Chebet champ sa Boston Mary, celebrity Muhlach, finisher din

ni Anthony E. Servinio @Sports | April 21, 2023

Matagumpay na umulit na kampeon si Evans Chebet sa 2023 Boston Marathon noong Martes, petsa sa Pilipinas. Tinapos ni Chebet ang 42.195 kilometro sa 2:05:54, mas mabilis sa kanyang oras na 2:06:51 noong nakaraang taon.

Pumangalawa si Gabriel Geay ng Tanzania sa 2:06:04 habang isa pang Kenyan na si Benson Kipruto ang pangatlo sa 2:06:06. Sa gitna ng tagumpay nina Chebet at Kipruto ay umagaw ng pansin ang pagtapos sa ika-anim ng kanilang kababayan at alamat na si Eliud Kipchoge.

Lumabas bigla ang mga tanong sa kakayahan ni Kipchoge na maabot ang kanyang inaasam na pangatlong sunod na gintong medalya sa Paris 2024 Olympics. Kung matutuloy, si Kipchoge ay 39-anyos pagsapit ng karera at ilang buwan bago siya maging 40 sa Nobyembre.

Sa panig ng kababaihan, Kenyan din ang nanaig sa katauhan ni Hellen Obiri (2:21:38) na dalawang beses nag-uwi ng pilak sa 5,000m sa Rio 2016 at Tokyo 2020 Olympics. Sumunod sa kanya sina Amane Beriso ng Ethiopia (2:21:50) at Lonah Salpeter ng Israel (2:21:57).

May ilang mga Filipino na lumahok sa prestihiyosong karera sa pangunguna ni Norberto Lorenzo Obeso ang pinakamabilis sa oras na 3:01:21 at sinundan nina Wilber Polbos (3:02:14) at Juan Francisco Balagtas (3:07:01). Numero uno sa mga Pinay si Amanda Carpo sa 3:36:08 na dinaig sina Marissa Cayowet (3:45:00) at Sharon Pelegrino (3:43:02).

Kasama sa mga nagtapos ang artista at celebrity na si Charlene Gonzalez sa 5:07:50 ng 42km. Noong 2018 ay tinapos din niya ang Berlin at Chicago Marathon na gaya ng Boston ay bahagi ng anim na World Marathon Majors.

Natamasa na ni Kipchoge ang maghari sa Berlin, Chicago, Tokyo at London. Hinahanap pa rin niya ang una niyang kampeonato sa Boston habang hindi pa siya lumalahok sa New York.

Mga kalsada sa Maynila, isasara sa marathon event sa Hunyo 19 — MMDA

ni Lolet Abania | June 16, 2022

Magpapatupad ang Metropolitan Manila Development Authority (MMDA) sa Linggo, Hunyo 19, ng road closures at rerouting sa ilang bahagi sa Manila para magbigay daan sa gagawing marathon event.

Sa isang Facebook post, sinabi ng MMDA, ang mga sumusunod na mga kalsada ay isasara mula alas-3:00 ng madaling-araw hanggang alas-9:00 ng umaga at alas-3:00 ng hapon onwards sa naturang petsa:

• Roxas Blvd., mula Katigbak Drive hanggang Pres. Quirino Avenue

• Bonifacio Drive, mula Anda Circle hanggang Katigbak Drive

• Katigbak Drive at South Drive

• Independence Rd.

• P. Burgos Ave., mula Roxas Blvd. hanggang Jones Bridge

• Ma. Orosa St., mula P. Burgos hanggang Kalaw

• Finance Rd., mula P. Burgos Avenue hanggang Taft Avenue

• Northbound lane ng Taft Avenue, mula Ayala Boulevard hanggang P. Burgos Avenue

• Muralla St., mula Sta. Lucia St. hanggang Real St.

• Real St., mula Muralla St. hanggang Sta. Lucia St.

• Sta. Lucia St., mula Real St. hanggang Muralla St.

• Quintin Paredes St., mula Jones Bridge hanggang Ongpin St.

“Actual closing and opening of affected roads will be based on actual traffic situation,” pahayag ng MMDA.

21 runners, patay sa 100 km marathon sa China

ni Ronalyn Seminiano Reonico | May 23, 2021

Patay ang 21 runners na dumalo sa 100-kilometer mountain race sa China matapos salubungin ng hailstones, ice rains at malakas na hangin sa high-altitude track ang mga ito.

Ang naturang race ay ginawa sa Yellow River Stone Forest malapit sa Baiyin City, northwestern ng Gansu province bandang 1 PM noong Sabado. Pahayag ni Baiyin City Mayor Zhang Xuchen, “At around noon, the high-altitude section of the race between 20 and 31 kilometers was suddenly affected by disastrous weather. In a short period of time, hailstones and ice rain suddenly fell in the local area, and there were strong winds. The temperature sharply dropped.”

Kaagad naman umanong nagpadala ang mga marathon organizers ng rescue team matapos mapag-alaman ang insidente. Bandang alas-2 nang hapon, lumala pa umano ang weather conditions kaya ipinatigil na ang race at nagpadala ng mas marami pang rescuers, ayon kay Zhang.

Aniya pa, “This incident is a public safety incident caused by sudden changes in weather in a local area.”

Ayon sa mga rescue teams, physical discomfort ang ikinasawi ng mga biktima dahil sa naranasang biglaang pagbaba ng temperatura. Ngayong araw nakita ang katawan ng mga nasawing runners dahil nahirapan ding magsagawa ng search operations dahil sa mababang temperatura sa lugar.

Ayon sa ulat, 172 katao ang dumalo sa naturang race kung saan 151 ang kumpirmadong ligtas at ang iba pa ay isinugod sa ospital matapos magtamo ng minor injuries. Nagpahayag din ng pakikiramay si Zhang sa pamilya ng mga nasawi sa insidente.