared well and he’s at an advantage against Bibiano. Naging smooth ang training niya, solid ang preparation niya, so I expect great things.”

Nang tanungin kung ano ang natutunan niya sa kanyang teammate, pabiro ang sagot ni Loman. “Sinabi niya sa akin na kaya kong talunin si Bibiano dahil matanda na siya,” natatawang sabi niya.

Samantala, muling magiging host ang Pilipinas sa isa sa mga preliminary event ng Volleyball Nations League men’s tournament sa 2023.

Inihayag ng liga noong Biyernes na ang Pasay City ang magiging venue para sa ilan sa mga laro sa Hulyo 4-9. Makakalaban ng Pilipinas sa Philippine leg ng torneo ang Japan, China, Slovenia, Brazil, Poland, Italy, Netherlands, at Canada. Noong nakaraang Hunyo ang Araneta Coliseum sa Quezon City ay nag-host ng mga laro para sa parehong men’s at women’s tournament sa Philippine leg ng VNL.

Bukod sa Pasay City, ang iba pang host city para sa men’s tournament ay ang Ottawa, Canada; Nagoya, Japan; Rotterdam, Netherlands; Orleans, France; at Anaheim sa California, USA.

CTG Pilipinas 3x3: Anderson, Tallo at Desiderio, abangan

ni Anthony E. Servinio / MC - @Sports | November 17, 2022

Muling masisilayan ng fans ang mataas na kalidad na 3x3 action ng Chooks-to-Go Pilipinas CTG Quest 2.0 sa Ayala Malls Solenad 3 sa Sabado, Nob. 20.

Isa sa makaka-excite sa fans ang pinakaabangang paboritong players na maglalaro ng live o online. Si Mac Tallo ng Cebu Chooks ay ika-84th sa world FIBA 3x3 individual rankings, siya rin ang highest-ranked Filipino player sa 3x3 basketball. Siya ang tinaguriang SpidaMac ang palagiang inaabangan.

Bilang aktor, hindi naman maikakaila ang pagmamahal ni Gerald Anderson (Botolan Hayati) sa larong basketball kung saan naipakikita rin niya ang husay sa paglalaro nito.

Regular na rin ang aktor sa mga Chooks-to-Go 3x3 tournaments mula pa noong 2019 nang maglaro sa Marikina. Mamumuno siya sa Botolan team.

Si Paul Desiderio (Talisay EGS) ay nasa team na bago lamang sa 3x3 basketball at sasabak sa Chooks-to-Go Pilipinas Quest 2.0 na underdog. Ang pagbalik ni Desiderio sa competitive basketball ay kakampi ang all-Cebuano squad.

Dagdag pa ang Davao native at dating UE Warrior Leon Lorenzana sa Manila Chooks.

Sariwa pa ang kampanya ng Manila Chooks sa FIBA 3x3 NEOM Super Quest sa Saudi Arabia kung saan nabigo sila 18-19 sa Olympic champion at world number 3 Riga ng Latvia.

Si Leon Lorenzana (Manila Chooks) sa taas na 6-foot-4 ang pinakamaliit sa Manila Chooks roster kung saan ipaparada sina 6-foot-10 Henry Iloka, 6-foot-6 Dave Ando, at 6-foot-5 Dennis Santos. Tampok din si Hamadou Laminou (Quezon City) na six-foot-eight Cameroonian na lilider sa Quezon City team na pawang beterano. Nasa Quezon City rin sina dating UAAP juniors mythical five team member Reinier Quinga, veteran Jonix Rosales, at former FEU Tamaraw Jeson Delfinado.