Pac-May 2 inilipat sa Setyembre sa MGM Grand

by Gerard Arce @Sports News | May 11, 2026

Photo: Netflix

Matapos ianunsyo ang paglayo sa The Sphere sa Las Vegas ng inaantabayanang makasaysayang rematch sa pagitan nina unbeaten Floyd “Money” Mayweather at nag-iisang eight-division titlist Manny “Pacman” Pacquiao, panibagong petsa naman sa Setyembre 26 ang nakikitang paggaganapan sa ilalim pa rin ng Netflix.

Ayon sa report na inilabas ng Boxingscene, inihayag ng dalawang opisyal na malapit sa negosasyon, na nakikita nilang gaganapin ang malaking rematch sa pinagganapan sa unang paghaharap sa MGM Grand Garden Arena, mismo pa rin sa Las Vegas, Nevada. “Both camps had agreed already on all the conditions,” ayon sa isang opisyales sa panayam ng Boxingscene.

Mayroong nakalatag na concert sa The Sphere, na pagmamay-ari ng Madison Squarer Garden, sa Setyembre 19 na katatampukan ng legendary band na Eagles, kaya’t ito ang isa sa naging dahilan upang ilipat ang laban, kung saan unang nakalatag ang bakbakan sa parehong petsa.

Isa pa sa mga tinitingnang kadahilanan ay ang maitulak ang karagdagan pag-aalok ng mga pakete ng tiket sa mga high-roller na manunugal sa maraming property nito sa kahabaan ng The Strip, ang MGM ay regular na nagsasagawa ng mga fight-week event para sa madalas nitong pagtakbo ng mga high-profile boxing card tulad ng Cinco de Mayo weekend card na ginanap sa T-Mobile Arena.

Mahigit 11- taong inabangan ang malaking rematch na naunang nasilayan nung Mayo 2, 2015 na binansagang “Battle for Greatness” o “Fight of the Century” na ginanap sa jampacked na MGM Grand, kung saan lumikha ng kasaysayan pagdating sa pay-per-view at kabuuang kinita sa pandaigdigang kinita.

Nagawang magbalik sa professional bout si Pacquiao, matapos magretiro nung Agosto 2021, para magbalik laban para sa World Boxing Council (WBC) welterweight title kontra Mario “El Azteca” Barrios na nauwi naman sa majority draw nung Hulyo 20, 2025 sa sold-out na MGM Grand sa Las Vegas.

MOMMY DIONESIA, PATAY NA, KUMALAT SA SOCMED

ni Janiz Navida @Showbiz Special | March 15, 2026

Photo: Mommy D at Manny Pacquiao - Instagram

Tiyak na hindi magugustuhan at ikatutuwa ni Pambansang Kamao Manny Pacquiao ang ipinost at ikinalat ng isang showbiz website na fake news tungkol sa kanyang inang si Mommy Dionesia Pacquiao.

Ipinost kasi kahapon ng Philstars Trending na pumanaw na raw si Mommy D at nagluluksa ang mas bata nitong boyfriend.

May mga agad naniwala sa naturang post kung saan makikita ang dalawang pictures na magkatabi sina Mommy D at ang BF nito at sa bandang ibaba ay picture rin ng dalawa pero naka-black and white na ang larawan ng ina ni Manny habang colored ang photo ng BF nito, na waring gustong sabihin na wala na talaga ang Pambansang Pacmom.

May ipinakita rin sa post na picture ng kabaong na buhat-buhat ng mga sundalo at isang puting urn na may pangalan pang “Dionesia Pacquiao”.

Pero kung may mga naniwala, may mga pumalag din sa naturang fake news at galit na galit sa post ng naturang Facebook page na ‘pinatay’ na ang buhay na buhay pang ina ng Pambansang Kamao.

