Fuels, nanambak ng 51 points 11-yr old Pinay climber, pa-India

ni VA / MC - @Sports | November 27, 2022

Hindi binigyan ng tsansa ng Phoenix Super LPG ang Terrafirma Dyip sa halip tinambakan pa ang all-Filipino team ng 51 puntos, 135-84 paras magka-tsansa pa ang kampanya sa PBA Commissioner’s Cup kagabi sa Philsports Arena sa Pasig City.

Wala nang inaksayang oras ang Fuel Masters sa panlulunod sa Dyip iniwanan na halos sa 67-30 lead na maituturing na pang-5 sa all-time most lopsided first half sa league history.

Samantala, paiigsiin ng Philippine Basketball Association (PBA) ang 2023 Governors’ Cup upang mabigyan ang Gilas Pilipinas ng preparasyon para sa 32nd Southeast Asian Games sa Cambodia sa May.

Hindi pa naisasapinalisa ang iskedyul pero ayon kay Commissioner Willie Marcial na ang season-ending conference ay may five game days a week pareho sa Philippine Cup, at posibleng may triple-headers na rin.

Samantala, napatalsik ang host nation na Qatar sa World Cup noong Biyernes na may isang laro pa sa Group A matapos hawakan ng Ecuador ang Netherlands sa 1-1 na tabla.

Nauna nang bumagsak ang Qatar sa ikalawang sunod na pagkatalo sa torneo, natalo sa 3-1 sa Senegal na nangangahulugang kailangan nila ng Ecuador upang talunin ang Dutch upang manatili sa contest.

Samantala, maliwanag ang kinabukasan ng PHL sports ang pagpasok sa listahan ng batang 11-anyos na climber na si Praj dela Cruz.

Si Praj, na ang mga magulang ay climber din, ay nakilala sa kompetisyon at kasalukuyang naghahanda para sa Asian Youth Cup sa India. Nagustuhan ni Praj ang sport climbing tulad ng kanyang mga magulang na climbers din. “Sa Pilipinas kasi, ‘pag umaakyat ‘yung mga bata, sinasaway, ‘Uy mahuhulog,’ Pinagbabawalan agad.

Dahil pareho kaming climber ng wife ko, hinahayaan namin siya, kami na sa likod,” ayon sa ama ni Praj na si Bidz.

Ronaldo, may new record sa World Cup, Neymar, injured

ni MC - @Sports | November 26, 2022

Nakuha ni Cristiano Ronaldo ang karangalan upang maging unang manlalaro na nakapuntos sa limang World Cup matapos simulan ang pagpuntos sa laban ng Portugal kontra Ghana.

Naitala ng 37-anyos ang record sa bisa ng penalty sa ika-65 minuto sa 974 Stadium sa Doha para ibigay sa Portugal ang pangunguna sa sagupaan ng Group H kontra Black Stars. Nabura niya ang record nina Pele at Germans Uwe Seeler at Miroslav Klose, na lahat ay nakapuntos sa apat na World Cup.

Pinalawig din ni Ronaldo ang sariling world record tally sa international goal na 118.

Nakuha niya ang record sa spot-kick nang siya ay pabagsakin ni Mohammed Salisu.

Inanunsiyo ng Manchester United nitong linggo na inalis na sa koponan si Ronaldo dahil sa pagpuna sa club at manager Erik ten Hag sa isang panayam sa TV at hindi niya ito pinagsisihan mula sa mapait na pagtatapos sa koponan at ipinakita ang husay sa paglalaro.

Samantala, umiskor si Richarlison ng dalawang beses nang talunin ng tournament favorites Brazil ang Serbia, 2-0 sa World Cup opener pero nanalo man ay tinamaan ng ankle injury si captain Neymar.

Ilang ulit nagmintis ang record five-time winners sa first half pero umibayo matapos ang break sa Lusail Stadium nang ipasa ni Tottenham Hotspur kay striker Richarlison ang bola at makaiskor sa opener sa ika-62nd minute si Vinicius Junior.

Ang iba pang resulta sa opening round ng matches sa Qatar kung saan nakakagulat na tinalo ng Saudia Arabia ang Argentina habang ang Germany ay natalo sa Japan.

Kilalang maingat ang Brazil kapag ang Serbia na ang kasagupa at baka mabigla ang kanilang team sa pagbabalik nila sa final sa Dis. 18.

Gomez, silver sa shotgun, Messi, tinalo ng Saudi

ni MC - @Sports | November 25, 2022

Nasungkit ni athlete-actor Richard Gomez ang silver medal sa 4th FITASC (Fédération Internationale de Tir aux Armes Sportives de Chasse) Asian Sporting Championships (senior category) na ginanap sa Photaram, Thailand, noong Nobyembre 16 at 17.

Nakuha rin ng mambabatas ang ika-4 na puwesto sa Asian Senior Sporting Championship para sa Sporting Clay. “Salamat Panginoon sa tagumpay! Nanalo ako ng 2nd place para sa Asian Senior Champion para sa Compak Championship at ika-4 na pwesto para sa Asian Senior Sporting Champion para sa Sporting Clay. Mabuhay ang Pilipinas!” ani Gomez sa kanyang social media page.

“Ako ay lubos na nagpapasalamat sa aking mga kaibigan, pamilya, Juliana at sa aking asawang si Lucy sa pagiging very supportive sa mga bagay na kinagigiliwan kong gawin tulad ng shotgun sports,” sabi rin ni Gomez.

Ang sporting clay ay isang bagong mabilis na lumalagong isport sa Pilipinas na kinabibilangan ng pagbaril ng mga lumilipad na clay target gamit ang isang shotgun. Si Gomez, na isang kilalang sharpshooter ay ang organizer ng Sporting Clays Association of the Philippines.

Nakuha ni Gomez ang pangalawang puwesto sa Senior Category matapos niyang talunin ang kanyang French na kalaban na si Philippe Delbos, ng isang puntos sa sudden-death round. May kabuuang 97 katunggali mula sa 22 bansa ang lumahok sa kompetisyon sa pagbaril.

Samantala, gumawa ang Saudi Arabia ng isa sa mga pinakamalaking upset sa kasaysayan ng World Cup ngayon Martes matapos talunin ang Argentina na pinangungunahan ni Lionel Messi 2-1 sa isang kahanga-hangang laban sa Group C.

Inaasahan ng marami na ang koponan ng Timog Amerika, na nasa ikatlo sa mundo, na walang talo sa loob ng tatlong taon at kabilang sa mga paborito na manalo sa torneo, ay wawalisin ang kalaban nito na ranked 48 sa mundo.