Wala pa kaming balita kung nakarating na ito kay Manny Pacquiao at sa kanyang pamilya, pero may mga netizens ang nagsa-suggest na ireklamo nito ang Philstars Trending at kasuhan ang mga tao sa likod nito nang sa gayun ay maturuan ng leksiyon at ‘di na makapagkalat ng fake news.

Well, ang huling video ni Mommy Dionesia na napanood namin sa Facebook recently ay nang dalawin siya nina Manny at Jinkee Pacquiao sa kanyang bahay habang siya ay nakahiga sa isang kamang kawayan na aniya nga ay mas komportable siyang higaan.

Mukha namang malakas pa si Mommy D, at ‘di ba nga, may kasabihan na kapag ‘pinatay’ ka sa bali-balita, mas hahaba ang buhay mo? 

So, long live, Mommy D! Nami-miss na nga namin ang mga hirit ng ina ni Pacman na noon ay kasingsikat ng kanyang anak at laging laman ng mga headlines.

---

Mahahalata mo, kahit rich na sila…

2 AKTRES NA PAREHO NANG KASAL NGAYON, NAGING KABIT NG MISTER NG TV HOST-ACTRESS

BLIND ITEM: Tahimik at faithful husband ang image ng mister ng TV host-actress, pero huwag ka, marami pala itong kalokohan, ha?

Heto nga ang chika ng aming source na may ‘naamoy’ sa kapilyuhan at pagiging malikot sa babae ng mister ng TV host-actress.

Taga-showbiz din daw ang guy, pero hindi ito aktor o TV host.

Nu’ng mag-BF pa lang ang TV host-actress at mister na niya ngayon, nagkaroon na pala ng third party sa kanilang relasyon, isang magaling na aktres na pamilyado na rin ngayon.

Nagkasama ang guy at ang aktres sa isang movie at du’n sila nagka-develop-an, pero nakarating ‘yun sa TV host-actress kaya naputol ang ‘emeng’ secret affair nila.

Nu’ng kasal na ang guy at si TV host-actress, may nakatrabaho na namang isang maganda at rich na ngayong aktres dahil mayaman ang napangasawa ang chickboy na mister ni TV host-actress.

Dalaga pa noon si magandang aktres pero nabola-bola ng chickboy na guy kaya nagkaroon din sila ng something nang magkasama sila sa isang movie na sa isang malayong probinsiya kinunan.

Dahil maraming kaibigan si TV host-actress sa production, nakarating na naman sa kanya ang kalikutan ng mister kaya ayun, short-lived lang ang naging relasyon ng dalawa.

Ngayon ay pareho nang may asawa ang dalawang aktres na naging ‘kabitsina’ ng mister ng TV host-actress, pero kahit ano’ng gawin nila, ‘di na sila mapapatawad ni misis kaya never silang naging guests sa show nito.

Jusko, mahahalata naman sa TV host-actress na wais na misis siya kaya sorry na lang sa dalawang aktres, banned sila sa show nito.

Pinakahihintay na rematch nina Pacman at Mayweather, kasado na sa September

by Cristine Marish Rivera @Sports News | February 24, 2026

Photo: Netflix

Pacquiao vs Mayweather.

Nakatakdang magbakbakan muli ang boxing legends na sina Floyd Mayweather at Manny Pacquiao matapos ang mahigit isang dekada para sa isang historic rematch sa Sphere sa Las Vegas sa September 20 (PH time).

Inanunsyo ang tapatan ng dalawa ilang araw matapos isapubliko ni Mayweather na sasabak siyang muli sa laban mula sa pagreretiro.

Samantala, mapapanood nang live ang naturang “long-awaited rematch’ sa streaming platform na Netflix.

"Floyd and I gave the world what remains the biggest fight in boxing history. The fans have waited long enough—they deserve this rematch," pahayag ni Pacquiao.

Matatadaang naglaban na ang dalawa noong 2015 sa tinaguriang “Fight of the Century,” kung saan nakuha ni Mayweather ang kampeonato.